ಇಬ್ರಿಯ 10:5 - ಕೊಡವ ಬೈಬಲ್

⁵ ಆನಗುಂಡ್, ಕ್ರಿಸ್ತ ಈ ಲೋಕತ್‍ಲ್ ಬಪ್ಪಕ ಅಂವೊ ದೇವಡ ಪಕ್ಕ: ಬಲಿ ಪಿಂಞ ಕಾಣಿಕೆ ನೀಕ್ ಕುಶಿಯಿಲ್ಲೆ, ಒರ್ ತಡೀನ ನಾಕಾಯಿತ್ ನೀನ್ ತಯಾರ್ ಮಾಡಿಯ;

ಇಬ್ರಿಯ 10:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:15

ನೀಕು ಪೊಣ್ಣಾಳ್‌ಕು, ನೀಡ ಸಂತಾನಕು ಪೊಣ್ಣಾಳ್‌ರ ಸಂತಾನಕು ಪಗೆತನ ಉಂಟ್ ಮಾಡ್‌ವಿ. ಅಂವೊ ನೀಡ ಮಂಡೆನ ಜಜ್ಜ್‌ವ, ನೀನ್‌ ಅಂವೊಂಡ ಕಾಲ್‌ರ ಮುಡಿನ ಕಡಿಪಿಯಾಂದ್‌ ದೇವ ಎಣ್ಣ್‌ಚಿ.

ಮತ್ತಾಯ 11:3

ಬಪ್ಪಕುಳ್ಳಂವೊ ನೀನಾ? ಅಥವ ಬೋರೆ ಒಬ್ಬ ಬಪ್ಪಕ್ ನಂಗ ಪಾರಕಾತಂಡಿರಂಡುವಾಂದ್ ಅಂವೊಂಡ ಪಕ್ಕ ಕ್‍ೕಪಕ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:35

ಅದ್ಂಗ್ ದೇವದೂತ: ಪವಿತ್ರಾತ್ಮ ನೀಡ ಮೇಲೆ ಬಪ್ಪ, ದೇವಾದಿ ದೇವಡ ಶಕ್ತಿ ನೀಡ ಮೇಲೆ ನೆಳಳಿಡ್‌ವ; ಈ ಕಾರಣಕಾಯಿತ್ ಆ ಪವಿತ್ರ ಕುಂಞಿನ ದೇವಡ ಮೋಂವೋಂದ್ ಕಾಕುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:19

ನಿಂಗ ಯೇಸುರ ಪಕ್ಕ ಪೋಯಿತ್: ಬಪ್ಪಕಿಂಜಂವೊ ನೀನಾ? ಅಥವ ಬೋರೆ ಒಬ್ಬ ಬಪ್ಪಕ್ ಪಾರಕಾಕಂಡುವಾಂದ್ ಕ್‍ೕಳೀಂದ್ ಎಣ್ಣಿತ್ ಅಯಿಚತ್.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಗಲಾತ್ಯ 4:4

ಆಚೇಂಗಿ ಸರಿಯಾನ ಕಾಲ ಬಪ್ಪಕ, ನ್ಯಾಯಪ್ರಮಾಣಕ್ ಒಳಪಟ್ಟಿತ್ಂಜ ಒರ್ ಪೊಣ್ಣಾಳ್‍ರಗುಂಡ್, ದೇವ ಅಂವೊಂಡ ಮೋಂವೊನ ಈ ಲೋಕಕ್ ಅಯಿಚತ್.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

ಇಬ್ರಿಯ 1:6

ಇಂಞು, ದೇವ ತಾಂಡ ಆದ್ಯ ಮೋಂವೊನ ಈ ಲೋಕತ್‍ಲ್ ಅಯಿಪಕ, ದೇವದೂತಂಗ ಎಲ್ಲಾರು ಅಂವೊನ ಆರಾದನೆ ಮಾಡಂಡೂಂದ್ ಎಣ್ಣ್‌ಚಿ.

ಇಬ್ರಿಯ 10:10

ಯೇಸು ಕ್ರಿಸ್ತಂಡ ತಡಿ ಒರೇ ಕುರಿ ಬಲಿಯಾನಗುಂಡ್, ದೇವಡ ಚಿತ್ತತ್‍ರನೆಕೆ ಅದ್ಂಡ ಮೂಲಕ ನಂಗಳ ಪವಿತ್ರವಾನಯಿಂಗಳಾಯಿತ್ ಮಾಡ್‍ಚಿ.

