ಇಬ್ರಿಯ 10:22 - ಕೊಡವ ಬೈಬಲ್

²² ಆನಗುಂಡ್, ದೇವಡ ಪಕ್ಕ, ನೇರಾನ ಹೃದಯ ಉಳ್ಳಯಿಂಗಳಾಯಿತ್, ನಂಬಿಕೇರ ಪೂರ್ತಿ ನಿಶ್ಚಯ ಉಳ್ಳಯಿಂಗಳಾಯಿತ್ ಪೋಕ. ನಂಗಡ ಪಾಳಾಯಿ ಪೋನ ಮನಸಾಕ್ಷಿನ ಕಳೆಂದಿತ್ ಶುದ್ದ ಆಪಕಾಯಿತ್ ಕ್ರಿಸ್ತಂಡ ಚೋರೆನ ತಳಿಚತ್, ಶುದ್ದವಾನ ನೀರ್‌ಲ್ ನಂಗಡ ತಡೀನ ಕತ್ತ್‌ನಯಿಂಗಳಾಯಿತ್ ಪೋಕ.

ಇಬ್ರಿಯ 10:22 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 23:26

ನಾಡ ಮೋನೇ, ನೀಡ ಹೃದಯತ್‌ನ ನಾಕ್‍ ತಾ. ನೀಡ ಕಣ್ಣ್‌ ನಾಡ ಬಟ್ಟೆಲ್‌ ಪೋಪಕ್‌ ಕುಶಿ ಪಡಡ್.

ಮತ್ತಾಯ 3:11

ನಿಂಗಡ ಮನಸ್ಸ್ ದೇವಡಲ್ಲಿಕ್ ತಿರ್‍ಗ್‍ಚೀಂದ್ ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ತಪ್ಪಿ. ಆಚೇಂಗಿ ನಾಕ್ ಬಯ್ಯ ಒಬ್ಬ ಬಪ್ಪ, ಅಂವೊ ನಾಕಿಂಜ ಶಕ್ತಿವಂತಂವೊ. ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ. ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ಪಿಂಞ ತಿತ್ತ್‌ಲ್ ದೀಕ್ಷಾಸ್ನಾನ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:1

ಮರ್ಯಾದಸ್ತನಾನ ಥೆಯೊಫಿಲನೇ: ನಿಂಗಕ್ ಗೊತ್ತುಳ್ಳನೆಕೆ, ದುಂಬ ಜನ, ನಂಗಡ ಮದ್ಯತ್‍ಲ್ ನಡ್ಂದ ಈ ವಿಷಯತ್‍ನ ಚಾಯಿತೆ ಒಳ್‍ದ್‍ವಕ್ ಪ್ರಯತ್ನ ಮಾಡ್‍ಚಿ.

ಯೋಹಾನ 3:5

ಯೇಸು ಅಂವೊಂಗ್: ಒಬ್ಬ, ನೀರ್ಂಜಲು ಪವಿತ್ರಾತ್ಮತ್‌ಂಜಲು ಪುಟ್ಟತೆ ಪೋಚೇಂಗಿ ದೇವಡ ರಾಜ್ಯಕ್ ಪೋಪಕ್ ಕಯ್ಯುಲೇಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 8:9

ಯೇಸು ಇನ್ನನೆ ತಕ್ಕ್ ಪರಿವಾನ ಕ್‍ೕಟದು, ಪೆರಿಯಯಿಂಗಯಿಂಜ ಚೆರಿಯಯಿಂಗಕತ್ತನೆ ಒಬ್ಬೊಬ್ಬಂಗಳಾಯಿತ್ ಅಲ್ಲಿಂಜ ಪೋಯಿರ್‌ತ್. ಯೇಸು ಒಬ್ಬನೇ ಅಲ್ಲಿ ಇಂಜತ್. ಆ ಪೊಣ್ಣಾಳ್ ಅಲ್ಲಿಯೇ ನಿಂದಂಡಿಂಜತ್.

ಅಪೊಸ್ತಲ 22:16

ಇಕ್ಕ ಎನ್ನಂಗ್ ನೀನ್ ತಡೆ ಮಾಡ್‌ವಿಯ? ಅಂವೊಂಡ ಪೆದತ್‍ನ ನೀನ್ ಕಾಕಿಯಂಡಿಪ್ಪಕಲೇ, ಎದ್ದಿತ್ ದೀಕ್ಷಾಸ್ನಾನ ಮಾಡ್‍ಚಿಟ್ಟಂಡ್, ನೀಡ ಪಾಪತ್‍ನ ಕತ್ತ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 8:21

ನೀಡ ಹೃದಯ ದೇವಡ ಮಿಂಞತ್ ನೇರಾಯಿತ್ ಇಲ್ಲತಗುಂಡ್ ನೀಕ್ ಈ ಸೇವೇಲ್ ಏದ್ ಒರ್ ಪಾಲೂ ಇಲ್ಲೆ ಬಾಗವು ಇಲ್ಲೆ.

