ಇಬ್ರಿಯ 10:32 - ಕೊಡವ ಬೈಬಲ್

³² ಕ್ರಿಸ್ತಂಡ ವಿಷಯತ್‍ನ ಗೊತ್ತ್ ಮಾಡ್‍ನ ಆ ದಿವಸತ್‍ನ ಗೇನ ಮಾಡಿಯೊಳಿ. ಆ ಕಾಲತ್‍ಲ್ ಎಚ್ಚಕ್ ಬಲ್ಯ ಹಿಂಸೆನ ನಿಂಗ ಸಹಿಸಿಯಂಡ್ ಇಂಜಿರ.

ಇಬ್ರಿಯ 10:32 ပူးပေါင်းရင်းမြစ်များ

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ರೋಮ್ 12:12

ನಿರಿಕ್ಷೇಲ್ ಕುಶಿಯಾಯಿತಿರಿ, ಕಷ್ಟತ್‍ಲ್ ಪೊರುಮೆಯಾಯಿತಿರಿ, ಪ್ರಾರ್ಥನೆ ಮಾಡ್‌ವದ್‍ಲ್ ಸ್ತಿರವಾಯಿತ್ ಮಾಡಿಯಂಡಿರಿ.

2 ಕೊರಿಂಥ 4:6

ಇರ್‌ಟ್‌ಂಜ ಬೊಳಿನ ಮಿನ್ನ್‌ವಕ್ ಎಣ್ಣ್‌ನ ದೇವ, ಯೇಸು ಕ್ರಿಸ್ತಂಡ ಮೂಡ್‍ಲ್ ಉಳ್ಳ ತಾಂಡ ಮಹಿಮೇರ ಜ್ಞಾನತ್‍ರ ಬೊಳಿನ ತಪ್ಪಕಾಯಿತ್, ನಂಗಡ ಹೃದಯತ್‍ಲ್ ಮಿನ್ನ್‌ಚಿ.

ಫಿಲಿಪ್ಪಿ 3:16

ಆಚೇಂಗಿಯು ನಂಗ ಎಚ್ಚಕ್ ಬೊಳ್‌ಂದಿತುಂಡೋ ಅಚ್ಚಕ್ ಚಾಯಿತೆ ಗೇನ ಮಾಡಿತ್ ನಡ್‌ಕಂಡು.

ಕೊಲೊಸ್ಸೆ 2:1

ನಿಂಗಕಾಯಿತು, ಲವೊದಿಯಕೆ ಪಟ್ಟಣತ್‍ಲ್ ಉಳ್ಳಯಿಂಗಕಾಯಿತು ಪಿಂಞ ನನ್ನ ಇಲ್ಲಿಕತ್ತನೆ ಕಾಂಗತಯಿಂಗಕಾಯಿತು ನಾನ್ ಎಚ್ಚಕ್ ಪೋರಾಟತ್‍ಲ್ ಉಳ್ಳ್‌ಂದ್ ನಿಂಗಕ್ ಗೊತ್ತಾಂಡೂಂದ್ ನಾಡ ಆಸೆ.

ಇಬ್ರಿಯ 12:4

ಪಾಪಕ್ ವಿರೋದವಾಯಿತ್ ಉಳ್ಳ ಪೋರಾಟತ್‍ಲ್ ಚೋರೆ ಬೂಕ್‍ವಚ್ಚಕ್ ಇಂಞು ನಿಂಗ ಎದ್‍ರ್ ನಿಂದಿತ್‌ಲ್ಲೆ.

ಇಬ್ರಿಯ 5:12

ನಿಂಗಡ ಕ್ರಿಸ್ತ ಬದ್‍ಕ್‍ನ ನೋಟ್‍ಚೇಂಗಿ, ಇಕ್ಕ ನಿಂಗ ಉಪಾದ್ಯಂಗಳಾಯಿತ್ ಇಕ್ಕಂಡು. ಆಚೇಂಗಿ ನಿಂಗಕೇ, ದೇವಡ ವಾಕ್ಯತ್‍ರ ಅಡಿಪಾಯತ್‍ನ ಬೋರೆಯಿಂಗ ಬೋದನೆ ಮಾಡ್‌ವನೆಕೆ ಉಂಡ್. ನಿಂಗ ಪಾಲ್ ಕುಡಿಪ ಕುಂಞಿರನೆಕೆ ಉಳ್ಳಿರ, ಗಟ್ಟಿಯಾನ ಆಹಾರತ್‍ನ ಉಂಬಕ್ ಕಯಿಂಜಂಡಿಲ್ಲೆ.

