ಇಬ್ರಿಯ 11:4 - ಕೊಡವ ಬೈಬಲ್

⁴ ನಂಬಿಕೇರ ಮೂಲಕ, ಹೇಬೆಲ ತಾಂಡ ಅಣ್ಣ ಕಾಯಿನ ಮಾಡ್‍ನ ಬಲಿಕಿಂಜ ವಿಶೇಷವಾನ ಬಿಲೀನ ದೇವಕ್ ಅರ್ಪಣೆ ಮಾಡ್‍ಚಿ; ಅದ್ಂಗಾಯಿತ್ ಅಂವೊಂಗ್ ನೀತಿವಂತಂವೋಂದ್ ಸಾಕ್ಷಿ ಕ್‍ಟ್ಟ್‌ಚಿ; ಹೇಬೆಲಂಡ ಕಾಣಿಕೆರ ವಿಷಯತ್ ದೇವ ಸಹ ಸಾಕ್ಷಿ ಕೊಡ್‍ತತ್, ಅಂವೊ ಚತ್ತ್ ಪೋಚೇಂಗಿಯು ಇಂದ್ ಸಹ ತಕ್ಕ್ ಪರ್ಂದಂಡುಂಡ್.

ಇಬ್ರಿಯ 11:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 4:10

ಅದಂಗ್‌ ಯೆಹೋವ: ನೀನ್‌ ಎಂತ ಮಾಡಿಯ? ಕ್‍ೕಳ್‌! ನೀಡ ತಮ್ಮಣಂಡ ಚೋರೆ ಬೂಮಿಯಿಂಜ ನನ್ನ ಕಾಕಿಯಂಡುಂಡ್.

ಆದ್ಯತ್‌ರ ಪುಸ್ತಕ 4:15

ಅದಂಗ್‌ ಯೆಹೋವ: ನೋಟ್, ಅನ್ನನೆ ಆಪುಲೆ. ಎನ್ನಂಗೆಣ್ಣ್‌ಚೇಂಗಿ ನಿನ್ನ ಕೊಲ್ಲ್‌ವಯಿಂಗಕ್‌ ಏಳ್‌ ಕುರಿ ದಂಡನೆ ಕ್‌ಟ್ಟ್‌ವಾಂದ್‌ ಎಣ್ಣಿತ್, ಯೆಹೋವ ಕಾಯಿನನ ದಾರೂ ಕೊಲ್ಲ್‌ವಕ್ಕಾಗಾಂದ್‌ ಎಚ್ಚರವಾಯಿತಿಪ್ಪಕ್‌ ಅಂವೊಂಡ ಮೇಲೆ ಒರ್‌ ಗುರ್‌ತ್‌ನ ಇಟ್ಟತ್.

ಆದ್ಯತ್‌ರ ಪುಸ್ತಕ 4:25

ಆದಾಮ ಪುನಃ ತಾಂಡ ಪೊಣ್ಣ್‌ರ ಕೂಡೆ ಕೂಡ್‌ಚಿ. ಅವ ಇಂಞೊರ್‌ ಕ್‌ಣ್ಣ ಕುಂಞಿನ ಪೆತ್ತಿತ್: ಕಾಯಿನ ಕೊಂದ ಹೇಬೆಲಂಗ್‌ ಬದಲಾಯಿತ್‌ ದೇವ ನಾಕ್‍ ಬೋರೆ ಮೋಂವೊನ ತಂದಿತ್‌ಂದ್‌ ಆ ಕುಂಞಿಕ್‌ ಸೇತಾಂದ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 4:8

ಇಕ್ಕ ಕಾಯಿನ ತಾಂಡ ತಮ್ಮಣನಾನ ಹೇಬೆಲಂಗ್, ಬೇಲ್‌ಕ್‌ ಪೋಕನ ಬಾಂದ್‌ ಕಾಕ್‌ಚಿ. ಬೇಲ್‌ಕ್‌ ಪೋನ ಪಿಂಞ ಕಾಯಿನ ತಾಂಡ ತಮ್ಮಣಂಡ ಮೇಲೆ ಚೆಡಿಲ್‌ ಜಗಳ ಮಾಡಿತ್‌ ಹೇಬೆಲನ ಕೊಂದತ್.

ಜ್ಞಾನತ್‌ರ ಪಡಿಮ 15:8

ದುಷ್ಟಂಗ ಕೊಡ್‌ಪ ಬಲಿ ಯೆಹೋವಂಗ್‌ ಅಸಹ್ಯವಾಯಿತುಂಡ್. ಆಚೇಂಗಿ ಸತ್ಯವಂತಯಿಂಗಡ ಪ್ರಾರ್ಥನೆ ಅಂವೊಂಗ್‌ ದುಂಬ ಕುಶಿ.

