ಆದ್ಯತ್‌ರ ಪುಸ್ತಕ 49:4 - ಕೊಡವ ಬೈಬಲ್

⁴ ಆಚೇಂಗಿ ನೀನ್‌ ನೀರ್‌ರನೆಕೆ ಸ್ತಿರ ಇಲ್ಲೆ. ನೀನ್‌ ನೀಡ ತಮ್ಮಣಂಗಕಿಂಜ ಮುಕ್ಯಂವೊನಾಯಿತ್‌ಪ್ಪುಲೆ. ಎನ್ನಂಗೆಣ್ಣ್‌ಚೇಂಗಿ, ನೀನ್‌ ನಾಡ ಪೊಣ್ಣ್‌ರ ಕೂಡೆ ಬುದ್ದಂಡ್, ನೀಡ ಅಪ್ಪಂಡ ಕಡಿಕೆನ ಅಶುದ್ದ ಮಾಡಿಯ.

ಆದ್ಯತ್‌ರ ಪುಸ್ತಕ 49:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 35:22

ಇಸ್ರಾಯೇಲ್‌ ಆ ದೇಶತ್‌ಲ್‌ ವಾಸಮಾಡಿಯಂಡ್‌ ಇಪ್ಪಕ ರೂಬೇನ ತಾಂಡ ಅಪ್ಪಂಡ ಉಪ ಪೊಣ್ಣಾನ ಬಿಲ್ಹಂಡ ಕೂಡೆ ಸಮ್ಮಂದ ಬೆಚ್ಚಿತ್‌ ಅವಡ ಕೂಡೆ ಬುದ್ದತ್. ಆ ಸಂಗತಿ ಇಸ್ರಾಯೇಲ್‌ಂಗ್‌ ಮುಟ್ಟ್‌ಚಿ. ಯಾಕೋಬಂಗ್‌ ಪನ್ನೆರಂಡ್‌ ಜನ ಕ್‌ಣ್ಣ ಮಕ್ಕ ಇಂಜತ್.

ಆದ್ಯತ್‌ರ ಪುಸ್ತಕ 46:8

ಐಗುಪ್ತ ದೇಶಕ್‌ ಬಂದ ಇಸ್ರಾಯೇಲ್‌ ಎಣ್ಣುವ ಯಾಕೋಬಂಡ ಸಂತಾನತ್‌ರ ವಿವರ: ಯಾಕೋಬಂಡ ಪೆರಿಯ ಮೊಂವೊನಾನ ರೂಬೇನ.

1 ಕೊರಿಂಥ 5:1

ನಿಂಗಡ ಮದ್ಯತ್‍ಲ್ ವ್ಯಬಿಚಾರ ಕಾರ್ಯ ಆಯಂಡುಂಡ್‍ೕಂದ್ ನೇರಾಯಿತು ಜನ ಪುಕಾರ್ ಮಾಡಿಯಂಡುಂಡ್. ಒಬ್ಬ ಅಂವೊಂಡ, ಚಿಕ್ಕವ್ವಡ ಕೂಡೆ ಬುದ್ದಂಡ್ ಉಂಡ್‍ೕಂದ್ ನಾಕ್ ಸುದ್ದಿ ಬಾತ್. ಈ ತರ ಕಾರ್ಯ ದೇವನ ಗೊತ್ತಿಲ್ಲತ ಜನ ಕೂಡೆ ಮಾಡ್‌ಲೆಲ್ಲಾ?

2 ಪೇತ್ರ 2:14

ಅಯಿಂಗ ವ್ಯಬಿಚಾರತ್‍ರ ಗೇನತ್‍ಲ್ ದುಂಬಿತ್, ಪಾಪ ಮಾಡ್‌ವದ್‍ನ ನಿಪ್ಪ್‌ಚಿಡತಯಿಂಗಳಾಯಿತ್ ಬದ್‍ಕ್‍ವ; ಸ್ತಿರವಿಲ್ಲತ ದೇವಡ ಮಕ್ಕಳ ಪಾಪ ಮಾಡ್‌ವನೆಕೆ ಅಯಿಂಗಡ ಕೈಕ್ ಇಡ್‌ವ, ದುಡ್ಡ್‌ರ ಆಸೆಕಾಯಿತ್ ಅಯಿಂಗಡ ಹೃದಯತ್‍ನ ಚಾಯಿತೆ ಪಡಿಚಿಟ್ಟ ಶಾಪತ್‍ರ ಮಕ್ಕಳಾಯಿತ್ ಈಂಗ ಉಂಡಲ್ಲ!

2 ಪೇತ್ರ 3:16

ಅಂವೊ ತಾಂಡ ಎಲ್ಲಾ ಕಾಗದ‍ತ್‍ಲು ಈ ವಿಷಯತ್‍ನ ಒಳ್‍ದಿತುಂಡ್; ಅಂವೊ ಎಣ್ಣ್‌ನ ಚೆನ್ನ ವಿಷಯತ್‍ನ ಅರ್ಥ ಮಾಡ್‌ವಕ್ ಕಯಿಂಜಂಡಿಲ್ಲೆ. ಗೊತ್ತಿಲ್ಲತಯಿಂಗಳು, ಸ್ತಿರ ಇಲ್ಲತಯಿಂಗಳು ಅಯಿಂಗಕ್ ನಾಶ ಬಪ್ಪನೆಕೆ, ಬೋರೆ ವಾಕ್ಯತ್‍ನ ಮಾಡ್‌ವನೆಕೆ ಇದ್‍ನ ಸಹ ತಿರಿಕಿಯಂಡುಂಡ್.