ಇಬ್ರಿಯ 10:20 - ಕೊಡವ ಬೈಬಲ್

²⁰ ಅದ್ ಎನ್ನನೆ ಎಣ್ಣ್‌ಚೇಂಗಿ, ಪಡಿರ ಬಟ್ಟೇರನೆಕೆ ಉಳ್ಳ ತಾಂಡ ತಡೀರ ಮೂಲಕ ನಂಗಕಾಯಿತ್ ಪುದಿಯ ಪಿಂಞ ಜೀವವಾಯಿತುಳ್ಳ ಬಟ್ಟೇನ ತೊರ್ಂದತ್.

ಇಬ್ರಿಯ 10:20 ပူးပေါင်းရင်းမြစ်များ

ಮತ್ತಾಯ 27:51

ಅಕ್ಕ, ದೇವಾಲಯತ್‍ಲ್ ಇಂಜ ಪಡಿರ ಬಟ್ಟೆ ದಂಡ್ ಬಾಗವಾಯಿತ್ ಕೊಡಿಯಿಂಜ ಅಡಿಕತ್ತನೆ ಕೀತಿ ಪೋಚಿ. ಬೂಮಿ ಅಲ್ಲಾಡ್‌ಚಿ, ಬಂಡೆ ಕಲ್ಲ್ ದಂಡ್ ಬಾಗವಾಚಿ,

ಮಾರ್ಕ 15:38

ಅಕ್ಕ, ದೇವಾಲಯತ್‍ಲ್ ಇಂಜ ಪಡಿರ ಬಟ್ಟೆ ದಂಡ್ ಬಾಗವಾಯಿತ್ ಕೊಡಿಯಿಂಜ ಅಡಿಕತ್ತನೆ ಕೀತಿ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:45

ದೇವಾಲಯತ್‍ಲ್ ಇಂಜ ಪಡಿರ ಬಟ್ಟೆ ದಂಡ್ ಬಾಗವಾಯಿತ್ ಕೊಡಿಯಿಂಜ ಅಡಿಕತ್ತನೆ ಕೀತಿ ಪೋಚಿ.

ಯೋಹಾನ 10:7

ಆನಗುಂಡ್, ಯೇಸು ಪುನಃ ಅಯಿಂಗಳ ನೋಟಿತ್: ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ, ನಾನೇ ಕೊರಿಯಂಗಕ್ ಪಡಿಯಾಯಿತುಂಡ್.

ಯೋಹಾನ 10:9

ನಾನೇ ಪಡಿ. ಒಬ್ಬ ನಾಡ ಮೂಲಕ ಬಾತೇಂಗಿ ಬಚಾವಾಪ. ಅಂವೊ ಒಳ್‍ಕ್ ಬಂದಿತ್ ಪೊರಮೆ ಪೋಯಿತ್ ಪಚ್ಚೆ ಪಿಲ್ಲ್ ಜಾಗತ್‍ನ ಕಂಡ್‍ಪುಡಿಪ.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಎಫೆಸ 2:15

ನ್ಯಾಯಪ್ರಮಾಣತ್‍ನ ಪಿಂಞ ಅದ್ಂಡ ನೇಮತ್‍ನ ತಾಂಡ ತಡೀರಗುಂಡ್ ನಾಶ ಮಾಡ್‍ಚಿ. ಅನ್ನನೆ ಈ ದಂಡ್ ಜನತ್‍ನ ತಾಂಡ ಮೂಲಕ ಒರೇ ಪುದಿಯ ಮನುಷ್ಯನಾಯಿತ್ ಸೃಷ್ಟಿ ಮಾಡಿತ್, ಸಮಾದಾನ ಮಾಡ್‍ಚಿ.

