ಆದ್ಯತ್‌ರ ಪುಸ್ತಕ 45:6 - ಕೊಡವ ಬೈಬಲ್

⁶ ದೇಶತ್‌ಲ್‌ ಬರಗಾಲ ಬಂತ್‌ ದಂಡ್‌ ಕಾಲ ಆಚಿ. ಇಂಞು ಅಂಜ್ ಕಾಲಕ್‌ ಬೇಲ್‌ ಉಪ್ಪೋ ಪಣಿಯು ಇಪ್ಪುಲೆ ಕೊಯ್ಯಿ ಪಣಿಯು ಇಪ್ಪುಲೆ.

ಆದ್ಯತ್‌ರ ಪುಸ್ತಕ 45:6 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:2

ಯಾಕೋಬಂಡ ವಂಶಾವಳಿ. ಯೋಸೇಫ ತಾಂಡ ಪದಿನ್‍ೕಳನೆ ವಯಸ್ಸ್‌ಲ್‌ ತಾಂಡ ಅಣ್ಣತಮ್ಮಣಂಗಡ ಕೂಡೆ ಆಡ್‌ಕೊರಿಯಳ ಮೇಯಿಚಿಟ್ಟಂಡ್‌ ಇಂಜತ್. ಅಂವೊ ತಾಂಡ ಅಪ್ಪಂಡ ಪಣಿಕಾರ್ತಿಯ ಪೊಣ್ಣಾಳಾನ ಬಿಲ್ಹಾ ಪಿಂಞ ಜಿಲ್ಪಾಳಂಡ ಮಕ್ಕಡ ಕೂಡೆ ಇಂಜಂಡ್, ಅಯಿಂಗ ಮಾಡಿಯಂಡಿಂಜ ಕೆಟ್ಟ ಕೆಲಸತ್‌ರ ವಿಷಯತ್‌ನ ಅಪ್ಪಂಗ್‌ ದನ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 41:35

ಈ ನಲ್ಲ ಕಾಲತ್‌ಲ್‌ ಕೂಟಿ ಬೆಚ್ಚ ಆಹಾರ ದಾನ್ಯ ಪಿಂಞ ಕಾಳ್‌ಕಡ್ಡಿನೆಲ್ಲ ಫರೋಹನಂಡ ಅದಿಕಾರತ್‌ರ ಅಡಿಲ್‌ ಕೂಟಿಬೆಕ್ಕಂಡು ಅಕ್ಕ ಪಟ್ಟಣತ್‌ಲೆಲ್ಲಾ ಆಹಾರ ಇಪ್ಪ.

ಆದ್ಯತ್‌ರ ಪುಸ್ತಕ 41:46

ಯೋಸೇಫ ಐಗುಪ್ತ ದೇಶತ್‌ರ ರಾಜನಾನ ಫರೋಹನಂಡ ಸೇವೇನ ಸುರು ಮಾಡ್‌ವಕ ಅಂವೊಂಗ್‌ ನುಪ್ಪದ್‌ ವಯಸ್ಸ್‌ ಆಯಿತ್‌ಂಜತ್. ಯೋಸೇಫ ಫರೋಹನಂಡ ಸನ್ನಿದಿಯಿಂಜ ಪೋಯಿತ್‌ ಇಡೀ ಐಗುಪ್ತ ದೇಶತ್‌ನ ಪ್ರಯಾಣ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 41:53

ಐಗುಪ್ತ ದೇಶತ್‍ಕ್ ಬಂದ ಏಳ್‌ ಪೂರ್ತಿ ಬೊಳೆರ ಕಾಲ ತ್‍ೕಂದತ್.

ಆದ್ಯತ್‌ರ ಪುಸ್ತಕ 41:54

ಅಲ್ಲಿಂಜ ಯೋಸೇಫ ಎಣ್ಣ್‌ನನೆಕೆ ಏಳ್‌ ಕಾಲತ್‌ರ ಬರಗಾಲ ಸುರು ಆಚಿ. ಬರಕಾಲ ಸುತ್ತ್‌ಮುತ್ತ್‌ ಉಳ್ಳ ಎಲ್ಲಾ ದೇಶತ್‌ಲ್‌ ಸುರು ಆಚಿ. ಆಚೇಂಗಿ ಐಗುಪ್ತ ದೇಶತ್‌ಲ್‌ ಮಾತ್‌ರ ಆಹಾರ ಇಂಜತ್.

ಆದ್ಯತ್‌ರ ಪುಸ್ತಕ 41:56

ದೇಶತ್‌ರ ಎಲ್ಲಾ ಕಡೆಯು ಬರಗಾಲ ಬಪ್ಪಕ, ಯೋಸೇಫ ಪತ್ತಾಯ ಕೋಂಬರೆನ ತೊರ್‌ಂದಿತ್‌ ಐಗುಪ್ತ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರ್ಚಿ. ಬರಕಾಲ ಐಗುಪ್ತ ದೇಶತ್‌ಲ್‌ ದುಂಬ ಕಠಿಣವಾಯಿತ್‌ ಆಯಂಡಿಂಜತ್.

ಆದ್ಯತ್‌ರ ಪುಸ್ತಕ 47:18

ಆ ಕಾಲ ಕಯಿಂಜ ಪಿಂಞ, ಅಯಿಂಗ ಪುನಃ ಅಂವೊಂಡ ಪಕ್ಕ ಬಂದಿತ್: ನಂಗಡ ಸ್ವಾಮಿಕ್‌ ಗೊತ್ತಿಲ್ಲತದ್‌ ಒಂದು ಇಲ್ಲೆ. ನಂಗಡ ಪಕ್ಕ ಇಂಜ ದುಡ್ಡು ಕರ್ಚಿ ಆಚಿ, ಎತ್ತ್‌ಕಡ್‌ಚಿಯಳು ನಂಗಡ ಸ್ವಾಮಿರ ಪಕ್ಕ ಎತ್ತಚಿ. ಇಕ್ಕ ನಂಗಡ ಪಕ್ಕ ನಂಗಡ ತಡಿ ಪಿಂಞ ಬೂಮಿನ ಬುಟ್ಟತೇಂಗಿ ಬೋರೆ ಒಂದೂ ಇಲ್ಲೆ.

ಆದ್ಯತ್‌ರ ಪುಸ್ತಕ 47:23

ಇಂಞು ಯೋಸೇಫ ಜನಳ ನೋಟಿತ್: ಕ್‍ೕಳಿ! ನಾನ್‌ ಫರೋಹನಂಗಾಯಿತ್‌ ನಿಂಗಳ ಪಿಂಞ ನಿಂಗಡ ಬೂಮಿನ ಎಡ್‌ತಿಯೆ. ಇದಾ, ನಾನ್‌ ನಿಂಗಕ್‌ ಬಿತ್ತ್‌ವಕ್‌ ಕುರುನ ತಪ್ಪಿ, ಅದ್‌ನ ಬೂಮಿಲ್‌ ಬಿತ್ತಿ.