ಆದ್ಯತ್‌ರ ಪುಸ್ತಕ 42:13 - ಕೊಡವ ಬೈಬಲ್

¹³ ಅದ್‌ಂಗ್‌ ಅಯಿಂಗ: ನಿಂಗಡ ಆಳ್‌ವಳಾನ ನಂಗ ಪನ್ನೆರಂಡ್‌ ಅಣ್ಣತಮ್ಮಣಂಗ. ನಂಗೆಲ್ಲಾರು ಕಾನಾನ್‌ ದೇಶತ್‌ಲ್‌ ಉಳ್ಳ ಒರೇ ಕುಟುಂಬತ್‌ರ ಮಕ್ಕ. ಎಲ್ಲಾಕಿಂಜ ಚೆರಿಯಂವೊ ನಂಗಡ ಅಪ್ಪಂಡ ಪಕ್ಕ ಉಂಡ್. ಇಂಞೊಬ್ಬ ಇಲ್ಲೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 42:13 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:30

ತಾಂಡ ತಮ್ಮಣಂಗಡ ಪಕ್ಕ ಬಂದಿತ್: ಅಯ್ಯೋ! ಕ್‌ಣ್ಣ ಇಲ್ಲೆಲ್ಲಾ ನಾನ್‌ ಎಲ್ಲಿಕ್‌ ಪೋಡ್‍ೕಂದ್‌ ಎಣ್ಣಿಯಂಡ್‌ ಗೋಳಾಡ್‌ಚಿ.

ಆದ್ಯತ್‌ರ ಪುಸ್ತಕ 42:11

ನಂಗೆಲ್ಲಾರು ಒರೇ ಅಪ್ಪಂಡ ಮಕ್ಕ. ನಂಗ ಸತ್ಯವಂತಂಗ, ನಿಂಗಡ ಆಳ್‌ವ ಗುಪ್ತಚಾರಂಗ ಅಲ್ಲಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 42:12

ಯೋಸೇಫ ಅಯಿಂಗಕ್: ಇಲ್ಲೆ ನಿಂಗೆಲ್ಲಾರು, ನಂಗಡ ದೇಶ ಎಚ್ಚಕ್‌ ಬಲಹೀನವಾಯಿತುಂಡ್‍ೕಂದ್‌ ನೋಟ್‌ವಕೇ ಬಂದಿತುಳ್ಳಿರಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 42:14

ಆಚೇಂಗಿ ಯೋಸೇಫ ಅಯಿಂಗಕ್: ನಾನ್‌ ಎಣ್ಣ್‌ನನೆಕೆ ನಿಂಗ ಗುಪ್ತಚಾರಂಗಳೇ.

ಆದ್ಯತ್‌ರ ಪುಸ್ತಕ 42:32

ನಂಗ ಪನ್ನೆರಂಡ್‌ ಅಣ್ಣತಮ್ಮಣಂಗ. ನಂಗೆಲ್ಲಾರು ಒರೇ ಅಪ್ಪಂಡ ಮಕ್ಕ. ಒಬ್ಬ ಇಲ್ಲೆ. ಎಲ್ಲಾಕಿಂಜ ಚೆರಿಯಂವೊ ಕಾನಾನ್‌ ದೇಶತ್‌ಲ್‌ ನಂಗಡ ಅಪ್ಪಂಡ ಪಕ್ಕ ಉಂಡ್‍ೕಂದ್‌ ಎಣ್ಣಿಯೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 42:36

ಅಕ್ಕ ಅಯಿಂಗಡ ಅಪ್ಪನಾನ ಯಾಕೋಬ: ನಿಂಗ ನಾಕ್‍ ಮಕ್ಕ ಇಕ್ಕತನೆಕೆ ಮಾಡಿಯಂಡುಳ್ಳಿರ. ಯೋಸೇಫನು ಇಲ್ಲೆ, ಸಿಮೇಯೋನನು ಇಲ್ಲೆ. ಇಕ್ಕ ಬೆನ್ಯಾಮೀನನ ಸಹ ಕಾಕಿಯಂಡ್‌ ಪೋಪಕುಳ್ಳಿರ. ಈ ಎಲ್ಲಾ ಕಾರ್ಯಾವು ನಾಕ್‍ ಎದ್ರಾಯಿತೇ ನಡ್‌ದಂಡುಂಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 42:38

