ಇಬ್ರಿಯ 11:27 - ಕೊಡವ ಬೈಬಲ್

²⁷ ನಂಬಿಕೇರ ಮೂಲಕ ಅಂವೊ, ಐಗುಪ್ತ ದೇಶತ್‍ನ ಬುಟ್ಟಿತ್ ಅಲ್ಲಿಯತ್‍ರ ರಾಜಂಡ ಚೆಡಿಕ್ ಬೊತ್ತತೆ ಪೊರಟಿತ್ ಪೋಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೂ ಕಾಂಬಕಯ್ಯತ ದೇವನ ಅಂವೊ ನೋಟ್‌ನನೆಕೆ ತಾಳ್ಮೆಲ್ ಮಿಂಞಕ್ ಪೋಚಿ.

ಇಬ್ರಿಯ 11:27 ပူးပေါင်းရင်းမြစ်များ

ಮತ್ತಾಯ 10:22

ನಾಡಗುಂಡ್ ಎಲ್ಲಾ ಜನಳು ನಿಂಗಳ ದ್ವೇಶಿಚುಡುವ, ಆಚೇಂಗಿ ಕಡೇಕತ್ತನೆ ದೃಡವಾಯಿತ್ ನಂಬಿಕೇಲ್ ನಿಪ್ಪಂವೊಂಗ್ ರಕ್ಷಣೆ ಕ್‍ಟ್ಟ್‌ವ.

ಮತ್ತಾಯ 24:13

ಆಚೇಂಗಿ ಕಡೇಕತ್ತನೆ ಸ್ತಿರವಾಯಿತ್ ನಿಪ್ಪಂವೊಂಗ್ ರಕ್ಷಣೆ ಕ್‍ಟ್ಟುವ.

ಮಾರ್ಕ 13:13

ನಿಂಗ ನಾಡ ಶಿಷ್ಯಂಗಳಾನಗುಂಡ್ ಎಲ್ಲಾರು ನಿಂಗಳ ತ್‍ಕ್ಕಾರ ಮಾಡ್‌ವ, ಆಚೇಂಗಿ ಕಡೇಕತ್ತನೆ ಸ್ತಿರವಾಯಿತ್ ನಿಪ್ಪಂವೊಂಗ್ ರಕ್ಷಣೆ ಕ್‍ಟ್ಟುವ.

ಮಾರ್ಕ 4:17

ಆಚೇಂಗಿ ಅದ್ ಅಯಿಂಗಡ ಒಳ್‍ಲ್ ಆಳವಾಯಿತ್ ಬೇರ್ ಇಲ್ಲತಗುಂಡ್, ಚೆನ್ನ ಕಾಲ ಮಾತ್ರ ಇಪ್ಪ. ದೇವಡ ವಾಕ್ಯತ್‍ರಗುಂಡ್ ಕಷ್ಟ, ಹಿಂಸೆ ಬಾತೇಂಗಿ ಅಯಿಂಗ ಅದ್‍ನ ಬುಟ್ಟ್‌ರ್‌ವ.

ಅಪೊಸ್ತಲ 2:25

ಯೇಸುರ ವಿಷಯತ್‍ನ ದಾವೀದ ಇನ್ನನೆ ಎಣ್ಣಿತ್ಂಜತ್: ನಾನ್ ಎಕ್ಕಾಲು ನಾಡ ಮಿಂಞತ್‍ಲ್ ಒಡೆಯನ ಕಂಡಂಡ್ ಉಳ್ಳ. ಅಂವೊ ನಾಡ ಬಲ್‌ತೆ ಬರಿಲ್ ಉಂಡ್. ನಾಕ್ ಸ್ತಿರವಾಯಿತ್ ನಿಪ್ಪಕ್ ಆಪ.

1 ಕೊರಿಂಥ 13:7

ಪ್ರೀತಿ ಎಲ್ಲಾನ ತಾಂಗುವ, ಎಲ್ಲಾ ವಿಷಯತ್‍ಲು ನಂಬಿಕೆ ಇಡ್‌ವ, ಎಲ್ಲಾ ವಿಷಯತ್ ನಿರಿಕ್ಷೇಲ್ ಇಪ್ಪ, ಎಲ್ಲಾನ ಸಹಿಸುವ.

2 ಕೊರಿಂಥ 4:18

ನಂಗ ಇಕ್ಕ ಕಣ್ಣ್‌ಕ್ ಕಾಂಬದ್‍ನ ಅಲ್ಲ, ಆಚೇಂಗಿ ಕಾಂಗತದ್‍ನ ನೋಟಿಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ, ಇಕ್ಕ ನಂಗ ಕಾಂಬದ್ ಚೆನ್ನ ಕಾಲ ಮಾತ್ರ ಇಪ್ಪ, ಕಾಂಗತದ್ ನಿತ್ಯ ಕಾಲಕ್ ಇಪ್ಪ.

ಕೊಲೊಸ್ಸೆ 1:15

ಅಂವೊ, ಕಾಂಬಕ್ ಕಯ್ಯತ ದೇವಡ ರೂಪವಾಯಿತು, ಎಲ್ಲಾ ಸೃಷ್ಟಿಕ್ ಆದ್ಯಂವೊನಾಯಿತು ಉಂಡ್.

