ಇಬ್ರಿಯ 11:13 - ಕೊಡವ ಬೈಬಲ್

¹³ ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

ಇಬ್ರಿಯ 11:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 21:34

ಪಿಂಞ ಅಬ್ರಹಾಮ ಸುಮಾರ್‌ ಕಾಲ ಫಿಲಿಷ್ಟಿಯರಡ ದೇಶತ್‌ಲ್‌ ವಾಸ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 23:4

ನಾನ್‌ ಒರ್‌ ಪರದೇಶಿಯಾಯಿತ್‌ ಉಳ್ಳ, ಈ ನಾಡ್‌ಕಾರನು ಅಲ್ಲ. ಆನಗುಂಡ್‌ ಇಲ್ಲಿ ನಾಕಾಯಿತ್‌ ಒರ್‌ ಜಾಗವು ಇಲ್ಲೆ. ಆಂಗಾಯಿತ್‌ ನಾಡ ಪೊಣ್ಣ್‌ರ ಚಾವ್‌ ತಡಿನ ಪೂಪಕ್‌ ನಾಕ್‍ ಚೆನ್ನ ಜಾಗತ್‌ನ ಸ್ವಂತವಾಯಿತ್‌ ತಾರೀಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 25:8

ಅಂವೊ ದುಂಬ ವಯಸ್ಸಾಯಿತ್‌ ಪ್ರಾಣ ಬುಟ್ಟಿತ್‌ ತಾಂಡ ಜನತ್‌ರ ಕೂಡೆ ಕೂಡ್‌ಚಿ.

ಆದ್ಯತ್‌ರ ಪುಸ್ತಕ 47:9

ಅದ್‌ಂಗ್‌ ಯಾಕೋಬ: ನಾನ್‌ ಪರದೇಶೀಯಾಯಿತ್‌ ಪ್ರಯಾಣ ಮಾಡ್‌ನ ಕಾಲ ನೂಟ್ಯ ನುಪ್ಪದ್. ನಾಡ ಆಯಸ್ಸ್‌ ಕಾಲ ಕಮ್ಮಿಯು ಕಷ್ಟ ದುಂಬ್‌ನದು ಆಯಿತ್‌ಂಜತ್. ಆಚೇಂಗಿಯು, ನಾಡ ಮುತ್ತಜ್ಜಂಗ ಪರದೇಶಿಯಾಯಿತ್‌ ಪ್ರಯಾಣ ಮಾಡ್‌ನ ಕಾಲತ್‌ನ ನೋಟ್‌ಚೇಂಗಿ ನಾಡದ್‌ ಕಮ್ಮಿ ಆಯಿತುಂಡ್‍ೕಂದ್‌ ಫರಹೋನಂಗ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 48:21

ಅಲ್ಲಿಂಜ ಯಾಕೋಬ ಯೋಸೇಫನ ನೋಟಿತ್: ಇದಾ, ನಾನ್‌ ಚಾವಕ್‌ ಉಳ್ಳ. ಆಚೇಂಗಿ ದೇವ ನೀಡ ಕೂಡೆ ಇಪ್ಪ. ಅಂವೊ ನೀಡ ಮುತ್ತಜ್ಜಂಗಡ ದೇಶವಾನ ಕಾನಾನ್‌ ದೇಶಕ್‌ ತಿರಿತ್‌ ಕಾಕಿಯಂಡ್‌ ಪೋಪ.

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಆದ್ಯತ್‌ರ ಪುಸ್ತಕ 49:18

ಯೆಹೋವನೇ, ನಾನ್‌ ನೀಡ ರಕ್ಷಣೆಕಾಯಿತ್‌ ಪಾರಕಾತಂಡುಳ್ಳ.