1 ಕೊರಿಂಥ 6:11

ನಿಂಗಡಲ್ಲಿ ಚೆನ್ನ ಜನ ಇನ್ನನೆ ಇಂಜಿರ. ಆಚೇಂಗಿಯು, ದೇವ ಇಕ್ಕ ನಿಂಗಳ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲು, ನಂಗಡ ದೇವಡ ಆತ್ಮತ್ಂಜಲು ಕತ್ತಿತ್, ಪವಿತ್ರವಾನಯಿಂಗಳಾಯಿತು, ನೀತಿವಂತಯಿಂಗಳಾಯಿತು ಮಾಡ್‍ಚಿ.

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

ಎಫೆಸ 3:12

ಅಂವೊಂಡಲ್ಲಿ ಪಿಂಞ ಅಂವೊಂಡ ಮೇಲೆ ಉಳ್ಳ ನಂಬಿಕೇರ ಮೂಲಕ, ನಂಗಕ್ ದೈರ್ಯವು, ಏದ್ ಪೋಡಿಯು ಇಲ್ಲತ ದೇವಡ ಪ್ರಸನ್ನಕ್ ಬಪ್ಪಕುಳ್ಳ ಬಾಗ್ಯವು ಕ್‍ಟ್ಟ್‌ಚಿ.

ಎಫೆಸ 5:26

ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

ಎಫೆಸ 6:5

ಅಡಿಯಾಳ್‌ವಳೇ, ನಿಂಗ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ, ಈ ಲೋಕತ್‍ರ ನಿಂಗಡ ಎಜಮಾನಂಗಕ್ ಬೊತ್ತಿತ್, ಪಿಂಞ ನಡ್‍ಗಿಯಂಡ್, ಕಪಟಯಿಲ್ಲತ ಮನಸ್ಸ್‌ಲ್ ನಡ್‌ಕಂಡು.

1 ತಿಮೊಥೆಯ 4:2

ಈಂಗ, ಕಪಟತನತ್‍ಲ್ ಪೊಟ್ಟ್ ಪರ್ಂದಂಡ್, ತಂಗಡ ಮನಸಾಕ್ಷಿ ತಿತ್ತ್‌ಲ್ ಬೆಂಜಿಪೋನನೆಕೆ,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:5

ನಂಗ ಮಾಡ್‍ನ ನೀತಿರ ಕೆಲಸತ್‍ರಗುಂಡ್ ನಂಗಳ ರಕ್ಷಣೆ ಮಾಡತೆ, ಅಂವೊಂಡ ಕರುಣೇರಗುಂಡ್ ನಂಗಳ ರಕ್ಷಣೆ ಮಾಡ್‍ಚಿ. ಅನ್ನನೆ ನಂಗಡ ಪಾಪತ್‍ನ ಕತ್ತಿತ್, ಪುನಃ ಪುದಿಯದಾಯಿತ್ ಪುಟ್ಟಿತುಳ್ಳನೆಕೆ ನಂಗಕ್ ಪುದಿಯ ಜೀವ ತಂದಿತ್, ನಂಗಡ ಮನಸ್ಸ್‌ನ ಪವಿತ್ರಾತ್ಮಂಡ ಮೂಲಕ ಬದ್‍ಲ್ ಮಾಡ್‍ಚಿ.

ಇಬ್ರಿಯ 10:1

ನ್ಯಾಯಪ್ರಮಾಣಾಂದ್ ಎಣ್ಣುವದ್, ಇಂಞು ಮಿಂಞಕ್ ಬಪ್ಪಕುಳ್ಳ ನಲ್ಲ ವಿಷಯಕ್ ಒರ್ ನೆಳವಾಯಿತ್ ಮಾತ್ರ ಇಂಜತ್, ಅದಾಯಿತೇ ನೇರಾನದ್ ಅಲ್ಲ. ಈ ಕಾರಣಕಾಯಿತ್, ಕಾಲಕಾಲಕ್ ಎಡೆಬುಡತೆ ಮಾಡ್‌ವ ಒರೇ ತರ ಬಲೀರಗುಂಡ್, ಆರಾದನೆ ಮಾಡ್‌ವಕ್ ಬಪ್ಪಯಿಂಗಳ ಏದ್ ಕಾಲಕು ದೇವಡ ಮಿಂಞತ್ ತ್‍ೕರ ಪೂರ್ತಿ ಮಾಡ್‌ವಕ್ ಕಯ್ಯುಲೆ.

