ಆದ್ಯತ್‌ರ ಪುಸ್ತಕ 46:3 - ಕೊಡವ ಬೈಬಲ್

³ ಅಕ್ಕ ಅಂವೊ: ನಾನ್‌ ದೇವ, ನೀಡ ಅಪ್ಪಂಡ ದೇವ. ನೀನ್‌ ಐಗುಪ್ತ ದೇಶಕ್‌ ಪೋಪಕ್‌ ಬೊತ್ತತೆ. ಅಲ್ಲಿ ನಾನ್‌ ನೀಡ ಸಂತಾನತ್‌ನ ಬಲ್ಯ ಜನಾಂಗಳಾಯಿತ್‌ ಮಾಡ್‌ವಿ.

ಆದ್ಯತ್‌ರ ಪುಸ್ತಕ 46:3 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:2

ನಾನ್‌ ನಿನ್ನ ಬಲ್ಯ ಜನಾಂಗವಾಯಿತ್‌ ಮಾಡುವಿ. ನಾನ್‌ ನಿನ್ನ ಆಶೀರ್ವಾದ ಮಾಡಿತ್, ನೀಡ ಪೆದತ್‌ನ ಬಲ್ಯದ್‌ ಮಾಡುವಿ; ನೀನ್‌ ನೇರಾಯಿತು ಆಶೀರ್ವಾದ ಬಡಂತವನಾಯಿತ್‌ಪ್ಪಿಯ.

ಆದ್ಯತ್‌ರ ಪುಸ್ತಕ 15:1

ಈ ಘಟನೆಯೆಲ್ಲಾ ಆನ ಪಿಂಞ ಅಬ್ರಾಮಂಗ್‌ ಯೆಹೋವ ದರ್ಶನತ್‌ಲ್‌ ಬಂದಿತ್: ಅಬ್ರಾಮನೇ ನೀನ್‌ ಬೊತ್ತತೆ; ನಾನ್‌ ನೀಕ್‌ ಎದೆತಟ್ಟ್‌ ಆಯಿತ್‌ಪ್ಪಿ. ನೀಡ ಬಹುಮಾನ ಬಲ್ಯದಾಯಿತ್‌ಪ್ಪಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 15:13

ಅಕ್ಕ ಯೆಹೋವ ಅಂವೊಂಗ್: ನೀಡ ಸಂತಾನ ಅನ್ಯ ದೇಶತ್‌ಲ್‌ ಪರದೇಶಿಯಾಯಿತ್‌ ಇಂಜಿತ್, ಆ ದೇಶತ್‌ರ ಜನಕ್‌ ಅಡಿಯಾಳಾಯಿತ್‌ ಇಪ್ಪಾಂದು, ಅಯಿಂಗಡಿಂಜ ನಾನ್ನೂರ್‌ ಕಾಲ ದುಂಬ ಕಷ್ಟಪಡುವಾಂದು ನೀನ್‌ ಚಾಯಿತೆ ಅರಿಯಂಡು.

ಆದ್ಯತ್‌ರ ಪುಸ್ತಕ 17:1

ಅಬ್ರಾಮ ತೊಂಬತೊಯಿಂಬದ್‌ ವಯಸ್ಸಾಯಿತ್‌ಪ್ಪಕ ಯೆಹೋವ, ಅಬ್ರಾಮಂಗ್‌ ಅಂವೊನ ಕಾಂಬ್‌ಚಿಟ್ಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ನಾಡ ಮಿಂಞತ್‌ಲ್‌ ಏದ್‌ ಕುತ್ತವು ಇಲ್ಲತೆ ನಾಡ ಸೇವೆ ಮಾಡ್.

ಆದ್ಯತ್‌ರ ಪುಸ್ತಕ 22:17

ನಾನ್‌ ನಿನ್ನ ನೇರಾಯಿತು ಆಶೀರ್ವಾದ ಮಾಡಿತ್, ನೀಡ ಸಂತಾನತ್‌ನ ಬಾನತ್‌ ಮೀನ್‌ರನೆಕೆಯು, ಕಡಕರೆಲ್‌ ಉಳ್ಳ ಮಣತ್‌ರನೆಕೆಯು ಲೆಕ್ಕ ಮಾಡುವಕಯ್ಯತಚ್ಚಕ್‌ ಆಪನೆಕೆ ಮಾಡುವಿ. ನೀಡ ಸಂತಾನಕಾರಂಗ ಅಯಿಂಗಡ ಶತ್‌ರುವಳ ಚೋಪ್‌ಚಿಡುವಾಂದು,

ಆದ್ಯತ್‌ರ ಪುಸ್ತಕ 35:11

ಇಂಞು ದೇವ ಅಂವೊನ ನೋಟಿತ್: ನಾನ್‌ ಸರ್ವಶಕ್ತನಾನ ದೇವ. ನೀನ್‌ ಅಬಿವೃದ್ದಿ ಪೊಂದಿತ್‌ ಲೆಕ್ಕ ಮಾಡ್‌ವಕ್‌ ಕಯ್ಯತಚ್ಚಕ್‌ ಜಾಸ್ತಿ ಆಪಿಯ. ನಿನ್ನಿಂಜ ಒರ್‌ ಜನಾಂಗಳು, ದುಂಬ ಗುಂಪ್ರ ಜನಾಂಗಳು ಬಪ್ಪ; ರಾಜಂಗಳು ನೀಡ ಸಂತಾನತ್‌ಂಜ ಪುಟ್ಟುವ.

