ಆದ್ಯತ್‌ರ ಪುಸ್ತಕ 8:20 - ಕೊಡವ ಬೈಬಲ್

²⁰ ಅಕ್ಕ ನೋಹ ಯೆಹೋವಂಗ್‌ ಒರ್‌ ಬಲಿಪೀಠತ್‌ನ ಕೆಟ್ಟಿತ್, ಶುದ್ದವಾನ ಚೆನ್ನ ಪ್ರಾಣಿ ಪಿಂಞ ಪಕ್ಷಿಯಳ ಬಲಿಪೀಠತ್‌ರ ಮೇಲೆ ದಹನ ಬಲಿಯಾಯಿತ್‌ ಬಲಿ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 8:20 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 13:18

ಪಿಂಞ ಅಬ್ರಾಮ ತಾಂಡ ಗುಡಾರತ್‌ನ ಹೆಬ್ರೋನ್‌ಲ್‌ ಉಳ್ಳ ಮಮ್ರೆಯಂಡ ತೋಪ್ರ ಪಕ್ಕತ್‌ಲ್‌ ಇಟ್ಟಿತ್, ಯೆಹೋವಂಗ್‌ ಅಲ್ಲಿ ಓರ್‌ ಬಲಿಪೀಠತ್‌ನ ಕೆಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 13:4

ಮಿಂಞ ಅಲ್ಲಿಯೇ ಅಬ್ರಾಮ ಯೆಹೋವಂಗ್‌ ಬಲಿಪೀಠ ಕೆಟ್ಟಿತ್‌ಂಜತ್. ಇಕ್ಕ ಅಬ್ರಾಮ ಪುನಃ ದೇವಡ ಪೆದ ಎಣ್ಣಿತ್‌ ಆರಾದನೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 22:2

ಅಕ್ಕ ದೇವ: ನೀಡ ಒರೇ ಮೋಂವೊನ, ಅಕ್ಕು, ನೀನ್‌ ದುಂಬ ಪ್ರೀತಿ ಮಾಡುವ ಇಸಾಕನ ಮೊರಿಯ ಎಣ್ಣುವ ದೇಶಕ್‌ ಕಾಕಿಯಂಡ್‌ ಪೋ. ಅಲ್ಲಿ ನಾನ್‌ ನೀಕ್‌ ಎಣ್ಣ್‌ವ ಒರ್‌ ಕುಂದ್ರ ಮೇಲೆ ಅಂವೊನ ದಹನ ಬಲಿಯಾಯಿತ್‌ ಅರ್ಪಿಚಿಡಂಡೂಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:9

ದೇವ ಎಣ್ಣ್‌ನ ಜಾಗಕ್‌ ಎತ್ತ್‌ಚಿ. ಅಲ್ಲಿ ಅಬ್ರಹಾಮ ಒರ್‌ ಬಲಿಪೀಠತ್‌ನ ತಯಾರ್‌ ಮಾಡಿತ್, ಪುಳ್ಳಿನ ಅಡ್‌ಕಿತ್, ತಾಂಡ ಮೋಂವೊನಾನ ಇಸಾಕಂಡ ಕೈಕಾಲ್‌ನ ಕೆಟ್ಟಿತ್, ಅಂವೊನ ಬಲಿಪೀಠತ್‌ರ ಮೇಲೆ ಇಟ್ಟತ್.

ಆದ್ಯತ್‌ರ ಪುಸ್ತಕ 26:25

ಅಕ್ಕ ಇಸಾಕ ಅಲ್ಲಿ ಒರ್‌ ಬಲಿಪೀಠತ್‌ನ ಕೆಟ್ಟಿತ್‌ ಯೆಹೋವಂಡ ಪೆದತ್‌ನ ಎಣ್ಣಿತ್‌ ಆರಾದನೆ ಮಾಡಿತ್, ಅಲ್ಲಿಯೇ ತಾಂಡ ಗುಡಾರತ್‌ನ ಇಟ್ಟಂಡತ್. ಆ ಜಾಗತ್‌ಲ್‌ ಅಂವೊಂಡ ಪಣಿಕಾರಂಗ ಒರ್‌ ಕಣತರೆನ ತೋಡ್‌ಚಿ.

ಆದ್ಯತ್‌ರ ಪುಸ್ತಕ 33:20

ಅಲ್ಲಿ ಯಾಕೋಬ ಒರ್‌ ಬಲಿಪೀಠತ್‌ನ ಕೆಟ್ಟಿತ್‌ ಅದ್‌ಂಗ್‌ ಏಲ್‌ ಎಲೋಹೇ ಇಸ್ರಾಯೇಲ್‌ ಎಣ್ಣಿಯಂಡ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 35:1

ಪಿಂಞ ದೇವ ಯಾಕೋಬಂಗ್: ನೀನ್‌ ಈ ಜಾಗತ್‌ನ ಬುಟ್ಟಿತ್‌ ಬೇತೇಲ್‌ಕ್‌ ಪೋಯಿತ್‌ ಅಲ್ಲಿಯೇ ವಾಸಮಾಡ್. ನೀನ್‌ ನೀಡ ಅಣ್ಣನಾನ ಏಸಾವಂಡಿಂಜ ಓಡಿಪೋಪಕ, ನೀಕ್‌ ತನ್ನ ಕಾಂಬ್‌ಚಿಟ್ಟ ದೇವಕ್‌ ನೀನ್‌ ಅಲ್ಲಿ ಒರ್‌ ಬಲಿಪೀಠತ್‌ನ ಕಟ್ಟ್‌ಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 35:7

ಅಂವೊ ಅಲ್ಲಿ ಒರ್‌ ಬಲಿಪೀಠತ್‌ನ ಕೆಟ್ಟಿತ್, ಯಾಕೋಬ ತಾಂಡ ಅಣ್ಣಂಡಿಂಜ ಓಡಿಪೋಪಕ, ಅಲ್ಲಿ ದೇವ ಅಂವೊಂಗ್‌ ಪ್ರತ್ಯಕ್ಷ ಆನಗುಂಡ್, ಆ ಜಾಗಕ್‌ ಏಲ್‌ ಬೇತೇಲ್‌ ಎಣ್ಣಿಯಂಡ್‌ ಪೆದಬೆಚ್ಚತ್.