ಇಬ್ರಿಯ 10:19

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ಯೇಸುರ ಚೋರೆರ ಮೂಲಕ ಅತಿಪವಿತ್ರವಾನ ಜಾಗಕ್ ಪೋಪಕುಳ್ಳ ದೈರ್ಯ ನಂಗಕ್ ಇಕ್ಕ ಕ್‍ಟ್ಟ್‌ಚಿ.

ಇಬ್ರಿಯ 11:28

ನಂಬಿಕೇರ ಮೂಲಕ, ಐಗುಪ್ತ ದೇಶತ್ ಜನತ್‍ರ ಆದ್ಯ ಕ್‍ಣ್ಣ ಮಕ್ಕಳ ದೇವ ಒರ್ ದೂತನ ಅಯಿಚಿತ್ ಕೊಲ್ಲ್‌ವಕ, ಆ ದೂತ ಇಸ್ರಾಯೇಲ್ ಜನತ್‍ಲ್ ದಾರ್‌ನು ಮುಟ್ಟತನೆಕೆ, ಪಸ್ಕ ನಮ್ಮೆರ, ಚೋರೆನ ಮನೆರ ಪಡಿಲ್ ತಳಿಪ ನೇಮತ್‍ನ ಮಾಡ್‍ಚಿ.

ಇಬ್ರಿಯ 12:24

ಪುದಿಯ ಒಪ್ಪಂದತ್‍ರ ಮದ್ಯಸ್ತನಾಯಿತುಳ್ಳ ಯೇಸುರ ಪಕ್ಕವು, ಹೇಬೆಲಂಡ ಚೋರೆಕಿಂಜ ಚಾಯಿ ತಕ್ಕ್ ಪರಿಯುವ ಚೋರೆಯಾಯಿತುಳ್ಳ ತಳಿಪ ಚೋರೆರ ಪಕ್ಕವು ಬಂದಿತುಳ್ಳಿರ.

ಇಬ್ರಿಯ 4:16

ಆನಗುಂಡ್, ನಂಗಕ್ ಕರುಣೆ ಕ್‍ಟ್ಟುವಕಾಯಿತು, ತಕ್ಕ ಸಮಯತ್‍ಲ್ ಸಹಾಯ ಮಾಡ್‌ವ ಕೃಪೆ ಕ್‍ಟ್ಟ್‌ವಕಾಯಿತು ದೈರ್ಯವಾಯಿತ್ ಕೃಪೇರ ಸಿಂಹಾಸನತ್‍ರ ಪಕ್ಕ ನಂಗ ಪೋಕ.

ಇಬ್ರಿಯ 6:11

ನಿಂಗಕ್ ನಿರಿಕ್ಷೇರ ಪೂರ್ತಿ ನಿಶ್ಚಯ ಕ್‍ಟ್ಟಿತ್, ಇಕ್ಕ ಉಳ್ಳನೆಕೆ ಆಕೀರ್‍ಕತ್ತನೆ ಇದೇ ಎಚ್ಚರತ್‍ಲ್ ಇಕ್ಕಂಡೂಂದ್ ಉಳ್ಳದೇ ನಿಂಗಡ ವಿಷಯತ್ ನಂಗಡ ಆಸೆ.

ಇಬ್ರಿಯ 7:19

ನ್ಯಾಯಪ್ರಮಾಣ ಒರ್ ವಿಷಯತ್‍ನ ಕೂಡೆ ಪೂರ್ತಿ ಮಾಡ್‌ವಕಿಂಜಿಲೆ. ಆಚೇಂಗಿ, ಅದ್ಂಗಿಂಜ ಬಲ್ಯ ನಿರಿಕ್ಷೇರ ನಂಬಿಕೆ ಪೂರ್ತಿ ಮಾಡ್‌ವಕಾಯಿತ್ ಇಕ್ಕ ಕ್‍ಟ್ಟ್‌ಚಿ. ಅದ್ಂಡ ಮೂಲಕ ನಂಗ ದೇವಡ ಪಕ್ಕ ಪೋಯಂಡುಂಡ್.

ಇಬ್ರಿಯ 9:10

ಇನ್ನನೆ ಮಾಡ್‌ವ ವಿಷಯವೆಲ್ಲ, ಪುದಿಯದಾಯಿತ್ ಬದ್‍ಲಾಪ ಕಾಲಕತ್ತನೆ ಮಾಡ್‌ವಕಾಯಿತ್ ಕ್‍ಟ್ಟ್‌ನ, ತಿಂಬಕ್ ಕುಡಿಪಕ್ ಉಳ್ಳ ಪದ್ದತಿರನೆಕೆ ಓರೋರ್ ವಿಷಯಕ್ ಕತ್ತ್‌ವಕು, ತಡೀರ ಪದ್ದತಿಯು ಅಲ್ಲತೆ ಬೋರೆ ಒಂದು ಇಲ್ಲೆ.

