ಆದ್ಯತ್‌ರ ಪುಸ್ತಕ 49:8 - ಕೊಡವ ಬೈಬಲ್

⁸ ಯೆಹೂದನೇ, ನೀಡ ಅಣ್ಣತಮ್ಮಣಂಗ ನಿನ್ನ ಕೊಂಡಾಡುವ. ನೀಡ ಶತ್‌ರುವಳ ನೀನ್‌ ಚೋಪ್‌ಚಿಡ್‌ವಿಯ. ನೀಡ ಅಣ್ಣತಮ್ಮನಂಗ ನೀಕ್‌ ತಾಂದ್‌ ಅಡ್ಡ ಬೂವ.

ಆದ್ಯತ್‌ರ ಪುಸ್ತಕ 49:8 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 27:29

ಎಲ್ಲಾ ಜನ ನೀಕ್‌ ಸೇವೆ ಮಾಡಿತ್, ಜನಾಂಗ ನೀಕ್‌ ಅಡ್ಡ ಬುದ್ದಿತ್‌ ಕೊಂಡಾಡಡ್. ನೀಡ ಅಣ್ಣತಮ್ಮಣಂಗಕ್‌ ನೀನೆ ಯಜಮಾನನಾಯಿತ್‌ ಇಪ್ಪಿಯ. ನೀಡ ಅವ್ವಂಡ ಮಕ್ಕ ಎಲ್ಲಾರು ನೀಕ್‌ ಅಡ್ಡ ಬೂವಡ್. ನೀಕ್‌ ಶಾಪ ಇಡುವಯಿಂಗಕ್‌ ಶಾಪ ಕ್‌ಟ್ಟ್‌ವ. ನೀಕ್‌ ಆಶೀರ್ವಾದ ಮಾಡುವಯಿಂಗಕ್‌ ಆಶೀರ್ವಾದ ಕ್‌ಟ್ಟ್‌ವಾಂದ್‌ ಎಣ್ಣಿತ್‌ ಅಂವೊನ ಆಶೀರ್ವಾದ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 29:35

ಪುನಃ ಅವ ಕೆಲಕಾರ್ತಿಯಾಯಿತ್‌ ಇಂಞೊರ್‌ ಕ್‌ಣ್ಣ ಕುಂಞಿನ ಪೆತ್ತತ್. ಅವ: ಇಕ್ಕ ನಾನ್‌ ನಾಡ ಯೆಹೋವನ ಆರಾದನೆ ಮಾಡುವೀಂದ್‌ ಎಣ್ಣಿತ್, ಅಂವೊಂಗ್‌ ಯೆಹೂದಾಂದ್‌ ಪೆದ ಬೆಚ್ಚತ್. ಅಲ್ಲಿಂಜ ಅವಕ್‌ ಮಕ್ಕ ಆಪದ್‌ ಚೆನ್ನ ಕಾಲ ನಿಂದತ್.

ಆದ್ಯತ್‌ರ ಪುಸ್ತಕ 42:6

ಯೋಸೇಫ ಐಗುಪ್ತ ದೇಶಕ್‌ ಅದಿಪತಿಯಾಯಿತ್‌ಂಜತ್. ಅಂವೊನೇ ಆ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರಿಯಂಡಿಂಜತ್. ಯೋಸೇಫಂಡ ಅಣ್ಣತಮ್ಮಣಂಗ ಅಂವೊಂಡ ಪಕ್ಕ ಬಂತಿತ್, ಅಂವೊಂಡ ಮಿಂಞ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 46:12

ಯೆಹೂದಂಡ ಮಕ್ಕ ಏರ, ಓನಾನ, ಶೇಲಾಹ, ಪೆರೆಚ, ಜೆರಹ ಎಣ್ಣುವಯಿಂಗಳೇ. ಇಯಂಗಡಲ್ಲಿ ಏರ್‌ ಪಿಂಞ ಓನಾನ ಕಾನಾನ್‌ ದೇಶತ್‌ಲ್‌ ಚತ್ತ್‌ ಪೋಚಿ. ಪೆರೆಚಂಡ ಮಕ್ಕ ಹೆಚ್ರೋನ, ಹಾಮೂಲ ಎಣ್ಣುವಯಿಂಗಳೇ.

ಇಬ್ರಿಯ 10:13

ತಾಂಡ ವಿರೋದಿಯಳ ತಾಂಡ ಕಾಲ್‍ರ ಅಡಿಕ್ ಇಡ್‍ವಕತ್ತನೆ ಅಲ್ಲಿ ಇಂಜಿತ್ ಪಾರಕಾತಂಡುಂಡ್.

ಇಬ್ರಿಯ 7:14

ನಂಗಡ ಒಡೆಯ ಯೆಹೂದ್ಯ ಕುಲತ್‍ಲ್ ಪುಟ್ಟ್‌ನಂವೋಂದ್ ಎಲ್ಲಾರ್‌ಕು ಗೊತ್ತುಂಡ್; ಯೆಹೂದ್ಯ ಕುಲತ್‍ರ ಜನ ಯಾಜಕ ಸೇವೆ ಮಾಡ್‌ವ ವಿಷಯತ್ ಮೋಶೆ ಒಂದು ಎಣ್ಣಿತ್‌ಲ್ಲೆ.

ಪ್ರಕಟನೆ 11:15

ಏಳನೆ ದೇವದೂತ ವಾಲಗತ್‍ರ ಕೊಂಬ್‍ನ ಊದ್‍ವಕಾಪಕ: ಲೋಕತ್‍ರ ರಾಜ್ಯಂಗ ನಂಗಡ ಒಡೆಯಂಗು, ಅಂವೊಂಡ ಕ್ರಿಸ್ತಂಡ ರಾಜ್ಯವಾಯಿತು ಆಚಿ. ಅಂವೊ ಕಾಲಕಾಲಕು ರಾಜನಾಯಿತ್ ರಾಜ್ಯಬಾರ ಮಾಡ್‌ವಾಂದ್ ಪರಲೋಕತ್ಂಜ ಒರ್ ಬಲ್ಯ ಸದ್ದ್ ಕ್‍ೕಟತ್.

ಪ್ರಕಟನೆ 5:5

ಅಕ್ಕ, ಪೆರಿಯಯಿಂಗಡಲ್ಲಿ ಒಬ್ಬ, ನನ್ನ ನೋಟಿತ್: ನೀನ್ ಮೊರಡತೆ, ಯೆಹೂದ್ಯ ಕುಲತ್‍ರ ಸಿಂಹವೂ, ದಾವೀದ ರಾಜಂಡ ಬೇರಾಯಿತ್ ಉಳ್ಳಂವೊ ಈ ಪುಸ್ತಕತ್‍ನ ತೊರ್‌ಪಕು ಅದ್ಂಡ ಏಳ್ ಮುದ್ರೆಯಳ ಪೊಳಿಪಕು ಗೆದ್ದಿತುಂಡ್‍ೕಂದ್ ಎಣ್ಣ್‌ಚಿ.