ಆದ್ಯತ್‌ರ ಪುಸ್ತಕ 9:1 - ಕೊಡವ ಬೈಬಲ್

¹ ಅಕ್ಕ ದೇವ ನೋಹನ ಪಿಂಞ ಅಂವೊಂಡ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಿತ್: ನಿಂಗ ಅಬಿವೃದ್ದಿ ಪೊಂದಿತ್, ನಿಂಗಡ ಸಂತಾನ ಬಲ್ಯದಾಯಿತ್, ಈ ಲೋಕತ್‌ನ ದುಂಬಿಚಿಡುವಿರ.

ಆದ್ಯತ್‌ರ ಪುಸ್ತಕ 9:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:22

ಅಲ್ಲಿಂಜ ದೇವ: ನಿಂಗೆಲ್ಲಾರು ಫಲ ಕೊಡ್‌ತಿತ್‌ ಅಬಿವೃದ್ದಿ ಪೊಂದಿತ್, ಕಡಲ್‌ನ ದುಂಬಿರಿ. ಪಕ್ಷಿಯ ಬೂಮಿರ ಮೇಲೆ ದುಂಬಡ್‍ೕಂದ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 1:28

ಪಿಂಞ ದೇವ ಅಯಿಂಗಕ್: ನಿಂಗ ಬೂಮಿಲ್‌ ಫಲ ಕೊಡ್‌ತಿತ್, ಅಬಿವೃದ್ದಿ ಪೊಂದಿತ್‌ ಬೂಮಿನ ದುಂಬಿತ್‌ ಅದನ ಆಳ್‌ವಿಕೆ ಮಾಡಿ. ಕಡಲ್‌ಲ್‌ ಉಳ್ಳ ಎಲ್ಲಾ ಮೀನ್‌ರ ಮೇಲೆಯು, ಬಾನತ್‌ರ ಪಕ್ಷಿಯಡ ಮೇಲೆಯು ಪಿಂಞ ಬೂಮಿಲ್‌ ನಡ್‌ಪ ಎಲ್ಲಾ ಪ್ರಾಣಿಯಡ ಮೇಲೆಯು ಆಳ್‌ವಿಕೆ ಮಾಡೀಂದ್‌ ಎಣ್ಣಿತ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 10:32

ಅಯಿಂಗಯಿಂಗಡ ಕುಲ ಬಾಷೆ ದೇಶ ಜನಾಂಗತ್‌ರ ಪ್ರಕಾರ ಈಂಗಳೇ ನೋಹಂಡ ವಂಶಕಾರಂಗ. ಜಲಪ್ರಳಯ ಆನ ಪಿಂಞ ಬೂಮಿರ ಮೇಲೆ ಪಬ್ಬ್‌ನ ಜನಾಂಗ ಈಂಗಳೇ.

ಆದ್ಯತ್‌ರ ಪುಸ್ತಕ 2:3

ಲದೇವ ತಾನ್‌ ಸೃಷ್ಟಿ ಮಾಡಿತ್‌ ಉಂಟ್ ಮಾಡ್‌ನ ಎಲ್ಲಾ ಕೆಲಸತ್‌ಂಜ ಆರಾಮ್‌ ಮಾಡ್‌ನಾಂಗ್, ಏಳನೆ ದಿವಸತ್‌ನ ದೇವ ಪವಿತ್‌ರವಾನದಾಯಿತ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 24:60

ಪಿಂಞ ಅಯಿಂಗ ರೆಬೆಕ್ಕಂಗ್: ನಂಗಡ ತಂಗೆಯೇ, ನೀನ್‌ ಆಯಿರಾಯಿರ ಜನಕ್‌ ಅವ್ವಳಯಿತ್‌ ಆಂಡು. ನೀಡ ಸಂತಾನ ತಂಗಡ ಶತ್‌ರುವಡ ಪಟ್ಟಣತ್‌ನ ಸ್ವಂತವಾಯಿತ್‌ ಮಾಡಿಯೊಡ್‍ೕಂದ್‌ ಎಣ್ಣಿತ್‌ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 35:11

ಇಂಞು ದೇವ ಅಂವೊನ ನೋಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ಅಬಿವೃದ್ದಿ ಪೊಂದಿತ್‌ ಲೆಕ್ಕ ಮಾಡ್‌ವಕ್‌ ಕಯ್ಯತಚ್ಚಕ್‌ ಜಾಸ್ತಿ ಆಪಿಯ. ನಿನ್ನಿಂಜ ಒರ್‌ ಜನಾಂಗಳು, ದುಂಬ ಗುಂಪ್ರ ಜನಾಂಗಳು ಬಪ್ಪ; ರಾಜಂಗಳು ನೀಡ ಸಂತಾನತ್‌ಂಜ ಪುಟ್ಟುವ.

ಆದ್ಯತ್‌ರ ಪುಸ್ತಕ 8:17

ನೀಡ ಕೂಡೆ ಉಳ್ಳ ಎಲ್ಲಾ ಪ್ರಾಣಿ, ಪಕ್ಷಿ, ಬೂಮಿರ ಮೇಲೆ ಪರ್ಪ ಎಲ್ಲಾ ಪ್ರಾಣಿಯಳ ಪೊರಮೆ ಬುಡ್. ಅಯಿಂಗ ಬೂಮಿರ ಮೇಲೆ ಅಯಿಂಗಡ ಸಂತಾನ ಬಲ್ಯದಾಯಿತ್, ಅಬಿವೃದ್ದಿ ಪೊಂದಿತ್, ಜಾಸ್ತಿ ಆಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 9:19

ನೋಹಂಡ ಈ ಮೂಂದ್‌ ಕ್‌ಣ್ಣ ಮಕ್ಕಡಿಂಜಲೇ ಈ ಬೂಮಿರ ಮೇಲೆ ಎಲ್ಲಾ ಕಡೆಯೂ ಜನ ದುಂಬ್‌ಚಿ.

ಆದ್ಯತ್‌ರ ಪುಸ್ತಕ 9:2

ಬೂಮಿರ ಮೇಲೆ ಉಳ್ಳ ಎಲ್ಲಾ ಪ್ರಾಣಿಯ, ಬಾನತ್‌ಲ್‌ ಉಳ್ಳ ಎಲ್ಲಾ ಪಕ್ಷಿಯ, ನೆಲತ್‌ಲ್‌ ಪರಿಯುವ ಎಲ್ಲಾ ಪ್ರಾಣಿಯ ಪಿಂಞ ಸಮುದ್ರತ್‌ಲ್‌ ಉಳ್ಳ ಎಲ್ಲಾ ಮೀನ್‌ ನಿಂಗಕ್‌ ಬೊತ್ತಿತ್‌ ಬೊರಡ್‌ವ. ಅದನೆಲ್ಲಾ ನಿಂಗಡ ಕೈಕ್‌ ಕೊಡ್‌ತಿತುಳ್ಳ.

ಆದ್ಯತ್‌ರ ಪುಸ್ತಕ 9:7

ನಿಂಗ ಅಬಿವೃದ್ದಿ ಪೊಂದಿತ್‌ ದುಂಬಿತ್, ಬೂಮಿರ ಮೇಲೆ ನಿಂಗಡ ಸಂತಾನಕಾರಂಗ ದುಂಬ ಬೊಳೆಯಡ್‍ೕಂದ್‌ ಎಣ್ಣ್‌ಚಿ.