ಆದ್ಯತ್‌ರ ಪುಸ್ತಕ 49:28

ಈಂಗೆಲ್ಲಾರು ಇಸ್ರಾಯೇಲ್‌ರಗೊಂಡ್‌ ಪುಟ್ಟ್‌ನ ಪನ್ನೆರಂಡ್‌ ಕುಲಕ್‌ ಕೂಡ್‌ನಯಿಂಗ. ಅಯಿಂಗಡ ಅಪ್ಪ ಅಯಿಂಗಕ್‌ ಆಶೀರ್ವಾದ ಮಾಡ್‌ವಕ ಅಯಿಂಗಕ್‌ ಎಣ್ಣ್‌ನದ್‌ ಇದೇ: ಅಯಿಂಗಯಿಂಗಕ್‌ ಸೆರಿಯಾಯಿತ್‌ ಆಶೀರ್ವಾದತ್‌ನ ಮಾಡಿಯೆ.

ಆದ್ಯತ್‌ರ ಪುಸ್ತಕ 49:33

ಯಾಕೋಬ ತಾಂಡ ಮಕ್ಕಕ್‌ ಆಜ್ಞೆ ಮಾಡ್‌ನ ಪಿಂಞ ಕಟ್ಟ್‌ರ ಮೇಲೆ ಬುದ್ದಂಡ್‌ ಕೊನೆ ಉಸ್‌ರ್‌ ಬುಟ್ಟಿತ್‌ ಚತ್ತ್‌ ಪೋಚಿ.

ಆದ್ಯತ್‌ರ ಪುಸ್ತಕ 50:24

ಯೋಸೇಫ ತಾಂಡ ಅಣ್ಣತಮ್ಮಣಂಗಕ್: ನಾನ್‌ ಚಾವಕ್‌ ಉಳ್ಳ. ಆಚೇಂಗಿ ದೇವ ನಿಂಗಳ ಕಾಂಬಕ್‌ ಬಂದಿತ್, ನಿಂಗ ಈ ದೇಶತ್‌ನ ಬುಟ್ಟಿತ್, ದೇವ ಅಬ್ರಹಾಮಂಗ್, ಇಸಾಕಂಗ್‌ ಪಿಂಞ ಯಾಕೋಬಂಗ್‌ ವಾಗ್ದಾನ ಮಾಡ್‌ನ ದೇಶಕ್‌ ಪೋಪಕ್‌ ಮಾಡ್‌ವಾಂದ್‌ ನಿಂಗಕ್‌ ಗೊತ್ತಿರಡ್.

ಮತ್ತಾಯ 13:17

ದುಂಬ ಪ್ರವಾದಿಯಳು, ನೀತಿವಂತಯಿಂಗಳು ನಿಂಗ ನೋಟ್‍ವಾನ ನೋಟ್‍ವಕೂ, ನಿಂಗ ಕ್‍ೕಟಂಡುಳ್ಳಾನ ಕ್‍ೕಪಕು ದುಂಬ ಆಸೆ ಪಟ್ಟತ್, ಆಚೇಂಗಿ ಅಯಿಂಗ ಇದ್‍ನೆಲ್ಲಾ ಕಾಂಗತೆ, ಕ್‍ೕಕತೆ ಪೋಚೀಂದ್ ನಾನ್ ನೇರಾಯಿತು ನಿಂಗಕ್ ಎಣ್ಣುವಿ.

ಯೋಹಾನ 12:41

ಯೆಶಾಯ, ಯೇಸು ಎನ್ನನೆ ಇಪ್ಪಾಂದ್ ಪಿಂಞ ಅಂವೊಂಡ ಮಹಿಮೆನ ಗೊತ್ತಾನಗುಂಡ್ ಇನ್ನನೆ ಎಣ್ಣಿತ್ಂಜತ್.

ಯೋಹಾನ 8:56

ನಿಂಗಡ ಮುತ್ತಜ್ಜನಾನ ಅಬ್ರಹಾಮ ನಾನ್ ಬಪ್ಪ ದಿವಸತ್‍ನ ಕಾಂಬಕ್ ಕುಶೀಲ್ ಇಂಜತ್, ಅದ್‍ನ ಕಂಡಿತ್ ಅಂವೊಂಗ್ ಕುಶಿ ಆಚೀಂದ್ ಎಣ್ಣ್‌ಚಿ.

