ಆದ್ಯತ್‌ರ ಪುಸ್ತಕ 9:26 - ಕೊಡವ ಬೈಬಲ್

²⁶ ಇಂಞು ನೋಹ: ಶೇಮಂಡ ಯೆಹೋವನಾನ ದೇವಂಗ್‌ ವಂದನೆ. ಕಾನಾನ್‌ ಶೇಮಂಗ್‌ ಅಡಿಯಾಳಾಯಿತ್‌ ಇರಡ್.

ಆದ್ಯತ್‌ರ ಪುಸ್ತಕ 9:26 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 14:20

ನೀಡ ಶತ್‌ರುವಳ ನೀಡ ಕೈಕ್‌ ಒಪ್ಪ್‌ಚಿಟ್ಟ ಉನ್ನತವಾನ ದೇವಂಗ್‌ ಸ್ತೋತ್‌ರಾಂದ್‌ ಎಣ್ಣ್‌ಚಿ. ಅಲ್ಲಿಂಜ ಅಬ್ರಾಮ ತಾನ್‌ ಗೆದ್ದಿತ್‌ ಕೊಂಡಬಂದ ಎಲ್ಲಾ ಸಾಮಾನತ್‌ಲ್‌ ಪತ್ತ್‌ಲ್‌ ಒರ್‌ ಬಾಗತ್‌ನ ಅಂವೊಂಗ್‌ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 24:27

ನಾಡ ಎಜಮಾನನಾನ ಅಬ್ರಹಾಮಂಡ ದೇವನಾನ, ಯೆಹೋವಂಗ್‌ ಸ್ತೋತ್‌ರವಾಡ್; ಅಂವೊ ತಾಂಡ ದಯೇನ ಸತ್ಯತ್‌ನ ನಾಡ ಎಜಮಾನಡಿಂಜ ಎಡ್‌ತಿತ್‌ಲ್ಲೆ; ನಾನ್‌ ಪ್ರಯಾಣ ಮಾಡಿತ್‌ ಬಪ್ಪಕ, ಯೆಹೋವ ನನ್ನ ನಾಡ ಎಜಮಾನಂಡ ಮನೆಕಾರಡ ಮನೆಕ್‌ ಕಾಕಿಯಂಡ್‌ ಬಂದಿತ್‌ ಉಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 27:29

ಎಲ್ಲಾ ಜನ ನೀಕ್‌ ಸೇವೆ ಮಾಡಿತ್, ಜನಾಂಗ ನೀಕ್‌ ಅಡ್ಡ ಬುದ್ದಿತ್‌ ಕೊಂಡಾಡಡ್. ನೀಡ ಅಣ್ಣತಮ್ಮಣಂಗಕ್‌ ನೀನೆ ಯಜಮಾನನಾಯಿತ್‌ ಇಪ್ಪಿಯ. ನೀಡ ಅವ್ವಂಡ ಮಕ್ಕ ಎಲ್ಲಾರು ನೀಕ್‌ ಅಡ್ಡ ಬೂವಡ್. ನೀಕ್‌ ಶಾಪ ಇಡುವಯಿಂಗಕ್‌ ಶಾಪ ಕ್‌ಟ್ಟ್‌ವ. ನೀಕ್‌ ಆಶೀರ್ವಾದ ಮಾಡುವಯಿಂಗಕ್‌ ಆಶೀರ್ವಾದ ಕ್‌ಟ್ಟ್‌ವಾಂದ್‌ ಎಣ್ಣಿತ್‌ ಅಂವೊನ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 27:37

ಅದ್‌ಂಗ್‌ ಇಸಾಕ ಏಸಾವಂಗ್: ನಾಡ ಮೋನೇ, ಅಂವೊನ ನೀಕ್‌ ಯಜಮಾನನಾಯಿತ್‌ ಮಾಡಿಯೆ. ಅಂವೊಂಡ ಅಣ್ಣತಮ್ಮಣಂಗಳ ಅಂವೊಂಗ್‌ ಆಳಾಯಿತ್‌ ಇರಡ್‍ೕಂದ್‌ ಆಶೀರ್ವಾದ ಮಾಡಿಯೆ. ಅಂವೊಂಗ್‌ ಬೋಂಡಿಯಚ್ಚಕ್‌ ಕಾಳ್‌ ಪಿಂಞ ದ್ರಾಕ್ಷಿರಸ ಕ್‌ಟ್ಟಡ್‍ೕಂದ್‌ ಆಶೀರ್ವಾದ ಮಾಡಿಯೆ. ನೀಕ್‌ ತಪ್ಪಕ್‌ ನಾಡ ಪಕ್ಕ ಇಂಞು ಎಂತ ಬಾಕಿ ಉಂಡ್, ನಾನ್‌ ಎಂತ ಮಾಡಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 27:40

ನೀನ್‌ ಬಾಳ್‌ನಗುಂಡ್‌ ಬದ್‌ಕುವಿಯ. ನೀನ್‌ ನೀಡ ತಮ್ಮಣನಂಗ್‌ ಸೇವೆ ಮಾಡ್‌ವಿಯ; ಆಚೇಂಗಿ, ನೀನ್‌ ದಂಗೆ ಏವಕ, ಅಂವೊಂಡ ಪುಡಿತತ್‌ಂಜ ಪಾರಾಪಿಯಾಂದ್‌ ಎಣ್ಣ್‌ಚಿ.

ರೋಮ್ 9:5

ಮುತ್ತಜ್ಜಂಗ ಅಯಿಂಗಕುಳ್ಳಯಿಂಗಳೇ, ತಡೀರ ಪ್ರಕಾರ ಕ್ರಿಸ್ತ ಸಹ ಅಯಿಂಗಡಲ್ಲಿ ಪುಟ್ಟ್‌ಚಿ, ಇಂವೊ ಕಾಲಕಾಲಕು, ಎಲ್ಲಾಂಗು ಕೊಡಿಲ್ ದೇವನಾಯಿತ್ ಕೊಂಡಾಡುವಕ್ ಉಳ್ಳಂವೊನಾಯಿತುಂಡ್, ಆಮೆನ್.

ಇಬ್ರಿಯ 11:16

ಆಚೇಂಗಿ, ಅಯಿಂಗ ಬುಟ್ಟಿತ್ ಬಂದ ದೇಶಕಿಂಜ ವಿಶೇಷವಾಯಿತುಳ್ಳ ಪರಲೋಕತ್‍ರ ದೇಶತ್‍ನ ಕುಶಿಪಟ್ಟತ್; ಆನಗುಂಡ್ ದೇವ, ಅಯಿಂಗಡ ದೇವಾಂದ್ ಕಾಕುವಕ್ ಞಾಣ ಪಡುಲೆ; ಅಯಿಂಗಕಾಯಿತ್ ಒರ್ ಪಟ್ಟಣತ್‍ನ ತಯಾರ್ ಮಾಡ್‍ಚಿ.