ಆದ್ಯತ್‌ರ ಪುಸ್ತಕ 7:11 - ಕೊಡವ ಬೈಬಲ್

¹¹ ನೋಹಂಡ ಆರ್‌ನೂರ್‌ ವಯಸ್ಸ್‌ಲ್‌ ದಂಡನೆ ತಿಂಗತ್‌ರ ಪದಿನ್‍ೕಳನೆ ದಿವಸತ್‌ಲ್‌ ಬೂಮಿರ ಆಳತ್‌ಂಜ ನೀರ್‌ರ ಬುಗ್ಗೆ ಎದ್ದತ್‌ ಪಿಂಞ ಬಾನತ್‌ರ ಕ್‌ಡ್‌ಕೆ ತೊರ್‌ಂದನೆಕೆ ತೊರ್‌ಂದತ್.

ಆದ್ಯತ್‌ರ ಪುಸ್ತಕ 7:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:7

ಅನ್ನನೆ ದೇವ ಬಾನತ್‌ರ ಜಾಗತ್‌ನ ಶೃಷ್ಟಿ ಮಾಡಿತ್, ಬಾನತ್‌ರ ಮೇಲೆ ಉಳ್ಳ ನೀರ್‌ನ ಪಿಂಞ ಬಾನತ್‌ರ ಅಡಿಲ್‌ ಉಳ್ಳ ನೀರ್‌ನ ಬೋರೆ ಬೋರೆ ಮಾಡ್‌ಚಿ. ಅದ್‌ ಅನ್ನನೆ ಆಚಿ.

ಆದ್ಯತ್‌ರ ಪುಸ್ತಕ 6:17

ನೋಟ್! ನಾನ್‌ ಈ ಬೂಮಿನ ಜಲಪ್ರಳಯತ್‌ಂಜ ಮುಚ್ಚಿತ್, ಅದ್ಯಿಂಜ ಉಸಿರಾಡಿಯಂಡ್‌ ಉಳ್ಳ ಎಲ್ಲಾ ಜೀವಿಯತ್‌ನ ನಾಶ ಮಾಡುವಿ. ಬೂಮಿರ ಮೇಲೆ ಉಳ್ಳದೆಲ್ಲ ಚತ್ತ್‌ ಪೋಪ.

ಆದ್ಯತ್‌ರ ಪುಸ್ತಕ 7:6

ಬೂಮಿರ ಮೇಲೆ ಜಲಪ್ರಳಯ ಬಪ್ಪಕ ನೋಹಂಗ್‌ ಆರ್‌ನೂರ್‌ ವಯಸಾಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 8:14

ಇಂಞು ದಂಡನೆ ತಿಂಗತ್‌ರ ಇರ್ವತ್‌ ಏಳನೆ ದಿವಸತ್‌ಲ್‌ ಬೂಮಿ ಪೂರ್ತಿಯಾಯಿತ್‌ ಒಣಗಿತ್‌ಂಜತ್.

ಆದ್ಯತ್‌ರ ಪುಸ್ತಕ 8:2

ಬೂಮಿರ ಒಳ್‌ಲ್‌ಂಜ ನೀರ್‌ರ ಬುಗ್ಗೆ ಪರಿಯುವದು ಪಿಂಞ ಬಾನತ್‌ರ ಕ್‌ಡ್‌ಕೆ ತೊರ್‌ಂದಿತ್‌ ನೀರ್‌ ಬಪ್ಪನೆಕೆ ಬಂದಂಡಿಂಜದು ನಿಂದತ್. ಬಾನತ್‌ಂಜ ಪೊಜ್ಜಂಡಿಂಜ ಮಳೆಯು ನಿಂದತ್.

ಜ್ಞಾನತ್‌ರ ಪಡಿಮ 3:20

ಅಂವೊಂಡ ಜ್ಞಾನತ್‌ಂಜ ಬೂಮಿರ ನೀರ್‌ರ ಆಳತ್‌ನ ಬಾಗ ಮಾಡ್‌ಚಿ, ಮೋಡ ಮಂಜಿ ತುಳಿನ ಬೂವನೆಕೆ ಮಾಡ್‌ಚಿ.

ಮಲಾಕಿ 3:10

ನಾಡ ಮನೆಲ್ ಆಹಾರ ಕಮ್ಮಿ ಆಕತನೆಕೆ ಪತ್ತ್‌ಲ್‌ ಒರ್‌ ಬಾಗತ್‌ನ ಪತ್ತಾಯ ಕೋಂಬರೆಕ್‌ ಕೊಂಡ ಬಾರಿ. ಅಕ್ಕ ನಾನ್‌ ಬಾನತ್‌ರ ಪಡಿನ ತೊರ್‌ಂದಿತ್, ಕೂಟಿ ಬೆಪ್ಪಕ್‌ ಜಾಗ ಇಲ್ಲತೆ ಪೋಪನೆಕೆ ನಿಂಗಡ ಮೇಲೆ ಆಶೀರ್ವಾದತ್‌ನ ತೊರಿಯುವನೋ ಇಲ್ಲೆಯೋಂದ್‌ ನನ್ನ ಪರೀಕ್ಷೆ ಮಾಡೀಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 24:38

ಎನ್ನನೆ ಎಣ್ಣ್‌ಚೇಂಗಿ ಜಲಪ್ರಳಯ ಬಪ್ಪಕ್ ಮಿಂಞ, ನೋಹ ಕಪ್ಪಲ್‍ರ ಒಳ್‍ಕ್ ಪೋಪಕತ್ತನೆ ಜನ ಉಂಡಿತ್, ಕುಡಿಚಿತ್ ಮಂಗಲ ಕಯಿಚಂಡ್ ಮಂಗಲ ಮಾಡಿ ಕೊಡ್‌ತಂಡ್ ಇಂಜತ್.

1 ಥೆಸಲೊನೀಕ 5:3

ಜನ ಸಮಾದಾನ ಉಂಡ್‍ೕಂದು, ಒರ್ ತೊಂದರೆಯು ಇಲ್ಲೇಂದು ಎಣ್ಣುವಕ, ಒರ್ ಪೊಣ್ಣಾಳ್‌ಕ್ ಪೆರುವ ನೊಂಬಲ ಎನ್ನನೆ ಒಮ್ಮಕೆ ಬಪ್ಪ, ಅನ್ನನೆ ಅಯಿಂಗಡ ಮೇಲೆ ನಾಶ ಬಪ್ಪ; ಅಕ್ಕ ದಾರೂ ತಪ್ಪ್‌ಚಿಡ್‌ವಕ್ ಕಯ್ಯುಲೆ.

2 ಪೇತ್ರ 3:6

ಪಿಂಞ ಜಲಪ್ರಳಯ ಬಂದಿತ್ ಅಕ್ಕತ್‍ರ ಲೋಕತ್‍ನ ಪಾಳ್ ಮಾಡ್‍ಚೀಂದ್ ಅಯಿಂಗಕ್ ಗೊತ್ತ್ಂಜತೇಂಗಿಯು ಬೋಂಡೂಂದೇ ಮರ್ಂದ್ ಪೋಯಿರ್‌ತ್.