ಇಬ್ರಿಯ 10:11 - ಕೊಡವ ಬೈಬಲ್

¹¹ ಏದ್ ಯಾಜಕನು, ದಿನಾಲು ಸೇವೆ ಮಾಡ್‍ವಂವೊನಾಯಿತು, ಪಾಪಕ್ ಏದ್ ಕಾಲತ್‍ಲು ವಿಮೋಚನ ತಪ್ಪಕ್ ಕಯ್ಯತ ಒರೇ ತರ ಬಲಿನ ಪುನಃ ಪುನಃ ಅರ್ಪಿಚಿಡುವಂವೊನಾಯಿತು ಇಂಜತ್.

ಇಬ್ರಿಯ 10:11 ပူးပေါင်းရင်းမြစ်များ

ಇಬ್ರಿಯ 10:1

ನ್ಯಾಯಪ್ರಮಾಣಾಂದ್ ಎಣ್ಣುವದ್, ಇಂಞು ಮಿಂಞಕ್ ಬಪ್ಪಕುಳ್ಳ ನಲ್ಲ ವಿಷಯಕ್ ಒರ್ ನೆಳವಾಯಿತ್ ಮಾತ್ರ ಇಂಜತ್, ಅದಾಯಿತೇ ನೇರಾನದ್ ಅಲ್ಲ. ಈ ಕಾರಣಕಾಯಿತ್, ಕಾಲಕಾಲಕ್ ಎಡೆಬುಡತೆ ಮಾಡ್‌ವ ಒರೇ ತರ ಬಲೀರಗುಂಡ್, ಆರಾದನೆ ಮಾಡ್‌ವಕ್ ಬಪ್ಪಯಿಂಗಳ ಏದ್ ಕಾಲಕು ದೇವಡ ಮಿಂಞತ್ ತ್‍ೕರ ಪೂರ್ತಿ ಮಾಡ್‌ವಕ್ ಕಯ್ಯುಲೆ.

ಇಬ್ರಿಯ 10:4

ಎನ್ನಂಗೆಣ್ಣ್‌ಚೇಂಗಿ, ಎತ್ತ್ ಪಿಂಞ ಕೋಬಾಡ್‍ರ ಚೋರೆ, ಒಬ್ಬನ ಪಾಪತ್ಂಜ ವಿಮೋಚನ ಮಾಡ್‌ವಕ್ ಕಯ್ಯುಲೆ.

ಇಬ್ರಿಯ 5:1

ಮನುಷ್ಯಂಗಡಿಂಜ ಗೊತ್ತ್ ಮಾಡ್‍ನ ಏದ್ ಮಹಾ ಯಾಜಕನು, ಮನುಷ್ಯಂಗಕಾಯಿತ್ ದೇವಡ ಕಾರ್ಯತ್‍ನ ಮಾಡ್‌ವಕ್ ನೇಮಿಚಿಟ್ಟಿತುಂಡ್. ಅಂವೊ ಕಾಣಿಕೆ ಪಿಂಞ ಪಾಪಕಾಯಿತ್ ಕೊಡ್‍ಪ ಬಲಿನ ಅರ್ಪಿಚಿಡಂಡು.

ಇಬ್ರಿಯ 7:27

ಯೇಸು, ಬೋರೆ ಮಹಾ ಯಾಜಕಂಗಡನೆಕೆ, ದಿನಾಲು ತಾಂಡ ಸ್ವಂತ ಪಾಪಕಾಯಿತ್ ಬಲಿ ಕೊಡ್‍ತ ಪಿಂಞ ಜನತ್‍ರ ಪಾಪಕಾಯಿತ್ ಬಲಿ ಕೊಡ್‍ಕಂಡೂಂದ್ ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ ಅಂವೊ ಜನಡ ಪಾಪಕಾಯಿತ್ ತಾನೆ ಬಲಿಯಾಪಕ, ಒರೇ ಕುರಿ ಅಂವೊನ ಅರ್ಪಿಚಿಟ್ಟತ್.

ಇಬ್ರಿಯ 8:2

ಅಲ್ಲಿ ಅಂವೊ, ಪರಲೋಕತ್‍ರ ಗುಡಾರತ್‍ಲ್ ಸೇವೆ ಮಾಡಿಯಂಡುಂಡ್. ಈ ಗುಡಾರ ಮನುಷ್ಯಂಗಡಗುಂಡ್ ಮಾಡ್‍ನ ಗುಡಾರ ಅಲ್ಲ, ಒಡೆಯನಗುಂಡ್ ಮಾಡ್‍ನ ನೇರಾನ ಗುಡಾರವಾಯಿತುಂಡ್.

ಇಬ್ರಿಯ 8:4

ಯೇಸು ಈ ಲೋಕತ್‍ಲ್ ಇಂಜತೇಂಗಿ, ಯಾಜಕನಾಯಿತ್‌ಪ್ಪ್‌ಲೆ; ಎನ್ನಂಗೆಣ್ಣ್‌ಚೇಂಗಿ, ನ್ಯಾಯಪ್ರಮಾಣತ್‍ರ ಪ್ರಕಾರ ಕಾಣಿಕೆನ ಅರ್ಪಿಚಿಡ್‌ವಕ್ ಇಲ್ಲಿ ಯಾಜಕಂಗ ಉಂಡಲ್ಲ.