ಇಬ್ರಿಯ 11:17 - ಕೊಡವ ಬೈಬಲ್

¹⁷ ನಂಬಿಕೇರ ಮೂಲಕ, ಅಬ್ರಹಾಮ ದೇವ ಅಂವೊನ ಪರೀಕ್ಷೆ ಮಾಡ್‌ವಕ, ಇಸಾಕನ ಬಲಿಯಾಯಿತ್ ಅರ್ಪಿಚಿಟ್ಟತ್. ದಾಡ ವಿಷಯತ್ ವಾಗ್ದಾನ ಕ್‍ಟ್ಟ್‌ಚೋ, ಅಂವೊ ತಾಂಡ ಒರೇ ಮೋಂವೊನಾಯಿತ್ಂಜತೇಂಗಿಯು ಅರ್ಪಣೆ ಮಾಡ್‍ಚಿ.

ಇಬ್ರಿಯ 11:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 22:16

ನೀನ್‌ ಅಂವೊನ ನೀಡ ಮೋಂವೋಂದ್‌ ನೋಟತೆ, ನೀಡ ಒರೇ ಮೋಂವೋಂದ್‌ ಸಹ ನೋಟತೆ, ಅಂವೊನ ಒಪ್ಪ್‌ಚಿಟ್ಟಿತ್‌ ಈ ಕಾರ್ಯತ್‌ನ ಮಾಡ್‍ನಗುಂಡ್,

ಜ್ಞಾನತ್‌ರ ಪಡಿಮ 17:3

ಜನ ಬೊಳ್ಳಿನ ತಿತ್‌ ಬೂಕ್ಕು ಪಾತ್‌ರತ್‌ಲು ಪೊನ್ನ್‌ನ ತಿತ್ತ್‌ ತೊಳೆಯಿಲು ಇಟ್ಟಿತ್‌ ಪರೀಕ್ಷೆ ಮಾಡುವ, ಆಚೇಂಗಿ ಜನಡ ಹೃದಯತ್‌ನ ಪರೀಕ್ಷೆ ಮಾಡ್‌ವಂವೊ ಯೆಹೋವನೇ.

ಯೋಹಾನ 3:16

ದೇವ ಈ ಲೋಕತ್‍ರ ಜನಳ ಎಚ್ಚಕೋ ಪ್ರೀತಿ ಮಾಡಿತ್, ಅಂವೊಂಡ ಒರೇ ಮೋಂವೊನ ಕೊಡ್‍ತತ್; ದಾರೆಲ್ಲ ಅಂವೊನ ನಂಬುವ ಅಯಿಂಗೆಲ್ಲಾ ಪಾಳಾಕತೆ ನಿತ್ಯ ಜೀವತ್‍ನ ಪಡೆಯುವ.

2 ಕೊರಿಂಥ 8:12

ಒಬ್ಬಂಗ್ ಮನಸ್ಸ್ ಇಂಜತೇಂಗಿ, ಅಂವೊಂಗ್ ಇಲ್ಲತ ಅಳ್‌ತೆರಚ್ಚಕ್ ಅಲ್ಲ, ಅಂವೊಂಗ್ ಉಳ್ಳಚ್ಚಕ್ ಕೊಡ್‍ತತೇಂಗಿ ಅದ್ಂಗ್ ಅಂಗಿಕಾರ ಕ್‍ಟ್ಟುವ.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಇಬ್ರಿಯ 7:6

ಆಚೇಂಗಿಯು, ಮೆಲ್ಕಿಜೆದೇಕ ಲೇವಿರ ವಂಶಾವಳಿಲ್ ಬರತೆ ಪೋಚೇಂಗಿಯು, ಅಬ್ರಹಾಮಯಿಂಜ ಪತ್ತ್‌ಲ್ ಒರ್ ಬಾಗತ್‍ನ ಎಡ್‍ತಿತ್ ವಾಗ್ದಾನ ಕ್‍ಟ್ಟ್‌ನಂವೊನ ಆಶೀರ್ವಾದ ಮಾಡ್‍ಚಿ.

ಯಾಕೋಬ 5:11

ಕಷ್ಟತ್‍ಲ್ ತಾಳ್ಮೆಯಾಯಿತುಳ್ಳಯಿಂಗಳ ಆಶೀರ್ವಾದ ಪಡ್ಂದಯಿಂಗಾಂದ್ ನಂಗ ಎಣ್ಣ್‌ವಲ್ಲಾ? ಯೋಬ ಎಣ್ಣ್‌ವಂವೊಂಡ ತಾಳ್ಮೆನ ಕ್‍ೕಟಿತುಳ್ಳಿರಲ್ಲ? ಒಡೆಯಂಡ ಚಿತ್ತ ಎಂತ್‍ೕಂದ್ ಕಡೇಕ್ ಕಂಡಿತುಳ್ಳಿರಲ್ಲ? ಒಡೆಯ ದುಂಬ ದಯವಂತನು ಪಿಂಞ ಕರುಣೆ ಉಳ್ಳಂವೊ ಆಯಿತುಂಡ್.

1 ಪೇತ್ರ 4:12

ನಾಡ ಪ್ರೀತಿರ ಜನಳೇ, ನಿಂಗಕ್ ಎಂತ ಆಯಂಡುಂಡ್‍ೕಂದ್ ಗೇನ ಮಾಡಿಯಂಡ್, ನಿಂಗಡ ಮದ್ಯತ್‍ಲ್ ಆಯಂಡುಳ್ಳ ಕಷ್ಟತ್‍ನ ನೋಟಿತ್, ನಿಂಗ ಬೇಜಾರ್ ಮಾಡತಿ.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.