ಆದ್ಯತ್‌ರ ಪುಸ್ತಕ 7:13 - ಕೊಡವ ಬೈಬಲ್

¹³ ಅದೇ ದಿವಸತ್‌ಲ್‌ ನೋಹ, ಶೇಮ್, ಹಾಮ್, ಯೆಫೆತ್‌ ಎಣ್ಣುವ ಅಂವೊಂಡ ಮೂಂದ್‌ ಕ್‌ಣ್ಣ ಮಕ್ಕಳು, ಅಂವೊಂಡ ಪೊಣ್ಣ್‌ ಪಿಂಞ ಮೂಂದ್‌ ಮೈಮಕ್ಕಳೆಲ್ಲಾರು ಹಡ್‌ಗ್‌ರ ಒಳ್‌ಕ್‌ ಪೋಚಿ.

ಆದ್ಯತ್‌ರ ಪುಸ್ತಕ 7:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 10:21

ಏಬೇರಂಗಕ್‌ ಕಾರನೋನಾಯಿತಿಂಜ ಯೆಫೆತ್‍ಕ್ ಅಣ್ಣನಾಯಿತ್ತಿಂಜ ಶೇಮಂಗ್‌ ಸಹ ಸಂತನವಾಚಿ.

ಆದ್ಯತ್‌ರ ಪುಸ್ತಕ 10:6

ಹಾಮಂಡ ಸಂತಾನಕಾರ ಕೂಷ್, ಮಿಚ್ರಯಿಮ್, ಪೂತ್, ಕಾನಾನ್‌ ಎಣ್ಣುವಯಿಂಗಳೇ.

ಆದ್ಯತ್‌ರ ಪುಸ್ತಕ 5:32

ನೋಹಂಗ್‌ ಅಂಞೂರ್‌ ಕಾಲ ಇಪ್ಪಕ ಶೇಮ್, ಹಾಮ್, ಯೆಫೆತ್‌ ಎಣ್ಣುವ ಮೂಂದ್‌ ಕ್‌ಣ್ಣ ಮಕ್ಕ ಪುಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 6:10

ನೋಹಂಗ್‌ ಶೇಮ್, ಹಾಮ್, ಯೆಫತ್‌ ಎಣ್ಣುವ ಮೂಂದ್‌ ಕ್‌ಣ್ಣ ಮಕ್ಕ ಇಂಜತ್.

ಆದ್ಯತ್‌ರ ಪುಸ್ತಕ 6:18

ಆಚೇಂಗಿ ನೀಡ ಕೂಡೆ ನಾನ್‌ ಒಪ್ಪಂದತ್‌ನ ಮಾಡಿತ್‌ ದೃಡ ಪಡ್‌ತ್‌ವಿ. ಆನಗುಂಡ್, ನೀನ್, ನೀಡ ಕ್‌ಣ್ಣ ಮಕ್ಕ, ನೀಡ ಪೊಣ್ಣ್‌ ಪಿಂಞ ನೀಡ ಮೈಮಕ್ಕ ಹಡಗ್‌ರ ಒಳ್‌ಕ್‌ ಪೋಂಡು.

ಆದ್ಯತ್‌ರ ಪುಸ್ತಕ 7:1

ಅಕ್ಕ ಯೆಹೋವ ನೋಹಂಗ್: ನೀನ್‌ ನೀಡ ಮನೆಕಾರಳ ಕೂಟಿಯಂಡ್‌ ಹಡಗ್‌ರ ಒಳಕ್‌ ಪೋ; ಇಕ್ಕ ಬೂಮಿಲ್‌ ಉಳ್ಳ ಜನತ್‌ಲ್‌ ನಿನ್ನ ಮಾತ್‌ರ ನೀತಿವಂತಂವೊನಾಯಿತ್‌ ನಾನ್‌ ಕಂಡಿಯೆ.

ಆದ್ಯತ್‌ರ ಪುಸ್ತಕ 7:14

ಅಯಿಂಗಡ ಕೂಡೆ ಹಡಗ್‌ಲ್‌ ಎಲ್ಲಾ ತರತ್‌ರ ಕಾಡ್‌ ಪ್ರಾಣಿಯ ತಾಂಡ ಜಾತಿಕ್‌ ಸೆರಿಯಾಯಿತ್, ಎಲ್ಲಾ ತರತ್‌ರ ಚಾಕ್‌ ಪ್ರಾಣಿಯ ತಾಂಡ ಜಾತಿಕ್‌ ಸೆರಿಯಾಯಿತ್‌ ಪಿಂಞ ನೆಲತ್‌ಲ್‌ ಪರ್ಪ ಎಲ್ಲಾ ತರತ್‌ರ ಪ್ರಾಣಿಯ ತಂಡ ಜಾತಿಕ್‌ ಸೆರಿಯಾಯಿತ್‌ ಪಿಂಞ ಎಲ್ಲಾ ತರತ್‌ರ ಪಾರುವ ಪಕ್ಷಿಯ ತಂಡ ಜಾತಿಕ್‌ ಸೆರಿಯಾಯಿತ್‌ ಇಂಜತ್.

ಆದ್ಯತ್‌ರ ಪುಸ್ತಕ 8:14

ಇಂಞು ದಂಡನೆ ತಿಂಗತ್‌ರ ಇರ್ವತ್‌ ಏಳನೆ ದಿವಸತ್‌ಲ್‌ ಬೂಮಿ ಪೂರ್ತಿಯಾಯಿತ್‌ ಒಣಗಿತ್‌ಂಜತ್.

ಇಬ್ರಿಯ 11:7

ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.

1 ಪೇತ್ರ 3:20

ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.

2 ಪೇತ್ರ 2:5

ಪಂಡ್ ಕಾಲತ್‍ಲ್, ದೇವಡ ನೀತಿನ ಬೋದನೆ ಮಾಡ್‍ನ ನೋಹ ಎಣ್ಣ್‌ವಂವೊ ಪಿಂಞ ಅಂವೊಂಡ ಕೂಡೆ ಇಂಜ ಏಳ್ ಜನಳ ಮಾತ್ರ ಕಾಪಾಡಿತ್, ದೇವ ಬಕ್ತಿ ಇಲ್ಲತಯಿಂಗಡ ಮೇಲೆ ಜಲಪ್ರಳಯ ಬಪ್ಪಕ್ ಮಾಡಿತ್, ಈ ಲೋಕತ್‍ನ ಸಹ ಶಿಕ್ಷೆಯಿಂಜ ದೇವ ಕಾಪಾ‍ಡಿತ್‌ಲ್ಲೆ.