8 ಆಚೇಂಗಿ ನೋಹಂಗ್‌ ಯೆಹೋವಂಡ ದಯೆ ಕ್‌ಟ್ಟ್‌ಚಿ.
ನೀನ್ ನಾಡ ಮೇಲೆ ಕರುಣೆ ಕಾಟಿತ್‌ ನಾಡ ಜೀವತ್‌ನ ಬಚಾವ್‌ ಮಾಡ್‌ನದ್‌ ನಾಕ್ ಬಲ್ಯ ಸಹಾಯ ಆಚಿ. ಆಚೇಂಗಿ ಆ ಕುಂದ್‌ಕ್‌ ಓಡಿ ಪೋಪಕ್‌ ನಾಕ್ ಕಯ್ಯುಲೆ. ಅದ್‌ ಬಾರಿ ದೂರ ಉಂಡ್. ನಾನ್ ಅಲ್ಲಿಕ್‌ ಎತ್ತ್‌ವಕ್‌ ಮಿಂಞಲೆ ಈ ಪಟ್ಟಣನಾಶ ಆಪ, ಅನ್ನನೆ ನಾನು ಚತ್ತ್‌ ಪೋಪೀಂದ್‌ ಎಣ್ಣ್‌ಚಿ.
ನಲ್ಲ ಮನುಷ್ಯಂಗ್‌ ಯೆಹೋವಂಡ ದಯೆ ಇಪ್ಪ. ಆಚೇಂಗಿ ಕೆಟ್ಟ ಗೇನ ಉಳ್ಳಂವೊಂಗ್‌ ದಂಡನೆ ಕ್ಟ್ಟುವ .
ಅಕ್ಕ ನೀಕ್ ದೇವಡ ಮಿಂಞತು ಮನುಷ್ಯಂಡ ಮಿಂಞತು ದಯೆ ಕ್‍ಟ್ಟಿತ್, ನೀನ್ ನಲ್ಲ ಪೆದತನ ಸಂಪಾದನೆ ಮಾಡ್‌ವಿಯ.
ನನ್ನ ಕಂಡ್‌ಪುಡಿಪಂವೊ ಜೀವತ್‌ನ ಕಂಡ್‌ಪುಡಿಪ. ಒಡೆಯಂಡ ದಯೆ ಸಹ ಅಂವೊಂಗ್ ಕ್ಟ್ಟುವ.
ನೋಹಂಡ ದಿವಸತ್‍ಲ್ ಎನ್ನನೆ ನಡ್ಂದತೋ, ಅನ್ನನೆ ಮನುಷ್ಯಕುಮಾರ ಬಪ್ಪ ಕಾಲತ್‍ಲು ನಡ್‍ಪ.
ದೇವದೂತ ಅವಡ ಪಕ್ಕ: ನೀನ್ ಬೊತ್ತತೆ ಮರಿಯ, ದೇವಡ ಕೃಪೆ ನೀಕ್ ಕ್‍ಟ್ಟಿತುಂಡ್‍ೕಂದ್ ಎಣ್ಣ್‌ಚಿ.
ನೋಹಂಡ ದಿವಸತ್‍ಲ್ ಎನ್ನನೆ ಇಂಜತೋ ಅನ್ನನೆ ಮನುಷ್ಯಕುಮಾರ ಬಪ್ಪ ಸಮಯತ್‍ಲು ಇಪ್ಪ.
ದಾವೀದಂಗ್ ದೇವಡ ಕೃಪೆ ಕ್‍ಟ್ಟಿತ್, ಯಾಕೋಬಂಡ ದೇವಕ್ ಒರ್ ವಾಸ ಮಾಡ್‌ವ ಜಾಗತ್‍ನ ಕೆಟ್ಟ್‌ವಕ್ ದೇವಡ ಪಕ್ಕ ಬೋಡ್‍ಚಿ.
ಅಂವೊ ಗೊತ್ತ್ ಮಾಡ್‍ವದ್ ಕೃಪೇರಗುಂಡ್, ಕ್ರಿಯೇರಗುಂಡ್ ಅಲ್ಲ. ದೇವ ಗೊತ್ತ್ ಮಾಡ್‍ವದ್ ಕ್ರಿಯೇರಗುಂಡ್ ಆಯಿತ್ಂಜತೇಂಗಿ, ಅಕ್ಕ ಕೃಪೇಂದ್ ಎಣ್ಣ್‌ವದ್ ನೇರಾನ ಕೃಪೆಯಾಯಿತ್ ಇಪ್ಪುಲೆ;
ಕ್ರಿಯೆ ಮಾಡ್‌ವಂವೊಂಗ್ ಕ್ಟ್ಟುವ ಕೂಲಿನ ಕೃಪೇಂದ್ ಎಣ್ಣುಲೆ, ಆಚೇಂಗಿ ಅದ್‍ನ ಅಂವೊಂಗ್ ಕೊಡ್‌ಪಕುಳ್ಳದ್‍ೕಂದ್ ಎಣ್ಣುವ.
