ಇಬ್ರಿಯ 10:27 - ಕೊಡವ ಬೈಬಲ್

²⁷ ಆನಗುಂಡ್, ದೇವಡ ನ್ಯಾಯತೀರ್ಪ್ ಬಪ್ಪಾಂದ್ ಪೋಡಿಲ್ ನೋಟಿಯಂಡ್ ಮಾತ್ರ ಬದ್‍ಕಂಡು. ಅಯಿಂಗಕ್, ವಿರೋದಿಯಳ ಕತ್ತ್‌ಚಿಡುವ ದೇವಡ ಚೆಡಿರ ತಿತ್ತ್ ಉಂಡ್‍ೕಂದ್ ಗೊತ್ತಿರಡ್.

ಇಬ್ರಿಯ 10:27 ပူးပေါင်းရင်းမြစ်များ

ಮಲಾಕಿ 4:1

ಇದಾ, ಕಡಾಯ ತೊಲೆ ತಿತ್ತ್‌ಲ್‌ ಕತ್ತ್‌ವನೆಕೆ ಒರ್‌ ದಿವಸ ಬಪ್ಪ. ಅಕ್ಕ ಆಂಗಾರಿಯ ಎಲ್ಲಾರು, ವಂಚನೆ ಮಾಡುವಯಿಂಗ ಎಲ್ಲಾರು ಒಣಂಗ್‌ನ ಎಲ್ಕಂಡರನೆಕೆ ಇಪ್ಪ. ಬಪ್ಪ ಆ ದಿವಸ ಅಯಿಂಗಳ ಚುಟ್ಟ್‌ರ್‌ವ. ಅದ್‌ ಬೇರ್‌ ಪಿಂಞ ಕೊಂಬ್‌ನ ಸತ ಅಯಿಂಗಕ್‌ ಉಳಿಕೆ ಮಾಡುಲೆ.

ಮತ್ತಾಯ 13:42

ತಿತ್ತ್‌ರ ನರಕಕ್ ಚಾಡ್‍ವ. ಅಲ್ಲಿ ಅಯಿಂಗ ಮೊರಟಂಡ್ ಪಲ್ಲ್ ಕಡಿಚಂಡ್ ಇಪ್ಪ.

ಮತ್ತಾಯ 13:50

ಅಯಿಂಗಳ ತಿತ್ತ್‌ರ ಗುಡ್ಡೆಕ್ ಚಾಡ್‍ವ. ಅಲ್ಲಿ ಮೊರಟಂಡ್ ಪಲ್ಲ್ ಕಡಿಚಂಡ್ ಇಪ್ಪ.

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಮತ್ತಾಯ 3:10

ಇಕ್ಕಲೆ ಮರತ್‍ರ ಬೇರ್‌ರ ಪಕ್ಕ ಕೊಡಲಿನ ಬೆಚ್ಚಿತುಂಡ್. ಆನಗುಂಡ್ ನಲ್ಲ ಪಣ್ಣ್ ತರತ ಮರತ್‌ನೆಲ್ಲಾ ಕೆತ್ತಿತ್ ತಿತ್ತ್‌ಕ್ ಇಡ್‌ವ.

ಮತ್ತಾಯ 3:12

ಅಂವೊಂಡ ಕೈಯಿಲ್ ಒರ್ ಪಾತ್‍ಮೊರ ಉಂಡ್, ಅದ್‍ನಗುಂಡ್ ಅಂವೊ ತಾಂಡ ಕಳತ್‌ನ ಶುದ್ದ ಮಾಡಿತ್ ಪಿಲ್ಲ್‌ಕಾಳ್‌ನ ಗೋದಿ ಕಾಳ್‌ಯಿಂಜ ಬೋರೆ ಮಾಡಿತ್ ತಾಂಡ ಗೋದಿ ಕಾಳ್‌ನ ಪತ್ತಾಯ ಕೋಂಬರೆಲ್ ದುಂಬ್‌ಚಿಡ್‌ವ; ಪಿಲ್ಲ್‌ಕಾಳ್‌ನ ಕೆಡತ ತಿತ್ತ್‌ಲ್ ಚುಡ್‌ವಾಂದ್ ಎಣ್ಣ್‌ಚಿ.

ಮತ್ತಾಯ 8:29

ಅಯಿಂಗ ದಂಡಾಳು ಯೇಸುನ ಕಂಡಿತ್: ದೇವಡ ಮೋಂವೊನೇ ನೀಕ್ ನಂಗಡಗುಂಡ್ ಎಂತ ಆಂಡು? ದೇವ ಬೆಚ್ಚಿತುಳ್ಳ ಸಮಯಕಿಂಜಿ ಮಿಂಞ, ನಂಗಕ್ ಕಷ್ಟ ತಪ್ಪಕಾಯಿತ್ ಬಂದಿಯಾಂದ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:24

ಅಕ್ಕ ಐಶ್ವರ್ಯವಂತಂವೊ: ಅಪ್ಪನಾನ ಅಬ್ರಹಾಮನೇ, ನಾಕ್ ಕನಿಕರ ಕಾಟ್! ಲಾಜರನ ಇಲ್ಲಿ ಅಯಿಚಿತ್, ಅಂವೊ ಅಂವೊಂಡ ತುದಿ ಬೆರತ್‌ನ ನೀರ್‌ಲ್ ಮುಕ್ಕಿತ್ ನಾಡ ನಾವ್‌ನ ತಣಿಚಿಡಡ್, ಈ ಉರಿಲ್ ನಾನ್ ಕಷ್ಟಪಟ್ಟಂಡ್ ಉಳ್ಳ್‌ಂದ್ ಕೂತ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:27

