ಆದ್ಯತ್‌ರ ಪುಸ್ತಕ 7:21 - ಕೊಡವ ಬೈಬಲ್

²¹ ಅಕ್ಕ ಈ ಲೋಕತ್‌ಲ್‌ ಜೀವಂತವಾಯಿತ್‌ಂಜ ಎಲ್ಲಾ ತರತ್‌ರ ಪಕ್ಷಿಯ, ಚಾಕ್‌ ಪ್ರಾಣಿಯ, ಕಾಡ್‌ ಪ್ರಾಣಿಯ, ನೆಲತ್‌ರ ಮೇಲೆ ಪರ್ಪ ಎಲ್ಲಾ ತರತ್‌ರ ಪ್ರಾಣಿಯ ಪಿಂಞ ಎಲ್ಲಾ ಮನುಷ್ಯ ಜಾತಿಯ ಚತ್ತ್‌ ಪೋಚಿ.

ಆದ್ಯತ್‌ರ ಪುಸ್ತಕ 7:21 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:25

ದೇವ ಕಾಡ್‌ ಪ್ರಾಣಿಯಳ, ಚಾಕ್‌ ಪ್ರಾಣಿಯಳ ಪಿಂಞ ಬೂಮಿಲ್‌ ಊರಿತ್‌ ಪೋಪ ಎಲ್ಲಾ ಪ್ರಾಣಿಯಳ ಉಂಟ್ ಮಾಡ್‌ಚಿ. ದೇವ ಇದನ ನೋಟಿತ್‌ ನಲ್ಲದ್‍ೕಂದ್‌ ಕಂಡತ್.

ಆದ್ಯತ್‌ರ ಪುಸ್ತಕ 6:13

ಅಕ್ಕ ದೇವ ನೋಹಂಗ್: ನಾನ್‌ ಈ ಬೂಲೋಕತ್‌ಲ್‌ ಉಳ್ಳ ಎಲ್ಲಾ ಜೀವಜಂತುವಳ ನಾಶಮಾಡುವಿ, ಅಯಿಂಗಡಗೊಂಡ್‌ ಈ ಬೂಮಿಲ್‌ ಅನ್ಯಾಯ ದುಂಬಿತುಂಡ್, ನಾನ್‌ ಅಯಿಂಗಳ ಪಿಂಞ ಈ ಬೂಮಿನ ನಾಶ ಮಾಡುವಿ.

ಆದ್ಯತ್‌ರ ಪುಸ್ತಕ 6:17

ನೋಟ್! ನಾನ್‌ ಈ ಬೂಮಿನ ಜಲಪ್ರಳಯತ್‌ಂಜ ಮುಚ್ಚಿತ್, ಅದ್ಯಿಂಜ ಉಸಿರಾಡಿಯಂಡ್‌ ಉಳ್ಳ ಎಲ್ಲಾ ಜೀವಿಯತ್‌ನ ನಾಶ ಮಾಡುವಿ. ಬೂಮಿರ ಮೇಲೆ ಉಳ್ಳದೆಲ್ಲ ಚತ್ತ್‌ ಪೋಪ.

ಆದ್ಯತ್‌ರ ಪುಸ್ತಕ 7:4

ಇಂಞು ಏಳ್‌ ದಿವಸತ್‌ಲ್‌ ನಾನ್‌ ಈ ಬೂಮಿರ ಮೇಲೆ ನಾಪದ್‌ ಪೋಲ್ ಪಿಂಞ ನಾಪದ್‌ ಬಯಿಟ್ ಮಳೆನ ಅಯಿಪಿ. ಈ ಬೂಮಿರ ಮೇಲೆ ನಾನ್‌ ಸೃಷ್ಟಿ ಮಾಡ್‌ನ ಎಲ್ಲಾ ಜೀವಜಂತ್‌ವಳ ಪೂರ್ತಿಯಾಯಿತ್‌ ನಾಶಮಾಡುವೀಂದ್‌ ಎಣ್ಣ್‌ಚಿ.

ಮತ್ತಾಯ 24:39

ಜಲಪ್ರಳಯ ಬಂತ್ ಎಲ್ಲಾ ಜನಳ ಒಕ್ಕಿಯಂಡ್ ಪೋಪಕತ್ತನೆ ಅಯಿಂಗ ಅರ್ಥ ಮಾಡತೆ ಇಂಜತ್. ಅನ್ನನೆ ಮನುಷ್ಯಕುಮಾರ ಬಪ್ಪ ಕಾಲತ್‍ಲು ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:27

ನೋಹಂಡ ಕುಟುಂಬಕಾರ ನೋಹಂಡ ಬಲ್ಯ ಕಪ್ಪಲ್‍ರ ಒಳ್‍ಕ್ ಪೋನ ದಿವಸಕತ್ತನೆ, ಜನ ಉಂಡಂಡ್ ಕುಡಿಚಂಡ್, ಮಂಗಲ ಕಯಿಚಂಡ್, ಮಂಗಲ ಮಾಡಿಕೊಡ್‌ತಂಡ್ ಇಂಜತ್. ಅಕ್ಕ ಜಲಪ್ರಳಯ ಬಂದಿತ್ ಎಲ್ಲಾ ಜನಳ ನಾಶ ಮಾಡ್‍ಚಿ.

ರೋಮ್ 8:20

ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಸೃಷ್ಟಿಯ ಅದ್ಂಡ ಕುಶೀರನೆಕೆ ಮಾಡತೆ, ದೇವಡ ಶಾಪಕ್ ಒಳಪಟ್ಟಿತುಂಡ್.

ರೋಮ್ 8:22

ಅನ್ನನೆ ಎಲ್ಲಾ ಸೃಷ್ಟಿಯಳು ನಂಗಕ್ ಗೊತ್ತುಳ್ಳನೆಕೆ, ಇಲ್ಲಿಕತ್ತನೆ ಒಕ್ಕಚೆ ನೆರ್ಂಗಿಯಂಡ್, ಕೆಲಕರ್ತಿ ಪೆರುವ ನೊಂಬಲತ್‍ರನೆಕೆ ನೊಂಬಲ ಪಟ್ಟಂಡುಂಡ್.

2 ಪೇತ್ರ 2:5

ಪಂಡ್ ಕಾಲತ್‍ಲ್, ದೇವಡ ನೀತಿನ ಬೋದನೆ ಮಾಡ್‍ನ ನೋಹ ಎಣ್ಣ್‌ವಂವೊ ಪಿಂಞ ಅಂವೊಂಡ ಕೂಡೆ ಇಂಜ ಏಳ್ ಜನಳ ಮಾತ್ರ ಕಾಪಾಡಿತ್, ದೇವ ಬಕ್ತಿ ಇಲ್ಲತಯಿಂಗಡ ಮೇಲೆ ಜಲಪ್ರಳಯ ಬಪ್ಪಕ್ ಮಾಡಿತ್, ಈ ಲೋಕತ್‍ನ ಸಹ ಶಿಕ್ಷೆಯಿಂಜ ದೇವ ಕಾಪಾ‍ಡಿತ್‌ಲ್ಲೆ.