ಇಬ್ರಿಯ 6:10

ಎನ್ನಂಗೆಣ್ಣ್‌ಚೇಂಗಿ, ನಿಂಗಡ ಸೇವೆ, ದೇವಡ ಮಕ್ಕಕ್ ನಿಂಗ ಮಾಡ್‍ನ ಪಿಂಞ ಇಕ್ಕ ಮಾಡಿಯಂಡುಳ್ಳ ಪ್ರೀತಿರ ಸೇವೇರ ಮೂಲಕ ಕಾಂಬ್‌ಚಿಡುವ ದೇವಡ ಮೇಲೆ ಉಳ್ಳ ಪ್ರೀತಿನ ದೇವ ಮರ್ಂದ್ ಪೋಪುಲೆ. ದೇವ ನೀತಿ ಉಳ್ಳಂವೊವನಾಯಿತುಂಡ್.

ಇಬ್ರಿಯ 6:4

ಎನ್ನಂಗೆಣ್ಣ್‌ಚೇಂಗಿ, ದೇವಡ ಬೊಳಿಕ್ ಬಂದಿತ್, ಪರಲೋಕತ್‍ರ ಇನಾಮ್‍ನ ಅನುಬವಿಚಿಟ್ಟಿತ್, ಪವಿತ್ರಾತ್ಮನ ಪಡ್ಂದಿತ್,

2 ಯೋಹಾನ 1:8

ನಿಂಗಡ ಕೆಲಸತ್‌ರ ಫಲತ್‍ನ ಕಳೆಂದ್ ಪೋಕತನೆಕೆ, ಅದ್ಂಗ್ ಪೂರ್ತಿ ಪ್ರತಿಫಲ ಕ್‍ಟ್ಟ್‌ವನೆಕೆ ಎಚ್ಚರತ್‍ಲ್ ಇರಿ.

ಪ್ರಕಟನೆ 2:5

ಆನಗುಂಡ್, ನೀನ್ ಎಲ್ಲಿ ಬುದ್ದ್ ಪೋಯಿತುಳ್ಳಿಯಾಂದ್ ಗೇನ ಮಾಡಿತ್, ಪಶ್ಚಾತಾಪ ಪಟ್ಟಿತ್, ಸುರುಲ್ ಮಾಡಿಯಂಡಿಂಜ ಕ್ರಿಯೇನ ಮಾಡ್; ಇಲ್ಲತೆಪೋಚೇಂಗಿ, ನಾನ್ ಬೆರಿಯ ನೀಡ ಪಕ್ಕ ಬಂದಿತ್, ನೀನ್ ಪಶ್ಚಾತಾಪ ಪಡತೆ ಪೋನಕ, ನೀಡ ಬೊಳ್‍ಚತ್‍ರ ತಂಡ್‍ನ ಆ ಜಾಗತ್ಂಜ ಎಡ್‍ತ್‍ರ್‍ವಿ.

ಪ್ರಕಟನೆ 3:3

ಆನಗುಂಡ್, ನೀನ್ ನನ್ನಿಂಜ ಎಂತದ್‍ನ ಪಡ್ಂದಿತುಳ್ಳಿಯ, ಎಂತಾನ ಕ್‍ೕಟಿತುಳ್ಳಿಯ ಅದ್‍ನ ಗೇನ ಮಾಡ್. ಅದ್ಂಗ್ ತಗ್ಗಿತ್ ನಡ್‌ಂದಿತ್, ಪಶ್ಚಾತಾಪ ಪಡ್. ನೀನ್ ಎಚ್ಚರ ಎಡ್‍ಕತೆ ಪೋನಕ, ಒರ್ ಕಳ್ಳ ಬಪ್ಪನೆಕೆ ನಾನ್ ನೀಡ ಮೇಲೆ ಬಪ್ಪಿ; ನಾನ್ ಬಪ್ಪ ಸಮಯ ನೀಕ್ ಗೊತ್ತಾಪುಲೆ.