ಇಬ್ರಿಯ 11:15 - ಕೊಡವ ಬೈಬಲ್

¹⁵ ಅಯಿಂಗ ಬುಟ್ಟಿತ್ ಬಂದ ದೇಶತ್‍ನ ಗೇನ ಮಾಡಿಯಂಡ್ ಇಂಜತೇಂಗಿ, ಅಯಿಂಗ ಪುನಃ ವಾಪಸ್ ಪೋಪಕ್ ಅಯಿಂಗಕ್ ಸಮಯ ಕ್‍ಟ್ಟ್‌ವಕಿಂಜತಲ್ಲಾ?

ಇಬ್ರಿಯ 11:15 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 11:31

ತೆರಹ ತಾಂಡ ಮೊಂವೊ ಅಬ್ರಾಮನ, ತಾಂಡ ಕ್‌ರ್‌ಮೊಂವೊನಾನ ಹಾರಾನಂಡ ಮೊಂವೊನಾಯಿತ್‌ಂಜ ಲೋಟನ ಪಿಂಞ ಅಮ್ರಾಮಂಡ ಪೊಣ್ಣ್‌ ಸಾರಯಳ ಕೂಟಿಯಂಡ್‌ ಕಾನಾನ್‌ ದೇಶಕ್‌ ಪೋಂಡೂಂದ್‌ ಕಲ್ದೀಯರ್‌ಡ ಊರ್‌ ಎಣ್ಣುವ ಪಟ್ಟಣತ್‌ಂಜ ಪೊರ್‌ಟತ್. ಆಚೇಂಗಿ, ಅಯಿಂಗ ಹಾರಾನ್‌ ಪಟ್ಟಣಕ್‌ ಬಂದಿತ್‌ ಅಲ್ಲಿಯೇ ವಾಸಮಾಡ್‌ಚಿ.

ಆದ್ಯತ್‌ರ ಪುಸ್ತಕ 12:10

ಈ ಸಮಯತ್‌ಲ್‌ ಆ ದೇಶತ್‌ಲ್‌ ಬರಗಾಲ ಇಂಜತ್. ಅಲ್ಲಿ ಬರಗಾಲ ಕಠಿಣವಾಯಿತ್‌ ಇಂಜನಗುಂಡ್‌ ಚೆನ್ನಕಾಲ ಐಗುಪ್ತ ದೇಶತ್‌ಲ್‌ ಇಪ್ಪಕ್‌ ಪೋಚಿ.

ಆದ್ಯತ್‌ರ ಪುಸ್ತಕ 24:4

ಆಚೇಂಗಿ ನೀನ್‌ ನಾನ್‌ ಪುಟ್ಟ್‌ನ ದೇಶಕ್‌ ಪೋಯಿತ್, ನಾಡ ಬೆಂದ್‌ಕಡಲ್ಲಿಕ್‌ ಪೋಯಿತ್, ನಾಡ ಮೋಂವೊನಾನ ಇಸಾಕಂಗ್‌ ಮಂಗಲ ಕಯಿಪಕ್‌ ಒರ್‌ ಮೂಡಿನ ಕಾಕಿಯಂಡ್‌ ಬಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 31:18

ತಾನ್‌ ವಾಸಮಾಡ್‌ನ ಪದ್ದನ್‌ ಅರಾಮ್‌ ದೇಶತ್‌ಲ್‌ ಸಂಪಾದನೆ ಮಾಡ್‌ನ ಎಲ್ಲಾ ವಸ್ತುನ ಎಡ್‌ತಂಡ್‌ ಪಿಂಞ ಎಲ್ಲಾ ಎತ್ತ್‌ಕಡ್‌ಚಿಯಳ ತಾಂಡ ಮಿಂಞತ್‌ ಅಟ್ಟಿಯಂಡ್‌ ತಾಂಡ ಅಪ್ಪ ಇಸಾಕ ವಾಸ ಮಾಡಿಯಂಡಿಂಜ ಕಾನಾನ್‌ ದೇಶಕ್‌ ಪೊರ್‌ಟತ್.

ಇಬ್ರಿಯ 11:14

ಇನ್ನನೆ ಅರಿಕೆ ಮಾಡ್‌ವಯಿಂಗ ಅಯಿಂಗಡ ಸ್ವಂತ ದೇಶಕ್ ಪೋಯಂಡ್ ಉಂಡ್‍ೕಂದ್ ಎಣ್ಣಿಯಂಡುಂಡ್.