ಇದ್‍ಲ್ಲತೆ, ನಾನ್ ರಾಜನಾಯಿತ್ ಇಪ್ಪದ್ ಕುಶಿ ಇಲ್ಲೇಂದ್ ಎಣ್ಣ್‌ವ ನಾಡ ಶತ್ರುವಳ ಇಲ್ಲಿ ಕೊಂಡ್‌ಬಾರಿ, ನಾಡ ಎದಿಕೆ ಇಕ್ಕಲೆ ಕೊಲ್ಲೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:26

ಬೂಲಕತ್‍ಲ್ ನಡ್ಂದಂಡುಳ್ಳ ಕಾರ್ಯತ್‍ನ ಕಂಡಿತ್ ಜನಕ್ ಪೋಡಿಯಾಯಿತ್ ಮಂಡೆ ತಿರಿತ್ ಬೂವ. ಬಾನತ್‍ರ ಪ್ರತಿಯೊರ್ ಶಕ್ತಿಯು ನಡ್‌ಗುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:30

ಆ ಕಾಲತ್‍ಲ್ ಕುಂದ್‌ಕ್: ನಂಗಡ ಮೇಲೆ ಬೂಳೀಂದು, ನಂಗಳ ಮುಚ್ಚೊಳೀಂದು ಜನ ಎಣ್ಣುವ.

ಯೋಹಾನ 5:29

ಅಕ್ಕ, ನಲ್ಲದ್ ಮಾಡ್‍ನಯಿಂಗ ಎದ್ದಿತ್ ನಿತ್ಯ ಜೀವತ್‍ನ ಪಡೆಯುವಕಾಯಿತು, ಕೆಟ್ಟದ್ ಮಾಡ್‍ನಯಿಂಗ ಶಿಕ್ಷೇರ ತೀರ್ಪ್‍ಕಾಯಿತು ಎದ್ದಿತ್ ಬಪ್ಪ.

ಇಬ್ರಿಯ 12:25

ನಿಂಗಡ ಕೂಡೆ ತಕ್ಕ್ ಪರಿಯುವಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣತನೆಕೆ ಎಚ್ಚರತ್‍ಲ್ ಇರಿ; ಎನ್ನಂಗೆಣ್ಣ್‌ಚೇಂಗಿ, ಈ ಲೋಕತ್‍ಲ್ ತಕ್ಕ್ ಪರ್ಂದಂವೊಂಗ್ ಕೆಮಿ ಕೊಡ್‍ಪ್‍ಲೇಂದ್ ಎಣ್ಣ್‌ನ ಜನತ್‍ನ ಅಂವೊ ಬಚಾವಾಪಕ್ ಬುಟ್ಟಿತ್‌ಲ್ಲೆ. ಅನ್ನನೆ ಇಪ್ಪಕ, ಪರಲೋಕತ್ಂಜ ನಂಗಡ ಕೂಡೆ ತಕ್ಕ್ ಪರಿಯುವಂವೊನ ಬುಟ್ಟಿತ್ ದೂರ ಪೋಚೇಂಗಿ, ನಂಗ ಎನ್ನನೆ ಬಚಾವಾಪ?

ಇಬ್ರಿಯ 12:29

ನಂಗಡ ದೇವ ಕತ್ತ್‌ಚಿಡುವ ತಿತ್ತಾಯಿತ್ ಉಂಡ್.

ಇಬ್ರಿಯ 2:3

ಅನ್ನನೆ ಇಪ್ಪಕ, ಆದ್ಯವಾಯಿತ್ ಒಡೆಯಂಡ ಮೂಲಕ ಅರಿಚಿಟ್ಟಿತ್, ಪಿಂಞ ಅಂವೊಂಡಿಂಜ ಕ್‍ೕಟಯಿಂಗಡ ಮೂಲಕ ನಂಗಕ್ ಸ್ತಿರಪಡ್‌ತಿತ್,

ಇಬ್ರಿಯ 9:27

ಒರೇ ಕುರಿ ಚಾವದು, ಪಿಂಞ ನ್ಯಾಯತೀರ್ಪ್ ಕ್‍ಟ್ಟ್‌ವದು ಮನುಷ್ಯಂಗಕ್ ನೇಮಿಚಿಟ್ಟಿತುಂಡ್.

ಯಾಕೋಬ 5:3

ನಿಂಗಡ ಪೊನ್ನ್, ಬೊಳ್ಳಿ ಪ್ರಯೋಜನಯಿಲ್ಲತೆ ಆಯಿಪೋಪ; ನಿಂಗ ಕೂಟಿ ಬೆಚ್ಚಿತುಳ್ಳ ಆಸ್ತಿರ ಮೇಲೆ ಉಳ್ಳ ನಂಬಿಕೆ, ನಿಂಗಡ ತಡೀನ ತಿತ್ತ್ ತಿಂಬನೆಕೆ ತಿಂಬ. ನಿಂಗ ಕೂಟಿ ಬೆಚ್ಚಿತುಳ್ಳ ಆಸ್ತಿ ದೇವ ತೀರ್ಪ್ ಕೊಡ್‍ಪ ದಿನತ್‌ಲ್ ನಿಂಗಕ್ ವಿರೋದವಾಯಿತ್ ಸಾಕ್ಷಿ ತಪ್ಪ.

ಪ್ರಕಟನೆ 20:15

ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತ್ ಇಲ್ಲತಯಿಂಗಳಾಯಿತ್ ದಾರ್ ಉಂಡೋ ಅಯಿಂಗಳೆಲ್ಲ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್.