ಇಬ್ರಿಯ 11:40 - ಕೊಡವ ಬೈಬಲ್

⁴⁰ ಅಯಿಂಗ ನಂಗಳ ಬುಟ್ಟಿತ್ ಪೂರ್ತಿಯಾನಯಿಂಗಳಾಯಿತ್ ಆಕತನೆಕೆ, ವಿಷೇವಾಯಿತುಳ್ಳ ಒರ್ ಬಲ್ಯ ವಿಷಯತ್‍ನ ದೇವ ನಂಗಕಾಯಿತ್ ಮಿಂಞಲೇ ನೇಮಿಚಿಟ್ಟಿತುಂಡ್.

ಇಬ್ರಿಯ 11:40 ပူးပေါင်းရင်းမြစ်များ

ಇಬ್ರಿಯ 11:16

ಆಚೇಂಗಿ, ಅಯಿಂಗ ಬುಟ್ಟಿತ್ ಬಂದ ದೇಶಕಿಂಜ ವಿಶೇಷವಾಯಿತುಳ್ಳ ಪರಲೋಕತ್‍ರ ದೇಶತ್‍ನ ಕುಶಿಪಟ್ಟತ್; ಆನಗುಂಡ್ ದೇವ, ಅಯಿಂಗಡ ದೇವಾಂದ್ ಕಾಕುವಕ್ ಞಾಣ ಪಡುಲೆ; ಅಯಿಂಗಕಾಯಿತ್ ಒರ್ ಪಟ್ಟಣತ್‍ನ ತಯಾರ್ ಮಾಡ್‍ಚಿ.

ಇಬ್ರಿಯ 5:9

ಅಂವೊನ ದೇವ ಪರಿಪೂರ್ಣ ಮಾಡ್‍ನ ಪಿಂಞ, ಒರ್ ಮಾಹಾ ಯಾಜಕನಾಯಿತ್, ಅಂವೊಂಗ್ ತಗ್ಗಿತ್ ನಡ್‍ಪಯಿಂಗ ಎಲ್ಲಾರ್‌ಕು ನಿತ್ಯ ರಕ್ಷಣೆನ ತಪ್ಪಕುಳ್ಳಂವೊನಾಯಿತ್ ಆಚಿ.

ಇಬ್ರಿಯ 7:19

ನ್ಯಾಯಪ್ರಮಾಣ ಒರ್ ವಿಷಯತ್‍ನ ಕೂಡೆ ಪೂರ್ತಿ ಮಾಡ್‌ವಕಿಂಜಿಲೆ. ಆಚೇಂಗಿ, ಅದ್ಂಗಿಂಜ ಬಲ್ಯ ನಿರಿಕ್ಷೇರ ನಂಬಿಕೆ ಪೂರ್ತಿ ಮಾಡ್‌ವಕಾಯಿತ್ ಇಕ್ಕ ಕ್‍ಟ್ಟ್‌ಚಿ. ಅದ್ಂಡ ಮೂಲಕ ನಂಗ ದೇವಡ ಪಕ್ಕ ಪೋಯಂಡುಂಡ್.

ಇಬ್ರಿಯ 7:22

ಇನ್ನನೆ ಆಣೆ ಇಟ್ಟಗುಂಡ್, ಯೇಸು ವಿಶೇಷವಾಯಿತ್ ಎಲ್ಲಾಕಿಂಜ ಬಲ್ಯ ಒಪ್ಪಂದಕ್ ಜವಾಬ್ದಾರನಾಚಿ.

ಇಬ್ರಿಯ 8:6

ಆಚೇಂಗಿ ಯೇಸು, ವಿಶೇಷವಾಯಿತುಳ್ಳ ವಾಗ್ದಾನತ್‍ರ ಪೆದತ್‍ಲ್ ಸ್ತಾಪನೆ ಮಾಡ್‍ನ ವಿಶೇಷವಾಯಿತುಳ್ಳ ಒಪ್ಪಂದಕ್ ಎನ್ನನೆ ಮದ್ಯಸ್ತನಾಯಿತ್ ಉಂಡೋ, ಅನ್ನನೆ ಮುಕ್ಯವಾಯಿತುಳ್ಳ ಯಾಜಕ ಸೇವೇನ ಸಹ ಪಡ್ಂದಿತುಂಡ್.

ಇಬ್ರಿಯ 9:23

ಆನಗುಂಡ್, ಪರಲೋಕತ್‍ಲ್ ಉಳ್ಳ ವಸ್ತುರ ರೂಪತ್‌ಲ್, ಈ ಲೋಕತ್‍ಲ್ ಉಳ್ಳ ವಸ್ತುವಳ ಮೃಗತ್‍ರ ಬಲೀರಗುಂಡ್ ಶುದ್ದ ಮಾಡ್‌ವಕಿಂಜತ್; ಅಕ್ಕ ಪರಲೋಕತ್‍ಲ್ ಉಳ್ಳ ವಸ್ತುವಳ ಮೃಗತ್‍ರ ಬಲಿಕಿಂಜ ಬಲ್ಯ ಬಲಿರ ಮೂಲಕ ಶುದ್ದ ಮಾಡ್‍ವದ್ ಎಚ್ಚಕ್ ಬೋಂಡಿಯದಾಯಿತ್ ಇಂಜತ್.

ಪ್ರಕಟನೆ 6:11

ಅಕ್ಕ, ಅಯಿಂಗ ಒಬ್ಬೊಬ್ಬಂಗಕು ಬೊಳ್‍ತ ಉದ್ದವಾನ ಬಟ್ಟೇನ ಕೊಡ್‍ತತ್. ಅದಲ್ಲತೆ, ಅಯಿಂಗಡನೆಕೆ, ಕೊಲೆ ಆಪಕುಳ್ಳ ತಂಗಡ ಕೂಟ್ ಸೇವಕಂಗಳಾನ ಅಯಿಂಗಡ ಅಣ್ಣತಮ್ಮಣಂಗಡ ಲೆಕ್ಕ ಪೂರ್ತಿ ಆಪಕತ್ತನೆ, ಇಂಞು ಚೆನ್ನ ಕಾಲ ಆರಾಮ್‍ಲ್ ಇಕ್ಕಂಡೂಂದ್ ಅಯಿಂಗಕ್ ಎಣ್ಣಿಯತ್.