ಜ್ಞಾನತ್‌ರ ಪಡಿಮ 21:27

ದುಷ್ಟಂಗ ಕೊಡ್‌ಪ ಬಲಿ ಯೆಹೋವಂಗ್‌ ಅಸಹ್ಯವಾಯಿತುಂಡ್. ಅನ್ನನಾಚೇಂಗಿ, ಅದ್‌ನ ಕ್‍ೕಡಾನ ಯೋಜನೆಲ್‌ ಅರ್ಪಿಚಿಟ್ಟತೇಂಗಿ ಇಂಞು ಎಚ್ಚಕ್‌ ಅಸಹ್ಯವಾನದಾಯಿತ್‌ಪ್ಪ?

ಮತ್ತಾಯ 23:35

ನೀತಿವಂತಂವೊನಾನ ಕೊಲೆಯಾನ ಹಾಬೇಲಂಡ ಚೋರೆಯಿಂಜ ಪುಡ್‌ಚಿತ್, ಬಲಿ ಕೊಡ್‍ಪ ಜಾಗಕು ದೇವಾಲಯಕು ಮದ್ಯತ್‍ಲ್ ಕೊಲೆಯಾನ ಬರಕೀಯಂಡ ಮೋಂವೊನಾನ ಜಕರಿಯಂಡ ಚೋರೆಕತ್ತನೆ ಈ ಲೋಕತ್‍ರ ಮೇಲೆ ಚೆಲ್ಲ್‌ನ ಎಲ್ಲಾ ನೀತಿವಂತಯಿಂಗಡ ಚೋರೆಯಿಂಜ ಬಪ್ಪಂತ ಅಪರಾದ ನಿಂಗಡ ಮೇಲೆ ಬೂವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:51

ಕೊಲೆಯಾನ ಹಾಬೇಲಂಡ ಚೋರೆಯಿಂಜ ಪುಡ್‌ಚಿತ್, ಬಲಿಪೀಠಕು ದೇವಾಲಯಕು ಮದ್ಯತ್‍ಲ್ ಕೊಲೆಯಾನ ಜಕರಿಯಂಡ ಚೋರೆಕತ್ತನೆ ಆನ ಪ್ರವಾದಿಯಂಗಳಾನ ಎಲ್ಲಾ ಕೊಲೆಕ್ ಕಂಡಿತವಾಯಿತ್ ನಿಂಗಕ್ ಶಿಕ್ಷೆ ಕ್‍ಟ್ಟುವ, ನೇರಾಯಿತು ಈ ಸಂತಾನತ್‍ರಯಿಂಗಳ ನ್ಯಾಯ ಕ್‍ೕಪಾಂದ್ ನಿಂಗಕ್ ಎಣ್ಣ್‌ವಿ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:16

ಅಯಿಂಗ ದೇವನ ಗೊತ್ತುಂಡ್‍ೕಂದ್ ಎಣ್ಣುವ, ಆಚೇಂಗಿ ಅಯಿಂಗ ಮಾಡ್‌ವ ಕ್ರಿಯೆ ಅಯಿಂಗಕ್ ದೇವ ಗೊತ್ತ್‌ಲ್ಲೇಂದ್ ಕಾಟಿತಪ್ಪ. ಅಯಿಂಗ, ಜನ ದ್ವೇಶ ಮಾಡ್‌ವಯಿಂಗಳಾಯಿತು, ಏದ್ ಅದಿಕಾರಕು ಬಗ್ಗಿತ್ ನಡ್‍ಕತಯಿಂಗಳಾಯಿತು ಉಂಡ್. ಆನಗುಂಡ್ ಅಯಿಂಗ ಏದ್ ನಲ್ಲ ಕ್ರಿಯೆ ಮಾಡ್‌ವಕು ಯೋಗ್ಯತೆ ಇಲ್ಲತಯಿಂಗಳಾಯಿತುಂಡ್.

ಇಬ್ರಿಯ 11:2

ಇದ್ಂಡ ಮೂಲಕ ನಂಗಡ ಮುತ್ತಜ್ಜಂಗಕ್ ನಲ್ಲರಿಕೆ ಕ್‍ಟ್ಟ್‌ಚಿ.