ಆದ್ಯತ್‌ರ ಪುಸ್ತಕ 4:4

ಹೇಬೆಲ ತಾಂಡ ಕೊರಿರ ಮದ್ಯತ್‌ಲ್‌ ಇಂಜ ಚಾಯಿಯಾನ ಆದ್ಯ ಕೊರಿಕುಟ್ಟಿಯಳನ ಕಾಣಿಕೆಯಾಯಿತ್‌ ಕೊಂಡಬಂದಿತ್, ಕೊಂದಿತ್‌ ಅದಂಡ ಗೊಬ್ಬಯಾನ ಬಾಗತ್‌ನ ಅರ್ಪಿಚ್ಚಿಟ್ಟತ್. ಯೆಹೋವ ಹೇಬೆಲಂಡ ಕಾಣಿಕೆನ ಸ್ವೀಕಾರ ಮಾಡ್‌ಚಿ,

ಆದ್ಯತ್‌ರ ಪುಸ್ತಕ 7:2

ಈ ಬೂಮಿಲ್‌ ಎಲ್ಲಾ ಜಾಗತ್‌ಲ್‌ ಜೀವಂತವಾಯಿತ್‌ ಇಪ್ಪಕ್, ಶುದ್ದವಾನ ಎಲ್ಲಾ ಪ್ರಾಣಿಯಡತ್‌ಲ್‌ ಏಳ್‌ ಜೊತೆ ಆಣ್‍ ಪೊಣ್ಣಾಯಿತ್ ಪಿಂಞ ಶುದ್ದ ಇಲ್ಲಾತ ಪ್ರಾಣಿಯಡತ್‌ಲ್‌ ಆಣ್‍ ಪೊಣ್ಣಾಯಿತ್‌ ಓರೋರ್‌ ಜೊತೆಯಾಯಿತ್,

ಆದ್ಯತ್‌ರ ಪುಸ್ತಕ 7:3

ಪಿಂಞ ಪಕ್ಷಿಯಡತ್‌ಲ್‌ ಏಳ್‌ ಜೊತೆ ಆಣ್‍ ಪೊಣ್ಣಾಯಿತ್‌ ನೀಡ ಕೂಡೆ ಕೂಟಿಯ.

ಆದ್ಯತ್‌ರ ಪುಸ್ತಕ 8:19

ಎಲ್ಲಾ ತರತ್‌ರ ಪ್ರಾಣಿ ಪಕ್ಷಿಯ ತಾಂಡ ತಾಂಡ ಜಾತಿ ಪ್ರಕಾರ ಓರೋರ್‌ ಜೊತೆಯಾಯಿತ್‌ ಹಡಗ್ಯಿಂಜ ಪೊರಮೆ ಬಾತ್.

ರೋಮ್ 12:1

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ನಿಂಗಡ ತಡೀನ ಪವಿತ್ರವಾಯಿತ್, ದೇವ ಕುಶಿಪಡ್‌ವನೆಕೆ ಜೀವ ಬಲಿಯಾಯಿತ್ ಅರ್ಪಿಚಿಡಂಡೂಂದ್ ದೇವಡ ಕನಿಕಾರತ್‌ಂಜ ನಾನ್ ನಿಂಗಳ ಬೋಡುವಿ. ಇನ್ನನೆ ನಿಂಗ ಮಾಡ್‌ವ ಆರಾದನೆ, ಆತ್ಮೀಯ ಆರಾದನೆಯಾಯಿತುಂಡ್.

ಇಬ್ರಿಯ 13:10

ದೇವಡ ಗುಡಾರತ್‍ಲ್ ಸೇವೆ ಮಾಡ್‌ವಯಿಂಗಕ್ ಅದ್‍ಂಜ ತಿಂಬಕ್ ಅದಿಕಾರ ಇಲ್ಲತ ಒರ್ ಬಲಿಪೀಠ ನಂಗಕ್ ಉಂಡ್.

1 ಪೇತ್ರ 2:5

ಆನಗುಂಡ್, ನಿಂಗಳು, ಜೀವವಾಯಿತುಳ್ಳ ಕಲ್ಲ್‌ರನೆಕೆ ಉಳ್ಳಾಂಗ್, ನಿಂಗಡಗುಂಡ್, ಆತ್ಮೀಯ ಮನೆಯಾಯಿತ್ ಕೆಟ್ಟಿಯಂಡುಂಡ್. ಅಲ್ಲಿ, ನಿಂಗ ಯೇಸು ಕ್ರಿಸ್ತಂಡ ಮೂಲಕ, ದೇವಕ್ ಪ್ರೀತಿಯಾಯಿತುಳ್ಳ, ಆತ್ಮೀಯ ಬಲಿನ ಕೊಡ್‍ಪಕ್ ಪವಿತ್ರವಾನ ಯಾಜಕ ಮಕ್ಕಡ ಕೂಟವಾಯಿತು ಉಳ್ಳಿರ.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.