ಆದ್ಯತ್‌ರ ಪುಸ್ತಕ 47:27

ಇಸ್ರಾಯೇಲ್‌ ಜನ ಐಗುಪ್ತ ದೇಶತ್‌ಲ್‌ ಉಳ್ಳ ಗೋಷೆನ್‌ ನಾಡ್‌ಲ್‌ ವಾಸಮಾಡಿಯಂಡಿಂಜತ್. ಅಲ್ಲಿ ಅಯಿಂಗ ಆಸ್ತಿನ ಸಂಪಾದನೆ ಮಾಡ್‌ಚಿ. ಅಯಿಂಗಡ ಸಂತಾನ ಅಬಿವೃದ್ದಿ ಪೊಂದಿತ್‌ ಬಲ್ಯದಾಚಿ.

ಆದ್ಯತ್‌ರ ಪುಸ್ತಕ 48:16

ನನ್ನ ಎಲ್ಲಾ ಕ್‍ೕಡಿಂಜ ಕಾಪಾಡ್‌ನ ದೇವದೂತ ಈ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಡ್. ಈ ದಂಡ್‌ ಕ್‌ಣ್ಣ ಮಕ್ಕ ನಾಡ ಪೆದತ್‌ನ, ನಾಡ ಅಜ್ಜ ಅಬ್ರಹಾಮ ಪಿಂಞ ನಾಡ ಅಪ್ಪ ಇಸಾಕಂಡ ಪೆದತ್‌ನ ಕಾಪಾಡಡ್. ಇಯಿಂಗಡ ಸಂತಾನ ಬೂಮಿರ ಮೇಲೆ ಬೊಳ್‌ಂದಿತ್‌ ಬಲ್ಯದಾಡ್‌ಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 48:19

ಆಚೇಂಗಿ ಅಂವೊಂಡ ಅಪ್ಪ ಅದ್‌ಂಗ್‌ ಒತ್ತತೆ: ನಾನ್‌ ಎಂತ ಮಾಡಿಯಂಡುಳ್ಳ ಎಣ್ಣಿಯಂಡ್‌ ನಾಕ್‍ ಗೊತ್ತುಂಡ್‌ ನಾಡ ಮೋನೇ. ಮನಸ್ಸೆಯು ಬಲ್ಯ ಜನಾಂಗ ಆಪ. ಇಂವೊಂಡ ಸಂತಾನವೂ ಬಲ್ಯದಾಪ. ಆಚೇಂಗಿ ಇಂವೊಂಡ ತಮ್ಮಣ ಇಂವೊಂಗಿಂಜ ಇಂಞು ಬಲ್ಯ ಜನಾಂಗಳಾಪ. ಅಂವೊಂಡ ಸಂತಾನ ಎಚ್ಚಕೋ ಬಲ್ಯ ಜನಾಂಗಳಾಯಿತ್‌ ಬೊಳೆಯುವಾಂದ್‌ ಎಣ್ಣ್‌ಚಿ.

ಅಪೊಸ್ತಲ 27:24

ನೀನ್ ಬೊತ್ತತೆ, ನೀನ್ ಕೈಸರಂಡ ಮಿಂಞ ನಿಪ್ಪಿಯ. ನೋಟ್, ನೀಡ ಕೂಡೆ ಈ ಹಡಗ್‍ಲ್ ಪ್ರಯಾಣ ಮಾಡ್‌ವಯಿಂಗಡ ಪ್ರಾಣತ್‍ನ, ದೇವ ನೀಡ ಮೇಲೆ ಉಳ್ಳ ಕೃಪೆಯಿಂಜ ಕಾಪಾಡ್‌ವಾಂದ್ ನಾಡ ಪಕ್ಕ ಎಣ್ಣ್‌ಚಿ.

ಅಪೊಸ್ತಲ 7:17

ದೇವ ಅಬ್ರಹಾಮಂಗ್ ಮಾಡ್‍ನ ವಾಗ್ದಾನ ನೆರೆವೇರುವ ಸಮಯ ಪಕ್ಕ ಬಪ್ಪಕ, ನಂಗಡ ಜನಾಂಗಡ ಸಂಖ್ಯೆ ಐಗುಪ್ತ ದೇಶತ್‍ಲ್ ದುಂಬ ಆಚಿ.