ಇಬ್ರಿಯ 10:10 - ಕೊಡವ ಬೈಬಲ್

¹⁰ ಯೇಸು ಕ್ರಿಸ್ತಂಡ ತಡಿ ಒರೇ ಕುರಿ ಬಲಿಯಾನಗುಂಡ್, ದೇವಡ ಚಿತ್ತತ್‍ರನೆಕೆ ಅದ್ಂಡ ಮೂಲಕ ನಂಗಳ ಪವಿತ್ರವಾನಯಿಂಗಳಾಯಿತ್ ಮಾಡ್‍ಚಿ.

ಇಬ್ರಿಯ 10:10 ပူးပေါင်းရင်းမြစ်များ

ಯೋಹಾನ 17:19

ಅಯಿಂಗಳಗುಂಡ್ ನನ್ನ ನಾನ್ ಪವಿತ್ರವಾಯಿತ್ ಮಾಡ್‌ವಿ, ಅಕ್ಕ ಈಂಗಳು ಸತ್ಯತ್‍ರಗುಂಡ್ ನೀಕ್ ಪವಿತ್ರವಾಯಿತ್ ಆಪ.

ಯೋಹಾನ 19:34

ಆಚೇಂಗಿಯು, ಒರ್ ಸಿಪಾಯಿ ಅಂವೊಂಡ ಈಟಿನ ಎಡ್‍ತಿತ್ ಅಂವೊಂಡ ಬಗ್ಗ್‌ರೀಕ್ ಕುತ್ತ್‌ಚಿ; ಅಕ್ಕ ಚೋರೆ ಪಿಂಞ ನೀರ್ ಪೊರಮೆ ಬಾತ್.

ಯೋಹಾನ 6:51

ನಾನೇ ಪರಲೋಕತ್ಂಜ ಬಂದ ಜೀವತ್‍ರ ಒಟ್ಟಿ; ಈ ಒಟ್ಟಿನ ತಿಂಬಯಿಂಗ ಎಕ್ಕಾಲು ಬದ್‍ಕ್‍ವ; ನಾನ್ ತಪ್ಪ ಒಟ್ಟಿ ನಾಡ ತಡಿಯೇ. ಈ ಲೋಕತ್‍ರ ಜನ ನಿತ್ಯ ಜೀವ ಪಡೆಯುವಕಾಯಿತ್ ನಾನ್ ನಾಡ ತಡೀನ ತಪ್ಪೀಂದ್ ಎಣ್ಣ್‌ಚಿ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

1 ಕೊರಿಂಥ 6:11

ನಿಂಗಡಲ್ಲಿ ಚೆನ್ನ ಜನ ಇನ್ನನೆ ಇಂಜಿರ. ಆಚೇಂಗಿಯು, ದೇವ ಇಕ್ಕ ನಿಂಗಳ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲು, ನಂಗಡ ದೇವಡ ಆತ್ಮತ್ಂಜಲು ಕತ್ತಿತ್, ಪವಿತ್ರವಾನಯಿಂಗಳಾಯಿತು, ನೀತಿವಂತಯಿಂಗಳಾಯಿತು ಮಾಡ್‍ಚಿ.

ಎಫೆಸ 5:2

ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.

ಎಫೆಸ 5:26

ಅಂವೊ ಅಂವೊಂಡ ಸಬೇನ ದೇವಡ ವಾಕ್ಯ ಎಣ್ಣುವ ನೀರ್‌ಲ್ ಮುಕ್ಕಿತ್ ಕತ್ತಿತ್, ಪವಿತ್ರವಾಯಿತ್ ಮಾಡ್‌ವಕು,

ಇಬ್ರಿಯ 10:12

ಆಚೇಂಗಿ ಕ್ರಿಸ್ತನಾನ ಈ ಮಾಹಾ ಯಾಜಕ, ಪಾಪತ್‍ರ ವಿಮೋಚನಕಾಯಿತ್ ಒರೇ ಬಲಿನ ಕೊಡ್‌ತಿತ್ ದೇವಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 10:14

ಎನ್ನಂಗೆಣ್ಣ್‌ಚೇಂಗಿ, ಪವಿತ್ರವಾನಯಿಂಗಳಾಯಿತ್ ಮಾಡ್‍ನಯಿಂಗಳ ಒರೇ ಬಲಿರ ಮೂಲಕ ಇಂವೊ ಎಕ್ಕಾಲು ಪೂರ್ತಿ ಮಾಡಿತುಂಡ್.

