ಆದ್ಯತ್‌ರ ಪುಸ್ತಕ 42:9 - ಕೊಡವ ಬೈಬಲ್

⁹ ಯೋಸೇಫ ಅಯಿಂಗಡ ವಿಷಯತ್‌ ಕಂಡ ದಂಡ್‌ ಸ್ವಪ್ನತ್‌ನ ಗೇನ ಮಾಡಿತ್, ಅಯಿಂಗಳ ನೋಟಿತ್: ನಿಂಗ ಗುಪ್ತಚಾರಂಗ. ನಂಗಡ ದೇಶ ಎಚ್ಚಕ್‌ ಬಲಹೀನವಾಯಿತುಂಡ್‍ೕಂದ್‌ ನೋಟ್‌ವಕ್‌ ಬಂದಿತುಳ್ಳಿರಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 42:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:11

ಯೋಸೇಫಂಡ ಅಣ್ಣಂಗ ಅಂವೊಂಡ ಮೇಲೆ ಹೊಟ್ಟೆಕಿಚ್ಚ್‌ಪಟ್ಟತ್. ಆಚೇಂಗಿ ಅಂವೊಂಡ ಅಪ್ಪ ಅಂವೊ ಕಂಡ ಸ್ವಪ್ನ ಎಂತ ಆಯಿತಿಕ್ಕೂಂದ್‌ ಗೇನ ಮಾಡಿಯಂಡಿಂಜತ್.

ಆದ್ಯತ್‌ರ ಪುಸ್ತಕ 42:16

ನಿಂಗಡ ತಮ್ಮಣನ ಕಾಕಿಯಂಡ್‌ ಬಪ್ಪಕಾಯಿತ್‌ ನಿಂಗಡಲ್ಲಿ ಒಬ್ಬನ ಅಯಿರಿ. ಅಂವೊ ಬಪ್ಪಕತ್ತನೆ ನಿಂಗ ಎಲ್ಲಾರ್‌ನು ಜೈಲ್‌ಲ್‌ ಇಟ್ಟಿತಿಪ್ಪಿ. ಇನ್ನನೆ ನಿಂಗ ಎಣ್ಣ್‌ವ ವಿಷಯ ನೇರಾ ಪೊಟ್ಟಾ ಎಣ್ಣಿಯಂಡ್‌ ಪರೀಕ್ಷೆ ಮಾಡುವಿ. ನಿಂಗಕ್‌ ಚೆರಿಯ ತಮ್ಮಣ ಇಲ್ಲೇಂದ್‌ ಎಣ್ಣ್‌ಚೇಂಗಿ, ಅಕ್ಕ ನಿಂಗ ಗುಪ್ತಚಾರಂಗಳೇಂದ್‌ ಫರೋಹನಂಡ ಜೀವತ್‌ರ ಮೇಲೆ ಆಣೆ ಮಾಡಿತ್‌ ಎಣ್ಣ್‌ವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 42:34

ನಿಂಗಡ ಚೆರಿಯ ತಮ್ಮಣನ ನಾಡ ಪಕ್ಕ ಕಾಕಿಯಂಡ್‌ ಬಾರಿ. ಅಕ್ಕ ನಾಕ್‍ ನಿಂಗ ಗುಪ್ತಚಾರಂಗ ಅಲ್ಲ, ಸತ್ಯವಂತಂಗಾಂದ್‌ ಅರ್‌ಂಜಂಡ್‌ ನಿಂಗಡ ಅಣ್ಣನ ಬುಡ್‍ಗಡೆ ಮಾಡುವಿ. ನಿಂಗ ಈ ದೇಶತ್‌ಲ್‌ ವ್ಯಾಪಾರ ಸಹ ಮಾಡಲೂಂದ್‌ ಅಂವೊ ಎಣ್ಣ್‌ಚೀಂದ್‌ ಈಂಗ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:20

ರೋಮ್ ರಾಜ್ಯತ್‍ರ ಅದಿಕಾರಿಯಾನ ಅದಿಪತಿಕ್ ಯೇಸುನ ಪುಡ್‍ಚಿ ಕೊಡ್‍ಪಕಾಯಿತ್, ನೀತಿಲ್ ನಡ್‍ಪ ಜನಡನೆಕೆ ನಾಟಕ ಮಾಡ್‌ವ ದಂಡ್ ಗೂಡಚಾರಂಗಳ, ಯೆಹೂದ್ಯಂಗಡ ಅದಿಕಾರಿಯಂಗ ಯೇಸುರ ಪಕ್ಕ ಅಯಿಚತ್. ಯೇಸು ಪರಿಯುವ ತಕ್ಕಿಂಜಿಲೇ ಅಂವೊನ ಪುಡಿಪ ಸಮಯಕಾಯಿತ್ ನೋಟಿಯಂಡ್ ಇಂಜತ್.

ಇಬ್ರಿಯ 11:31

ನಂಬಿಕೇರ ಮೂಲಕ, ಯೆರಿಕೋ ಪಟ್ಟಣತ್‍ರ ರಾಹಾಬ ಎಣ್ಣುವ ವೇಶಿ, ಗುಪ್ತಚಾರಂಗಳ ಸಮಾದಾನತ್‍ಲ್ ವಾಪಸ್ ಅಯಿಚಿತ್, ತಗ್ಗಿತ್ ನಡ್‌ಕತಯಿಂಗಡ ಕೂಡೆ ಪಾಳಾಯಿ ಪೋಕತೆ ಬಚಾವಾಚಿ.