ಇಬ್ರಿಯ 10:7

ಅಕ್ಕ ಕ್ರಿಸ್ತ: ದೇವಾ, ನೀಡ ಪುಸ್ತಕತ್‍ಲ್ ನಾಡ ವಿಷಯತ್ ಎಣ್ಣಿತುಂಡ್; ನೋಟಿ, ನೀಡ ಚಿತ್ತತ್‍ರನೆಕೆ ಮಾಡ್‌ವಕ್ ನಾನ್ ಬಂದಂಡುಳ್ಳ್‌ಂದ್ ಎಣ್ಣ್‌ಚಿ.

ಇಬ್ರಿಯ 10:8

ನ್ಯಾಯಪ್ರಮಾಣತ್‍ರನೆಕೆ, ಅಯಿಂಗ ಮಾಡಿಯಂಡುಳ್ಳ ಬಲಿರ ವಿಷಯತ್, ಮಿಂಞ ಎಣ್ಣ್‌ನನೆಕೆ: ಬಲಿನ, ಕಾಣಿಕೆನೆ, ದಹನ ಬಲಿನ ಪಿಂಞ ಪಾಪ ಪರಿಹಾರತ್‍ರ ಬಲಿನ ನೀನ್ ಕ್‍ೕಟಿತ್‌ಲ್ಲೆ, ನೀಕ್ ಅದ್‍ಲ್ ಕುಶಿ ಇಲ್ಲೇಂದ್, ಪಿಂಞ

ಇಬ್ರಿಯ 2:14

ಆನಗುಂಡ್, ಮಕ್ಕ ಚೋರೆ ಪಿಂಞ ತಡಿ ಉಳ್ಳಂಗಾಯಿತ್ ಇಪ್ಪಕ ಅಂವೊನು ಸಹ, ಚೋರೆ ಪಿಂಞ ತಡಿ ಉಳ್ಳ ಮನುಷ್ಯನಾಯಿತ್ ಆಚಿ; ಚಾವ್‍ರ ಅದಿಕಾರಿಯಾಯಿತುಳ್ಳ ಸೈತಾನನ ತಾಂಡ ಚಾವ್‍ರಗುಂಡೇ ನಾಶ ಮಾಡ್‍ಚಿ.

ಇಬ್ರಿಯ 5:7

ಯೇಸು ಈ ಲೋಕತ್‍ಲ್ ಬದ್‍ಕಿಯಂಡಿಂಜ ಕಾಲತ್‍ಲ್, ಅಂವೊನ ಚಾವ್‍ಯಿಂಜ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನ ನೋಟಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್, ಕಣ್ಣೀರಿಟ್ಟಂಡ್, ಪ್ರಾರ್ಥನೆ ಮಾಡಿತ್, ಬೋಡಿಯಂಡಿಂಜತ್. ಅಂವೊಂಗ್ ಇಂಜ ದೇವಡ ಬಕ್ತಿರಗುಂಡ್ ಅಂವೊಂಡ ಪ್ರಾರ್ಥನೆ ದೇವಕ್ ಎತ್ತ್‌ಚಿ.

ಇಬ್ರಿಯ 8:3

ಎಲ್ಲಾ ಮಹಾ ಯಾಜಕನು ಕಾಣಿಕೆ ಪಿಂಞ ಬಲಿನ ಅರ್ಪಿಚಿಡುವಕಾಯಿತ್ ನೇಮಿಚಿಟ್ಟಿತುಂಡ್; ಆನಗುಂಡ್, ಅರ್ಪಣೆ ಮಾಡ್‌ವಕಾಯಿತ್ ಮಾಹಾ ಯಾಜಕನಾನ ಯೇಸುಕ್ ಸಹ ಎಂತೋ ಒಂದ್ ಬೋಂಡಿಯಿಂಜತ್.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.

2 ಯೋಹಾನ 1:7

ಯೇಸು ಕ್ರಿಸ್ತ ಮನುಷ್ಯ ರೂಪತ್‌ಲ್ ಈ ಬೂಲೋಕಕ್ ಬಾತ್‍ೕಂದ್ ಉಳ್ಳದ್‍ನ ಒತ್ತತೆ, ವಂಚನೆ ಮಾಡ್‌ವಯಿಂಗ ಈ ಲೋಕತ್‍ಲ್ ದುಂಬ ಬಂದಿತುಂಡ್. ಅನ್ನನೆ ಮಾಡ್‌ವಂವೊ ವಂಚನೆ ಮಾಡ್‌ವಂವೊನು, ಕಳ್ಳ ಕ್ರಿಸ್ತನಾಯಿತು ಉಂಡ್.