ಆದ್ಯತ್‌ರ ಪುಸ್ತಕ 41:57 - ಕೊಡವ ಬೈಬಲ್

⁵⁷ ಇಡೀ ಲೋಕತ್‌ ಬರಕಾಲ ದುಂಬ ಕಠಿಣವಾಯಿತ್‌ ಇಂಜಂಗ್‌ ಸುತ್ತ್‌ಮುತ್ತ್‌ ದೇಶತ್‌ಂಜೆಲ್ಲಾ ಜನ ಐಗುಪ್ತ ದೇಶಕ್‌ ಬಂದಿತ್‌ ಯೋಸೇಫಂಡ ಪಕ್ಕ ಆಹಾರ ದಾನ್ಯತ್‌ನ ಕ್ರಯಕ್‌ ಎಡ್‍ತತ್.

ಆದ್ಯತ್‌ರ ಪುಸ್ತಕ 41:57 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:10

ಈ ಸಮಯತ್‌ಲ್‌ ಆ ದೇಶತ್‌ಲ್‌ ಬರಗಾಲ ಇಂಜತ್. ಅಲ್ಲಿ ಬರಗಾಲ ಕಠಿಣವಾಯಿತ್‌ ಇಂಜನಗುಂಡ್‌ ಚೆನ್ನಕಾಲ ಐಗುಪ್ತ ದೇಶತ್‌ಲ್‌ ಇಪ್ಪಕ್‌ ಪೋಚಿ.

ಆದ್ಯತ್‌ರ ಪುಸ್ತಕ 41:54

ಅಲ್ಲಿಂಜ ಯೋಸೇಫ ಎಣ್ಣ್‌ನನೆಕೆ ಏಳ್‌ ಕಾಲತ್‌ರ ಬರಗಾಲ ಸುರು ಆಚಿ. ಬರಕಾಲ ಸುತ್ತ್‌ಮುತ್ತ್‌ ಉಳ್ಳ ಎಲ್ಲಾ ದೇಶತ್‌ಲ್‌ ಸುರು ಆಚಿ. ಆಚೇಂಗಿ ಐಗುಪ್ತ ದೇಶತ್‌ಲ್‌ ಮಾತ್‌ರ ಆಹಾರ ಇಂಜತ್.

ಆದ್ಯತ್‌ರ ಪುಸ್ತಕ 41:56

ದೇಶತ್‌ರ ಎಲ್ಲಾ ಕಡೆಯು ಬರಗಾಲ ಬಪ್ಪಕ, ಯೋಸೇಫ ಪತ್ತಾಯ ಕೋಂಬರೆನ ತೊರ್‌ಂದಿತ್‌ ಐಗುಪ್ತ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರ್ಚಿ. ಬರಕಾಲ ಐಗುಪ್ತ ದೇಶತ್‌ಲ್‌ ದುಂಬ ಕಠಿಣವಾಯಿತ್‌ ಆಯಂಡಿಂಜತ್.

ಆದ್ಯತ್‌ರ ಪುಸ್ತಕ 42:1

ಐಗುಪ್ತ ದೇಶತ್‌ಲ್‌ ಆಹಾರ ದಾನ್ಯ ಉಂಡ್‍ೕಂದ್‌ ಯಾಕೋಬಂಗ್‌ ಗೊತ್ತಾಪಕ, ಅಂವೊ ತಾಂಡ ಮಕ್ಕಕ್: ನಿಂಗ ಎನ್ನಂಗ್‌ ಒಬ್ಬನ ಒಬ್ಬನ ನೋಟಿಯಂಡ್‌ ಉಳ್ಳಿರ.

ಆದ್ಯತ್‌ರ ಪುಸ್ತಕ 42:5

ಕಾನಾನ್‌ ದೇಶತ್‌ಲ್‌ ಬರಗಾಲ ಬಂದಂಗ್‌ ಯಾಕೋಬಂಡ ಮಕ್ಕ ಐಗುಪ್ತ ದೇಶಕ್‌ ಆಹಾರ ದಾನ್ಯತ್‌ನ ಕ್ರಯಕ್‌ ಎಡ್‌ತಂಡ್‌ ಬಪ್ಪಯಿಂಗಡ ಕೂಡ ಬಾತ್.

ಆದ್ಯತ್‌ರ ಪುಸ್ತಕ 42:6

ಯೋಸೇಫ ಐಗುಪ್ತ ದೇಶಕ್‌ ಅದಿಪತಿಯಾಯಿತ್‌ಂಜತ್. ಅಂವೊನೇ ಆ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರಿಯಂಡಿಂಜತ್. ಯೋಸೇಫಂಡ ಅಣ್ಣತಮ್ಮಣಂಗ ಅಂವೊಂಡ ಪಕ್ಕ ಬಂತಿತ್, ಅಂವೊಂಡ ಮಿಂಞ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 43:1

ಕಾನಾನ್‌ ದೇಶತ್‌ಲ್‌ ಬರಗಾಲ ಕಠಿಣವಾಯಿತ್‌ಂಜತ್.

ಆದ್ಯತ್‌ರ ಪುಸ್ತಕ 47:14

ಐಗುಪ್ತ ಪಿಂಞ ಕಾನಾನ್‌ ದೇಶತ್‌ರ ಜನ ಅಯಿಂಗಡ ಪಕ್ಕ ಇಂಜ ಪಣತ್‌ನೆಲ್ಲಾ ಆಹಾರ ದಾನ್ಯತ್‌ನ ಕ್ರಯಕ್‌ ಎಡ್‌ಪಕಾಯಿತ್‌ ಕರ್ಚಿ ಮಾಡ್‌ಚಿ. ಯೋಸೇಫ, ಐಗುಪ್ತ ಪಿಂಞ ಕಾನಾನ್‌ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರಿತ್, ಅದ್‌ಲ್‌ ಬಂದ ಪಣತ್‌ನೆಲ್ಲಾ ಫರೋಹನಂಡ ಅರಮನೆಕ್‌ ಕೊಂಡಬಂತ್‌ ದುಂಬ್‌ಚಿ.

ಆದ್ಯತ್‌ರ ಪುಸ್ತಕ 50:20

ನಿಂಗ ನಾಕ್‍ ಕ್‍ೕಡ್‌ ಮಾಡಂಡೂಂದ್‌ ಗೇನ ಮಾಡಿರ. ಆಚೇಂಗಿ ದೇವ ಇದ್‌ನೆಲ್ಲ ನಲ್ಲಂಗೇ ಮಾಡ್‌ಚಿ. ಇಕ್ಕ ಎಚ್ಚಕೋ ಜನಡ ಜೀವತ್‌ನ ಉಳ್‌ಚಿಡ್‌ವಕ್‌ ನನ್ನ ಈ ಸ್ತಾನಕ್‌ ದೇವ ಕೊಂಡಬಂದಿಯೆ.