ಇಬ್ರಿಯ 10:20

ಅದ್ ಎನ್ನನೆ ಎಣ್ಣ್‌ಚೇಂಗಿ, ಪಡಿರ ಬಟ್ಟೇರನೆಕೆ ಉಳ್ಳ ತಾಂಡ ತಡೀರ ಮೂಲಕ ನಂಗಕಾಯಿತ್ ಪುದಿಯ ಪಿಂಞ ಜೀವವಾಯಿತುಳ್ಳ ಬಟ್ಟೇನ ತೊರ್ಂದತ್.

ಇಬ್ರಿಯ 10:29

ದೇವಡ ಮೋಂವೊನ ತಾಂಡ ಕಾಲ್‍ರ ಅಡಿಕ್ ಇಟ್ಟಿತ್ ಬೋಂಡಾಂದ್ ಎಣ್ಣಿತ್, ತನ್ನ ಪವಿತ್ರ ಮಾಡ್‍ನ ಒಪ್ಪಂದತ್‍ರ ಚೋರೆನ ಅಶುದ್ದಾಂದ್ ಗೇನ ಮಾಡಿತ್, ಕೃಪೇರ ಆತ್ಮತ್‌ನ ತ್‍ಕ್ಕಾರ ಮಾಡ್‌ವಂವೊ ಎಚ್ಚಕ್ ಬಲ್ಯ ದಂಡನೆಕ್ ಯೋಗ್ಯನಾಯಿತ್‌ಪ್ಪಾಂದ್ ಗೇನ ಮಾಡಿಯೊಳಿ.

ಇಬ್ರಿಯ 10:5

ಆನಗುಂಡ್, ಕ್ರಿಸ್ತ ಈ ಲೋಕತ್‍ಲ್ ಬಪ್ಪಕ ಅಂವೊ ದೇವಡ ಪಕ್ಕ: ಬಲಿ ಪಿಂಞ ಕಾಣಿಕೆ ನೀಕ್ ಕುಶಿಯಿಲ್ಲೆ, ಒರ್ ತಡೀನ ನಾಕಾಯಿತ್ ನೀನ್ ತಯಾರ್ ಮಾಡಿಯ;

ಇಬ್ರಿಯ 13:12

ಅನ್ನನೆ ಯೇಸು ಸಹ, ತಾಂಡ ಸ್ವಂತ ಚೋರೆರಗುಂಡ್, ಜನತ್‍ನ ಪವಿತ್ರವಾಯಿತ್ ಮಾಡ್‌ವಕ್, ಊರ್‌ರ ಪಡಿರ ಪೊರಮೆ ಕಷ್ಟಪಟ್ಟತ್.

ಇಬ್ರಿಯ 2:11

ಎನ್ನನೆ ಎಣ್ಣ್‌ಚೇಂಗಿ, ಪವಿತ್ರ ಮಾಡ್‌ವಂವೊನು, ಪವಿತ್ರ ಆಪಯಿಂಗ ಎಲ್ಲಾರ್‌ಕು ಒರೇ ಅಪ್ಪ ಉಂಡ್; ಇದ್‍ನಗುಂಡ್ ಪವಿತ್ರ ಆಪಯಿಂಗಳ ತಾಂಡ ಅಣ್ಣತಮ್ಮಣಂಗಾಂದ್ ಕಾಕುವಕ್ ಯೇಸುಕ್ ಞಾಣ ಆಪುಲೆ.

ಇಬ್ರಿಯ 2:14

ಆನಗುಂಡ್, ಮಕ್ಕ ಚೋರೆ ಪಿಂಞ ತಡಿ ಉಳ್ಳಂಗಾಯಿತ್ ಇಪ್ಪಕ ಅಂವೊನು ಸಹ, ಚೋರೆ ಪಿಂಞ ತಡಿ ಉಳ್ಳ ಮನುಷ್ಯನಾಯಿತ್ ಆಚಿ; ಚಾವ್‍ರ ಅದಿಕಾರಿಯಾಯಿತುಳ್ಳ ಸೈತಾನನ ತಾಂಡ ಚಾವ್‍ರಗುಂಡೇ ನಾಶ ಮಾಡ್‍ಚಿ.

ಇಬ್ರಿಯ 5:7

ಯೇಸು ಈ ಲೋಕತ್‍ಲ್ ಬದ್‍ಕಿಯಂಡಿಂಜ ಕಾಲತ್‍ಲ್, ಅಂವೊನ ಚಾವ್‍ಯಿಂಜ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನ ನೋಟಿತ್, ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್, ಕಣ್ಣೀರಿಟ್ಟಂಡ್, ಪ್ರಾರ್ಥನೆ ಮಾಡಿತ್, ಬೋಡಿಯಂಡಿಂಜತ್. ಅಂವೊಂಗ್ ಇಂಜ ದೇವಡ ಬಕ್ತಿರಗುಂಡ್ ಅಂವೊಂಡ ಪ್ರಾರ್ಥನೆ ದೇವಕ್ ಎತ್ತ್‌ಚಿ.

