ಆದ್ಯತ್‌ರ ಪುಸ್ತಕ 9:22 - ಕೊಡವ ಬೈಬಲ್

²² ಕಾನಾನ್‌ಕ್‌ ಅಪ್ಪನಾನ ಹಾಮ್, ಅಪ್ಪ ಬೆತ್ತಲೆಯಾಯಿತ್‌ ಉಳ್ಳಾನ ಕಂಡಿತ್, ಅಂವೊ ಪೊರಮೆ ಪೋಯಿತ್‌ ತಾಂಡ ಅಣ್ಣತಮ್ಮಣಂಗಳಾನ ಶೇಮ್‌ ಪಿಂಞ ಯೆಫೆತಂಗ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 9:22 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 10:6

ಹಾಮಂಡ ಸಂತಾನಕಾರ ಕೂಷ್, ಮಿಚ್ರಯಿಮ್, ಪೂತ್, ಕಾನಾನ್‌ ಎಣ್ಣುವಯಿಂಗಳೇ.

ಆದ್ಯತ್‌ರ ಪುಸ್ತಕ 9:23

ಆಚೇಂಗಿ ಶೇಮ್‌ ಪಿಂಞ ಯೆಫೆತ್‌ ಕಂಬಳಿನ ಎಡ್‌ತ್‌ಂಡ್‌ ತಂಗಡ ಬೆನ್ನ್‌ರ ಮೇಲೆ ಇಟ್ಟಂಡ್‌ ಬಯ್ಯಕ್‌ ನಡ್‌ದಂಡ್‌ ಪೋಯಿತ್‌ ಅಪ್ಪಂಡ್‌ ಬೆತ್ತೆಲೆನ ಮುಚ್ಚ್‌ಚಿ. ಅಯಿಂಗಡ ಮೂಡ್‌ನ ಇಂಞೊರ್‌ ಬರಿಕ್‌ ತಿರ್‌ಗಿತ್‌ಂಜನಗುಂಡ್‌ ಅಯಿಂಗ ಅಪ್ಪಂಡ ಬೆತ್ತಲೆನ ಕಂಡಿತ್‌ಲೆ.

ಆದ್ಯತ್‌ರ ಪುಸ್ತಕ 9:25

ಅಂವೊ ಹಾಮಂಡ ಸಂತಾನಕ್‌ ಶಾಪ ಇಟ್ಟಿತ್, ಅಂವೊ ಶೇಮ್, ಯೆಫೆತ್‌ರ ಸಂತಾನತ್‌ರ ಅಡಿಯಾಳಂಗಕ್‌ ಅಡಿಯಾಳಾಯಿತ್‌ ಇಪ್ಪಾಂದ್‌ ಎಣ್ಣ್‌ಚಿ .

ಜ್ಞಾನತ್‌ರ ಪಡಿಮ 25:9

ನೀನ್‌ ನೀಡ ನೆರೆಮನೆಕಾರಂಡ ಕೂಡೆ ಮಾತ್‌ರ ನಿಂಗಡ ವಿಷಯತ್‌ ವಾದ ಮಾಡ್. ಬೋರೆ ಒಬ್ಬಂಡಪಕ್ಕ ಗುಟ್ಟ್‌ನ ಎಣ್ಣಂಡ.

ಜ್ಞಾನತ್‌ರ ಪಡಿಮ 30:17

ತಾಂಡ ಅಪ್ಪನ ಪರಿಹಾಸ ಮಾಡಿತ್, ಅವ್ವಂಡ ಆಜ್ಞೆನ ಕಡೆಗಟ್ಟ್‌ವಂವೊಂಡ ಕಣ್ಣ್‌ನ ಪೊಳೆರೆಪಕ್ಕ ಉಳ್ಳ ಕಾಕೆಯ ಬಲಿಪ, ಅಡ್‌ಪದ್ದ್‌ರ ಮರಿಯ ತಿಂಬ.

ಮತ್ತಾಯ 18:15

ನೀಡ ಅಣ್ಣತಮ್ಮಣಂಡಡೆಲ್ ದಾರೇಂಗಿ ತಪ್ಪ್ ಮಾಡ್‍ಚೇಂಗಿ ನೀನ್ ಅಂವೊಂಡ ಪಕ್ಕ ಪೋಯಿತ್, ನಿಂಗ ದಂಡಾಳ್ ಮಾತ್ರ ಇಪ್ಪಕಾಪಕ ಅಂವೊಂಡ ತಪ್ಪ್‌ನ ಎಣ್ಣಿ ಕೊಡ್, ಅಕ್ಕ ಅಂವೊ ಅಂವೊಂಡ ತಪ್ಪ್‌ನ ಒತ್ತತೇಂಗಿ, ನೀನ್ ಅಂವೊನ ನೀಡ ಬಟ್ಟೇಕ್ ಕೊಂಡ್ ಬಂದಿಯ.

1 ಕೊರಿಂಥ 13:6

ಅನ್ಯಾಯತ್‍ಲ್ ಕುಶಿ ಪಡುಲೆ, ಆಚೇಂಗಿ ಸತ್ಯವಾನ ಕಾರ್ಯ ಮಾಡ್‌ವಕ ಕುಶಿ ಪಡುವ.

ಗಲಾತ್ಯ 6:1

ನಾಡ ಅಣ್ಣತಮ್ಮಣಂಗಳೇ, ದೇವಡ ಮಕ್ಕಡಡೆಲ್ ಒಬ್ಬ ಪಾಪ ಮಾಡ್‍ನದ್ ಗೊತ್ತಾಯಿತ್, ನಿಂಗ ಅಂವೊನ ಪುಡ್‌ಚತೇಂಗಿ, ದೇವಡ ಆತ್ಮತ್‍ನಗುಂಡ್ ನಡ್‍ಪಯಿಂಗಳಾನ ನಿಂಗ, ಶಾಂತ ಗುಣತ್‍ಲ್ ಅಂವೊನ ಚಾಯಿ ಮಾಡಂಡು. ಅದೇ ಸಮಯತ್‍ಲ್ ನಿಂಗ ಸಹ ಅದೇ ಪಾಪತ್‍ಲ್ ಬೂವತನೆಕೆ ಎಚ್ಚರತ್‍ಲ್ ಇರಂಡು.