ಆದ್ಯತ್‌ರ ಪುಸ್ತಕ 47:23 - ಕೊಡವ ಬೈಬಲ್

²³ ಇಂಞು ಯೋಸೇಫ ಜನಳ ನೋಟಿತ್: ಕ್‍ೕಳಿ! ನಾನ್‌ ಫರೋಹನಂಗಾಯಿತ್‌ ನಿಂಗಳ ಪಿಂಞ ನಿಂಗಡ ಬೂಮಿನ ಎಡ್‌ತಿಯೆ. ಇದಾ, ನಾನ್‌ ನಿಂಗಕ್‌ ಬಿತ್ತ್‌ವಕ್‌ ಕುರುನ ತಪ್ಪಿ, ಅದ್‌ನ ಬೂಮಿಲ್‌ ಬಿತ್ತಿ.

ಆದ್ಯತ್‌ರ ಪುಸ್ತಕ 47:23 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 41:27

ಬಯ್ಯ ಬಂದ ಅಸಹ್ಯವಾನ ಚೆರ್‌ಂಗನೆ ಇಂಜ ಏಳ್‌ ಪೈಯ್ಯುವಳು ಏಳ್‌ ಕಾಲತ್‌ರ ವಿಷಯ. ಚೆರ್‌ಂಗ್‌ನೆ ಪಿಂಞ ಕ್‍ೕಕ್‌ ದಿಕ್ಕ್‌ಲ್‌ ಬಂದ ಗಾಳಿಕ್‌ ಚುಟ್ಟ್‌ ಪೋನನೆಕೆ ಇಂಜ ಏಳ್‌ ಕಾಳ್‌ರ ಮಂಡೆಯು ಏಳ್‌ ಕಾಲತ್‌ರ ವಿಷಯ. ಈ ಏಳ್‌ ಕಾಲವು ಬರಗಾಲ ಉಳ್ಳ ಕಾಲ ಆಪ.

ಆದ್ಯತ್‌ರ ಪುಸ್ತಕ 45:6

ದೇಶತ್‌ಲ್‌ ಬರಗಾಲ ಬಂತ್‌ ದಂಡ್‌ ಕಾಲ ಆಚಿ. ಇಂಞು ಅಂಜ್ ಕಾಲಕ್‌ ಬೇಲ್‌ ಉಪ್ಪೋ ಪಣಿಯು ಇಪ್ಪುಲೆ ಕೊಯ್ಯಿ ಪಣಿಯು ಇಪ್ಪುಲೆ.

ಆದ್ಯತ್‌ರ ಪುಸ್ತಕ 47:22

ಯಾಜಕಂಗಡ ಬೂಮಿನ ಮಾತ್‌ರ ಅಂವೊ ಎಡ್‌ತಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಫರೋಹನನೇ ಅಯಿಂಗಕ್‌ ಆಹಾರ ದಾನ್ಯತ್‌ನ ದಿನ ಕೊಡ್‌ತ್ತಂಡಿಂಜದ್‌ ಅಯಿಂಗಕ್‌ ಮದಿಯಾಯಿತಿಂಜತ್, ಆನಗುಂಡ್‌ ಅಯಿಂಗಡ ಬೂಮಿನ ಅಯಿಂಗ ಮಾರಿತ್‌ಲ್ಲೆ.

ಆದ್ಯತ್‌ರ ಪುಸ್ತಕ 47:24

ಆಚೇಂಗಿ ನಿಂಗ ಕೊಯಿಪಣಿ ಮಾಡ್‌ವಕ ಅಂಜಿಲ್‌ ಒರ್‌ ಬಾಗತ್‌ನ ಫರೋಹನಂಗ್‌ ಕೊಡ್‌ಕಂಡು. ಉಳ್‌ಂಜ ನಾಲ್‌ ಬಾಗ ನಿಂಗಕ್‌ ಆಪ. ಅದ್‌ ಬಿತ್ತ್‌ವಕು, ನಿಂಗಕು, ನಿಂಗಡ ಮನೆಕಾರಕು, ನಿಂಗಡ ಮಕ್ಕಕು ಆಹಾರವಾಯಿತ್‌ ಬೆಚ್ಚೊಳೀಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 11:26

ಬೆಲೆ ಜಾಸ್ತಿ ಆಂಡೂಂದ್‌ ಆಹಾರ ದಾನ್ಯತ್‌ನ ಕೆಟ್ಟಿ ಬೆಪ್ಪಂವೊಂಗ್‌ ಜನ ಶಾಪ ಇಡುವ. ಆಚೇಂಗಿ ಅದ್‌ನ ಮಾರ್ವಂವೊಂಗ್‌ ಆಶೀರ್ವಾದ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 12:11

ತಾಂಡ ಬೇಲ್‌ಲ್‌ ಕಷ್ಟಪಟ್ಟಿತ್‌ ನಯಿಪಂವೊಂಗ್‌ ಬೋಂಡಿಯಚ್ಚಕ್‌ ಆಹಾರ ಇಪ್ಪ. ಆಚೇಂಗಿ ಪ್ರಯೋಜನ ಇಲ್ಲತ ಕಾರ್ಯತ್‌ಲ್‌ ನೇರತ್‌ನ ಕಳೆಯುವಂವೊ ದಡ್ಡ.

ಜ್ಞಾನತ್‌ರ ಪಡಿಮ 13:23

ಗರೀಬಂಡ ಉಪ್ಪತ ಬೇಲ್‌ ಬಲ್ಯ ಬೊಳೆ ತಪ್ಪ, ಆಚೇಂಗಿ ಅನ್ಯಾಯ ಅದ್‌ನ ಕೊಚ್ಚಿಯಂಡ್‌ ಪೋಪ.

ಮತ್ತಾಯ 24:45

ಅನ್ನನಾಚೇಂಗಿ ತಾಂಡ ಮನೆಕಾರಂಗಕ್ ಸರಿಯಾನ ಸಮಯತ್‍ಲ್ ಉಂಬಕ್ ಕೂಳ್ ಕೊಡ್‍ಪನೆಕೆ, ಅಯಿಂಗಡ ಮೇಲೆ ಎಜಮಾನ ನೇಮಿಚಿಟ್ಟ ಅದಿಕಾರಿಯಾಯಿತುಳ್ಳ ನಂಬಿಕಸ್ತನು, ಜ್ಞಾನಿಯೂ ಆನ ಸೇವಕ ದಾರ್?

2 ಕೊರಿಂಥ 9:10

ಬಿತ್ತ್‌ವಂವೊಂಗ್ ಕುರುನ ಪಿಂಞ ತಿಂಬಕ್ ಕೂಳ್‌ನ ತಪ್ಪ ದೇವ, ನಿಂಗಕ್ ಕುರುನ ತಂದಿತ್, ಅದ್‍ನ ಜಾಸ್ತಿ ಮಾಡಿತ್, ನಿಂಗಡ ನೀತಿರ ಬೊಳೆನ ಜಾಸ್ತಿ ಮಾಡ್‌ವ.