ಆದ್ಯತ್‌ರ ಪುಸ್ತಕ 9:21 - ಕೊಡವ ಬೈಬಲ್

²¹ ಅಂವೊ ತಾನ್‌ ಮಾಡ್‌ನ ದ್ರಾಕ್ಷಿರಸತ್‌ರ ಕಳ್ಳ್‌ನ ಜಾಸ್ತಿ ಕುಡಿಚಿತ್‌ ಅಂವೊಂಡ ಗುಡಾರತ್‌ಲ್‌ ಬೆತ್ತಲೆಯಾಯಿತ್‌ ಬುದ್ದಂಡತ್.

ಆದ್ಯತ್‌ರ ಪುಸ್ತಕ 9:21 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 6:9

ಇದ್‌ ನೋಹಂಡ ವಂಶಾವಳಿ: ಆ ಕಾಲತ್‌ಲ್‌ ಇಂಜ ಜನಡ ಮದ್ಯತ್‌ ನೋಹ, ನೀತಿವಂತಂವೊನಾಯಿತು, ಓರ್‌ ಕುತ್ತವು ಇಲ್ಲತೆ ಬದಿಕಿಯಂಡಿಂಜ ಒರೇ ಮನುಷ್ಯನು ಆಯಿತ್‌ಂಜತ್. ಅಂವೊ ದೇವಡ ಕೂಡೆ ದುಂಬ ಐಕ್ಯತ್‌ಲ್‌ ನಡ್‌ದಂಡಿಂಜತ್.

ಆದ್ಯತ್‌ರ ಪುಸ್ತಕ 9:20

ಜಲಪ್ರಳಯ ಆನದು, ನೋಹ ವ್ಯವಸಾಯ ಮಾಡ್‌ವಕ್‌ ಸುರು ಮಾಡ್‌ಚಿ. ಆದ್ಯವಾಯಿತ್‌ ದ್ರಾಕ್ಷಿ ತೋಟತ್‌ನ ಮಾಡ್‌ನಂವೊ ಇಂವೊನೇ.

ಜ್ಞಾನತ್‌ರ ಪಡಿಮ 20:1

ದುಂಬ ಕಳ್ಳ್ ಕುಡಿಪಂವೊ ಪರಿಹಾಸ ಮಾಡುವ, ದುಂಬ ಕುಡ್‌ಕನಾನಂವೊ ಕೂತ್‌ಡ್‌ವ. ಇದ್‌ಲಿಂಜ ಬಟ್ಟೆ ತಪ್ಪಿ ಪೋಪಂವೊ ಜ್ಞಾನ ಉಳ್ಳಂವೊನಾಯಿತ್‌ ಇಪ್ಪುಲೆ.

ರೋಮ್ 13:13

ಕೂಟ್‌ಕಳಿ, ಕುಡಿಪದ್, ಲೈಂಗಿಕ ಪಾಪ, ಕಾಮಾಬಿಲಾಷೆ, ತರ್ಕ, ಒಟ್ಟೆಕಿಚ್ಚ್ ಉಳ್ಳಯಿಂಗಳಾಯಿತ್ ನಡ್‍ಕತೆ, ಪೋಲ್‍ಲ್ ನಡ್‍ಪಯಿಂಗಡನೆಕೆ ಸರಿಯಾಯಿತ್ ನಡ್‌ಕಂಡು.

1 ಕೊರಿಂಥ 10:12

ಆನಗುಂಡ್ ಒಬ್ಬ, ನಾನ್ ದೇವ ಎಣ್ಣ್‌ವನೆಕೆ ಮಾಡಿಯಂಡುಂಡ್, ದೇವಡ ಮೇಲೆ ಉಳ್ಳ ನಂಬಿಕೇಲ್ ನಾನ್ ದೃಡವಾಯಿತ್ ನಿಂದಂಡುಂಡ್‍ೕಂದ್ ಗೇನ ಮಾಡ್‍ಚೇಂಗಿ, ಅಂವೊ ಅಡಿಕ್ ಬೂವತನೆಕೆ ಎಚ್ಚರತ್‍ಲ್ ಇರಡ್.

ಗಲಾತ್ಯ 5:21

ಪೊರಾಮೆ, ಕುಡಿ, ಕೂಟ್‌ಕಳಿ ಪಿಂಞ ಬೋರೆ ಬೋರೆ ಕೆಟ್ಟ ಕಾರ್ಯ. ನಾನ್ ನಿಂಗಕ್ ಮಿಂಞಲೇ ಎಣ್ಣ್‌ನನೆಕೆ ಪುನಃ ಎಣ್ಣ್‌ವಿ. ಈ ತರ ಮಾಡ್‌ವಯಿಂಗಕ್, ದೇವ ಅಂವೊಂಡ ಮಕ್ಕಕ್ ಕೊಡ್‍ಪಾಂದ್ ಎಣ್ಣ್‌ನ ದೇವಡ ರಾಜ್ಯತ್‍ನ ಕೊಡ್‍ಪ್‍ಲೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:2

ವಯಸ್ಸಾನ ಆಣಾಳ್‍ವ ಅಯಿಂಗಡ ಆಸೇನ ಅಡಕತ್‍ಲ್ ಬೆಪ್ಪಯಿಂಗಳಾಯಿತ್, ಮರ್ಯಾದಸ್ತಂಗಳಾಯಿತ್, ತನ್ನಡಕ್ಕ ಉಳ್ಳಯಿಂಗಳಾಯಿತ್ ಇಪ್ಪಕ್ ಎಣ್ಣಂಡು. ಇಂಞು, ದೇವಡ ಮೇಲೆ ಉಳ್ಳ ನಂಬಿಕೆ, ಪ್ರೀತಿ ಪಿಂಞ ತಾಳ್ಮೆಲ್ ಆರೋಗ್ಯ ಉಳ್ಳಯಿಂಗಳಾಯಿತ್ ಇರಂಡೂಂದ್ ಬುದ್ದಿ ಎಣ್ಣಿ ಕೊಡ್.

ಪ್ರಕಟನೆ 3:18

ನೀನ್ ಐಶ್ವರ್ಯವಂತನಾಪಕ್, ತಿತ್ತ್‌ಲ್ ಇಟ್ಟಿತ್ ಎಡ್‌ತ ಪೊನ್ನ್‌ನ ಪಿಂಞ ನೀಡ ಅವಮಾನವಾಯಿತುಳ್ಳ ಬೆತ್ತಲೇನ ಮುಚ್ಚ್‌ವಕ್ ಬೊಳ್‍ತ ಬಟ್ಟೇನ ನಾಡ ಕೈಯಿಂಜ ಕ್ರಯಕ್ ಎಡ್‌ತ ಪಿಂಞ ನೀಡ ಕಣ್ಣ್ ಕಾಂಬನೆಕೆ, ಕಣ್ಣ್‌ಕ್ ಮದ್ದ್ ಇಡ್‍ೕಂದ್ ನಾನ್ ನೀಕ್ ಬುದ್ದಿ ಎಣ್ಣ್‌ವಿ.