ಆಚೇಂಗಿ ನಾನ್ ಇಕ್ಕ ಇಪ್ಪದ್ ದೇವ ನಾಡ ಮೇಲೆ ಕಾಟ್‍ನ ಕೃಪೆ ಮಾತ್ರ. ಅಂವೊ ನಾಡ ಮೇಲೆ ಕಾಟ್‍ನ ಕನಿಕರ ಪಾಳಾಯಿ ಪೋಯಿತ್ತ್‌ಲ್ಲೆ. ಅದ್ಂಡ ಬದ್‍ಲ್ ಅಯಿಂಗ ಎಲ್ಲಾಕಿಂಜ ನಾನ್ ದುಂಬ ಕೆಲಸ ಮಾಡಿಯೆ, ಆಚೇಂಗಿಯು ನನ್ನಗುಂಡ್ ಅನ್ನನೆ ಆಪಕಿಂಜಿಲೆ. ನಾಡ ಮೇಲೆ ಉಳ್ಳ ದೇವಡ ಕೃಪೇನಗುಂಡ್ ನಾನ್ ಅನ್ನನೆ ಮಾಡ್‍ವಕಾಚಿ.
ಅನ್ನನೆ ಇಂಜತೇಂಗಿಯು, ನಾನ್ ಪುಟ್ಟ್‌ವಕಿಂಜ ಮಿಂಞಲೇ ನನ್ನ ಬೋರೆ ಮಾಡಿತ್ ಅಂವೊಂಡ ಕೃಪೇರಗುಂಡ್ ನನ್ನ ದೇವ ಕಾಕ್‍ಚಿ.
ಯೇಸು ಕ್ರಿಸ್ತ ಪುನಃ ಬಪ್ಪ ದಿವಸತ್‍ಲ್, ಅಂವೊಂಡ ಮೇಲೆ ದೇವಡ ವಿಶೇಷ ಕರುಣೆ ಇರಡ್! ಅಂವೊ, ಎಫೆಸತ್‍ಲ್ ನಾಕ್ ಎಚ್ಚಕೋ ಸಹಾಯ ಮಾಡಿತುಂಡ್‍ೕಂದ್ ನೀಕ್ ಚಾಯಿತೆ ಗೊತ್ತುಂಡ್.
ಇಕ್ಕ, ಎಲ್ಲಾ ಜನಕ್ ರಕ್ಷಣೆ ಕ್‍ಟ್ಟ್‌ವಕುಳ್ಳ ಕೃಪೇನ ದೇವ ಕಾಂಬ್‍ಚಿಟ್ಟತ್.
ಆನಗುಂಡ್, ಅಂವೊಂಡ ಕೃಪೇರಗುಂಡ್ ನಂಗಳ ನೀತಿವಂತಯಿಂಗಳಾಯಿತ್ ಮಾಡಿತ್, ನಿತ್ಯ ಜೀವತ್‍ರ ಹಕ್ಕ್‌ದಾರಂಗಳಾಯಿತುಂಡ್‍ೕಂದ್ ಎಣ್ಣುವ ನಂಬಿಕೇನ ನಂಗಕ್ ತಂದಿತುಂಡ್.
ಆನಗುಂಡ್, ನಂಗಕ್ ಕರುಣೆ ಕ್‍ಟ್ಟುವಕಾಯಿತು, ತಕ್ಕ ಸಮಯತ್‍ಲ್ ಸಹಾಯ ಮಾಡ್‌ವ ಕೃಪೆ ಕ್‍ಟ್ಟ್‌ವಕಾಯಿತು ದೈರ್ಯವಾಯಿತ್ ಕೃಪೇರ ಸಿಂಹಾಸನತ್‍ರ ಪಕ್ಕ ನಂಗ ಪೋಕ.
ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.
ಪಂಡ್ ಕಾಲತ್‍ಲ್, ದೇವಡ ನೀತಿನ ಬೋದನೆ ಮಾಡ್‍ನ ನೋಹ ಎಣ್ಣ್‌ವಂವೊ ಪಿಂಞ ಅಂವೊಂಡ ಕೂಡೆ ಇಂಜ ಏಳ್ ಜನಳ ಮಾತ್ರ ಕಾಪಾಡಿತ್, ದೇವ ಬಕ್ತಿ ಇಲ್ಲತಯಿಂಗಡ ಮೇಲೆ ಜಲಪ್ರಳಯ ಬಪ್ಪಕ್ ಮಾಡಿತ್, ಈ ಲೋಕತ್‍ನ ಸಹ ಶಿಕ್ಷೆಯಿಂಜ ದೇವ ಕಾಪಾ‍ಡಿತ್‌ಲ್ಲೆ.
