ಆದ್ಯತ್‌ರ ಪುಸ್ತಕ 48:16 - ಕೊಡವ ಬೈಬಲ್

¹⁶ ನನ್ನ ಎಲ್ಲಾ ಕ್‍ೕಡಿಂಜ ಕಾಪಾಡ್‌ನ ದೇವದೂತ ಈ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಡ್. ಈ ದಂಡ್‌ ಕ್‌ಣ್ಣ ಮಕ್ಕ ನಾಡ ಪೆದತ್‌ನ, ನಾಡ ಅಜ್ಜ ಅಬ್ರಹಾಮ ಪಿಂಞ ನಾಡ ಅಪ್ಪ ಇಸಾಕಂಡ ಪೆದತ್‌ನ ಕಾಪಾಡಡ್. ಇಯಿಂಗಡ ಸಂತಾನ ಬೂಮಿರ ಮೇಲೆ ಬೊಳ್‌ಂದಿತ್‌ ಬಲ್ಯದಾಡ್‌ಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 48:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 22:11

ಅಕ್ಕ ಯೆಹೋವಂಡ ದೂತ ಪರಲೋಕತ್‌ಂಜ: ಅಬ್ರಹಾಮನೇ, ಅಬ್ರಹಾಮನೇಂದ್‌ ಕಾಕ್‌ಚಿ. ಅಕ್ಕ ಅಂವೊ: ನಾನ್‌ ಇಲ್ಲಿಯೇ ಉಳ್ಳಂದ್‌ ಜವಾಬ್ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 22:15

ಯೆಹೋವಂಡ ದೂತ ಪರಲೋಕತ್‌ಂಜ ದಂಡನೆ ಕುರಿ ಅಬ್ರಹಾಮನ ಕಾಕಿತ್:

ಆದ್ಯತ್‌ರ ಪುಸ್ತಕ 32:28

ಅಕ್ಕ ಆ ಮನುಷ್ಯ: ನೀನ್‌ ದೇವಡ ಕೂಡೆಯು ಮನುಷ್ಯಂಡ ಕೂಡೆಯು ಪೋರಾಡಿತ್‌ ಗೆದ್ದಗುಂಡ್, ನೀಡ ಪೆದ ಇಂಞು ಮಿಂಞಕ್‌ ಯಾಕೋಬಾಂದ್‌ ಇಕ್ಕತೆ ಇಸ್ರಾಯೇಲ್‌ಾಂದ್‌ ಇಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 46:3

ಅಕ್ಕ ಅಂವೊ: ನಾನ್‌ ದೇವ, ನೀಡ ಅಪ್ಪಂಡ ದೇವ. ನೀನ್‌ ಐಗುಪ್ತ ದೇಶಕ್‌ ಪೋಪಕ್‌ ಬೊತ್ತತೆ. ಅಲ್ಲಿ ನಾನ್‌ ನೀಡ ಸಂತಾನತ್‌ನ ಬಲ್ಯ ಜನಾಂಗಳಾಯಿತ್‌ ಮಾಡ್‌ವಿ.

ಆದ್ಯತ್‌ರ ಪುಸ್ತಕ 48:5

ನಾನ್‌ ಐಗುಪ್ತ ದೇಶಕ್‌ ಬಪ್ಪಕಿಂಜ ಮಿಂಞ ನೀಕ್‌ ಪುಟ್ಟ್‌ನ ಈ ದಂಡ್‌ ಕ್‌ಣ್ಣ ಮಕ್ಕಳು ನಾಡ ಮಕ್ಕ. ರೂಬೇನ, ಸಿಮೆಯೋನಂಡನೆಕೆ, ಎಫ್ರಾಯಿಮನು ಮನಸ್ಸೆಯು ನಾಡ ಮಕ್ಕಳಾಯಿತ್‌ಪ್ಪ.

ಆದ್ಯತ್‌ರ ಪುಸ್ತಕ 49:22

ಯೋಸೇಫ ಫಲ ತಪ್ಪ ಒರ್‌ ಗಿಡತ್‌ರನೆಕೆ. ಅಂವೊ ಬುಗ್ಗೆರ ಪಕ್ಕ ಉಳ್ಳ ನಲ್ಲ ಫಲ ತಪ್ಪ ಗಿಡ. ಅದ್‌ಂಡ ಕೊಂಬ್ ಗೋಡೆರ ಮೇಲೆ ಪಬ್ಬುವ.

ಮಲಾಕಿ 3:1

ಇದಾ! ನಾನ್‌ ನಾಡ ದೂತನ ಅಯಿಪಿ, ಅಂವೊ ನಾಡ ಮಿಂಞತ್‌ ಪೋಯಿತ್, ಬಟ್ಟೆನ ತಯಾರ್‌ ಮಾಡುವ. ಅಕ್ಕ ನಿಂಗ ತ್‍ೕಡಿಯಂಡುಳ್ಳ ಯೆಹೋವನು, ನಿಂಗ ಕುಶಿಪಡುವ ಒಪ್ಪಂದತ್‌ರ ದೂತನು ತಾಂಡ ದೇವಾಲಯಕ್‌ ಬೆರಿಯ ಬಪ್ಪ. ಇದಾ, ಅಂವೊ ಬಂದಂಡುಂಡ್‍ೕಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 6:13

ನಂಗ ಸೋದನೆಕ್ ಒಳಪಡತನೆಕೆ ನಂಗಳ ಕೕಡ್‌ಂಜ ಕಾಪಾಡ್. ರಾಜ್ಯವು, ಅದಿಕಾರವು, ಮಹಿಮೆಯು ಎಕ್ಕಾಲು ನೀಡದೇ. ಆಮೆನ್.