ಇಬ್ರಿಯ 7:27

ಯೇಸು, ಬೋರೆ ಮಹಾ ಯಾಜಕಂಗಡನೆಕೆ, ದಿನಾಲು ತಾಂಡ ಸ್ವಂತ ಪಾಪಕಾಯಿತ್ ಬಲಿ ಕೊಡ್‍ತ ಪಿಂಞ ಜನತ್‍ರ ಪಾಪಕಾಯಿತ್ ಬಲಿ ಕೊಡ್‍ಕಂಡೂಂದ್ ಇಲ್ಲೆ; ಎನ್ನಂಗೆಣ್ಣ್‌ಚೇಂಗಿ ಅಂವೊ ಜನಡ ಪಾಪಕಾಯಿತ್ ತಾನೆ ಬಲಿಯಾಪಕ, ಒರೇ ಕುರಿ ಅಂವೊನ ಅರ್ಪಿಚಿಟ್ಟತ್.

ಇಬ್ರಿಯ 9:12

ಒರ್ ಕೋಬಾಡ್‍ರ ಚೋರೆರಗುಂಡ್ ಅಥವ ಒರ್ ಕಡ್‍ಚಿರ ಚೋರೆರಗುಂಡ್ ಒಳ್‍ಕ್ ಪೋಯಿತ್‌ಲ್ಲೆ. ಆಚೇಂಗಿ, ತಾಂಡ ಸ್ವಂತ ಚೋರೆರ ಮೂಲಕ ಒರೇ ಕುರಿ ಅತಿಪವಿತ್ರವಾನ ಜಾಗತ್‍ರ ಒಳ್‍ಕ್ ಪೋಯಿತ್ ಎಕ್ಕಾಲು ಉಳ್ಳ ನಿತ್ಯವಾನ ವಿಮೋಚನತ್‍ನ ಉಂಟ್ ಮಾಡ್‍ಚಿ.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.

ಇಬ್ರಿಯ 9:26

ಅನ್ನನೆ ಇಂಜತೇಂಗಿ ಈ ಲೋಕ ಸೃಷ್ಟಿ ಆನ ಕಾಲತ್ಂಜ ಯೇಸು ದುಂಬ ಕುರಿ ಕಷ್ಟ ಅನುಬವಿಚಿಡುವಕಿಂಜತ್. ಆಚೇಂಗಿ, ಒರೇ ಕುರಿ ಪಾಪತ್‍ನ ಕಳೆಯುವಕಾಯಿತ್ ಅಂವೊನಾಯಿತೇ ಅಂವೊನ ಬಲಿ ಕೊಡ್‍ಪಕ್ ಈ ಆಕೀರ್ ಕಾಲತ್‍ಲ್ ಪ್ರತ್ಯಕ್ಷ ಆಚಿ.

ಇಬ್ರಿಯ 9:28

ಅನ್ನನೆ ಕ್ರಿಸ್ತ ಸಹ, ದುಂಬ ಜನತ್‍ರ ಪಾಪತ್‍ನ ತಾಂಡ ಮೇಲೆ ಎಡ್‍ತಿತ್ ಕಳೆಯುವಕಾಯಿತ್ ಒರೇ ಕುರಿ ಬಲಿಯಾಚಿ. ತಾಂಗಾಯಿತ್ ಪಾರಕಾತಂಡ್ ಉಳ್ಳಯಿಂಗಕ್ ರಕ್ಷಣೆನ ದಾನ ಮಾಡ್‌ವಕಾಯಿತ್ ಪಾಪ ಇಲ್ಲತಂವೊನಾಯಿತ್ ದಂಡನೆ ಕುರಿ ಪ್ರತ್ಯಕ್ಷ ಆಪ.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.

1 ಯೋಹಾನ 5:6

ಯೇಸು ಕ್ರಿಸ್ತನಾನ ಇಂವೊನೇ ನೀರ್ಂಜಲು ಚೋರೆಯಿಂಜಲು ಬಂದಂವೊ. ನೀರ್ಂಜ ಮಾತ್ರವಲ್ಲ, ನೀರ್ಂಜಲು ಪಿಂಞ ಚೋರೆಯಿಂಜಲು ಬಂದಂವೊ. ಪವಿತ್ರಾತ್ಮನಾನಂವೊನೇ ಇದ್ ಸತ್ಯಾಂದ್ ಸಾಕ್ಷಿ ಕೊಡ್‍ತಂಡುಂಡ್. ಎನ್ನಂಗೆಣ್ಣ್‌ಚೇಂಗಿ ದೇವಡ ಆತ್ಮ ಸತ್ಯವುಳ್ಳಂವೊ.