ಆದ್ಯತ್‌ರ ಪುಸ್ತಕ 9:27 - ಕೊಡವ ಬೈಬಲ್

²⁷ ಯೆಹೋವನಾನ ದೇವ ಯೆಫೆತ್‌ರ ಜಾಗತ್‌ನ ಬಲ್ಯದ್‌ ಮಾಡಡ್‌ ಪಿಂಞ ಶೇಮಂಡ ಅಬಿವೃದ್ದಿಲ್‌ ಅಂವೊಂಗು ಪಾಲ್‌ ಕ್‌ಟ್ಟಡ್. ಕಾನಾನ್‌ ಅಂವೊಂಗ್‌ ಅಡಿಯಾಳಾಯಿತ್‌ ಇರಡ್.

ಆದ್ಯತ್‌ರ ಪುಸ್ತಕ 9:27 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 10:2

ಯೆಫೆತ್‌ರ ಸಂತಾನಕಾರ ದಾರ್‌ಂದ್‌ ಎಣ್ಣ್‌ಚೇಂಗಿ: ಗೋಮೆರ್, ಮಾಗೋಗ್, ಮಾದಯ್, ಯಾವಾನ್, ತೂಬಲ್, ಮೆಷೆಕ್, ತೀರಾಸ್ ಎಣ್ಣುವಯಿಂಗಳೇ.

ಆದ್ಯತ್‌ರ ಪುಸ್ತಕ 27:29

ಎಲ್ಲಾ ಜನ ನೀಕ್‌ ಸೇವೆ ಮಾಡಿತ್, ಜನಾಂಗ ನೀಕ್‌ ಅಡ್ಡ ಬುದ್ದಿತ್‌ ಕೊಂಡಾಡಡ್. ನೀಡ ಅಣ್ಣತಮ್ಮಣಂಗಕ್‌ ನೀನೆ ಯಜಮಾನನಾಯಿತ್‌ ಇಪ್ಪಿಯ. ನೀಡ ಅವ್ವಂಡ ಮಕ್ಕ ಎಲ್ಲಾರು ನೀಕ್‌ ಅಡ್ಡ ಬೂವಡ್. ನೀಕ್‌ ಶಾಪ ಇಡುವಯಿಂಗಕ್‌ ಶಾಪ ಕ್‌ಟ್ಟ್‌ವ. ನೀಕ್‌ ಆಶೀರ್ವಾದ ಮಾಡುವಯಿಂಗಕ್‌ ಆಶೀರ್ವಾದ ಕ್‌ಟ್ಟ್‌ವಾಂದ್‌ ಎಣ್ಣಿತ್‌ ಅಂವೊನ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 9:28

ಜಲಪ್ರಳಯ ಬಂದ ಪಿಂಞ ನೋಹ ಇಂಞು ಮುನ್ನೂಟ್ಯ ಐಂಬದ್‌ ಕಾಲ ಬದ್‌ಕ್‌ಚಿ.

ಮಲಾಕಿ 1:11

ಸೂರ್ಯ ಉದಿಪ ದಿಕ್ಕ್‌ ಪುಡಿಚಿತ್, ಅದ್‌ ಮುಳಿವ ದಿಕ್ಕ್‌ಕತ್ತನೆ, ಎಲ್ಲಾ ದೇಶತ್‌ರ ಜನಳು ನಾಡ ಪೆದತ್‌ನ ಗನ ಪಡ್‌ತುವ. ಎಲ್ಲಾ ಜಾಗತ್‌ಲು ನಾಕ್‍ ದೂಪತ್‌ನ ಪಿಂಞ ಶುದ್ದ ಕಾಣಿಕೆನ ಅರ್ಪಿಚಿಡುವ. ಅಕ್ಕು, ಎಲ್ಲಾ ಜನಾಂಗತ್‌ರ ಮದ್ಯತ್‌ಲು ನಾಡ ಪೆದ ಬಲ್ಯದಾಯಿತ್‌ಪ್ಪಾಂದ್‌ ಸೈನ್ಯತ್‌ರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್.

