ಇಬ್ರಿಯ 11:31 - ಕೊಡವ ಬೈಬಲ್

³¹ ನಂಬಿಕೇರ ಮೂಲಕ, ಯೆರಿಕೋ ಪಟ್ಟಣತ್‍ರ ರಾಹಾಬ ಎಣ್ಣುವ ವೇಶಿ, ಗುಪ್ತಚಾರಂಗಳ ಸಮಾದಾನತ್‍ಲ್ ವಾಪಸ್ ಅಯಿಚಿತ್, ತಗ್ಗಿತ್ ನಡ್‌ಕತಯಿಂಗಡ ಕೂಡೆ ಪಾಳಾಯಿ ಪೋಕತೆ ಬಚಾವಾಚಿ.

ಇಬ್ರಿಯ 11:31 ပူးပေါင်းရင်းမြစ်များ

ಮತ್ತಾಯ 1:1

ಇದ್ ಯೇಸು ಕ್ರಿಸ್ತಂಡ ವಂಶಾವಳಿರ ನೇಮ. ಅಂವೊ ದಾವೀದಂಡ ಸಂತಾನಕಾರ. ದಾವೀದ ಅಬ್ರಹಾಮಂಡ ವಂಶಕ್ ಕೂಡ್‍ನಂವೊ.

ಮತ್ತಾಯ 1:5

ಸಲ್ಮೋನ ರಾಹಾಬ ಎಣ್ಣುವ ಪೊಣ್ಣಾಳ್‍ರಗುಂಡ್ ಬೋವಜನ ಪೆತ್ತತ್. ಬೋವಜ ರೂತ ಎಣ್ಣುವ ಪೊಣ್ಣಾಳ್‍ರಗುಂಡ್ ಓಬೇದನ ಪೆತ್ತತ್. ಓಬೇದಂಡ ಮೋಂವೊ ಇಷಯ.

ಅಪೊಸ್ತಲ 15:33

ಅಲ್ಲಿ ಚೆನ್ನ ಕಾಲ ಕಯಿಂಜ ಪಿಂಞ, ಅಯಿಂಗಳ ಅಯಿಚಯಿಂಗಡ ಪಕ್ಕ ಪೋಪಕಾಯಿತ್ ಅಲ್ಲಿಯತ್‍ರ ದೇವಡ ಮಕ್ಕಡಯಿಂಜ ಸಮಾದಾನತ್‍ಲ್ ಅಪ್ಪಣೆ ಎಡ್‍ತಂಡತ್.

ಇಬ್ರಿಯ 3:18

ನಾನ್ ತಪ್ಪ ಆರಾಮ್‍ರ ಜಾಗಕ್ ಎತ್ತುಲೇಂದ್ ದಾಡ ವಿಷಯತ್ ಆಣೆ ಮಾಡ್‍ಚಿ? ಅಂವೊಂಗ್ ತಗ್ಗಿತ್ ನಡ್‌ಕತಯಿಂಗಡ ವಿಷಯವಾಯಿತ್ ತಾನೇ?

ಯಾಕೋಬ 2:25

ಇದೇ ತರ ರಾಹಾಬ ಎಣ್ಣುವ ವೇಶಿಯು ಗುಪ್ತಚಾರಂಗಳ ಅವಡ ಮನೆಲ್ ಸ್ವೀಕಾರ ಮಾಡಿತ್ ಅಯಿಂಗಕ್ ಸಹಾಯ ಮಾಡ್‌ವಕಾಯಿತ್ ಬೋರೆ ಬದ್ರವಾನ ಬಟ್ಟೇಲ್ ಅಯಿಪಕ, ಅವ ಮಾಡ್‍ನ ಕ್ರಿಯೇರಗುಂಡಲ್ಲ ಅವಳ ನೀತಿವಂತವಾಂದ್ ಎಣ್ಣ್‌ಚಿ?

1 ಪೇತ್ರ 2:8

ಆ ಕಲ್ಲ್ ಮನುಷ್ಯಂಗಳ ತಡ್‍ಪಕು ಬೂವಕು ಮಾಡ್‌ವ ಬಂಡೆಯಾಯಿತ್ ಆಚಿ. ಅಯಿಂಗ ದೇವಡ ಉಪದೇಶಕ್ ಬಗ್ಗ್‌ಚಿಡತಗುಂಡ್ ಅದ್ ತಡ್‍ತಂಡುಂಡ್, ಅದ್ಂಗೇ ಅಯಿಂಗಳ ನೇಮಿಚಿಟ್ಟಯಿಂಗಳಾಯಿತುಂಡ್.

1 ಪೇತ್ರ 3:20

ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.