ಆದ್ಯತ್‌ರ ಪುಸ್ತಕ 9:23 - ಕೊಡವ ಬೈಬಲ್

²³ ಆಚೇಂಗಿ ಶೇಮ್‌ ಪಿಂಞ ಯೆಫೆತ್‌ ಕಂಬಳಿನ ಎಡ್‌ತ್‌ಂಡ್‌ ತಂಗಡ ಬೆನ್ನ್‌ರ ಮೇಲೆ ಇಟ್ಟಂಡ್‌ ಬಯ್ಯಕ್‌ ನಡ್‌ದಂಡ್‌ ಪೋಯಿತ್‌ ಅಪ್ಪಂಡ್‌ ಬೆತ್ತೆಲೆನ ಮುಚ್ಚ್‌ಚಿ. ಅಯಿಂಗಡ ಮೂಡ್‌ನ ಇಂಞೊರ್‌ ಬರಿಕ್‌ ತಿರ್‌ಗಿತ್‌ಂಜನಗುಂಡ್‌ ಅಯಿಂಗ ಅಪ್ಪಂಡ ಬೆತ್ತಲೆನ ಕಂಡಿತ್‌ಲೆ.

ಆದ್ಯತ್‌ರ ಪುಸ್ತಕ 9:23 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 9:22

ಕಾನಾನ್‌ಕ್‌ ಅಪ್ಪನಾನ ಹಾಮ್, ಅಪ್ಪ ಬೆತ್ತಲೆಯಾಯಿತ್‌ ಉಳ್ಳಾನ ಕಂಡಿತ್, ಅಂವೊ ಪೊರಮೆ ಪೋಯಿತ್‌ ತಾಂಡ ಅಣ್ಣತಮ್ಮಣಂಗಳಾನ ಶೇಮ್‌ ಪಿಂಞ ಯೆಫೆತಂಗ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 9:24

ನೋಹ ಕುಡಿಚ ಬೋದೆಯಿಂಜ ಏವಕ ತಾಂಡ ಚೆರಿಯ ಮೋಂವೊ ಮಾಡ್‌ನದ್‌ ಗೊತ್ತಾಚಿ.

ರೋಮ್ 13:7

ಆನಗುಂಡ್, ನಿಂಗ ಎಲ್ಲಾರ್‌ಕು ಎಂತ ಕರ್ತವ್ಯತ್‍ನ ಮಾಡಂಡುವೋ ಅದ್‍ನ ಮಾಡಿ. ದಾರ್‌ಕ್ ಕಂದಾಯತ್‍ನ ಕೊಡ್‍ಕಂಡುವೊ ಅಯಿಂಗಕ್ ಕಂದಾಯತ್‍ನ ಕೊಡಿ, ದಾರ್‌ಕ್ ಸುಂಕ ಕೊಡ್‍ಕಂಡುವೊ ಅಯಿಂಗಕ್ ಸುಂಕತ್‌ನ ಕೊಡಿ; ದಾರ್‌ಕ್ ಬೊತ್ತಿತ್ ನಡ್‍ಕಂಡುವೊ ಅಯಿಂಗಕ್ ಬೊತ್ತಿತ್ ನಡ್‌ಕಂಡು, ದಾರ್‌ಕ್ ಮರ್ಯಾದೆ ಕೊಡ್‍ಕಂಡುವೊ ಅಯಿಂಗಕೆಲ್ಲ ಮರ್ಯಾದೆ ಕೊಡಿ.

ಗಲಾತ್ಯ 6:1

ನಾಡ ಅಣ್ಣತಮ್ಮಣಂಗಳೇ, ದೇವಡ ಮಕ್ಕಡಡೆಲ್ ಒಬ್ಬ ಪಾಪ ಮಾಡ್‍ನದ್ ಗೊತ್ತಾಯಿತ್, ನಿಂಗ ಅಂವೊನ ಪುಡ್‌ಚತೇಂಗಿ, ದೇವಡ ಆತ್ಮತ್‍ನಗುಂಡ್ ನಡ್‍ಪಯಿಂಗಳಾನ ನಿಂಗ, ಶಾಂತ ಗುಣತ್‍ಲ್ ಅಂವೊನ ಚಾಯಿ ಮಾಡಂಡು. ಅದೇ ಸಮಯತ್‍ಲ್ ನಿಂಗ ಸಹ ಅದೇ ಪಾಪತ್‍ಲ್ ಬೂವತನೆಕೆ ಎಚ್ಚರತ್‍ಲ್ ಇರಂಡು.

