ಆದ್ಯತ್‌ರ ಪುಸ್ತಕ 47:11 - ಕೊಡವ ಬೈಬಲ್

¹¹ ಫರೋಹನಂಡ ಅಪ್ಪಣೆರ ಪ್ರಕಾರ ಯೋಸೇಫ ತಾಂಡ ಅಪ್ಪಂಗು, ಅಣ್ಣತಮ್ಮಣಂಗಕು, ಇಡೀ ಐಗುಪ್ತ ದೇಶತ್‌ಲ್‌ ನಲ್ಲ ಜಾಗವಾನ ರಮ್ಸೇಸ್ ಪ್ರದೇಶತ್‌ನ ಸ್ವಂತಾಯಿತ್‌ ಕೊಡ್‌ತಿತ್, ಅಯಿಂಗ ಅಲ್ಲಿ ವಾಸಮಾಡ್‌ವಕ್‌ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 47:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 46:34

ನಿಂಗ ಅಂವೊಂಗ್: ನಿಂಗಡ ಸೇವಕಂಗ ಚೆರಿಯತ್‌ಂಜ ಇಲ್ಲಿಕತ್ತನೆ, ನಂಗಡ ಮುತ್ತಜ್ಜಂಗಡನೆಕೆ ಕೊರಿಕಾಪಯಿಂಗಾಂದ್‌ ಎಣ್ಣಿ. ಅಕ್ಕ ನಿಂಗಳ ಗೋಷೆನ್‌ ಊರ್‌ಲ್‌ ವಾಸಮಾಡ್‌ವಕ್‌ ಬುಡುವ. ಎನ್ನಂಗೆಣ್ಣ್‌ಚೇಂಗಿ ಐಗುಪ್ತ ಜನ ಕೊರಿಕಾಪಯಿಂಗಳ ಅಸಹ್ಯವಾಯಿತ್‌ ಕಾಂಬ.

ಆದ್ಯತ್‌ರ ಪುಸ್ತಕ 47:27

ಇಸ್ರಾಯೇಲ್‌ ಜನ ಐಗುಪ್ತ ದೇಶತ್‌ಲ್‌ ಉಳ್ಳ ಗೋಷೆನ್‌ ನಾಡ್‌ಲ್‌ ವಾಸಮಾಡಿಯಂಡಿಂಜತ್. ಅಲ್ಲಿ ಅಯಿಂಗ ಆಸ್ತಿನ ಸಂಪಾದನೆ ಮಾಡ್‌ಚಿ. ಅಯಿಂಗಡ ಸಂತಾನ ಅಬಿವೃದ್ದಿ ಪೊಂದಿತ್‌ ಬಲ್ಯದಾಚಿ.

ಆದ್ಯತ್‌ರ ಪುಸ್ತಕ 47:6

ಈ ಐಗುಪ್ತ ದೇಶ ನೀಡ ಮಿಂಞತ್‌ ಉಂಡ್. ದೇಶತ್‌ ಉಳ್ಳ ನಲ್ಲ ಜಾಗತ್‌ಲ್‌ ಅಯಿಂಗಳ ವಾಸ ಮಾಡ್‌ವಕ್‌ ಏರ್ಪಾಡ್‌ ಮಾಡ್. ಅಯಿಂಗ ಗೋಷೇನ್‌ ನಾಡ್‌ಲ್‌ ವಾಸ ಮಾಡಡ್. ಅಯಿಂಗಡಲ್ಲಿ ದಾರ್‌ಕೇಂಗಿ ಸಾಮರ್ಥ್ಯ ಉಂಡೇಂಗಿ, ನಾಡ ಎತ್ತ್‌ಕಡ್‌ಚಿಯಳ ನೋಟ್‌ವಕ್‌ ನೇಮಿಚಿಡ್‍ೕಂದ್‌ ಎಣ್ಣ್‌ಚಿ.

ಯೋಹಾನ 10:10

ಕಳ್ಳ, ಬರಿ ಕಟ್ಟಂಡ್ ಪೋಪಕಾಯಿತು, ಕೊಲೆ ಮಾಡ್‌ವಕಾಯಿತು, ಪಾಳ್ ಮಾಡ್‌ವಕಾಯಿತು ಮಾತ್ರ ಬಪ್ಪ. ಆಚೇಂಗಿ, ನಾನ್ ಅಯಿಂಗಕ್ ನಿತ್ಯ ಜೀವ ಕ್‍ಟ್ಟ್‌ವಕು, ಆ ಜೀವತ್‍ನ ಅಯಿಂಗ ಪೂರ್ತಿಯಾಯಿತ್ ಅನುಬವಿಚಿಡುವಕು ಬಂದಿಯೆ.

ಯೋಹಾನ 10:28

ನಾನ್ ಅಯಿಂಗಕ್ ನಿತ್ಯ ಜೀವತ್‍ನ ತಪ್ಪಿ; ಅಯಿಂಗ ನಾಶ ಆಪದೇ ಇಲ್ಲೆ, ನಾಡ ಕೈಯಿಂಜ ದಾರ್ ಒಬ್ಬಂಗು ಅಯಿಂಗಳ ಬಲ್‍ಚಿತ್ ಎಡ್‌ತವಕ್ ಕಯ್ಯುಲೆ.

ಯೋಹಾನ 14:2

ನಾಡ ಅಪ್ಪಂಡ ಮನೆಲ್ ದುಂಬ ಕೋಂಬರೆ ಉಂಡ್; ಅನ್ನನೆ ಇಲ್ಲತ ಇಂಜತೇಂಗಿ ನಾನ್ ನಿಂಗಕ್ ಎಣ್ಣಿತಿಪ್ಪಿ. ನಾನ್ ಪೋಯಿತ್ ನಿಂಗಕಾಯಿತ್ ಒರ್ ಜಾಗತ್‍ನ ತಯಾರ್ ಮಾಡ್‌ವಿ.

ಯೋಹಾನ 14:23

ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.

ಯೋಹಾನ 17:2

ನೀನ್ ಅಂವೊಂಗ್ ಎಲ್ಲಾ ಜನಡಮೇಲೆ ಅದಿಕಾರ ಕೊಡ್‍ತಿತುಳ್ಳಿಯ. ನೀಡ ಮೋಂವೊಂಗ್ ನೀನ್ ಕೊಡ್‍ತಿತುಳ್ಳ ಎಲ್ಲಾರ್‌ಕು ಅಂವೊ ನಿತ್ಯ ಜೀವತ್‍ನ ತಪ್ಪ.

ಯೋಹಾನ 17:24

ಅಪ್ಪಾ! ಲೋಕತ್‍ನ ಸೃಷ್ಟಿ ಮಾಡ್‌ವಕ್ ಮಿಂಞಲೇ ನೀನ್ ನಾಡಲ್ಲಿ ಪ್ರೀತಿಯಾಯಿತ್ ಇಂಜಗುಂಡ್, ನೀನ್ ನಾಕ್ ತಂದ ನಾಡ ಮಹಿಮೆನ, ನೀನ್ ನಾಕ್ ಕೊಡ್‍ತಯಿಂಗ ಕಾಂಬನೆಕೆ, ನಾನ್ ಎಲ್ಲಿ ಇಪ್ಪಿ, ಅಲ್ಲಿ ಅಯಿಂಗಳು ಇಪ್ಪಕ್ ನಾನ್ ಕುಶೀಲ್ ಉಳ್ಳ.