ಇಬ್ರಿಯ 10:24 - ಕೊಡವ ಬೈಬಲ್

²⁴ ನಂಗ ಒಬ್ಬೊಬ್ಬಂಗ್ ಪ್ರೀತಿಲ್ ಪಿಂಞ ನಲ್ಲ ಕೆಲಸ ಮಾಡ್‌ವದ್‍ಲ್ ಎನ್ನನೆ ಸಹಾಯ ಮಾಡ್‌ವಕ್ ಕಯ್ಯೂಂದ್ ಗೇನ ಮಾಡಿಯಂಡ್ ಇರಂಡು.

ಇಬ್ರಿಯ 10:24 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 29:7

ನೀತಿವಂತಂವೊ ಗರೀಬಂಡ ನ್ಯಾಯತ್‌ನ ಎಚ್ಚರ ಎಡ್‌ತಿತ್‌ ಅರ್‌ಂಜೊವ. ಆಚೇಂಗಿ ದುಷ್ಟ ಅದ್‌ನ ಅರ್‌ಂಜೊಕ್‌ ಕುಶಿಪಡುಲೆ.

ಅಪೊಸ್ತಲ 11:29

ಅಕ್ಕ ಯೇಸುನ ನಂಬ್‍ನ ಓರೋರ್ ಅಣ್ಣತಮ್ಮಣಂಗಳು ಅಯಿಂಗಯಿಂಗಕ್ ಕಯ್ಯುವಚ್ಚಕ್ ಯೂದಾಯ ಪ್ರಾಂತ್ಯತ್‍ಲ್ ವಾಸ ಮಾಡಿಯಂಡುಳ್ಳ ಯೇಸುನ ನಂಬ್‍ನಯಿಂಗಕ್ ಸಹಾಯ ಮಾಡ್‌ವಕ್ ತೀರ್ಮಾನ ಎಡ್‍ತತ್.

ರೋಮ್ 11:4

ದೇವ ಅಂವೊಂಗ್ ಎಂತ ಉತ್ತರ ಕೊಡ್‌ತತ್‍ೕಂದ್ ಗೊತ್ತುಂಡಲ್ಲ? ಬಾಳಂಡ ವಿಗ್ರಹಕ್ ಮೊಣಕಾಲ್ ಇಡತ ಏಳಾಯಿರ ಜನತ್‍ನ ನಾಕಾಯಿತ್ ಬಾಕಿ ಬೆಚ್ಚಿಯೇಂದ್ ಎಣ್ಣ್‌ಚಿ.

ರೋಮ್ 12:15

ಕುಶೀಲ್ ಉಳ್ಳಯಿಂಗಡ ಕೂಡೆ ಕುಶೀಲ್ ಇರಿ, ಮೊರಟಂಡುಳ್ಳಯಿಂಗಡ ಕೂಡೆ ಮೊರಡಿ.

1 ಕೊರಿಂಥ 10:33

ನಿಂಗಳು ಯೆಹೂದ್ಯಂಗಕು, ಯೆಹೂದ್ಯರಲ್ಲತಯಿಂಗಕು ಪಿಂಞ ದೇವಡ ಸಬೇಲ್ ಉಳ್ಳಯಿಂಗ ಎಲ್ಲಾರು ರಕ್ಷಣೆ ಆಪಕ್ ತಡೆ ಮಾಡತಯಿಂಗಳಾಯಿತ್ ಇರಿ.

1 ಕೊರಿಂಥ 9:22

ದೇವಡ ನಂಬಿಕೇಲ್ ಬಲಹೀನಯಿಂಗಳಾಯಿತ್ ಉಳ್ಳಯಿಂಗ, ದೇವಡ ಮೇಲೆ ನಂಬಿಕೆ ಇಡ್‌ವಕಾಯಿತ್, ಒರ್ ತಡೆಯು ಮಾಡತಂವೊನಾಯಿತ್ ಆನ. ಎನ್ನನೆ ಆಚೇಂಗಿಯು, ಚೆನ್ನ ಜನಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ನಾನ್ ಎಂತೆಲ್ಲಾ ಆಪಕ್ ಕಯ್ಯುವೋ ಅನ್ನನೆಲ್ಲಾ ಆನ.