1 ತಿಮೊಥೆಯ 1:17

ನಿತ್ಯವಾಯಿತುಳ್ಳಂವೊನೂ ಚಾವ್ ಇಲ್ಲತಂವೊನು ಕಣ್ಣ್‌ಕ್ ಕಾಂಗತ ರಾಜನಾಯಿತ್, ತಾನ್ ಒಬ್ಬನೇ ಜ್ಞಾನವುಳ್ಳಂವೊನಾಯಿತ್ ಇಪ್ಪ ದೇವಕ್ ಎಕ್ಕಾಲು ಗನ ಪಿಂಞ ಮಹಿಮೆ ಇರಡ್. ಆಮೆನ್.

1 ತಿಮೊಥೆಯ 6:16

ಚಾವೇ ಇಲ್ಲತ ಒಬ್ಬನಾಯಿತು, ದಾರೂ ಪಕ್ಕತ್‍ಲ್ ಪೋಪಕಯ್ಯತ ಬೊಳಿಲ್ ಇಪ್ಪಂವೊನಾಯಿತು, ದಾರೂ ಕಾಂಬಕ್ ಕಯ್ಯತ ಬೊಳಿಲ್ ಬದ್‍ಕ್‍ವಂವೊನಾಯಿತು, ಏದ್ ಮನುಷ್ಯನು ಇಲ್ಲಿಕತ್ತನೆ ಕಾಂಗತ, ಇಂಞು ಮಿಂಞಕು ಕಾಂಬಕ್ ಕಯ್ಯತಂವೊನಾಯಿತ್ತುಳ್ಳ ಅಂವೊಂಗೇ ಗನ, ನಿತ್ಯ ಶಕ್ತಿ ಎಕ್ಕಾಲು ಇರಡ್. ಆಮೆನ್.

ಇಬ್ರಿಯ 10:32

ಕ್ರಿಸ್ತಂಡ ವಿಷಯತ್‍ನ ಗೊತ್ತ್ ಮಾಡ್‍ನ ಆ ದಿವಸತ್‍ನ ಗೇನ ಮಾಡಿಯೊಳಿ. ಆ ಕಾಲತ್‍ಲ್ ಎಚ್ಚಕ್ ಬಲ್ಯ ಹಿಂಸೆನ ನಿಂಗ ಸಹಿಸಿಯಂಡ್ ಇಂಜಿರ.

ಇಬ್ರಿಯ 11:1

ಇಕ್ಕ, ನಂಬಿಕೆ ಎಂತ ಎಣ್ಣ್‌ಚೇಂಗಿ, ಕಂಡಿತವಾಯಿತ್ ಆಪಾಕುಳ್ಳ ನಿರಿಕ್ಷೇರ ದೈರ್ಯವು, ಕಣ್ಣ್‌ಕ್ ಕಾಂಗತ ವಿಷಯತ್‍ರಮೇಲೆ ಉಳ್ಳ ನಿಶ್ಚಯವು ಆಯಿತುಂಡ್.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಇಬ್ರಿಯ 6:15

ಅನ್ನನೆ ಅಬ್ರಹಾಮ ತಾಳ್ಮೆಲ್ ಪಾರಕಾತಂಡಿಂಜಿತ್, ವಾಗ್ದಾನ ಮಾಡ್‍ನದ್‍ನ ಪಡ್ಂದತ್.

ಯಾಕೋಬ 5:11

ಕಷ್ಟತ್‍ಲ್ ತಾಳ್ಮೆಯಾಯಿತುಳ್ಳಯಿಂಗಳ ಆಶೀರ್ವಾದ ಪಡ್ಂದಯಿಂಗಾಂದ್ ನಂಗ ಎಣ್ಣ್‌ವಲ್ಲಾ? ಯೋಬ ಎಣ್ಣ್‌ವಂವೊಂಡ ತಾಳ್ಮೆನ ಕ್‍ೕಟಿತುಳ್ಳಿರಲ್ಲ? ಒಡೆಯಂಡ ಚಿತ್ತ ಎಂತ್‍ೕಂದ್ ಕಡೇಕ್ ಕಂಡಿತುಳ್ಳಿರಲ್ಲ? ಒಡೆಯ ದುಂಬ ದಯವಂತನು ಪಿಂಞ ಕರುಣೆ ಉಳ್ಳಂವೊ ಆಯಿತುಂಡ್.

1 ಪೇತ್ರ 1:8

ನಿಂಗ ಅಂವೊನ ಕಂಡಿತಿಲ್ಲೆ, ಆಚೇಂಗಿಯು ನಿಂಗ ಅಂವೊನ ಪ್ರೀತಿ ಮಾಡ್‌ವಿರ; ಇಕ್ಕ ನಿಂಗ ಅಂವೊನ ಕಾಂಗತ ಪೋನಕ ಸಹ, ನಿಂಗ ಅಂವೊನ ನಂಬುವಿರ. ನಿಂಗ ಎಣ್ಣುವಕಯ್ಯತನೆಕೆ, ಮಹಿಮೆಲ್ ದುಂಬ್‍ನ ಅಚ್ಚಕ್ ಕುಶೀಲ್ ಇಪ್ಪಿರ.