ಇಬ್ರಿಯ 11:5 - ಕೊಡವ ಬೈಬಲ್

⁵ ನಂಬಿಕೇರ ಮೂಲಕ, ಹನೋಕ ಚಾವ್‍ನ ಅನುಬವಿಚಿಡತೆ ಈ ಲೋಕತ್ಂಜ ದೇವ ಅಂವೊನ ಎಡ್‍ತಂಡತ್; ದೇವ ಅಂವೊನ ಎಡ್‍ತಗುಂಡ್, ಅಂವೊ ಕಾಂಗತ ಆಯಿಪೋಚಿ; ಅಂವೊನ ದೇವ ದುಂಬ ಪ್ರೀತಿ ಮಾಡ್‍ಚೀಂದ್ ಅಂವೊನ ದೇವ ಎಡ್‍ಪಕ್ ಮಿಂಞಲೇ ಅಂವೊಂಗ್ ಸಾಕ್ಷಿ ಕೊಡ್‍ತತ್.

ಇಬ್ರಿಯ 11:5 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:26

ಒಡೆಯ ವಾಗ್ದಾನ ಮಾಡ್‍ನ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತನ ಅಂವೊ ಕಾಂಗತೆ ಚಾವುಲೇಂದ್ ಪವಿತ್ರಾತ್ಮ ಅಂವೊಂಗ್ ಎಣ್ಣಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:37

ಲಾಮೆಕ ಮೆತೂಷಲಂಡ ಮೋಂವೊ; ಮೆತೂಷಲ ಹನೋಕಂಡ ಮೋಂವೊ; ಹನೋಕ ಯೆರೆದಂಡ ಮೋಂವೊ; ಯೆರೆದ ಮಹಲಲೇಲಂಡ ಮೋಂವೊ; ಮಹಲಲೇಲ ಕಯಿನಾನಂಡ ಮೋಂವೊ; ಕಯಿನಾನ ಏನೋಷಂಡ ಮೋಂವೊ;

1 ಥೆಸಲೊನೀಕ 2:4

ಅದ್ಂಡ ಬದ್‍ಲ್ ನಂಗ ಎಕ್ಕಲೂ ಅಂವೊಂಡ ನಲ್ಲ ಸುದ್ದಿನ ಎಣ್ಣ್‌ವಕ್ ನಂಗಳ ಯೋಗ್ಯವಂತಯಿಂಗಳಾಯಿತ್ ಅಂವೊ ಲೆಕ್ಕ ಮಾಡಿತ್ ನಂಗಕ್ ಒಪ್ಪ್‌ಚಿಟ್ಟನೆಕೆ ನಂಗ ತಕ್ಕ್ ಪರ್ಂದಂಡುಂಡ್. ನಂಗಡ ನೋಕ ಮನುಷ್ಯಂಗಳ ಕುಶಿಪಡ್‌ತ್‌ವಕಾಯಿತ್ ಅಲ್ಲ, ಆಚೇಂಗಿ ನಂಗಡ ಹೃದಯತ್‍ನ ಪರೀಕ್ಷೆ ಮಾಡ್‌ವ ದೇವನ ಕುಶಿಪಡ್‌ತ್‌ವನೆಕೆ ಉಂಡ್.

ಇಬ್ರಿಯ 11:6

ನಂಬಿಕೆ ಇಲ್ಲತಪೋನಕ ದೇವನ ಕುಶಿ ಪಡ್‍ತ್‍ವಕ್ ಸಾದ್ಯ ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ದೇವಡ ಪಕ್ಕ ಕೂಡ್‍ವಂವೊ ದೇವ ಉಂಡ್‍ೕಂದು, ಅಂವೊನ ತ್‍ೕಡ್‌ವ ಜನಕ್ ಅಂವೊ ಪ್ರತಿಫಲ ತಪ್ಪಾಂದು ನಂಬಂಡು.

ಇಬ್ರಿಯ 2:9

ಆಚೇಂಗಿಯು, ದೇವಡ ಕೃಪೇರಗುಂಡ್ ಯೇಸು ಎಲ್ಲಾರ್‍ಕಾಯಿತ್ ಚಾವ್‍ನ ತಾಂಡ ತಡೀಲ್ ಎಡ್‌ಪಕಾಯಿತ್, ಚೆನ್ನ ಸಮಯಕ್ ದೇವದೂತಂಗಕಿಂಜ ಅಂವೊನ ಕಮ್ಮಿ ಮಾಡ್‍ಚೀಂದ್ ನಂಗ ನೋಟಿಯಂಡುಂಡ್. ಅಂವೊ ಚಾವ್‍ನ ಸ್ವೀಕಾರ ಮಾಡ್‍ನಗುಂಡ್ ದೇವ ಅಂವೊನ ಮಿಹಿಮೇರಗುಂಡ್, ಗನತ್‍ರಗುಂಡ್ ರಾಜನಾಯಿತ್ ಮಾಡ್‍ಚಿ.

1 ಯೋಹಾನ 3:22

ನಂಗ ದೇವಡ ಆಜ್ಞೆರ ಪ್ರಕಾರ ನಡ್‌ಂದಿತ್, ದೇವಕ್ ಕುಶಿಯಾನ ಕೆಲಸತ್‍ನ ಮಾಡ್‌ವಗುಂಡ್ ದೇವಡ ಪಕ್ಕ ಎಂತ ಬೋಡ್‍ಚೇಂಗಿಯು, ದೇವ ಅದ್‍ನ ನಂಗಕ್ ತಪ್ಪ.

ಯೂದ ಒಳ್‍ದ್‍ನ ಕಾಗದ 1:14

ಆದಾಮಯಿಂಜ ಏಳನೆ ವಂಶಾವಳಿಲ್ ಬಂದ ಹನೋಕ ಎಣ್ಣ್‌ವಂವೊ ಈಂಗಡ ವಿಷಯತ್‍ಲ್: ಎಲ್ಲಾರ್‌ಕು ನ್ಯಾಯತೀರ್ಪ್ ಕೊಡ್‍ಪಕಾಯಿತು, ದೇವಡ ಮೇಲೆ ಬಕ್ತಿ ಇಲ್ಲತಯಿಂಗ ಮಾಡ್‍ನ ಎಲ್ಲಾ ಬಕ್ತಿಯಿಲ್ಲತ ಕಾರ್ಯಕು, ಪಿಂಞ ಬಕ್ತಿಯಿಲ್ಲತ ಪಾಪಿಯಂಗ ಅಂವೊಂಗ್ ವಿರೋದವಾಯಿತ್ ಎಣ್ಣ್‌ನ ಎಲ್ಲಾ ಕಠಿಣ ತಕ್ಕ್‌ಕೂ ಶಿಕ್ಷೆ ಕೊಡ್‍ಪಕಾಯಿತ್ ಒಡೆಯ ಆಯಿರಾಯಿರ ಪವಿತ್ರ ದೂತಂಗಡ ಕೂಡೆ ಬಪ್ಪಾಂದ್ ಮಿಂಞಲೇ ಎಣ್ಣಿತ್ಂಜತ್.