ಇಬ್ರಿಯ 10:39 - ಕೊಡವ ಬೈಬಲ್

³⁹ ಆಚೇಂಗಿ ನಂಗ ದೇವನ ಬುಟ್ಟಿತ್ ಪಾಳಾಯಿ ಪೋಪಯಿಂಗ ಅಲ್ಲ, ಆತ್ಮಕ್ ರಕ್ಷಣೆ ಕ್‍ಟ್ಟುವಕಾಯಿತ್ ನಂಬಿಕೆ ಉಳ್ಳಯಿಂಗಳಾಯಿತುಂಡ್.

ಇಬ್ರಿಯ 10:39 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:32

ಪಾಪ ಜನತ್‌ನ (ಸಾದು ಜನತ್‌ನ) ಅಯಿಂಗಡ ಮೂಡತನವೇ ಕೊಂದ್‌ರ್‌ವ, ಮೂಡಂಗ ಅಯಿಂಗಡ ಎಚ್ಚರಯಿಲ್ಲತ ನಡತೆಯಿಂಜ ನಾಶ ಆಯಿಪೋಪ.

ಜ್ಞಾನತ್‌ರ ಪಡಿಮ 14:14

ನಂಬಿಕೆಯಿಂಜ ದೂರ ಪೋನ ಮನುಷ್ಯ ಅಂವೊ ಮಾಡ್‌ನ ಕಾರ್ಯಕ್‌ ತಕ್ಕಂತ ದಂಡನೆನ ಅನುಬವಿಚಿಡುವ. ಒರ್‌ ನಲ್ಲ ಮನುಷ್ಯ ಅಂವೊ ಮಾಡ್‌ನ ನಲ್ಲ ಕಾರ್ಯಕ್‌ ತಕ್ಕಂತ ಪ್ರತಿಫಲತ್‌ಲ್‌ ತೃಪ್ತಿಯಾಪ.

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:26

ಅದ್ ಪೊರಮೆ ಪೋಪಂಜಿ ಅದ್‍ಕಿಂಜ ಮೋಸವಾಯಿತುಳ್ಳ ಇಂಞು ಏಳ್ ಕೂಳಿಯಳ ಕಾಕಿಯಂಡ್ ಬಪ್ಪ. ಅಯಿಂಗೆಲ್ಲಾರು ಆ ಮನೆಲ್ ಪೋಯಿತ್ ವಾಸ ಮಾಡ್‌ವ; ಅಕ್ಕ ಆ ಮನುಷ್ಯ ಮಿಂಞ ಇಂಜಾಂಗಿಂಜ ಪಾಳ್ ಸ್ತಿತಿಲ್ ಇಪ್ಪಾಂದ್ ಎಣ್ಣ್‌ಚಿ.

ಯೋಹಾನ 17:12

ನಾನ್ ಈಂಗಡ ಕೂಡೆ ಇಪ್ಪಕಾಪಕ, ನೀನ್ ನಾಕ್ ತಂದಿತುಳ್ಳ ನೀಡ ಪೆದತ್‍ರ ಅದಿಕಾರತ್‍ಲ್ ಈಂಗಳ ಕಪಾಡಿಯಂಡ್ ಬಂದಿಯೆ; ನೀನ್ ನಾಕ್ ತಂದಯಿಂಗಳ ನಾನ್ ಕಾಪಾಡಿಯಂಡ್ ಬಂದಿಯೆ. ದೇವಡ ವಾಕ್ಯತ್‍ಲ್ ಎಣ್ಣ್‌ನದ್ ಪೂರ್ತಿ ಆಪನೆಕೆ ನಾಶ ಆಪಕ್ ಗುರಿ ಬೆಚ್ಚಿತ್ಂಜ ಒಬ್ಬನ ಬುಟ್ಟಿತ್ ಈಂಗಡ ಕೂಟ್‌ಲ್ ದಾರೂ ನಾಶ ಆಯಿತ್‌ಲ್ಲೆ.

ಯೋಹಾನ 20:31

ಯೇಸು ದೇವಡ ಮೋಂವೊನಾನ ಕ್ರಿಸ್ತಾಂದ್ ನಿಂಗ ನಂಬುವಕಾಯಿತ್ ಪಿಂಞ ಅಂವೊನ ನಂಬುವಗುಂಡ್, ಅಂವೊಂಡ ಪೆದತ್‍ಲ್ ನಿಂಗಕ್ ನಿತ್ಯ ಜೀವ ಕ್‍ಟ್ಟುವಕಾಯಿತ್ ಇದ್‍ನೆಲ್ಲ ಒಳ್‍ದಿತುಂಡ್.