ಆಚೇಂಗಿ ಯಾಕೋಬ: ನಾಡ ಮೋಂವೊ ನಿಂಗಡ ಕೂಡೆ ಬಪ್ಪುಲೆ, ಅಂವೊಂಡ ಅಣ್ಣ ಯೋಸೇಫ ಚತ್ತ್‌ ಪೋಚಿ. ಇಂವೊ ಒಬ್ಬನೆ ಬಾಕಿ. ನಿಂಗ ಪೋಪ ಬಟ್ಟೆಲ್‌ ಇಂವೊಂಗ್‌ ಎಂತ್ತೇಂಗಿ ಕೆಟ್ಟದ್‌ ನಡ್‌ಂದತೇಂಗಿ, ನಾಡ ಬೊಳ್‌ತ್‌ ಪೋನ ಮಂಡೆ ದುಃಖತ್‌ ತೂಟ್‌ಕಳಕ್‌ ಪೋಪಕ್‌ ನಿಂಗ ಕಾರಣ ಆಪಿರಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 43:29

ಅಕ್ಕ ಅಂವೊ ಕಣ್ಣೆಡ್‌ತಿತ್‌ ತಾಂಡ ಅವ್ವ ಪೆತ್ತ ಮೋಂವೊನಾನ ಬೆನ್ಯಾಮೀನನ ನೋಟಿತ್: ನಿಂಗ ನಾಕ್‍ ಎಣ್ಣ್‌ನ ನಿಂಗಡ ಚೆರಿಯ ತಮ್ಮಣ ಇಂವೊನಾ? ನಾಡ ಮೋನೇ, ದೇವ ನೀಡ ಮೇಲೆ ಕನಿಕರ ಕಾಟಡ್‍ೕಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 43:7

ಅದ್‌ಂಗ್‌ ಅಯಿಂಗ: ಆ ಮನುಷ್ಯ ನಿಂಗಡ ಅಪ್ಪ ಇಂಞು ಬದ್‌ಕಿತುಂಡಾ? ನಿಂಗಕ್‌ ಇಂಞೊರ್‌ ತಮ್ಮಣ ಉಂಡಾ? ಎಣ್ಣಿಯಂಡ್‌ ನಂಗಡ ಕುಟುಂಬತ್‌ರ ವಿಷಯತ್‌ ದುಂಬ ಪ್ರಶ್ನೆ ಇಟ್ಟತ್. ನಂಗ ಅಂವೊಂಡ ಪ್ರಶ್ನೆಕ್‌ ಉತ್ತರ ಕೊಡ್‌ತ್ತತ್. ನಿಂಗಡ ತಮ್ಮಣನ ಕಾಕಿಯಂಡ್‌ ಬಾರೀಂದ್‌ ಅಂವೊ ಎಣ್ಣ್‌ವಾಂದ್‌ ನಂಗಕ್‌ ಗೊತ್ತಿಂಜ್‌ತ್ತ್‌ಲೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 44:20

ಅಕ್ಕ ನಂಗ: ಅಕ್ಕು, ನಂಗಕ್‌ ವಯಸ್ಸಾನ ಅಪ್ಪನು ಉಂಡ್, ಅಂವೊಂಡ ವಯಸ್ಸಾನ ಕಾಲತ್‌ಲ್‌ ಪುಟ್ಟ್‌ನ ಒರ್‌ ಚುಮ್ಮಿ ಮೋಂವೊ ಉಂಡ್‍ೕಂದು, ಅಂವೊಂಡ ಅಣ್ಣ ಚತ್ತ್‌ಪೋಚೀಂದು, ಅಂವೊನ ಪೆತ್ತ ಅವ್ವಂಗ್‌ ಅಂವೊ ಒಬ್ಬನೇ ಬದ್‌ಕಿತುಳ್ಳಂಗ್, ಅಪ್ಪ ಅಂವೊಂಡ ಮೇಲೆ ದುಂಬ ಪ್ರೀತಿಲ್‌ ಉಂಡ್‍ೕಂದು ನಂಗಡ ಯಜಮಾನನಾನ ನಿಂಗಕ್‌ ಎಣ್ಣಿಯೆ.

