ಇಬ್ರಿಯ 11:3 - ಕೊಡವ ಬೈಬಲ್

³ ನಂಬಿಕೇರ ಮೂಲಕ, ದೇವ ಈ ಲೋಕತ್‍ನ ಅಂವೊಂಡ ತಕ್ಕ್‌ರ ಮೂಲಕ ಸೃಷ್ಟಿ ಮಾಡ್‌ಚೀಂದು, ಅನ್ನನೆ ನಂಗಡ ಕಣ್ಣ್‌ಕ್ ಕಾಂಬ ವಿಷಯವೆಲ್ಲ, ಕಣ್ಣ್‌ಕ್ ಕಾಂಬಕಯ್ಯುವ ವಿಷಯತ್‍ರಗುಂಡ್ ಮಾಡಿತ್‌ಲ್ಲೇಂದು ನಂಗಕ್ ಗೊತ್ತುಂಡ್.

ಇಬ್ರಿಯ 11:3 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:1

ಎಲ್ಲಾಕಿಂಜ ಮಿಂಞ ದೇವ ಬಾನತ್‍ನ ಪಿಂಞ ಬೂಮಿನ ಸೃಷ್ಟಿ ಮಾಡ್‌ಚಿ.

ಯೋಹಾನ 1:3

ಈ ತಕ್ಕ್‌ರ ಮೂಲಕವೇ ಎಲ್ಲಾ ಸೃಷ್ಟಿ ಆಚಿ. ಸೃಷ್ಟಿ ಆನದೆಲ್ಲಾ, ಈ ತಕ್ಕ್ ಇಲ್ಲತೆ ಆಪಕಿಂಜಿತ್‌ಲ್ಲೆ.

ಅಪೊಸ್ತಲ 14:15

ಜನಳೇ, ನಿಂಗ ಎನ್ನಂಗ್ ಇನ್ನನೆ ಮಾಡ್‌ವಿರ? ನಂಗಳು ನಿಂಗಡನೆಕೆ ಮನುಷ್ಯಂಗ, ದೇವ ಅಲ್ಲ; ನಿಂಗ ಈ ಬೋಂಡತದ್‍ನೆಲ್ಲ ಬುಟ್ಟಿತ್, ಬಾನ ಬೂಮಿ, ಕಡಲ್ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ಜೀವವುಳ್ಳ ದೇವಡ ಬರಿಕ್ ತಿರ್‌ಗಿತ್ ಬರಂಡೂಂದ್ ನಿಂಗಕ್ ಈ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡುಂಡ್‍ೕಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 17:24

ಈ ಲೋಕತ್‍ನ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ದೇವ, ಬೂಲೋಕಕು ಪರಲೋಕಕು ಒಡೆಯನಾನಗುಂಡ್, ಮನುಷ್ಯಂಗಡ ಕೈಯಿಂಜ ಕೆಟ್ಟ್‌ನ ದೇವಸ್ತಾನತ್‍ಲ್ ವಾಸ ಮಾಡುಲೆ.

ರೋಮ್ 4:17

ದುಂಬ ಜಾತಿಯಂಗಕ್ ನಿನ್ನ ಅಪ್ಪನಾಯಿತ್ ಮಾಡ್‌ವೀಂದ್ ಒಳ್‍ದಿತುಳ್ಳನೆಕೆ, ಅಂವೊ ನಂಬ್‍ನಂವೊಂಡ ಮಿಂಞತ್ ಪಿಂಞ ಚತ್ತಯಿಂಗಳ ಪುನಃ ಜೀವತ್‍ಲ್ ಕೊಂಡ್ ಬಪ್ಪಂವೊಂಡ ಮಿಂಞತ್ ಪಿಂಞ ಇಲ್ಲತದ್‍ನ ಉಳ್ಳನೆಕೆ ಕಾಕ್‍ವಂವೊನಾಯಿತ್ತುಳ್ಳ ದೇವಡ ಮಿಂಞತ್‍ಲ್ ನಂಗ ಎಲ್ಲಾರ್‌ಕು ಅಪ್ಪನಾಯಿತ್ ಆಚಿ.

