ಆದ್ಯತ್‌ರ ಪುಸ್ತಕ 9:6 - ಕೊಡವ ಬೈಬಲ್

⁶ ದೇವ ಮನುಷ್ಯನ ತಾಂಡ ರೂಪತ್‌ಲ್‌ ಸೃಷ್ಟಿ ಮಾಡ್‍ನಗುಂಡ್, ಒರ್‌ ಮನುಷ್ಯ ಇಂಞೊರ್‌ ಮನುಷ್ಯನ ಕೊಂದತೇಂಗಿ, ಅಂವೊಂಡ ಜೀವ ಸಹ ಒರ್‌ ಮನುಷ್ಯಂಡ ಕೈಯಿಂಜಲೆ ಪೋಪ.

ಆದ್ಯತ್‌ರ ಪುಸ್ತಕ 9:6 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 4:14

ಇಕ್ಕ ನೀನ್‌ ನನ್ನ ಈ ಜಾಗತಿಂಜ, ನೀಡ ಪ್ರಸನ್ನತ್‌ಂಜ ಓಟಿಚಿಟ್ಟಂಡುಳ್ಳಿಯ; ನನ್ನ ಒರ್‌ ಅಲೆಮಾರಿಯಾಯಿತ್‌ ಮಾಡಿತುಳ್ಳಿಯ. ನನ್ನ ದರಾಚೇಂಗಿ ಕಂಡತೇಂಗಿ ನನ್ನ ಕೊಂದ್ರುವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 42:22

ಅಕ್ಕ ರೂಬೇನ ಅಯಿಂಗಳ ನೋಟಿತ್: ಆ ಕ್‌ಣ್ಣಂಗ್‌ ವಿರೋದವಾಯಿತ್‌ ಪಾಪ ಮಾಡಂಡಾಂದ್‌ ನಾನ್‌ ನಿಂಗಕ್‌ ಎಣ್ಣಿತ್‌ಲ್ಲಿಯಾ? ಆಚೇಂಗಿ ನಿಂಗ ಕ್‍ೕಟಿತ್‌ಲ್ಲೆ. ಇಕ್ಕ ನೋಟಿ, ಅಂವೊಂಡ ಚೋರೆನ ಚೆಲ್ಲ್‌ನಂಗ್‌ ನಂಗ ಇಕ್ಕ ಚಾವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 5:1

ಆದಾಮಂಡ ವಂಶಾವಳಿರ ನೇಮ. ದೇವ ಮನುಷ್ಯನ ಸೃಷ್ಟಿ ಮಾಡ್‌ವ ದಿವಸತ್‌ಲ್‌ ದೇವಡ ರೂಪತ್‌ಲ್‌ ಉಂಟ್ ಮಾಡ್‌ಚಿ.

ಜ್ಞಾನತ್‌ರ ಪಡಿಮ 28:17

ತಾನ್‌ ಕೊಲೆಮಾಡ್‌ನ ಅಪರಾದಕಾಯಿತ್‌ ಒಬ್ಬ ಕುಂಡ್‌ಕ್‌ ಓಡಿಪೋಪ. ಅಂವೊಂಗ್‌ ಸಹಾಯ ಮಾಡತಿ.

ಮತ್ತಾಯ 26:52

ಅಕ್ಕ ಯೇಸು ಅಂವೊಂಗ್: ನೀಡ ಕತ್ತಿನ ಅದ್ಂಡ ಕೊತ್ತೆಲ್ ಇಡ್. ಎನ್ನಂಗೆಣ್ಣ್‌ಚೇಂಗಿ ಕತ್ತಿನ ಎಡ್‍ಪಯಿಂಗ ಕತ್ತಿಯಿಂಜಲೇ ಚಾವಾಂದ್ ಎಣ್ಣ್‌ಚಿ.

ರೋಮ್ 13:4

ನೀಕ್ ನಲ್ಲದ್ ಆಂಡೂಂದ್ ಅಯಿಂಗ ದೇವಡ ಸೇವಕಂಗಳಾಯಿತ್ ಉಂಡ್. ನೀನ್ ಕೆಟ್ಟದ್ ಮಾಡ್‍ಚೇಂಗಿ ಬೊತ್ತಿಯಂಡಿರ್; ಮುಂಡತೆ ಅಯಿಂಗಕ್ ಅದಿಕಾರ ಕೊಡ್‍ತಿತ್ತ್‌ಲ್ಲೆ; ಕೆಟ್ಟದ್ ಮಾಡ್‌ವಯಿಂಗಕ್ ಶಿಕ್ಷೆ ಕೊಡ್‍ಪಕಾಯಿತ್ ಅಯಿಂಗ ದೇವಡ ಸೇವಕನಾಯಿತುಂಡ್.

1 ಕೊರಿಂಥ 11:7

ಒರ್ ಆಣಾಳ್ ಮಂಡೆಕ್ ತುಣಿ ಇಡ್‌ವಕ್ಕಾಗ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ದೇವಡ ರೂಪತ್‌ಲ್ ಪಿಂಞ ದೇವಡ ಮಹಿಮೇರ ಪ್ರತಿಮೆಲ್ ಉಂಡ್. ಆಚೇಂಗಿ ಪೊಣ್ಣಾಳ್ ಆಣಾಳ್‌ರ ಮಹಿಮೆಯಾಯಿತ್ ಉಂಡ್.

ಯಾಕೋಬ 3:9

ಅದೇ ನಾವ್‌ಲ್ ನಂಗಡ ಅಪ್ಪನಾನ ದೇವನ ತುದಿಚಿತ್ ಕೊಂಡಾಡುವ; ದೇವಡ ರೂಪತ್‌ಲ್ ಸೃಷ್ಟಿ ಮಾಡ್‍ನ ಮನುಷ್ಯಂಗಳ ಅದೇ ನಾವ್ಂಜ ಶಾಪ ಇಡ್‌ವ.

ಪ್ರಕಟನೆ 13:10

ದಾರ್ ಜನಳ ಪುಡ್‌ಚಿತ್ ಅಡಿಯಾಳಾಯಿತ್ ಕೊಂಡ್ ಪೋಪ, ಅಯಿಂಗಳ ಸಹ ಅಡಿಯಾಳಾಯಿತ್ ಪುಡ್‍ಚಂಡ್ ಪೋಪ; ಬಾಳ್‌ಯಿಂಜ ಕೊಲ್ಲ್‌ವಂವೊ ಬಾಳ್‍ರಗುಂಡ್ ಚಾವಂಡು. ಇದ್‍ಲ್ ದೇವಡ ಮಕ್ಕಡ ಪೊರುಮೆ ಪಿಂಞ ನಂಬಿಕೆ ಗೊತ್ತಾಪ.