1 ತಿಮೊಥೆಯ 3:16

ಏದ್ ಅನುಮಾನವು ಇಲ್ಲತನೆಕೆ, ನಂಗಕ್ ಕಾಂಬ್‍ಚಿಟ್ಟಿತುಳ್ಳ ಸತ್ಯತ್‍ರ ಗುಟ್ಟ್ ದುಂಬ ಬಲ್ಯದ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತ, ತಡೀಲ್ ಪುಟ್ಟ್‌ಚಿ. ಪವಿತ್ರಾತ್ಮ ಅಂವೊನ ನೀತಿ ಉಳ್ಳಂವೋಂದ್ ಎಣ್ಣ್‌ಚಿ. ದೇವದೂತಂಗ ಅಂವೊನ ಕಂಡತ್. ಅನ್ಯ ಜನ ಅಂವೊಂಡ ವಿಷಯತ್‍ನ ಕ್‍ೕಟತ್. ಲೋಕತ್‍ರ ಜನ ಅಂವೊನ ನಂಬ್‍ಚಿ. ಮಹಿಮೆಲ್ ಪರಲೋಕಕ್ ಪೋಚಿ.

ಇಬ್ರಿಯ 6:19

ಆ ನಂಬಿಕೆ ನಂಗಡ ಆತ್ಮಕ್ ಬಲವುಳ್ಳದಾಯಿತು ಸ್ತಿರವಾಯಿತು ಉಂಡ್. ದೇವಡ ಆಲಯತ್‌ರ, ಪಡಿರ ಬಟ್ಟೇರ ಒಳ್‍ಕ್ ಉಳ್ಳ ಅತಿಪವಿತ್ರವಾನ ಜಾಗಕ್ ನಂಗ ಪೋಪನೆಕೆ ಮಾಡಿಯಂಡುಂಡ್.

ಇಬ್ರಿಯ 9:3

ಪಿಂಞ ಪಡಿರ ಬಟ್ಟೆ ಇಂಜತ್. ಅದ್ಂಡ ಬಯ್ಯ ದಂಡನೆ ಕೋಂಬರೆ ಇಂಜತ್. ಅದ್ಂಗ್ ಅತಿಪವಿತ್ರವಾನ ಸ್ತಳಾಂದ್ ಪೆದ.

ಇಬ್ರಿಯ 9:8

ಇದ್ಂಡ ಮೂಲಕ ಪವಿತ್ರಾತ್ಮ ಎಂತ ಕಾಂಬ್‌ಚಿಟ್ಟಂಡ್ ಉಂಡ್ ಎಣ್ಣ್‌ಚೇಂಗಿ: ಆದ್ಯ ಕೋಂಬರೆ ಇಪ್ಪಕತ್ತನೆ, ಪವಿತ್ರವಾನ ಜಾಗಕ್ ಪೋಪಕುಳ್ಳ ಬಟ್ಟೇನ ಇಂಞು ಎಲ್ಲಾರ್‌ಕು ಕಾಂಬ್‍ಚಿಟ್ಟಿತ್‌ಲ್ಲೇಂದ್ ಎಣ್ಣಿಯಂಡುಂಡ್.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.

1 ಯೋಹಾನ 4:2

ಒಬ್ಬ ದೇವಡ ಆತ್ಮತ್‍ಲ್ ತಕ್ಕ್ ಪರ್ಂದಂಡುಂಡ್‍ೕಂದ್ ಎನ್ನನೆ ನಿಂಗಕ್ ಗೊತ್ತಾಪಾಂದ್ ಎಣ್ಣ್‌ಚೇಂಗಿ, ಮನುಷ್ಯನಾಯಿತ್ ಬಂದ ಯೇಸು ಕ್ರಿಸ್ತನ ಒತ್ತವ ಏದ್ ಆತ್ಮವು ದೇವಡಯಿಂಜ ಬಂದದ್.

2 ಯೋಹಾನ 1:7

ಯೇಸು ಕ್ರಿಸ್ತ ಮನುಷ್ಯ ರೂಪತ್‌ಲ್ ಈ ಬೂಲೋಕಕ್ ಬಾತ್‍ೕಂದ್ ಉಳ್ಳದ್‍ನ ಒತ್ತತೆ, ವಂಚನೆ ಮಾಡ್‌ವಯಿಂಗ ಈ ಲೋಕತ್‍ಲ್ ದುಂಬ ಬಂದಿತುಂಡ್. ಅನ್ನನೆ ಮಾಡ್‌ವಂವೊ ವಂಚನೆ ಮಾಡ್‌ವಂವೊನು, ಕಳ್ಳ ಕ್ರಿಸ್ತನಾಯಿತು ಉಂಡ್.