1 ಕೊರಿಂಥ 2:7

ಆಚೇಂಗಿ ಈ ಲೋಕ ಸೃಷ್ಟಿ ಆಪಕ್ ಮಿಂಞಲೇ ನಂಗಡ ಮಹಿಮೆಕಾಯಿತ್ ಉಂಟ್‍ಮಾಡಿತ್, ಅದ್‍ನ ಒಳ್‌ಪ್‍ಚಿಟ್ಟಿತ್‌ಂಜ ಗುಟ್ಟಾನ ದೇವಡ ಜ್ಞಾನತ್‍ನ ನಂಗ ಪರಿವ.

1 ತಿಮೊಥೆಯ 4:5

ಎನ್ನಂಗೆಣ್ಣ್‌ಚೇಂಗಿ ದೇವಡ ವಾಕ್ಯ ಪಿಂಞ ಪ್ರಾರ್ಥನೆ ಅದ್‍ನ ಪವಿತ್ರ ಮಾಡ್‌ವ.

ಇಬ್ರಿಯ 1:2

ಆಚೇಂಗಿ, ಕಡೆ ಕಾಲವಾನ ಇಕ್ಕ, ಅಂವೊಂಡ ಮೋಂವೊಂಡ ಮೂಲಕ ನಂಗಡ ಕೂಡೆ ತಕ್ಕ್ ಪರ್‌ಂದಿತುಂಡ್. ಇಂವೊನ ಎಲ್ಲಾಂಗು ಹಕ್ಕ್‌ದಾರನಾಯಿತ್ ನೇಮಿಚಿಟ್ಟಿತ್, ಇಂವೊನಗುಂಡ್ ಇಡೀ ಲೋಕತ್‍ನ ಸೃಷ್ಟಿ ಮಾಡ್‍ಚಿ.

ಇಬ್ರಿಯ 6:5

ದೇವಡ ನಲ್ಲ ವಾಕ್ಯತ್‍ನ ಪಿಂಞ ಇಂಞು ಮಿಂಞಕ್ ಬಪ್ಪಕುಳ್ಳ ಲೋಕತ್‍ರ ಶಕ್ತಿನ ಅನುಬವಿಚಿಟ್ಟಿತ್ ಸಹ, ಆ ನಿಂಬಿಕೇನ ಬುಟ್ಟಿತ್ ಪೋನಯಿಂಗ,

2 ಪೇತ್ರ 3:5

ಆಚೇಂಗಿ, ಪಂಡ್ ಕಾಲತ್‍ಲ್ ದೇವ ಅಂವೊಂಡ ತಕ್ಕ್‌ರ ಮೂಲಕ ಬಾನತ್‍ನ ಮಾಡ್‍ಚೀಂದ್ ಪಿಂಞ ನೀರಿಂಜ ಈ ಬೂಮಿನ ಕೊಂಡ್ ಬಾತ್‍ೕಂದ್, ನೀರ್‌ಂಜಲೇ ಅದ್‍ನ ಬೋರೆ ಮಾಡ್‍ಚೀಂದ್ ಅಯಿಂಗ ಮರ್ಂದ್ ಪೋಚಿ.

ಪ್ರಕಟನೆ 4:11

ನಂಗಡ ಒಡೆಯನಾನ ದೇವನೇ, ಮಹಿಮೆನ, ಗನತ್‍ನ, ಶಕ್ತಿನ ಪಡೆಯುವಕ್ ಯೋಗ್ಯನಾಯಿತುಳ್ಳಿಯ. ನೀನೇ ಎಲ್ಲಾನ ಸೃಷ್ಟಿ ಮಾಡಿಯ, ನೀಡ ಚಿತ್ತತ್‍ರನೆಕೆ ಎಲ್ಲಾ ಸೃಷ್ಟಿ ಆಯಿತ್ ನಿಂದಂಡುಂಡ್‍ೕಂದ್ ಎಣ್ಣ್‌ಚಿ.