ರೋಮ್ 4:21

ದೇವ ವಾಗ್ದಾನ ಮಾಡ್‍ನದ್‍ನ ನೆರೆವೇರಿಚಿಡುವಕ್ ಅಂವೊಂಗ್ ಶಕ್ತಿ ಉಂಡ್‍ೕಂದ್ ನಿಶ್ಚಯವಾಯಿತ್ ನಂಬ್‍ಚಿ.

ರೋಮ್ 8:24

ಆ ನಿರೀಕ್ಷೆಯಿಂಜ ನಂಗಕ್ ರಕ್ಷಣೆ ಕ್‍ಟ್ಟ್‌ಚಿ. ಕಾಂಬಕ್ ಕಯ್ಯುವ ವಿಷಯತ್‍ಲ್ ನಿರಿಕ್ಷೇಲ್ ಇಪ್ಪದ್ ನಿರೀಕ್ಷೆ ಅಲ್ಲ; ಒಬ್ಬ ಕಾಂಬಕ್ ಕಯ್ಯುವ ವಿಷಯತ್‍ಲ್ ನಿರೀಕ್ಷೆ ಮಾಡಂಡೂಂದ್ ಎಂತ ಉಂಡ್?

2 ಕೊರಿಂಥ 4:18

ನಂಗ ಇಕ್ಕ ಕಣ್ಣ್‌ಕ್ ಕಾಂಬದ್‍ನ ಅಲ್ಲ, ಆಚೇಂಗಿ ಕಾಂಗತದ್‍ನ ನೋಟಿಯಂಡುಂಡ್. ಎನ್ನಂಗೆಣ್ಣ್‌ಚೇಂಗಿ, ಇಕ್ಕ ನಂಗ ಕಾಂಬದ್ ಚೆನ್ನ ಕಾಲ ಮಾತ್ರ ಇಪ್ಪ, ಕಾಂಗತದ್ ನಿತ್ಯ ಕಾಲಕ್ ಇಪ್ಪ.

2 ಕೊರಿಂಥ 5:6

ಆನಗುಂಡ್ ತಡೀಲ್ ಬದ್‍ಕಿಯಂಡಿಪ್ಪಕತ್ತನೆ, ನಂಗ ಒಡೆಯಂಡಿಂಜ ದೂರವಾಯಿತ್ ಉಂಡ್‍ೕಂದ್ ಗುತ್ತುಂಡೇಂಗೀಯು, ಎಕ್ಕಾಲು ದೈರ್ಯವಾಯಿತುಂಡ್.

ಎಫೆಸ 2:19

ಆನಗುಂಡ್, ನಿಂಗ ಇಂಞು ಮಿಂಞಕ್ ಬೋರೆಯಿಂಗಾಂದ್ ಪಿಂಞ ಅನ್ಯ ಜನಾಂದ್ ಇಲ್ಲತೆ, ದೇವಡ ಮಕ್ಕಡ ಕೂಟ್‌ಲ್ ಒರೇ ದೇಶಕ್ ಕೂಡ್‍ನಯಿಂಗಳು, ದೇವಡ ಮನೆಕಾರಂಗಳಾಯಿತ್ ಇಂಜಂಡ್,

ಇಬ್ರಿಯ 11:14

ಇನ್ನನೆ ಅರಿಕೆ ಮಾಡ್‌ವಯಿಂಗ ಅಯಿಂಗಡ ಸ್ವಂತ ದೇಶಕ್ ಪೋಯಂಡ್ ಉಂಡ್‍ೕಂದ್ ಎಣ್ಣಿಯಂಡುಂಡ್.

ಇಬ್ರಿಯ 11:17

ನಂಬಿಕೇರ ಮೂಲಕ, ಅಬ್ರಹಾಮ ದೇವ ಅಂವೊನ ಪರೀಕ್ಷೆ ಮಾಡ್‌ವಕ, ಇಸಾಕನ ಬಲಿಯಾಯಿತ್ ಅರ್ಪಿಚಿಟ್ಟತ್. ದಾಡ ವಿಷಯತ್ ವಾಗ್ದಾನ ಕ್‍ಟ್ಟ್‌ಚೋ, ಅಂವೊ ತಾಂಡ ಒರೇ ಮೋಂವೊನಾಯಿತ್ಂಜತೇಂಗಿಯು ಅರ್ಪಣೆ ಮಾಡ್‍ಚಿ.