ಅಪೊಸ್ತಲ 17:14

ಅಕ್ಕಣೆಕೆ, ಅಲ್ಲಿಯತ್‍ರ ಯೇಸುನ ನಂಬ್‍ನ ಅಣ್ಣತಮ್ಮಣಂಗ, ಪೌಲನ ಸಮುದ್ರತ್‍ರ ಕರೆಕತ್ತನೆ ಅಯಿಚತ್. ಆಚೇಂಗಿ ಸೀಲ ಪಿಂಞ ತಿಮೊಥೆಯ ಅಲ್ಲಿಯೇ ಇಂಜತ್.

ರೋಮ್ 11:12

ಅಯಿಂಗ ಮೀರ್‍ನಗುಂಡ್ ಲೋಕಕ್ ಐಶ್ವರ್ಯವು, ಅಯಿಂಗಡ ನಷ್ಟ ಯೆಹೂದ್ಯ ಅಲ್ಲತಯಿಂಗಕ್ ಆಶೀರ್ವಾದವು ಆಯಿತ್ಂಜತೇಂಗಿ, ಅಯಿಂಗ ಎಲ್ಲಾರು ಸ್ವೀಕಾರ ಮಾಡ್‍ಚೇಂಗಿ ಎಚ್ಚಕ್ ಬಲ್ಯದಾಯಿತಿಪ್ಪ.

ರೋಮ್ 15:12

ಯೆಶಾಯ ಪ್ರವಾದಿ: ಇಷಯ ಎಣ್ಣ್‌ವಂವೊಂಡ ಸಂತಾನತ್‍ಲ್ ಬಪ್ಪಂವೊನು, ಯೆಹೂದ್ಯ ಅಲ್ಲತಯಿಂಗಳ ಆಳುವಂವೊನು ಆಯಿತುಳ್ಳ ಒಬ್ಬ, ಬಂದಂಡುಂಡ್, ಅಂವೊಂಡಲ್ಲಿ ಯೆಹೂದ್ಯ ಅಲ್ಲತಯಿಂಗ ನಂಬಿಕೆ ಇಡ್‍ವಾಂದ್ ಎಣ್ಣ್‌ಚಿ.

ಎಫೆಸ 2:19

ಆನಗುಂಡ್, ನಿಂಗ ಇಂಞು ಮಿಂಞಕ್ ಬೋರೆಯಿಂಗಾಂದ್ ಪಿಂಞ ಅನ್ಯ ಜನಾಂದ್ ಇಲ್ಲತೆ, ದೇವಡ ಮಕ್ಕಡ ಕೂಟ್‌ಲ್ ಒರೇ ದೇಶಕ್ ಕೂಡ್‍ನಯಿಂಗಳು, ದೇವಡ ಮನೆಕಾರಂಗಳಾಯಿತ್ ಇಂಜಂಡ್,

ಎಫೆಸ 3:13

ಆನಗುಂಡ್, ನಿಂಗಡಗುಂಡ್ ನಾನ್ ಅನುಬವಿಚಿಡುವ ಹಿಂಸೆಕಾಯಿತ್ ನಿಂಗ ತಳ್ಂದ್ ಪೋಕತೆ ಇರಂಡೂಂದ್ ನಾನ್ ನಿಂಗಳ ಬೋಡುವಿ. ಇದೆಲ್ಲ ನಿಂಗಡ ನಲ್ಲದ್‍ಕಾಯಿತೇ ಆಯಂಡುಂಡ್.

ಎಫೆಸ 3:6

ಆ ಗುಟ್ಟ್ ಎಂತ ಎಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿರಗುಂಡ್, ಯೆಹೂದ್ಯಂಗಲ್ಲತ ಬೋರೆ ಜನ ಯೆಹೂದ್ಯಂಗಡ ಕೂಡೆ ಬಾದ್ಯಕಾರಂಗಳಾಯಿತ್, ಒರೇ ತಡೀರ ಬಾಗತ್‍ರನೆಕೆ ಕ್ರಿಸ್ತ ಯೇಸುರ ವಾಗ್ದಾನಕ್ ಪಾಲ್‍ದಾರಂಗಳಾಯಿತ್ ಇರಂಡು ಎಣ್ಣ್‌ವದೇ.