ಯೋಹಾನ 17:15

ಈಂಗಳ ಈ ಲೋಕತ್ಂಜ ಎಡ್‌ತ ಪೋಯಿರ್‍ೕಂದ್ ನಾನ್ ನಿನ್ನ ಕ್‍ೕಟಂಡಿಲ್ಲೆ. ಕ್‍ೕಡ್ ಮಾಡ್‌ವ ಸೈತಾನಂಡ ಕೈಯಿಂಜ ತಪ್ಪ್‌ಚಿಟ್ಟಿತ್ ಈಂಗಳ ಕಾಪಾಡ್‍ೕಂದ್ ಕ್‍ೕಪಿ.

ಅಪೊಸ್ತಲ 15:17

ನಾನ್ ಇನ್ನನೆ ಮಾಡ್‌ವಗುಂಡ್, ಬಾಕಿಯುಳ್ಳ ಎಲ್ಲಾ ಜನಳು, ವಿಶೇಷವಾಯಿತ್ ನಾಕಾಯಿತ್ ನಾನ್ ಕಾಕಿತುಳ್ಳ ಯೆಹೂದ್ಯ ಅಲ್ಲತ ಜನ ಒಡೆಯನಾನ ದೇವನ ತ್‍ೕಡ್‌ವ. ಇನ್ನನೆ ಮಾಡ್‌ವ ನಾನ್ ಇದ್‍ನ ಎಣ್ಣಿಯೆ. ಅದ್ ಅನ್ನನೆ ಆಪ,

ರೋಮ್ 8:23

ಅದ್ ಮಾತ್ರ ಅಲ್ಲತೆ, ಪವಿತ್ರಾತ್ಮತ್‍ರ ಆದ್ಯ ಫಲ ಕ್‍ಟ್ಟ್‌ನ ನಂಗ ಸಹ, ನಂಗಡ ತಡೀರ ವಿಮೋಚನವಾನ ಮಕ್ಕಡ ಹಕ್ಕ್ ಬಪ್ಪಕಾಯಿತ್ ನಂಗಡ ಒಳ್‍ಲ್ ನೆರೆಂಗಿಯಂಡುಂಡ್.

1 ಕೊರಿಂಥ 10:4

ಪಿಂಞ ಅಯಿಂಗೆಲ್ಲಾರು ಒರೇ ಆತ್ಮೀಯ ನೀರ್‌ನ ಕುಡಿಚತ್. ಎನ್ನನೆ ಎಣ್ಣ್‌ಚೇಂಗಿ ಬಂಡೆ ಕಲ್ಲಿಂಜ ನೀರ್ ಬಪ್ಪಕ್ ಮಾಡ್‍ಚಿ. ಆ ಬಂಡೆ ಕಲ್ಲ್, ಅಯಿಂಗಡ ಕೂಡೆ ಪೋಯಂಡಿಂಜ ಕ್ರಿಸ್ತನೇ.

1 ಕೊರಿಂಥ 10:9

ಅಯಿಂಗಡಲ್ಲಿ ಚೆನ್ನ ಜನ ಕ್ರಿಸ್ತನ ಪರೀಕ್ಷೆ ಮಾಡ್‍ಚಿ. ಅಯಿಂಗ ಪಾಂಬ್ ಕಡಿಚಿತ್ ಚತ್ತ್ ಪೋಚಿ. ಅನ್ನನೆ ನಂಗಳು ಕ್ರಿಸ್ತನ ಪರೀಕ್ಷೆ ಮಾಡತೆ ಇಕ್ಕನ.

2 ತಿಮೊಥೆಯ 4:18

ಅಕ್ಕು, ದೇವ ನನ್ನ ಎಲ್ಲಾ ಸೈತಾನಂಡ ಕ್‍ೕಡಿಂಜ ಕಾಪಾಡಿತ್, ಅಂವೊಂಡ ಪಕ್ಕ ಪರಲೋಕ ರಾಜ್ಯಕ್ ಕೂಟಿಯೊವ. ನಿತ್ಯ ನಿತ್ಯಕೂ ಅಂವೊಂಗ್ ಮಹಿಮೆ ಕ್‍ಟ್ಟಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಇಬ್ರಿಯ 11:21

ನಂಬಿಕೇರ ಮೂಲಕ, ಯಾಕೋಬ, ತಾನ್ ಚಾವಕ್ ಸಮಯ ಬಪ್ಪಕ, ಯೋಸೇಫಂಡ ದಂಡ್ ಮೋನಿಯಂಗಳ ಆಶೀರ್ವಾದ ಮಾಡಿತ್, ತಾಂಡ ಕೈಯಿಲ್ ಇಂಜ ಕೋಲ್‍ಲ್ ತಾಂಗಿಯಂಡ್ ಆರಾದನೆ ಮಾಡ್‍ಚಿ.