ಇಬ್ರಿಯ 10:19 - ಕೊಡವ ಬೈಬಲ್

¹⁹ ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ಯೇಸುರ ಚೋರೆರ ಮೂಲಕ ಅತಿಪವಿತ್ರವಾನ ಜಾಗಕ್ ಪೋಪಕುಳ್ಳ ದೈರ್ಯ ನಂಗಕ್ ಇಕ್ಕ ಕ್‍ಟ್ಟ್‌ಚಿ.

ಇಬ್ರಿಯ 10:19 ပူးပေါင်းရင်းမြစ်များ

ರೋಮ್ 5:2

ಇಕ್ಕ ನಂಗ ಸ್ತಿರವಾಯಿತ್ ನಿಂದಂಡುಳ್ಳ ಈ ಕೃಪೇರ ಒಳ್‍ಕ್ ಪೋಪಕುಳ್ಳ ಬಟ್ಟೇನ ನಂಬಿಕೇರ ಮೂಲ ಪಡ್ಂದಿತ್, ದೇವಡ ಮಹಿಮೆಲ್ ನಂಗ ಪಾಲ್‍ದಾರಂಗಳಾಪಾಂದ್ ಉಳ್ಳ ನಿರಿಕ್ಷೇಲ್ ಹೊಗಳಿಯಂಡುಂಡ್.

ರೋಮ್ 8:15

ಅನ್ನನೆ, ಪುನಃ ಬೊತ್ತಿಯಂಡ್ ಇಪ್ಪಕ್ ಅಡಿಯಾಳುವಡ ಪವಿತ್ರಾತ್ಮತ್‍ನ ಪಡಯತೆ, ಅಪ್ಪಾ ಪಪ್ಪಾಂದ್ ಕಾಕ್‌ವಕುಳ್ಳ ಮಕ್ಕಡ ಹಕ್ಕ್‌ರ ಆತ್ಮತ್‌ನ ನಿಂಗ ಪಡ್ಂದಿರ.

ಎಫೆಸ 2:18

ಅನ್ನನೆ ನಂಗ ದಂಡ್ ಜನವು, ಒರೇ ಪವಿತ್ರಾತ್ಮತ್‍ರ ಮೂಲಕ, ಅಪ್ಪನಾನ ದೇವಡ ಪಕ್ಕ ಕೂಡುವಕುಳ್ಳ ಬಾಗ್ಯ ಅಂವೊಂಡ ಮೂಲಕ ಕ್‍ಟ್ಟ್‌ಚಿ.

ಎಫೆಸ 3:12

ಅಂವೊಂಡಲ್ಲಿ ಪಿಂಞ ಅಂವೊಂಡ ಮೇಲೆ ಉಳ್ಳ ನಂಬಿಕೇರ ಮೂಲಕ, ನಂಗಕ್ ದೈರ್ಯವು, ಏದ್ ಪೋಡಿಯು ಇಲ್ಲತ ದೇವಡ ಪ್ರಸನ್ನಕ್ ಬಪ್ಪಕುಳ್ಳ ಬಾಗ್ಯವು ಕ್‍ಟ್ಟ್‌ಚಿ.

2 ತಿಮೊಥೆಯ 1:7

ದೇವ ನಂಗಕ್ ಪೋಡಿರ ಆತ್ಮತ್‌ನ ತಂದಿತ್‍ಲ್ಲೆ, ಆಚೇಂಗಿ ಬಲ, ಪ್ರೀತಿ ಪಿಂಞ ತೆಳ್ಂಗ್‍ನ ಬುದ್ದಿಯುಳ್ಳ ಆತ್ಮತ್‍ನೇ ತಂದಿತುಂಡ್.

ಇಬ್ರಿಯ 10:18

ಅನ್ನನೆ ಪಾಪಕ್ ಮನ್ನಿಪ್ ಕ್‍ಟ್ಟಿತುಂಡೇಂಗಿ, ಇಂಞು ಮಿಂಞಕ್ ಬಲಿ ಕೊಡ್‍ಪಕ್ ಅವಸ್ಯ ಇಲ್ಲೆ.

ಇಬ್ರಿಯ 10:35

ಆನಗುಂಡ್, ನಿಂಗಡ ದೈರ್ಯತ್‍ನ ಕಳೆಯುವಕ್ಕಾಗ, ಅದ್ ನಿಂಗಕ್ ಬಲ್ಯ ಪ್ರತಿಫಲ ತಪ್ಪ.