ಆದ್ಯತ್‌ರ ಪುಸ್ತಕ 44:28

ಅದ್‌ಲ್‌ ಒಬ್ಬ ನನ್ನ ಬುಟ್ಟಿತ್‌ ಪೋಚಿ. ಅಂವೊನ ಕಾಡ್‌ ಪ್ರಾಣಿಯ ಕೊಂದಿತಿಕ್ಕು. ಇಲ್ಲಿಕತ್ತನೆ ಅಂವೊನ ಕಂಡಿತೇ ಇಲ್ಲೆ. ಇದೆಲ್ಲಾ ನಿಂಗಕ್‌ ಗೊತ್ತುಂಡ್.

ಆದ್ಯತ್‌ರ ಪುಸ್ತಕ 45:26

ಅಯಿಂಗ ಅಂವೊಂಗ್: ಯೋಸೇಫ ಇಂಞು ಬದ್‌ಕಿಯಂಡುಂಡ್. ಅಂವೊ ಐಗುಪ್ತ ದೇಶತ್‌ರ ಅದಿಪತಿಯಾಯಿತ್‌ ಉಂಡ್‍ೕಂದ್‌ ಎಣ್ಣ್‌ಚಿ. ಇದ್‌ನ ಕ್‍ೕಟಿತ್‌ ಯಾಕೋಬ ದಂಗಾಚಿ. ಅಂವೊಂಗ್‌ ನಂಬ್‌ವಕ್‌ ಕಯಿಂಜಿತ್‌ಲ್ಲೆ.

ಮತ್ತಾಯ 2:16

ಜ್ಞಾನಿಯ ಅಂವೊಂಗ್ ಮೋಸ ಮಾಡಿತ್ ಬೋರೆ ಬಟ್ಟೇಕಾಲೆ ಪೋಯಿರ್‌ತ್‍ೕಂದ್ ಗೊತ್ತಾನ ಪಿಂಞ, ಹೆರೋದ ರಾಜಂಗ್ ದುಂಬ ಚೆಡಿ ಬಾತ್. ತಾಂಡ ಜನತ್‍ನ ಅಯಿಚಿತ್, ಜ್ಞಾನಿಯಡ ಪಕ್ಕ ವಿಚಾರ ಮಾಡ್‍ನ ಕಾಲಕ್ ಸರಿಯಾಯಿತ್ ಬೆತ್ಲಹೇಮ್ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಉಳ್ಳ ದಂಡ್ ವಯಸ್‍ಕ್ ಒಳ್‍ಲ್ ಉಳ್ಳ ಎಲ್ಲಾ ಕ್‍ಣ್ಣ ಕುಂಞಿಯಳ ಕೊಲ್ಲಂಡೂಂದ್ ಹುಕುಮ್ ಕೊಡ್‍ತತ್.

ಮತ್ತಾಯ 2:18

ರಾಮ ಎಣ್ಣುವ ಜಾಗತ್‍ಲ್ ನೆರ್‍ಕುವ ವಾಣಿ ಕ್‍ೕಟತ್. ಮೊರಡ್‍ವದ್ ಪಿಂಞ ಗೋಳಾಟ ಜಾಸ್ತಿ ಆಚಿ. ರಾಹೇಲ ತಾಂಡ ಮಕ್ಕಕಾಯಿತ್ ಮೊರಟತ್. ಅಯಿಂಗ ಇಲ್ಲತೆ ಪೋನಾಂಗ್ ಸಮಾದಾನಯಿಲ್ಲತೆ ಇಂಜತ್.