ಆದ್ಯತ್‌ರ ಪುಸ್ತಕ 9:2 - ಕೊಡವ ಬೈಬಲ್

² ಬೂಮಿರ ಮೇಲೆ ಉಳ್ಳ ಎಲ್ಲಾ ಪ್ರಾಣಿಯ, ಬಾನತ್‌ಲ್‌ ಉಳ್ಳ ಎಲ್ಲಾ ಪಕ್ಷಿಯ, ನೆಲತ್‌ಲ್‌ ಪರಿಯುವ ಎಲ್ಲಾ ಪ್ರಾಣಿಯ ಪಿಂಞ ಸಮುದ್ರತ್‌ಲ್‌ ಉಳ್ಳ ಎಲ್ಲಾ ಮೀನ್‌ ನಿಂಗಕ್‌ ಬೊತ್ತಿತ್‌ ಬೊರಡ್‌ವ. ಅದನೆಲ್ಲಾ ನಿಂಗಡ ಕೈಕ್‌ ಕೊಡ್‌ತಿತುಳ್ಳ.

ಆದ್ಯತ್‌ರ ಪುಸ್ತಕ 9:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:21

ಅನ್ನನೆ ದೇವ ಬಲ್ಯ ಬಲ್ಯ ಕಡಲ್‌ ಪ್ರಾಣಿಯಳ, ನೀರ್‌ಲ್‌ ದುಂಬಿತ್‌ ಓಡಾಡುವ ಎಲ್ಲಾ ಜಾತಿರ ನಾನಾತರತ್‌ರ ಪ್ರಾಣಿಯಳ ಪಿಂಞ ಎಲ್ಲಾ ನಾನಾ ತರತ್‌ರ ಪಕ್ಷಿಯಳ, ಪ್ರತಿ ಒರ್‌ ಪ್ರಾಣಿಯಡ ಸಂತಾನ ಬೊಳಿಯುವನೆಕೆ ಉಂಟ್ ಮಾಡ್‌ಚಿ. ದೇವ ಇದನ ನಲ್ಲದ್‍ೕಂದ್‌ ಕಂಡತ್.

ಆದ್ಯತ್‌ರ ಪುಸ್ತಕ 1:26

ಅಲ್ಲಿಂಜ ದೇವ: ನಂಗಡನೆಕೆ, ನಂಗಡ ರೂಪತ್‌ಲ್‌ ಮನುಷ್ಯನ ಉಂಡ್‌ ಮಾಡನ. ಅಯಿಂಗ ಕಡಲ್‌ಲ್‌ ಉಳ್ಳ ಪ್ರಾಣಿಯ ಪಿಂಞ ಮೀನ್‌ರ ಮೇಲೆ, ಬಾನತ್‌ಲ್‌ ಪಾರುವ ಪಕ್ಷಿಯಡ ಮೇಲೆ ಎಲ್ಲಾ ಚಾಕ್‌ ಪಿಂಞ ಕಾಡ್‌ ಪ್ರಾಣಿಯಡ ಮೇಲೆ ಆಳ್‌ವಿಕೆ ಮಾಡಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 1:28

ಪಿಂಞ ದೇವ ಅಯಿಂಗಕ್: ನಿಂಗ ಬೂಮಿಲ್‌ ಫಲ ಕೊಡ್‌ತಿತ್, ಅಬಿವೃದ್ದಿ ಪೊಂದಿತ್‌ ಬೂಮಿನ ದುಂಬಿತ್‌ ಅದನ ಆಳ್‌ವಿಕೆ ಮಾಡಿ. ಕಡಲ್‌ಲ್‌ ಉಳ್ಳ ಎಲ್ಲಾ ಮೀನ್‌ರ ಮೇಲೆಯು, ಬಾನತ್‌ರ ಪಕ್ಷಿಯಡ ಮೇಲೆಯು ಪಿಂಞ ಬೂಮಿಲ್‌ ನಡ್‌ಪ ಎಲ್ಲಾ ಪ್ರಾಣಿಯಡ ಮೇಲೆಯು ಆಳ್‌ವಿಕೆ ಮಾಡೀಂದ್‌ ಎಣ್ಣಿತ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 2:19