ಇಬ್ರಿಯ 12:28

ಆನಗುಂಡ್, ಅನ್‌ಂಗವಕ್ ಕಯ್ಯತ ರಾಜ್ಯತ್‍ನ ಪಡೆಯುವಯಿಂಗಳಾಯಿತುಳ್ಳ ನಂಗ, ಪೋಡಿಲ್, ಬಕ್ತಿಲ್ ದೇವಕ್ ಕುಶಿಪಡ್‌ವನೆಕೆ ಆರಾದನೆ ಮಾಡ್‌ವಕ್ ದೇವಡ ಕೃಪೇನ ಪುಡ್‍ಚಂಡ್ ಇಕ್ಕನ.

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

ಇಬ್ರಿಯ 3:6

ಆಚೇಂಗಿ ಕ್ರಿಸ್ತ, ದೇವಡ ಮನೇಕಿಂಜ ಬಲ್ಯಂವೊನಾಯಿತ್ ಒರ್ ಮೋಂವೊಂಡನೆಕೆ ಸತ್ಯವಂತಂವೊನಾಯಿತುಂಡ್; ನಂಗಡ ನಿರೀಕ್ಷೇರಗುಂಡ್ ಕ್‍ಟ್ಟುವ ದೈರ್ಯ ಪಿಂಞ ಹೆಮ್ಮೆನ ಕಡೇಕತ್ತನೆ ಗಟ್ಟಿಯಾಯಿತ್ ಪುಡ್‍ಚಂಡ್ ಇಂಜತೇಂಗಿ ನಂಗಳೇ ಅಂವೊಂಡ ಮನೇಯಾಯಿತ್‌ಪ್ಪ.

ಇಬ್ರಿಯ 4:16

ಆನಗುಂಡ್, ನಂಗಕ್ ಕರುಣೆ ಕ್‍ಟ್ಟುವಕಾಯಿತು, ತಕ್ಕ ಸಮಯತ್‍ಲ್ ಸಹಾಯ ಮಾಡ್‌ವ ಕೃಪೆ ಕ್‍ಟ್ಟ್‌ವಕಾಯಿತು ದೈರ್ಯವಾಯಿತ್ ಕೃಪೇರ ಸಿಂಹಾಸನತ್‍ರ ಪಕ್ಕ ನಂಗ ಪೋಕ.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

ಇಬ್ರಿಯ 9:12

ಒರ್ ಕೋಬಾಡ್‍ರ ಚೋರೆರಗುಂಡ್ ಅಥವ ಒರ್ ಕಡ್‍ಚಿರ ಚೋರೆರಗುಂಡ್ ಒಳ್‍ಕ್ ಪೋಯಿತ್‌ಲ್ಲೆ. ಆಚೇಂಗಿ, ತಾಂಡ ಸ್ವಂತ ಚೋರೆರ ಮೂಲಕ ಒರೇ ಕುರಿ ಅತಿಪವಿತ್ರವಾನ ಜಾಗತ್‍ರ ಒಳ್‍ಕ್ ಪೋಯಿತ್ ಎಕ್ಕಾಲು ಉಳ್ಳ ನಿತ್ಯವಾನ ವಿಮೋಚನತ್‍ನ ಉಂಟ್ ಮಾಡ್‍ಚಿ.

ಇಬ್ರಿಯ 9:3

ಪಿಂಞ ಪಡಿರ ಬಟ್ಟೆ ಇಂಜತ್. ಅದ್ಂಡ ಬಯ್ಯ ದಂಡನೆ ಕೋಂಬರೆ ಇಂಜತ್. ಅದ್ಂಗ್ ಅತಿಪವಿತ್ರವಾನ ಸ್ತಳಾಂದ್ ಪೆದ.

1 ಯೋಹಾನ 4:17

ನ್ಯಾಯತೀರ್ಪ್ ದಿವಸತ್‍ಲ್ ನಂಗ ಅಂವೊಂಡ ಮಿಂಞ ದೈರ್ಯತ್‍ಲ್ ನಿಪ್ಪಕ್ ದೇವಡ ಪ್ರೀತಿ ನಂಗಕ್ ದೈರ್ಯ ತಪ್ಪಗುಂಡ್, ಈ ಪ್ರೀತಿ ನಂಗಡೊಳ್‌ಲ್ ಇನ್ನನೆ ಪೂರ್ತಿ ಆಯಡುಂಡ್. ಎನ್ನಂಗೆಣ್ಣ್‌ಚೇಂಗಿ ಈ ಲೋಕತ್‍ಲ್ ಕ್ರಿಸ್ತ ಎನ್ನನೆ ಇಂಜತೋ ಅದೇ ತರ ನಂಗಡ ಬದ್‌ಕು ಈ ಲೋಕತ್‍ಲ್ ಉಂಡ್.