ಆದ್ಯತ್‌ರ ಪುಸ್ತಕ 5:29 - ಕೊಡವ ಬೈಬಲ್

²⁹ ಲೆಮೆಕ: ಯೆಹೋವ ಶಾಪ ಇಟ್ಟ ಈ ಬೂಮಿಯಿಂಜ ನಂಗಕ್‌ ಆನ ಕಷ್ಟ ಪಿಂಞ ಶ್ರಮತ್ತಿಂಜ ಈ ಮೋಂವೊ ನಂಗಕ್‌ ಸಮಾದಾನ ಕೊಂಡ ಬಪ್ಪಾಂದ್‌ ಎಣ್ಣಿತ್‌ ಅಂವೊಂಗ್‌ ನೋಹಾಂದ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 5:29 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 5:28

ಲೆಮೆಕಂಗ್‌ ನೂಟ್ಯ ಎಂಬದಂಡ್‌ ವಯಸ್ಸ್‌ ಇಪ್ಪಕ ಒರ್‌ ಮೋಂವೊ ಪುಟ್ಟ್‌ಚಿ.

ಆದ್ಯತ್‌ರ ಪುಸ್ತಕ 5:30

ನೋಹ ಪುಟ್ಟ್‌ನ ಪಿಂಞ ಲೆಮೆಕ ಇಂಞು ಅಂಞೂಟ್ಯ ತೊಂಬತಂಜಿ ಕಾಲ ಬದ್‌ಕಿತ್‌ ಬೋರೆ ಕ್‌ಣ್ಣ ಮಕ್ಕಳ ಮೂಡಿ ಮಕ್ಕಳ ಪೆತ್ತತ್.

ಆದ್ಯತ್‌ರ ಪುಸ್ತಕ 7:23

ಬೂಮಿರ ಮೇಲೆ ಜೀವಂತವಾಯಿತ್‌ಂಜ ಮನುಷ್ಯ ಜಾತಿಯ, ಪ್ರಾಣಿಯ, ನೆಲತ್‌ಲ್‌ ಪರ್ಪ ಚೆರಿಯ ಪ್ರಾಣಿಯ ಪಿಂಞ ಪಕ್ಷಿಯ ಎಲ್ಲವು ನಾಶ ಆಯಿಪೋಚಿ; ನೋಹ ಪಿಂಞ ಅಂವೊಂಡ ಕೂಡೆ ಇಂಜ ಜೀವಿಯ ಮಾತ್‌ರ ಬಾಕಿ ಉಳ್‌ಂಜತ್.

ಆದ್ಯತ್‌ರ ಪುಸ್ತಕ 9:24

ನೋಹ ಕುಡಿಚ ಬೋದೆಯಿಂಜ ಏವಕ ತಾಂಡ ಚೆರಿಯ ಮೋಂವೊ ಮಾಡ್‌ನದ್‌ ಗೊತ್ತಾಚಿ.

ಮತ್ತಾಯ 24:37

ನೋಹಂಡ ದಿವಸತ್‍ಲ್ ಎನ್ನನೆ ನಡ್ಂದತೋ, ಅನ್ನನೆ ಮನುಷ್ಯಕುಮಾರ ಬಪ್ಪ ಕಾಲತ್‍ಲು ನಡ್‍ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:36

ಸಾಲ ಕಯಿನಾನಂಡ ಮೋಂವೊ; ಕಯಿನಾನ ಅರ್ಫಕ್ಷಾದಂಡ ಮೋಂವೊ; ಅರ್ಫಕ್ಷಾದ ಶೀಮನಂಡ ಮೋಂವೊ; ಶೀಮನ ನೋಹಂಡ ಮೋಂವೊ; ನೋಹ ಲಾಮೆಕಂಡ ಮೋಂವೊ;

ರೋಮ್ 8:20

ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಸೃಷ್ಟಿಯ ಅದ್ಂಡ ಕುಶೀರನೆಕೆ ಮಾಡತೆ, ದೇವಡ ಶಾಪಕ್ ಒಳಪಟ್ಟಿತುಂಡ್.

ಇಬ್ರಿಯ 11:7

ನಂಬಿಕೇರ ಮೂಲಕ ನೋಹ, ಅಂವೊ ಬದ್‍ಕಿಯಂಡ್ ಇಂಜ ಕಾಲತ್‍ಲ್, ಮಿಂಞಕ್ ಬಪ್ಪಕುಳ್ಳ ವಿಷಯತ್‍ಲ್ ದೇವಡಿಂಜ ಎಚ್ಚರ ಕ್‍ಟ್ಟಿತ್, ದೇವಡ ಬಕ್ತಿ ಉಳ್ಳಂವೊನಾಯಿತ್, ತಾಂಡ ಮನೆಲ್ ಉಳ್ಳಯಿಂಗಳ ಕಾಪಾಡ್‌ವಕ್ ಒರ್ ಕಪ್ಪಲ್‌ನ ಮಾಡ್‍ಚಿ; ಅದ್‍ನಗುಂಡ್, ಈ ಲೋಕಕ್ ದಂಡೆನೇರ ತೀರ್ಪ್ ಕ್‍ಟ್ಟ್‌ಚೀಂದ್ ತೀರ್ಪ್ ಮಾಡಿತ್, ನಂಬಿಕೇರ ಮೂಲಕ ಕ್‍ಟ್ಟುವ ನೀತಿಕ್ ಬಾದ್ಯತೆ ಕ್‌ಟ್ಟ್‌ನಂವೊನಾಚಿ.

1 ಪೇತ್ರ 3:20

ಆ ಆತ್ಮಂಗ, ಪಂಡ್ ಕಾಲತ್‍ಲ್ ನೋಹ ಕಪ್ಪಲ್ ಮಾಡಿಯಂಡಿಪ್ಪಕ, ದೇವ ತಾಳ್ಮೆಲ್ ಪಾರಕಾತಂಡಿಂಜ ಸಮಯತ್‍ಲ್, ದೇವಡ ಸದ್ದ್‌ಕ್ ಕೆಮಿ ಕೊಡ್‍ಕತೆ ಪೋನಯಿಂಗ. ಅಕ್ಕ, ಆ ಕಪ್ಪಲ್‍ಲ್ ಚೆನ್ನ ಜನವಾಯಿತ್ಂಜ ಎಟ್ಟ್ ಜನ ಮಾತ್ರ ಜಲ ಪ್ರಳಯತ್ಂಜ ತಪ್ಪ್‌ಚಿಟ್ಟತ್.

2 ಪೇತ್ರ 2:5

ಪಂಡ್ ಕಾಲತ್‍ಲ್, ದೇವಡ ನೀತಿನ ಬೋದನೆ ಮಾಡ್‍ನ ನೋಹ ಎಣ್ಣ್‌ವಂವೊ ಪಿಂಞ ಅಂವೊಂಡ ಕೂಡೆ ಇಂಜ ಏಳ್ ಜನಳ ಮಾತ್ರ ಕಾಪಾಡಿತ್, ದೇವ ಬಕ್ತಿ ಇಲ್ಲತಯಿಂಗಡ ಮೇಲೆ ಜಲಪ್ರಳಯ ಬಪ್ಪಕ್ ಮಾಡಿತ್, ಈ ಲೋಕತ್‍ನ ಸಹ ಶಿಕ್ಷೆಯಿಂಜ ದೇವ ಕಾಪಾ‍ಡಿತ್‌ಲ್ಲೆ.