ಇಬ್ರಿಯ 11:10 - ಕೊಡವ ಬೈಬಲ್

¹⁰ ಎನ್ನಂಗೆಣ್ಣ್‌ಚೇಂಗಿ, ದೇವ ತಯಾರ್ ಮಾಡಿತ್ ರೂಪ್‍ಚಿಡುವ, ಅಡಿಪಾಯ ಉಳ್ಳ ಪಟ್ಟಣಕಾಯಿತ್ ಪಾರಕಾತಂಡಿಂಜತ್.

ಇಬ್ರಿಯ 11:10 ပူးပေါင်းရင်းမြစ်များ

ಯೋಹಾನ 14:2

ನಾಡ ಅಪ್ಪಂಡ ಮನೆಲ್ ದುಂಬ ಕೋಂಬರೆ ಉಂಡ್; ಅನ್ನನೆ ಇಲ್ಲತ ಇಂಜತೇಂಗಿ ನಾನ್ ನಿಂಗಕ್ ಎಣ್ಣಿತಿಪ್ಪಿ. ನಾನ್ ಪೋಯಿತ್ ನಿಂಗಕಾಯಿತ್ ಒರ್ ಜಾಗತ್‍ನ ತಯಾರ್ ಮಾಡ್‌ವಿ.

2 ಕೊರಿಂಥ 5:1

ಇಕ್ಕ, ಈ ಲೋಕತ್‍ರ ಗುಡಾರವಾಯಿತುಳ್ಳ ಮಣ್ಣ್‌ರ ಮನೇರನೆಕೆ ಉಳ್ಳ ನಂಗಡ ತಡಿ ಪಾಳಾಯಿ ಪೋಚೇಂಗಿಯು, ಕೈಯಿಲ್ ಮಾಡತ, ದೇವ ಕೆಟ್ಟ್‌ನ ನಿತ್ಯ ಮನೆಲ್ ನಂಗಕಾಯಿತ್ ಮಾಡ್‍ನ ನಿತ್ಯ ತಡಿ ಪರಲೋಕತ್‍ಲ್ ಬೆಚ್ಚಿತುಂಡ್‍ೕಂದ್ ನಂಗಕ್ ಗೊತ್ತುಂಡ್.

ಫಿಲಿಪ್ಪಿ 3:20

ಆಚೇಂಗಿ, ನಂಗಡ ಪೌರತ್ವ ಪರಲೋಕತ್‍ಲ್ ಉಂಡ್, ಅಲ್ಲಿಯಿಂಜ ನಂಗಳ ಕಾಪಾಡ್‌ವ ಒಡೆಯನಾನ ಕ್ರಿಸ್ತ ಯೇಸು ಬಪ್ಪಾಂದ್ ನಂಗ ಪಾರಕಾತಂಡುಂಡ್.

ಇಬ್ರಿಯ 11:16

ಆಚೇಂಗಿ, ಅಯಿಂಗ ಬುಟ್ಟಿತ್ ಬಂದ ದೇಶಕಿಂಜ ವಿಶೇಷವಾಯಿತುಳ್ಳ ಪರಲೋಕತ್‍ರ ದೇಶತ್‍ನ ಕುಶಿಪಟ್ಟತ್; ಆನಗುಂಡ್ ದೇವ, ಅಯಿಂಗಡ ದೇವಾಂದ್ ಕಾಕುವಕ್ ಞಾಣ ಪಡುಲೆ; ಅಯಿಂಗಕಾಯಿತ್ ಒರ್ ಪಟ್ಟಣತ್‍ನ ತಯಾರ್ ಮಾಡ್‍ಚಿ.

ಇಬ್ರಿಯ 12:22

ಆಚೇಂಗಿ ನಿಂಗ, ಚೀಯೋನ್‌ ಕುಂದ್‍ಕು, ಜೀವವಾಯಿತುಳ್ಳ ದೇವಡ ಪಟ್ಟಣವಾನ ಪರಲೋಕತ್‍ರ ಯೆರೂಸಲೇಮ್‍ಕು, ಕುಶೀಲ್ ದುಂಬ್‍ನ ಆಯಿರ ಆಯಿರ ದೂತಂಗಡ ಪಕ್ಕವು ಬಂದಿತುಳ್ಳರ.

ಇಬ್ರಿಯ 12:28

ಆನಗುಂಡ್, ಅನ್‌ಂಗವಕ್ ಕಯ್ಯತ ರಾಜ್ಯತ್‍ನ ಪಡೆಯುವಯಿಂಗಳಾಯಿತುಳ್ಳ ನಂಗ, ಪೋಡಿಲ್, ಬಕ್ತಿಲ್ ದೇವಕ್ ಕುಶಿಪಡ್‌ವನೆಕೆ ಆರಾದನೆ ಮಾಡ್‌ವಕ್ ದೇವಡ ಕೃಪೇನ ಪುಡ್‍ಚಂಡ್ ಇಕ್ಕನ.

ಇಬ್ರಿಯ 13:14

ಸ್ತಿರವಾನ ಪಟ್ಟಣ ನಂಗಕ್ ಇಲ್ಲಿ ಇಲ್ಲೆ, ಇಂಞು ಮಿಂಞಕ್ ಬಪ್ಪಕುಳ್ಳದ್‍ನ ನೋಟಿಯಂಡುಂಡ್.

ಇಬ್ರಿಯ 3:4

ಎನ್ನಂಗೆಣ್ಣ್‌ಚೇಂಗಿ, ಏದ್ ಮನೇಕು ಅದ್‍ನ ಕೆಟ್ಟ್‌ವಂವೊ ಒಬ್ಬ ಉಂಡ್, ಆಚೇಂಗಿ, ಎಲ್ಲಾನ ಕೆಟ್ಟ್‌ನಂವೊ ದೇವ ಒಬ್ಬನೇ.

ಪ್ರಕಟನೆ 21:2

ಪಿಂಞ, ಪರಲೋಕತ್ಂಜ ಪವಿತ್ರ ಪಟ್ಟಣವಾನ ಪುದಿಯ ಯೆರೂಸಲೇಮ್ ದೇವಡ ಕಡೇಯಿಂಜ ಇಳಿಂಜಿ ಬಪ್ಪದ್‍ನ ನಾನ್ ಕಂಡಿಯೆ. ಅದ್ ತಾಂಡ ಮಂಗಲಕಾರಂಗಾಯಿತ್ ಅಲಂಕಾರ ಮಾಡಿತ್ಂಜ ಮಂಗಲಕರ್ತಿರನೆಕೆ ಇಂಜತ್.