ಇಬ್ರಿಯ 12:1

ಆನಗುಂಡ್, ನಂಬಿಕೇರ ಮೂಲಕ ಬದ್‍ಕನಯಿಂಗಡ, ಮೋಡತ್‍ರನೆಕೆ ಉಳ್ಳ ಬಲ್ಯ ಗುಂಪ್‍ರ, ಇಚ್ಚಕ್ ಬಲ್ಯ ಸಾಕ್ಷಿ ನಂಗಡ ಸುತ್ತ್‌ಲ್ ಇಪ್ಪಕ, ನಂಗಳ ಮಿಂಞಕ್ ಪೋಪಕ್ ಕಯ್ಯತನೆಕೆ ನಂಗಡ ಮೇಲೆ ಉಳ್ಳ ಎಲ್ಲಾ ಬಾರತ್‍ನ ಪಿಂಞ ನಂಗಳ ಸುಲಬವಾಯಿತ್ ಚಿಕ್ಕಿಚಿಡುವ ಪಾಪತ್‍ನ ಚಾಡಿತ್ ಕಳೆಯಂಡು.

ಇಬ್ರಿಯ 12:24

ಪುದಿಯ ಒಪ್ಪಂದತ್‍ರ ಮದ್ಯಸ್ತನಾಯಿತುಳ್ಳ ಯೇಸುರ ಪಕ್ಕವು, ಹೇಬೆಲಂಡ ಚೋರೆಕಿಂಜ ಚಾಯಿ ತಕ್ಕ್ ಪರಿಯುವ ಚೋರೆಯಾಯಿತುಳ್ಳ ತಳಿಪ ಚೋರೆರ ಪಕ್ಕವು ಬಂದಿತುಳ್ಳಿರ.

ಇಬ್ರಿಯ 5:1

ಮನುಷ್ಯಂಗಡಿಂಜ ಗೊತ್ತ್ ಮಾಡ್‍ನ ಏದ್ ಮಹಾ ಯಾಜಕನು, ಮನುಷ್ಯಂಗಕಾಯಿತ್ ದೇವಡ ಕಾರ್ಯತ್‍ನ ಮಾಡ್‌ವಕ್ ನೇಮಿಚಿಟ್ಟಿತುಂಡ್. ಅಂವೊ ಕಾಣಿಕೆ ಪಿಂಞ ಪಾಪಕಾಯಿತ್ ಕೊಡ್‍ಪ ಬಲಿನ ಅರ್ಪಿಚಿಡಂಡು.

ಇಬ್ರಿಯ 9:22

ನ್ಯಾಯಪ್ರಮಾಣತ್‍ರನೆಕೆ, ಚೆನ್ನ ಬುಟ್ಟಿತ್, ಚೋರೆ ಎಲ್ಲಾನ ಶುದ್ದ ಮಾಡಿರ್‌ವ; ಚೋರೆ ಬೂಕತೆ ಪಾಪಕ್ ಮನ್ನಿಪ್ಪ್ ಇಲ್ಲೆ.

2 ಪೇತ್ರ 2:8

ದಿನಾಲು ಅದ್‍ನೇ ಕಂಡಿತ್ ಕ್‍ೕಟಿತ್, ತಾಂಡ ನೀತಿಯಾನ ಹೃದಯತ್‍ಲ್ ನೊಂಬಲ ಪಟ್ಟಂಡ್ ಇಂಜತ್. ಅಕ್ಕ ಅಂವೊನ ದೇವ ಕಾಪಾಡ್‍ಚಿ.

ಯೂದ ಒಳ್‍ದ್‍ನ ಕಾಗದ 1:11

ಕಳ್ಳ ಬೋದನೆ ಮಾಡ್‌ವಯಿಂಗಕ್ ಅಯ್ಯೋ! ಈಂಗ ತಮ್ಮಣನ ಕೊಂದ ಕಾಯಿನ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್ಂದಂಡುಂಡ್. ಪಣಕಾಯಿತ್ ದೇವಡ ಮಕ್ಕಳ ಬಿಳಾಮ ಎಣ್ಣ್‌ವಂವೊ ಮೋಸ ಮಾಡ್‍ನನೆಕೆ ಈಂಗಳು ದುಡ್‍ಕಿಯಂಡ್ ಓಡ್‍ವ. ಪಿಂಞ ಕೋರಹ ಎಣ್ಣ್‌ವಂವೊ ಎದ್‍ರ್ ತಕ್ಕ್ ಪರ್ಂದಿತ್ ಎನ್ನನೆ ಪಾಳಾಯಿ ಪೋಚೋ, ಅನ್ನನೆ ಈಂಗಳು ಪಾಳಾಯಿ ಪೋಪ.