ಆದ್ಯತ್‌ರ ಪುಸ್ತಕ 7:7 - ಕೊಡವ ಬೈಬಲ್

⁷ ಪಿಂಞ ಜಲಪ್ರಳಯತ್‌ಂಜ ತಪ್ಪ್‌ಚಿಡ್‌ವಕ್‌ ನೋಹ, ಅಂವೊಂಡ ಪೊಣ್ಣ್, ಕ್‌ಣ್ಣ ಮಕ್ಕ ಪಿಂಞ ಮೈಮಕ್ಕ ಹಡಗ್‌ರ ಒಳ್‌ಕ್‌ ಪೋಚಿ.

ಆದ್ಯತ್‌ರ ಪುಸ್ತಕ 7:7 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 6:18

ಆಚೇಂಗಿ ನೀಡ ಕೂಡೆ ನಾನ್‌ ಒಪ್ಪಂದತ್‌ನ ಮಾಡಿತ್‌ ದೃಡ ಪಡ್‌ತ್‌ವಿ. ಆನಗುಂಡ್, ನೀನ್, ನೀಡ ಕ್‌ಣ್ಣ ಮಕ್ಕ, ನೀಡ ಪೊಣ್ಣ್‌ ಪಿಂಞ ನೀಡ ಮೈಮಕ್ಕ ಹಡಗ್‌ರ ಒಳ್‌ಕ್‌ ಪೋಂಡು.

ಆದ್ಯತ್‌ರ ಪುಸ್ತಕ 7:1

ಅಕ್ಕ ಯೆಹೋವ ನೋಹಂಗ್: ನೀನ್‌ ನೀಡ ಮನೆಕಾರಳ ಕೂಟಿಯಂಡ್‌ ಹಡಗ್‌ರ ಒಳಕ್‌ ಪೋ; ಇಕ್ಕ ಬೂಮಿಲ್‌ ಉಳ್ಳ ಜನತ್‌ಲ್‌ ನಿನ್ನ ಮಾತ್‌ರ ನೀತಿವಂತಂವೊನಾಯಿತ್‌ ನಾನ್‌ ಕಂಡಿಯೆ.

ಜ್ಞಾನತ್‌ರ ಪಡಿಮ 22:3

ವಿವೇಕ ಉಳ್ಳಂವೊ ಕ್‍ೕಡ್‌ನ ಕಂಡಿತ್‌ ಆ ಬಟ್ಟೆನೇ ಬುಟ್ಟಿತ್‌ ಪೋಪ. ಆಚೇಂಗಿ ಸಾದು ಮನುಷ್ಯ ಕ್‍ೕಡ್‌ರ ಬಟ್ಟೆಲ್‌ ನೇರೆ ಪೋಯಿತ್‌ ತೊಂದರೆಕ್‌ ಚಿಕ್ಕಿಯೊವ.

ಮತ್ತಾಯ 24:38

ಎನ್ನನೆ ಎಣ್ಣ್‌ಚೇಂಗಿ ಜಲಪ್ರಳಯ ಬಪ್ಪಕ್ ಮಿಂಞ, ನೋಹ ಕಪ್ಪಲ್‍ರ ಒಳ್‍ಕ್ ಪೋಪಕತ್ತನೆ ಜನ ಉಂಡಿತ್, ಕುಡಿಚಿತ್ ಮಂಗಲ ಕಯಿಚಂಡ್ ಮಂಗಲ ಮಾಡಿ ಕೊಡ್‌ತಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:27

ನೋಹಂಡ ಕುಟುಂಬಕಾರ ನೋಹಂಡ ಬಲ್ಯ ಕಪ್ಪಲ್‍ರ ಒಳ್‍ಕ್ ಪೋನ ದಿವಸಕತ್ತನೆ, ಜನ ಉಂಡಂಡ್ ಕುಡಿಚಂಡ್, ಮಂಗಲ ಕಯಿಚಂಡ್, ಮಂಗಲ ಮಾಡಿಕೊಡ್‌ತಂಡ್ ಇಂಜತ್. ಅಕ್ಕ ಜಲಪ್ರಳಯ ಬಂದಿತ್ ಎಲ್ಲಾ ಜನಳ ನಾಶ ಮಾಡ್‍ಚಿ.

ಇಬ್ರಿಯ 11:7

ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.

ಇಬ್ರಿಯ 6:18

ಆನಗುಂಡ್ ದೇವ ತಾಂಡ ವಾಗ್ದಾನತ್‍ನ ಪಿಂಞ ಆಣೆನ ನಂಗಕ್ ತಂದಿತುಂಡ್. ಈ ದಂಡ್ ವಿಷಯವು ಎಕ್ಕಾಲು ಬದ್‍ಲ್ ಆಪುಲೆ. ಅಂವೊ ಇನ್ನನೆ ಎನ್ನಂಗ್ ಮಾಡ್‍ಚೇಂಗಿ, ದೇವ ಪೊಟ್ಟ್ ಪರಿವಕ್ ಸಾದ್ಯತೆ ಇಲ್ಲೆ. ಆನಗುಂಡ್ ನಂಗಡ ಮಿಂಞಕ್ ಬೆಚ್ಚಿತುಳ್ಳ ನಿರಿಕ್ಷೇನ ಗಟ್ಟಿಯಾಯಿತ್ ಪುಡ್‌ಚಿತ್, ಬಚಾವಾಪಕ್ ಅಂವೊಂಡ ಪಕ್ಕ ಓಡಿ ಬಂದ ನಂಗಕ್ ದುಂಬ ನಿಶ್ಚಯ ಉಂಡ್.

1 ಪೇತ್ರ 3:20

ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.

2 ಪೇತ್ರ 2:5

ಪಂಡ್ ಕಾಲತ್‍ಲ್, ದೇವಡ ನೀತಿನ ಬೋದನೆ ಮಾಡ್‍ನ ನೋಹ ಎಣ್ಣ್‌ವಂವೊ ಪಿಂಞ ಅಂವೊಂಡ ಕೂಡೆ ಇಂಜ ಏಳ್ ಜನಳ ಮಾತ್ರ ಕಾಪಾಡಿತ್, ದೇವ ಬಕ್ತಿ ಇಲ್ಲತಯಿಂಗಡ ಮೇಲೆ ಜಲಪ್ರಳಯ ಬಪ್ಪಕ್ ಮಾಡಿತ್, ಈ ಲೋಕತ್‍ನ ಸಹ ಶಿಕ್ಷೆಯಿಂಜ ದೇವ ಕಾಪಾ‍ಡಿತ್‌ಲ್ಲೆ.