ಯೋಹಾನ 5:24

ದಾರ್ ನಾಡ ತಕ್ಕ್‌ನ ಕ್‍ೕಟಿತ್, ನನ್ನ ಅಯಿಚಂವೊನ ನಂಬುವ, ಅಯಿಂಗಕ್ ನಿತ್ಯ ಜೀವ ಉಂಡ್, ಅಯಿಂಗಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ಯಿಂಜ ಅಯಿಂಗ ಬಚಾವ್ ಆಪ. ಅನ್ನನೆ ಅಯಿಂಗಕ್ ಬಪ್ಪ ಚಾವ್‍ಯಿಂಜಲು, ಬದ್‌ಕಿತ್ ಜೀವವಾಯಿತ್ ಬಪ್ಪಾಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ.

ಯೋಹಾನ 6:40

ಮೋಂವೊನ ನೋಟಿತ್, ಅಂವೊನ ನಂಬುವ ಎಲ್ಲಾರು ನಿತ್ಯ ಜೀವತ್‍ನ ಪಡೆಯುವದು, ನಾನ್ ಅಂವೊನ ಆಕೀರ್ ದಿವಸತ್‍ಲ್ ಎಪ್ಪ್‌ವದು ನನ್ನ ಅಯಿಚಂವೊಂಡ ಚಿತ್ತವಾಯಿತುಂಡ್.

1 ಥೆಸಲೊನೀಕ 5:9

ದೇವ ಅಂವೊಂಡ ಚೆಡಿರ ತೀರ್ಪ್‌ಕಾಯಿತ್ ನಂಗಳ ನೇಮಿಚಿಟ್ಟಿತ್‌ಲ್ಲೆ. ಅದ್ಂಡ ಬದ್‍ಲ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗ ಬಚಾವಾಪಕ್ ನೇಮಿಚಿಟ್ಟತ್.

2 ಥೆಸಲೊನೀಕ 2:3

ಈ ವಿಷಯತ್‍ಲ್ ನಿಂಗಳ ದಾರೂ ವಂಚನೆ ಮಾಡತನೆಕೆ ಎಚ್ಚರತ್‍ಲ್ ಇರಂಡು; ಎನ್ನಂಗೆಣ್ಣ್‌ಚೇಂಗಿ, ದೇವಕ್ ವಿರೋದ ಮಾಡಿತ್ ಜನ ದಂಗೆ ಮಾಡಿತ್, ಪಾಳಾಯಿ ಪೋಪಕಾಯಿತ್ ಪುಟ್ಟ್‌ನ ಬಲ್ಯ ದುಷ್ಟ ಮನುಷ್ಯ ಪೊರಮೆ ಬಪ್ಪಕತ್ತನೆ, ಆ ದಿವಸ ಬಪ್ಪುಲೆ.

1 ತಿಮೊಥೆಯ 6:9

ಪಣಕಾರಂಗಳಾಂಡೂಂದ್ ಆಸೆ ಉಳ್ಳಯಿಂಗ ಸೋದನೆರ ಕೆಣಿಕ್ ಚಿಕ್ಕಿತ್, ಅಯಿಂಗ, ಮನುಷ್ಯಂಗಳ ಕ್‍ೕಡಾನ, ಪಾಳಾನ ಕುಂಡ್‍ಲ್ ಬೂವನೆಕೆ ಮಾಡ್‌ವ, ಬೆಲೆಯಿಲ್ಲತ ಪಿಂಞ ಪಾಳಾನ ಇಚ್ಛೆಲ್ ಬುದ್ದ್ ಪೋಪ.

ಇಬ್ರಿಯ 10:26

ಸತ್ಯ ಎಂತ್‍ೕಂದ್ ಗೊತ್ತಾನ ಪಿಂಞ, ನಂಗ ಮನಪೂರ್ವವಾಯಿತ್ ಪಾಪ ಮಾಡ್‍ಚೇಂಗಿ, ಪಾಪತ್‍ರ ವಿಮೋಚನಕಾಯಿತ್ ಕೊಡ್‍ಪಕ್, ಬೋರೆ ಏದ್ ಬಲಿಯು ಇಲ್ಲೆ.

ಇಬ್ರಿಯ 10:38

ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‍ಕ್‍ವ, ಅದ್‍ನ ಅಂವೊ ಬುಟ್ಟಿತ್ ಪೋಚೇಂಗಿ, ನಾನ್ ಅಂವೊಂಡ ಮೇಲೆ ಕುಶಿಪಡುಲೇಂದ್ ದೇವ ಎಣ್ಣ್‌ಚಿ.

ಇಬ್ರಿಯ 11:1

ಇಕ್ಕ, ನಂಬಿಕೆ ಎಂತ ಎಣ್ಣ್‌ಚೇಂಗಿ, ಕಂಡಿತವಾಯಿತ್ ಆಪಾಕುಳ್ಳ ನಿರಿಕ್ಷೇರ ದೈರ್ಯವು, ಕಣ್ಣ್‌ಕ್ ಕಾಂಗತ ವಿಷಯತ್‍ರಮೇಲೆ ಉಳ್ಳ ನಿಶ್ಚಯವು ಆಯಿತುಂಡ್.