ಪಿಂಞ ಯೆಹೋವನಾನ ದೇವ ಎಲ್ಲಾ ತರತ್‌ರ ಪ್ರಾಣಿಯಳ ಪಿಂಞ ಬಾನತ್‌ಲ್‌ ಪಾರುವ ಪಕ್ಷಿಯಳ ಮಣ್ಣಿಂಜ ಸೃಷ್ಟಿ ಮಾಡಿತ್, ಈ ಆದಾಮ ಇದಂಗೆಲ್ಲಾ ಎಂತ ಪೆದ ಬೆಪ್ಪಾಂದ್‌ ನೋಟ್‌ವಕ್‌ ಎಲ್ಲಾನ ಅಂವೊಂಡ ಪಕ್ಕ ಬಪ್ಪಕ್‌ ಮಾಡ್‌ಚಿ. ಅದಂಗೆಲ್ಲಾ ಆದಾಮ ಎಂತ ಪೆದ ಬೆಚ್ಚತೊ, ಅದೇ ಅದ್‌ಂಡ ಪೆದ ಆಚಿ.

ಆದ್ಯತ್‌ರ ಪುಸ್ತಕ 35:5

ಅಲ್ಲಿಂಜ ಅಯಿಂಗ ಪೊರ್‌ಡುವಕ, ಅಯಿಂಗಡ ಸುತ್ತ್‌ಮುತ್ತ್‌ಲ್‌ ಇಂಜ ಊರ್‌ರ ಜನಡ ಮೇಲೆ ದೇವಡ ಪೋಡಿ ಇಳ್‌ಂಜಿ ಬಾತ್. ಆನಗುಂಡ್, ಅಯಿಂಗ ದಾರು ಯಾಕೋಬಂಡ ಕ್‌ಣ್ಣ ಮಕ್ಕಡ ಬಯ್ಯತ್‌ ಪೋಯಿತ್‌ಲ್ಲೆ.

ಆದ್ಯತ್‌ರ ಪುಸ್ತಕ 9:1

ಅಕ್ಕ ದೇವ ನೋಹನ ಪಿಂಞ ಅಂವೊಂಡ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಿತ್: ನಿಂಗ ಅಬಿವೃದ್ದಿ ಪೊಂದಿತ್, ನಿಂಗಡ ಸಂತಾನ ಬಲ್ಯದಾಯಿತ್, ಈ ಲೋಕತ್‌ನ ದುಂಬಿಚಿಡುವಿರ.

ಆದ್ಯತ್‌ರ ಪುಸ್ತಕ 9:3

ನಾನ್‌ ನಿಂಗಕ್‌ ಕಾಳ್‌ಕಡ್ಡಿ ಪಿಂಞ ತರಕಾರಿನ ತಿಂಬಕ್‌ ತಂದನೆಕೆ, ಬೂಮಿರ ಮೇಲೆ ಉಳ್ಳ ಜೀವಜಂತುವಳ ನಿಂಗಕ್‌ ಆಹಾರವಾಯಿತ್‌ ತಂದಿಯೇ.

ಯಾಕೋಬ 3:7

ಎಲ್ಲಾ ಪ್ರಾಣಿಯಳ, ಪಕ್ಷಿಯಳ, ಪರ್‌ಪ ಜೀವ ಜಂತುವಳ, ಸಮುದ್ರತ್ ಉಳ್ಳ ಜೀವಜಂತುವಳಯೆಲ್ಲಾ ನಂಗಡ ಅದಿಕಾರಕ್ ಪುಡ್‌ಚಿತ್ ಬೆಕ್ಕಲು ಪಿಂಞ ಬೆಚ್ಚಿತುಂಡ್.