ಆದ್ಯತ್‌ರ ಪುಸ್ತಕ 9:25 - ಕೊಡವ ಬೈಬಲ್

²⁵ ಅಂವೊ ಹಾಮಂಡ ಸಂತಾನಕ್‌ ಶಾಪ ಇಟ್ಟಿತ್, ಅಂವೊ ಶೇಮ್, ಯೆಫೆತ್‌ರ ಸಂತಾನತ್‌ರ ಅಡಿಯಾಳಂಗಕ್‌ ಅಡಿಯಾಳಾಯಿತ್‌ ಇಪ್ಪಾಂದ್‌ ಎಣ್ಣ್‌ಚಿ .

ಆದ್ಯತ್‌ರ ಪುಸ್ತಕ 9:25 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:14

ಅಕ್ಕ ಯೆಹೋವನಾನ ದೇವ ಆ ಪಾಂಬ್‌ಕ್: ನೀನ್‌ ಈ ಕಾರ್ಯತ್‌ನ ಮಾಡ್‍ನಗುಂಡ್, ಎಲ್ಲಾ ಚಾಕ್‌ ಪ್ರಾಣಿಯಡಿಂಜ, ಕಾಡ್‌ ಪ್ರಾಣಿಯಡಿಂಜ ಬೋರೆ ಆಯಿತ್‌ ನೀಕ್‌ ಶಾಪ ಕ್‌ಟ್ಟಿತ್‌ಪ್ಪ. ನೀನ್‌ ನೀಡ ಪೊಟ್ಟೆಯಿಂಜ ತೆವಳಿಯಂಡ್‌ ಪೋಪಿಯ ಪಿಂಞ ನೀನ್‌ ಜೀವವಾಯಿತ್‌ ಉಳ್ಳ ದಿವಸವೆಲ್ಲ ನೀನ್‌ ದೂಳ್‌ನ ತಿಂಬಿಯ.

ಆದ್ಯತ್‌ರ ಪುಸ್ತಕ 4:11

ನೀನ್‌ ಬೂಕ್‌ಚಿಟ್ಟ ನೀಡ ತಮ್ಮಣಂಡ ಚೋರೆನ ಕುಡಿಚ ಈ ಬೂಮಿಲ್‌ ನೀನ್‌ ಶಾಪ ಪಡ್‌ಂದಂವೊನಾಯಿತ್‌ಪ್ಪಿಯ.

ಆದ್ಯತ್‌ರ ಪುಸ್ತಕ 49:7

ಅಯಿಂಗಡ ಬಯಂಗರವಾನ ಚೆಡಿಕು, ಅಯಿಂಗಡ ಕ್ರೂರವಾನ ಬಲ್ಯ ಚೆಡಿಕು ಶಾಪ ಬರಡ್, ಅದ್‌ ಬಾರಿ ಕ್ರೂರವಾಯಿತುಂಡ್. ಯಾಕೋಬಂಡ ಕುಲತ್‌ರಯಿಂಗಡಡೆಲ್‌ ಅಯಿಂಗಳ ಬೋರೆ ಬೋರೆ ಮಾಡಿತ್, ಇಸ್ರಾಯೇಲ್‌ ದೇಶತ್‌ಲೆಲ್ಲ ಅಯಿಂಗಡ ಸಂತಾನತ್‌ನ ಚದ್‍ರ್‍ಚಿಡ್‌ವಿ.

ಆದ್ಯತ್‌ರ ಪುಸ್ತಕ 9:18

ಹಡಗಿಂಜ ಪೊರ್‌ಟ್ ಬಂದ ನೋಹಂಡ ಕ್‌ಣ್ಣ ಮಕ್ಕ ಶೇಮ್, ಹಾಮ್, ಯೆಫೆತ್‌ ಎಣ್ಣುವಯಿಂಗಳೇ. (ಹಾಮ್‌ ಕಾನಾನ್‌ಕ್‌ ಅಪ್ಪನಾಯಿತ್‌ಂಜತ್‌)

ಆದ್ಯತ್‌ರ ಪುಸ್ತಕ 9:22

ಕಾನಾನ್‌ಕ್‌ ಅಪ್ಪನಾನ ಹಾಮ್, ಅಪ್ಪ ಬೆತ್ತಲೆಯಾಯಿತ್‌ ಉಳ್ಳಾನ ಕಂಡಿತ್, ಅಂವೊ ಪೊರಮೆ ಪೋಯಿತ್‌ ತಾಂಡ ಅಣ್ಣತಮ್ಮಣಂಗಳಾನ ಶೇಮ್‌ ಪಿಂಞ ಯೆಫೆತಂಗ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 9:24

ನೋಹ ಕುಡಿಚ ಬೋದೆಯಿಂಜ ಏವಕ ತಾಂಡ ಚೆರಿಯ ಮೋಂವೊ ಮಾಡ್‌ನದ್‌ ಗೊತ್ತಾಚಿ.

ಮತ್ತಾಯ 25:41

ಪಿಂಞ ರಾಜ ತಾಂಡ ಎಡ್‍ತೆ ಬರಿಲ್ ಉಳ್ಳಯಿಂಗಳ ನೋಟಿತ್: ದೇವಡ ಶಾಪ ಪಡ್ಂದಯಿಂಗಳೇ, ನನ್ನ ಬುಟ್ಟಿತ್, ಸೈತಾನಂಗು ಅಂವೊಂಡ ದೂತಂಗಕು ತಯಾರ್ ಮಾಡಿತುಳ್ಳ ನಿತ್ಯ ತಿತ್ತ್‌ಕ್ ಪೋಯಿ.

ಯೋಹಾನ 8:34

ಅಯಿಂಗಕ್ ಯೇಸು: ಪಾಪ ಮಾಡ್‌ವಯಿಂಗ ಎಲ್ಲಾರು ಪಾಪಕ್ ಅಡಿಯಾಳಾಯಿತಿಪ್ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.