1 ಪೇತ್ರ 1:5

ಅದ್ಂಗಾಯಿತ್ ನಿಂಗಳ ದೇವ ನಂಬಿಕೇರಗುಂಡ್ ದೇವಡ ಶಕ್ತಿರ ಬಲತ್‍ಲ್, ಆಕೀರ್ ಕಾಲತ್‍ಲ್ ರಕ್ಷಣೆ ಪೊರಮೆ ಕಾಂಬಕತ್ತನೆ ತಯಾರಾಯಿತ್ ಬದ್ರವಾಯಿತ್ ಕಾಪಾಡಿಯಂಡ್,

2 ಪೇತ್ರ 3:7

ಇಕ್ಕ ಉಳ್ಳ ಬಾನವು, ಬೂಮಿಯು, ಆ ತಕ್ಕ್‌ರಗುಂಡ್, ತಿತ್ತ್‌ಕಾಯಿತ್ ಬೆಚ್ಚಿತುಂಡ್, ದೇವಡ ಮೇಲೆ ಬಕ್ತಿ ಇಲ್ಲತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟಿತ್ ನಾಶ ಆಪಕತ್ತನೆ ಬದ್ರವಾಯಿತ್ ಅದ್‍ನ ಕಾಪಾಡಿಯಂಡುಂಡ್.

1 ಯೋಹಾನ 5:16

ಮರಣತ್‌ರ ಬಟ್ಟೇಲ್ ಕಾಕಿಯಂಡ್ ಪೋಕತ ಪಾಪ ಮಾಡಿಯಂಡುಳ್ಳ ತಾಂಡ ಅಣ್ಣತಮ್ಮಣನ ನಿಂಗ ಕಂಡತೇಂಗಿ, ನಿಂಗ ಅಂವೊಂಗ್ ಜೀವ ತಪ್ಪ ದೇವಡ ಪಕ್ಕ ಅಂವೊಂಗಾಯಿತ್ ಬೋಡಂಡು. ಇದ್ ದಾರ್‌ಕ್ ಎಣ್ಣ್‌ಚೇಂಗಿ, ಮರಣತ್‌ರ ಬಟ್ಟೇಲ್ ಕಾಕಿಯಂಡ್ ಪೋಕತ ಪಾಪ ಮಾಡಿಯಂಡುಳ್ಳ ಅಣ್ಣತಮ್ಮಣನಂಗಕ್. ಆಚೇಂಗಿ ಚಾವ್‍ಕ್ ಕಾರಣವಾನ ಪಾಪವು ಉಂಡ್, ಅದ್ಂಗಾಯಿತ್ ನಿಂಗ ದೇವಡ ಪಕ್ಕ ಪ್ರಾರ್ತಥನೆ ಮಾಡಂಡೂಂದ್ ನಾನ್ ಎಣ್ಣುಲೆ.

1 ಯೋಹಾನ 5:5

ಯೇಸು ದೇವಡ ಮೋಂವೋಂದ್ ನಂಬ್‌ನಯಂಗಳ ಅಲ್ಲತೆ ಈ ಲೋಕತ್‍ನ ಗೆಲ್ಲ್‌ವದ್ ಬೋರೆ ದಾರ್?

ಪ್ರಕಟನೆ 17:11

ಮಿಂಞ ಇಂಜದು, ಇಲ್ಲತ ಪೋನದುವಾಯಿತುಳ್ಳ ಆ ಮೃಗವೇ ಎಟ್ಟಣೆಂವೊನಾಯಿತುಂಡ್. ಅಂವೊ ಏಳ್ ರಾಜಂಗಡಲ್ಲಿಂಜ ಬಪ್ಪಂವೊನು, ನಾಶವಾಯಿ ಪೋಪಂವೊನು ಆಯಿತುಂಡ್.

ಪ್ರಕಟನೆ 17:8

ನೀನ್ ಕಂಡ ಮೃಗ ಮಿಂಞ ಇಂಜತ್, ಇಕ್ಕ ಇಲ್ಲೆ, ಅದ್ ಪಾತಾಳತ್ಂಜ ಕೊಡಿಕ್ ಪತ್ತಿತ್ ಬಂದಿತ್ ನಾಶ ಆಪ. ಲೋಕ ಸೃಷ್ಟಿ ಆನ ಕಾಲತ್ಂಜ ಜೀವ ಪುಸ್ತಕತ್‍ಲ್ ಪೆದ ಒಳ್‍ದತೆ ಬೂಮಿಲ್ ವಾಸ ಮಾಡಿಯಂಡ್ ಉಳ್ಳ ಜನ, ಮಿಂಞ ಇಂಜದು, ಇಕ್ಕ ಇಲ್ಲತೆ ಪೋನದು, ಇಂಞು ಮಿಂಞಕ್ ಇಪ್ಪ ಮೃಗತ್‍ನ ನೋಟಿತ್ ಆಶ್ಚರ್ಯಪಡುವ.