ಆದ್ಯತ್‌ರ ಪುಸ್ತಕ 45:5 - ಕೊಡವ ಬೈಬಲ್

⁵ ಆಚೇಂಗಿ ನಿಂಗ ಈ ವಿಷಯತ್‌ ಮಂಡೆ ಕೆಡ್‌ತಿಯೊತಿ, ನನ್ನ ಇಲ್ಲಿಕ್‌ ಮಾರ್‌ನಂಗ್‌ ನಿಂಗಡ ಮೇಲೆ ನಿಂಗ ಚೆಡಿಮಾಡಿಯೊತಿ. ಎನ್ನಂಗೆಣ್ಣ್‌ಚೇಂಗಿ ದೇವನೇ ನಂಗಡ ಜನಡ ಜೀವತ್‌ನ ಕಾಪಾಡ್‌ವಕಾಯಿತ್‌ ನಿಂಗಕಿಂಜ ಮಿಂಞ ನನ್ನ ಅಯಿಚಿಯೆ.

ಆದ್ಯತ್‌ರ ಪುಸ್ತಕ 45:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:28

ಮಿದ್ಯಾನ್ಯರ ವ್ಯಾಪಾರಿಯ ಅಯಿಂಗ ಇಂಜಲ್ಲಿಕ್‌ ಬಪ್ಪಕ, ಯೋಸೇಫನ ಕುಂಡ್‌ಯಿಂಜ ಪೊರ್ಮೆ ಬಲ್‌ಚಿತ್‌ ಇಷ್ಮಾಯೇಲರಂಡ ವ್ಯಾಪಾರಿಯಂಗಕ್‌ ಇರ್ವದ್‌ ಬೊಳ್ಳಿರ ನಾಣ್ಯಕ್‌ ಮಾರಿರ್‌ತ್. ಅಯಿಂಗ ಯೋಸೇಫನ ಐಗುಪ್ತ ದೇಶಕ್‌ ಕಾಕಿಯಂಡ್‌ ಪೋಚಿ.

ಆದ್ಯತ್‌ರ ಪುಸ್ತಕ 47:25

ಅದ್‌ಂಗ್‌ ಅಯಿಂಗ: ನೀನ್‌ ನಂಗಡ ಜೀವತ್‌ನ ಕಾಪಾಡಿಯ; ನಂಗಡ ಸ್ವಾಮಿರ ದಯೆ ನಂಗಡ ಮೇಲೆ ಇರಡ್. ನಂಗ ಫರೋಹನಂಗ್‌ ಅಡಿಯಾಳಂಗಳಾಯಿತ್‌ಪ್ಪಾಂದ್.

ಆದ್ಯತ್‌ರ ಪುಸ್ತಕ 50:19

ಆಚೇಂಗಿ ಯೋಸೇಫ ಅಯಿಂಗಳ ನೋಟಿತ್: ನಿಂಗ ಬೊತ್ತತಿ. ನಿಂಗಕ್‌ ದಂಡನೆ ಕೊಡ್‌ಪಕ್‌ ನಾನ್‌ ದೇವನ?

ಆದ್ಯತ್‌ರ ಪುಸ್ತಕ 50:20

ನಿಂಗ ನಾಕ್‍ ಕ್‍ೕಡ್‌ ಮಾಡಂಡೂಂದ್‌ ಗೇನ ಮಾಡಿರ. ಆಚೇಂಗಿ ದೇವ ಇದ್‌ನೆಲ್ಲ ನಲ್ಲಂಗೇ ಮಾಡ್‌ಚಿ. ಇಕ್ಕ ಎಚ್ಚಕೋ ಜನಡ ಜೀವತ್‌ನ ಉಳ್‌ಚಿಡ್‌ವಕ್‌ ನನ್ನ ಈ ಸ್ತಾನಕ್‌ ದೇವ ಕೊಂಡಬಂದಿಯೆ.