2 ಕೊರಿಂಥ 8:8

ನಾನ್ ಇದ್‍ನ ಆಜ್ಞೆಯಾಯಿತ್ ಎಣ್ಣತೆ, ಬೋರೆಯಿಂಗಡ ಜಾಗ್ರತೆನ ಎಣ್ಣಿತ್, ನಿಂಗ ಪ್ರೀತಿಲ್ ಸತ್ಯವಂತಯಿಂಗಳಾಂದ್ ಪರೀಕ್ಷೆ ಮಾಡ್‌ವಕಾಯಿತೇ ಇನ್ನನೆ ಎಣ್ಣಿಯಂಡುಂಡ್.

2 ಕೊರಿಂಥ 9:2

ನಿಂಗಡ ಮನಸ್ಸ್‌ರ ಆಸೆ ನಾಕ್ ಗೊತ್ತುಂಡ್; ಅಖಾಯ ಪ್ರಾಂತ್ಯತ್‍ಲ್ ಉಳ್ಳ ದೇವಡ ಮಕ್ಕ ಇದ್‍ನ ಮಾಡ್‌ವಕ್ ಒರ್ ಕಾಲತ್ಂಜ ತಯಾರಾಯಿತ್ ಉಂಡ್‍ೕಂದ್, ಮಕೆದೋನ್ಯ ಪಟ್ಟಣತ್‍ರ ಮಕ್ಕಕ್ ಎಣ್ಣಿತ್ ನಿಂಗಳ ಹೊಗಳ್‍ಚಿಟ್ಟಿಯೆ; ನಿಂಗಡ ಅಪೇಕ್ಷೆ ದುಂಬ ಜನಕ್ ಪುರ್‌ಡ್ ಕೊಡ್‍ತತ್.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.

ಗಲಾತ್ಯ 5:22

ಪವಿತ್ರಾತ್ಮತ್‍ರ ಫಲ ಎಂತ ಎಣ್ಣ್‌ಚೇಂಗಿ, ಪ್ರೀತಿ, ಸಂತೋಷ, ಸಮಾದಾನ, ಸಹಿಸುವ ಶಕ್ತಿ, ಕರುಣೆ, ನಲ್ಲರಿಕೆ, ನಂಬಿಕೆ,

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಗಲಾತ್ಯ 6:1

ನಾಡ ಅಣ್ಣತಮ್ಮಣಂಗಳೇ, ದೇವಡ ಮಕ್ಕಡಡೆಲ್ ಒಬ್ಬ ಪಾಪ ಮಾಡ್‍ನದ್ ಗೊತ್ತಾಯಿತ್, ನಿಂಗ ಅಂವೊನ ಪುಡ್‌ಚತೇಂಗಿ, ದೇವಡ ಆತ್ಮತ್‍ನಗುಂಡ್ ನಡ್‍ಪಯಿಂಗಳಾನ ನಿಂಗ, ಶಾಂತ ಗುಣತ್‍ಲ್ ಅಂವೊನ ಚಾಯಿ ಮಾಡಂಡು. ಅದೇ ಸಮಯತ್‍ಲ್ ನಿಂಗ ಸಹ ಅದೇ ಪಾಪತ್‍ಲ್ ಬೂವತನೆಕೆ ಎಚ್ಚರತ್‍ಲ್ ಇರಂಡು.