1 ತಿಮೊಥೆಯ 5:1

ವಯಸಾನಯಿಂಗಳ ಎಕ್ಕಾಲು ಜೋರ್ ಮಾಡತೆ, ನೀಡ ಅಪ್ಪಂಗ್ ಎನ್ನನೆ ಮರ್ಯಾದೆಲ್ ಬುದ್ದಿ ಎಣ್ಣ್‌ವಿಯೊ ಅನ್ನನೆ ಅಯಿಂಗಕ್ ಬುದ್ದಿ ಎಣ್ಣ್. ಯೌವನಸ್ತನ ನೀಡ ಸ್ವಂತ ಅಣ್ಣತಮ್ಮಣಂಗಡನೆಕೆ ನೋಟ್.

1 ತಿಮೊಥೆಯ 5:17

ಸಬೆರ ಜವಾಬ್ದಾರಿನ ಚಾಯಿತೆ ಮಾಡಿಯಂಡುಳ್ಳ ಪೆರಿಯಯಿಂಗಕ್ ದಂಡ್ ಅಳ್‌ತೆಲ್ ಮರ್ಯಾದೆ ಕ್‍ಟ್ಟ್‌ವಕ್ ಯೋಗ್ಯವಾಯಿತುಂಡ್. ಎನ್ನಂಗೆಣ್ಣ್‌ಚೇಂಗಿ ಮುಕ್ಯವಾಯಿತ್ ಅಯಿಂಗ ದುಂಬ ಪ್ರಯತ್ನ ಪಟ್ಟಿತ್ ದೇವಡ ವಾಕ್ಯತ್‍ನ ಚಾಯಿತೆ ಪ್ರಸಂಗ ಮಾಡಿಯಂಡ್ ಪಿಂಞ ಬೋದನೆ ಮಾಡಿಯಂಡುಂಡ್.

1 ತಿಮೊಥೆಯ 5:19

ಒರ್ ಸಬೆರ ಪೆರಿಯಯಿಂಗಕ್ ವಿರೋದವಾಯಿತ್ ದಾರೇಂಗಿ ಕುತ್ತಪರ್ಂದತೇಂಗಿ, ಅದ್ಂಗ್ ದಂಡ್ ಅಥವ ಮೂಂದ್ ಸಾಕ್ಷಿ ಇಲ್ಲತೆಪೋಚೇಂಗಿ ಅದ್ಂಗ್ ಒತ್ತತೆ.

1 ಪೇತ್ರ 2:17

ಎಲ್ಲಾರ್‌ಕು ಚಾಯಿ ಮರ್ಯಾದೆ ಕೊಡಿ, ಯೇಸುನ ನಂಬ್‍ನಯಿಂಗಳ ಪ್ರೀತಿ ಮಾಡಿ, ದೇವಕ್ ಬೊತ್ತ್‌ಚಿಡಿ, ರಾಜನ ಗನಪಡ್‌ತಂಡು.

1 ಪೇತ್ರ 4:8

ಎಲ್ಲಾಕಿಂಜ ಜಾಸ್ತಿಯಾಯಿತ್, ಒಬ್ಬೊಬ್ಬಂಗಡ ಮೇಲೆ ಆಳವಾನ ಪ್ರೀತಿಲ್ ಇರಿ. ಎನ್ನಂಗೆಣ್ಣ್‌ಚೇಂಗಿ, ಪ್ರೀತಿ ದುಂಬ ಪಾಪತ್‍ನ ಮುಚ್ಚಿರ್‌ವ.