ಆದ್ಯತ್‌ರ ಪುಸ್ತಕ 50:21

ಆನಗುಂಡ್‌ ನಿಂಗ ಬೊತ್ತತಿ. ಇಂಞು ಮಿಂಞಕು ನಿಂಗಳ ಪಿಂಞ ನಿಂಗಡ ಮಕ್ಕಳ ನಾನ್‌ ನೋಟಿಯೊವೀಂದ್‌ ಎಣ್ಣಿತ್, ಅಯಿಂಗಳ ಸಮಾದಾನ ಪಡ್‌ತಿತ್, ಕುಶೀಲ್‌ ತಕ್ಕ್‌ ಪರ್ಂದತ್.

ಎಸ್ತೆರ್‌ 4:14

ನೀನ್‌ ಇಂತಾ ಸಮಯತ್‌ಲ್‌ ಮುಂಡೆತೆ ಇಂಜತೇಂಗಿ, ಯೆಹೂದ್ಯ ಜನಕ್‌ ಸಹಾಯವು ಬುಡುಗಡೆಯು ಬೋರೆ ಬರಿಯಿಂಜ ಬಪ್ಪ; ಅಕ್ಕ ನೀನ್‌ ಪಿಂಞ ನೀಡ ಅಪ್ಪಂಡ ಮನೆಕಾರಳು ನಾಶ ಆಯಿಪೋಪಿರ. ದಾರ್‌ಕ್‌ ಗೊತ್ತ್, ಈ ಸಂದರ್ಪತ್‌ ಸಹಾಯ ಮಾಡ್‌ವಕಾಯಿತೇ ನೀನ್‌ ಈ ರಾಣಿ ಸ್ತಾನಕ್‌ ಬಂದಿತಿಕ್ಕೂಂದ್‌ ಎಣ್ಣ್‌ವಕ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:34

ಅಕ್ಕ ಯೇಸು: ಅಪ್ಪ, ಈಂಗಳ ಮನ್ನಿಚಿಡ್, ಈಂಗ ಎಂತ ಮಾಡಿಯಂಡುಂಡ್‍ೕಂದ್ ಅಯಿಂಗಕ್ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ. ಸಿಪಾಯಿಯಂಗ ಯೇಸುರ ಬಟ್ಟೇನ ಬಾಗ ಮಾಡಿತ್, ಚೀಟಿ ಇಟ್ಟಿತ್, ಬಟ್ಟೇನ ಎಡ್‍ತಂಡತ್.

2 ಕೊರಿಂಥ 2:11

ಸೈತಾನಗುಂಡ್ ನಂಗ ಮೋಸ ಪೋಕತನೆಕೆ ನಾನ್ ಅನ್ನನೆ ಮಾಡಿಯೆ; ಸೈತಾನಂಡ ತಂತ್ರ ಎಂತ್‍ೕಂದ್ ನಂಗಕ್ ಚಾಯಿತೆ ಗೊತ್ತುಂಡಲ್ಲ.

2 ಕೊರಿಂಥ 2:7

ಆನಗುಂಡ್ ಅಂವೊ, ಬಲ್ಯ ದುಃಖತ್‍ಲ್ ಮನಸ್ಸ್ ಬುಟ್ಟಿತ್ ಪೋಕತನೆಕೆ, ನಿಂಗ ಅಂವೊನ ಮನ್ನಿಚಿಟ್ಟಿತ್ ಸಮಾದಾನ ಮಾಡಂಡು.

ಫಿಲೆಮೋನ 1:15

ಅಂವೊ ಎಕ್ಕಲೂ ನೀಡಂವೊನಾಯಿತ್ ಇಪ್ಪಕು, ಆಚೇಂಗಿ ಇಂಞು ಮಿಂಞಕ್ ಒರ್ ಅಡಿಯಾಳಾಯಿತ್ ಅಲ್ಲ ಅಡಿಯಾಳ್‍ಕಿಂಜ ಬಲ್ಯಂವೊನಾಯಿತ್, ನೀಡ ಪ್ರೀತಿಯುಳ್ಳ ತಮ್ಮಣನಾಯಿತ್ ಇಕ್ಕಂಡೂಂದ್ ಚೆನ್ನ ಕಾಲ ನಿನ್ನ ಬುಟ್ಟಿತ್ ಪೋಪಕ್ ದೇವ ಮಾಡ್‍ಚೀಂದ್ ನಾನ್ ಗೇನ ಮಾಡ್‌ವಿ.