ಕೊಲೊಸ್ಸೆ 3:16

ಕ್ರಿಸ್ತಂಡ ವಾಕ್ಯ, ನಿಂಗಡ ಹೃದಯತ್‍ಲ್ ಪೂರ್ತಿಯಾಯಿತ್ ಇರಡ್. ನಿಂಗ ಎಲ್ಲಾ ಜ್ಞಾನತ್‍ಲ್ ಒಬ್ಬಂಗ್ ಒಬ್ಬ ಬೋದನೆ ಮಾಡಿತ್ ಬುದ್ದಿ ಎಣ್ಣಿಯಂಡ್ ಇರಿ. ಕೀರ್ತನೆ ಪಾಡಿಯಂಡ್, ದೇವಡ ಪಾಟ್ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್ ನಿಂಗಡ ಹೃದಯತ್‍ಲ್ ದೇವನ ತುದಿಚಂಡ್ ಇರಿ.

1 ಥೆಸಲೊನೀಕ 1:3

ನಿಂಗಡ ನಂಬಿಕೇರಗುಂಡ್ ನಿಂಗಡ ಬದ್‍ಕ್‍ಲ್ ಕಾಟಿಯಂಡ್ ಉಳ್ಳ ನಿಂಗಡ ನಲ್ಲ ಕೆಲಸ, ನಿಂಗಡ ಪ್ರೀತಿನಗುಂಡ್ ನಿಂಗ ಜನಕ್ ಮಾಡ್‌ವ ಸಹಾಯ, ಯೇಸು ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಿರೀಕ್ಷೇರಗುಂಡ್ ನಿಂಗಡ ಸಹಿಸುವ ಗುಣ, ನಂಗಕ್ ಗೊತ್ತಾನಗುಂಡ್, ನಿಂಗಕಾಯಿತ್ ನಂಗ ದೇವಡ ಪಕ್ಕ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಂಡ್.

1 ಥೆಸಲೊನೀಕ 5:11

ಅದ್ಂಗಾಯಿತ್, ನಿಂಗ ಇಕ್ಕ ಮಾಡಿಯಂಡಿಪ್ಪನೆಕೆ, ಒಬ್ಬೊಬ್ಬಂಗ್ ಒತ್ತಾಸೆ ಕೊಡಿ. ನಿಂಗ ಅನ್ನನೆ ಮಾಡಿತ್ ಒಬ್ಬೊಬ್ಬಂಗಳ ಬೊಳಿಯುವಕ್ ಸಹಾಯ ಮಾಡಿ.

2 ಥೆಸಲೊನೀಕ 3:9

ನಿಂಗಡ ಮೇಲೆ ಬಾರತ್‍ನ ಬೆಪ್ಪಕ್ ನಂಗಕ್ ಅದಿಕಾರ ಉಂಡ್, ಆಚೇಂಗಿ ನಂಗ ಅನ್ನನೆ ಮಾಡಿತ್‌ಲ್ಲೆ. ನಿಂಗಳು ಇನ್ನನೆ ಮಾಡಂಡೂಂದ್, ನಿಂಗಕ್ ಒರ್ ಉದಾರಣೆಯಾಯಿತ್ ಇಪ್ಪಕ್ ನಂಗ ಅನ್ನನೆ ಮಾಡಿಯೆ.

1 ತಿಮೊಥೆಯ 6:18

ನಲ್ಲದ್ ಮಾಡ್‌ವದ್‍ಲ್, ಸಹಾಯ ಮಾಡ್‌ವದ್‍ಲ್ ಐಶ್ವರ್ಯವಂತಂಗಳಾಯಿತ್, ಉದಾರ ಮನಸ್ಸ್‌ಲ್ ಕೊಡ್‍ಪಯಿಂಗಳಾಯಿತ್, ಅಯಿಂಗಡದ್‍ನ ಕಷ್ಟತ್‍ಲ್ ಉಳ್ಳಯಿಂಗಕ್ ಕೊಡ್‍ಪಕ್ ಎಣ್ಣ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:4