ಇಬ್ರಿಯ 11:27

ನಂಬಿಕೇರ ಮೂಲಕ ಅಂವೊ, ಐಗುಪ್ತ ದೇಶತ್‍ನ ಬುಟ್ಟಿತ್ ಅಲ್ಲಿಯತ್‍ರ ರಾಜಂಡ ಚೆಡಿಕ್ ಬೊತ್ತತೆ ಪೊರಟಿತ್ ಪೋಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೂ ಕಾಂಬಕಯ್ಯತ ದೇವನ ಅಂವೊ ನೋಟ್‌ನನೆಕೆ ತಾಳ್ಮೆಲ್ ಮಿಂಞಕ್ ಪೋಚಿ.

ಇಬ್ರಿಯ 11:39

ಈಂಗ ಎಲ್ಲಾರ್‌ಕು ನಂಬಿಕೇರ ಮೂಲಕ ಚಾಯಿ ಸಾಕ್ಷಿ ಕ್‍ಟ್ಟಿಪೋಚೇಂಗಿಯು, ವಾಗ್ದಾನ ಮಾಡ್‍ನದ್‍ನ ಪಡೆಯುವಕ್ ಕಯಿಂಜಿತ್‌ಲ್ಲೆ.

1 ಪೇತ್ರ 1:1

ಯೇಸು ಕ್ರಿಸ್ತಂಡ ಅಪೊಸ್ತಲನಾನ ಪೇತ್ರ, ಪೊಂತ, ಗಲಾತ್ಯ, ಕಪ್ಪದೋಕ್ಯ, ಆಸ್ಯ, ಬಿಥೂನ್ಯ ಎಣ್ಣುವ ಈ ದೇಶತ್‍ಲ್, ಚದ್‌ರಿ ಪೋಯಿತುಳ್ಳ ಜನಡ ಮದ್ಯತ್‍ಲ್ ವಾಸ ಮಾಡಿಯಂಡುಳ್ಳ ದೇವ ಗೊತ್ತ್ ಮಾಡ್‍ನಯಿಂಗಕ್ ಪಿಂಞ ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ ಬದ್‍ಕಿಯಂಡ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

1 ಪೇತ್ರ 1:17

ಮೂಡ್‍ನ ನೋಟಿತ್ ಪಕ್ಷಪಾತವಿಲ್ಲತೆ, ಅಯಿಂಗಡ ಕ್ರೀಯರನೆಕೆ ನ್ಯಾಯತೀರ್ಪ್‌ನ ತಪ್ಪ ಅಪ್ಪನ ನಿಂಗ ಆರಾದರನೆ ಮಾಡಿಯಂಡ್ ಉಳ್ಳಾಂಗ್, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ, ದೇವಡ ಮೇಲೆ ಪೋಡಿಲ್ ಬದ್‍ಕಂಡು.

1 ಪೇತ್ರ 2:11

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವಯಿಂಗಳಾಯಿತ್, ಮನೆ ಇಲ್ಲತಯಿಂಗಡನೆಕೆ ಇಪ್ಪ ನಿಂಗಳ ನಾನ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ಆತ್ಮಕ್ ವಿರೋದವಾಯಿತ್ ಯುದ್ದ ಮಾಡ್‌ವ ಪಾಪತ್‍ರ ಗುಣತ್‍ನ ಕಳೆಯಂಡು.

1 ಯೋಹಾನ 3:19

ಇನ್ನನೆ ನಂಗ ಸತ್ಯಕ್ ಕೂಡ್‍ನಯಿಂಗಾಂದ್ ಗೊತ್ತಾಯಿತ್, ನಂಗ ದೇವಡ ಪ್ರಸನ್ನತ್‌ಲ್ ದೈರ್ಯತ್‍ಲ್ ಇಪ್ಪಕಯ್ಯು.