ಇಬ್ರಿಯ 9:19

ಎನ್ನನೆ ಎಣ್ಣ್‌ಚೇಂಗಿ, ಮೋಶೆ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನನೆಕೆ ಎಲ್ಲಾ ಜನಕು, ಎಲ್ಲಾ ಆಜ್ಞೆನ ಎಣ್ಣಿತಾನ ಪಿಂಞ, ಕಡ್‍ಚಿ ಪಿಂಞ ಕೋಬಾಡ್‍ರ ಚೋರೆನ ನೀರ್‌ಲ್ ಬೆರಕಿತ್, ಆಡ್‍ರ ತಲ್‍ಮಿರಗುಂಡ್ ಮಾಡ್‍ನ ಚೋಂದ ನಾರ್ ಬಟ್ಟೆ ಪಿಂಞ ಹಿಸ್ಸೋಪ್ ಗಿಡತ್‌ರ ಕೊಂಬ್‌ಲ್ ಎಡ್‍ತಿತ್, ನ್ಯಾಯಪ್ರಮಾಣ ಪುಸ್ತಕತ್‍ರ ಮೇಲೆ ಪಿಂಞ ಜನತ್‍ರ ಮೇಲೆ ತಳಿಚತ್.

ಯಾಕೋಬ 1:6

ಆಚೇಂಗಿಯು ನಿಂಗ ಅಪನಂಬಿಕೆಲ್ ಕ್‍ೕಕತೆ, ನಾನ್ ಕ್‍ೕಪದ್ ದೇವ ತಪ್ಪಾಂದ್ ನಂಬಿಕೇಲ್ ಕ್‍ೕಕಂಡು.

ಯಾಕೋಬ 4:8

ನಿಂಗ ದೇವಡ ಪಕ್ಕ ಬಾರಿ, ಅಕ್ಕ ದೇವ ನಿಂಗಡ ಪಕ್ಕ ಬಪ್ಪ. ಪಾಪಿಯಳೇ, ನಿಂಗಡ ಕೈಯಿನ ಕತ್ತಿಯೊಳಿ; ದೇವಡ ವಿಷಯತ್ ದಂಡ್ ಮನಸ್ಸ್ ಉಳ್ಳಯಿಂಗಳೇ, ನಿಂಗಡ ಹೃದಯತ್‍ನ ಶುದ್ದ ಮಾಡಿ.

1 ಪೇತ್ರ 1:2

ಅಪ್ಪನಾನ ದೇವ ಎಲ್ಲಾಕಿಂಜ ಮಿಂಞ ಎಂತ ತೀರ್ಮಾನ ಮಾಡಿತ್ಂಜತೋ, ಅನ್ನನೆ ನಿಂಗಳ ಅಂವೊ ಗೊತ್ತ್ ಮಾಡಿತ್, ನಿಂಗ ಯೇಸು ಕ್ರಿಸ್ತಂಗ್ ಬಗ್ಗಿತ್ ನಡ್‍ಪನೆಕೆ, ಅಂವೊಂಡ ಚೋರೆರ ಮೂಲಕ ನಿಂಗ, ನಿಂಗಡ ಪಾಪತ್ಂಜ ಶುದ್ದ ಆಪನೆಕೆ, ಅಂವೊಂಡ ಆತ್ಮತ್‍ರ ಮೂಲಕ ನಿಂಗಳ ಬೋರೆ ಮಾಡಿತ್ ಶುದ್ದಮಾಡ್‍ಚಿ. ದುಂಬ್‍ನ ಕೃಪೆಯು ಸಮಾದಾನವು ನಿಂಗಕ್ ಇಂಞು ಕ್‍ಟ್ಟಡ್.

1 ಪೇತ್ರ 3:21

ಅದ್ಂಗ್ ಸಮವಾನ ನಂಗಡ ರಕ್ಷಣೆಕಾಯಿತುಳ್ಳ ದೀಕ್ಷಾಸ್ನಾನ ಎಂತ ಎಣ್ಣ್‌ಚೇಂಗಿ, ಅದ್ ನಂಗಡ ತಡೀರ ಅಶುದ್ದತ್‍ನ ಕತ್ತುವ ವಿಷಯ ಅಲ್ಲ. ಆಚೇಂಗಿ, ದೇವಡ ವಿಷಯತ್ ನಂಗಡ ಮನಸಾಕ್ಷಿರ ಒಪ್ಪಂದವಾಯಿತ್, ಇಕ್ಕ ನಂಗಳ ಯೇಸು ಕ್ರಿಸ್ತ ಚಾವ್‍ಯಿಂಜ ಜೀವತ್‍ಲ್ ಬಂದ ಮೂಲಕ ರಕ್ಷಣೆ ಮಾಡಿಯೆ.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,