ಅಕ್ಕ ಈ ವಯಸ್ಸಾನ ಪೊಣ್ಣಾಳ್‍ವ, ಬಾಲೆಕಾರ್ತಿಯಂಗಕ್, ಅಯಿಂಗಡ ವಡಿಯ ಪಿಂಞ ಮಕ್ಕಳ ಪ್ರೀತಿ ಮಾಡಂಡೂಂದ್ ಎಣ್ಣಿ ಕೊಡ್‍ಪಕಯ್ಯು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:8

ಇಲ್ಲಿಕತ್ತನೆ ನಾನ್ ಎಣ್ಣ್‌ನದ್ ಸತ್ಯತ್‍ರ ತಕ್ಕ್. ದೇವಡ ಮೇಲೆ ನಂಬಿಕೆ ಉಳ್ಳಯಿಂಗ, ನಲ್ಲ ಕೆಲಸ ಮಾಡ್‌ವಕ್ ಅರ್ಪಿಚಿಟ್ಟಯಿಂಗಳಾಯಿತ್ ಇರಂಡೂಂದ್ ಉಳ್ಳ ಈ ತಕ್ಕ್‌ನ ನೀನ್ ಕಂಡಿತವಾಯಿತ್ ಬೋದನೆ ಮಾಡಂಡೂಂದ್ ನಾಡ ಆಸೆ. ಈ ತರ ಬೋದನೆ ಸರಿಯಾನದು, ಎಲ್ಲಾರ್‌ಕು ಪ್ರಯೋಜನವಾಯಿತು ಉಂಡ್.

ಇಬ್ರಿಯ 13:1

ಒಬ್ಬನ ಒಬ್ಬ, ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಪ್ರೀತಿಚಿಡಿ.

ಇಬ್ರಿಯ 13:3

ಕ್ರಿಸ್ತಂಗಾಯಿತ್ ಕೈದಿಯಾಯಿತ್ ಇಪ್ಪಯಿಂಗಡ ಕೂಡೆ ನಿಂಗಳು ಕೈದಿಯಾಯಿತ್ ಇಪ್ಪನೆಕೆ ಗೇನ ಮಾಡಿಯೊಳಿ; ಅವಮಾನತ್‍ನ ಸಹಿಸಿಯಂಡ್ ಇಪ್ಪಯಿಂಗಳ ಗೇನ ಮಾಡಿತ್ ನಿಂಗಕು ಅನ್ನನೆ ಆನನೆಕೆ ಗೇನ ಮಾಡಿಯೊಳಿ.

ಇಬ್ರಿಯ 3:13

ನಿಂಗಡಲ್ಲಿ ಒಬ್ಬಂಡ ಹೃದಯ ಸಹ, ಪಾಪತ್‍ರ ವಂಚನೆರಗುಂಡ್ ಕಲ್ಲ್‌ರನೆಕೆ ಆಪಕ್ಕಾಗ. ಆಚೇಂಗಿ, ಅದ್ಂಡ ಬದ್‍ಲ್, ಇಂದ್ ಎಣ್ಣುವ ತಕ್ಕ್ ಇಪ್ಪಕತ್ತನೆ, ನಿಂಗ ಒಬ್ಬಂಗ್ ಒಬ್ಬ ಎಕ್ಕಾಲು ಪುರ್‌ಡ್ ಕೊಡ್‍ತಂಡಿರಂಡು.

1 ಯೋಹಾನ 3:18

ನಾಡ ಪ್ರೀತಿರ ಮಕ್ಕಳೇ, ನಂಗಡ ಪ್ರೀತಿ ಬರಿ ತಕ್ಕ್‌ಬಾಕ್‍ಲ್ ಮಾತ್ರ ಇಪ್ಪಕ್ಕಾಗ, ಆಚೇಂಗಿ ಸತ್ಯತ್‍ಲ್ ಪಿಂಞ ಕ್ರಿಯೇಲ್ ಕಾಟಂಡು.