ಆದ್ಯತ್‌ರ ಪುಸ್ತಕ 41:56 - ಕೊಡವ ಬೈಬಲ್

⁵⁶ ದೇಶತ್‌ರ ಎಲ್ಲಾ ಕಡೆಯು ಬರಗಾಲ ಬಪ್ಪಕ, ಯೋಸೇಫ ಪತ್ತಾಯ ಕೋಂಬರೆನ ತೊರ್‌ಂದಿತ್‌ ಐಗುಪ್ತ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರ್ಚಿ. ಬರಕಾಲ ಐಗುಪ್ತ ದೇಶತ್‌ಲ್‌ ದುಂಬ ಕಠಿಣವಾಯಿತ್‌ ಆಯಂಡಿಂಜತ್.

ಆದ್ಯತ್‌ರ ಪುಸ್ತಕ 41:56 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:10

ಈ ಸಮಯತ್‌ಲ್‌ ಆ ದೇಶತ್‌ಲ್‌ ಬರಗಾಲ ಇಂಜತ್. ಅಲ್ಲಿ ಬರಗಾಲ ಕಠಿಣವಾಯಿತ್‌ ಇಂಜನಗುಂಡ್‌ ಚೆನ್ನಕಾಲ ಐಗುಪ್ತ ದೇಶತ್‌ಲ್‌ ಇಪ್ಪಕ್‌ ಪೋಚಿ.

ಆದ್ಯತ್‌ರ ಪುಸ್ತಕ 41:30

ಅದ್‌ ಆನದು ಬರಗಾಲ ಉಳ್ಳ ಏಳ್‌ ಕಾಲ ಬಪ್ಪ. ಅಕ್ಕ ಐಗುಪ್ತ ದೇಶತ್‌ರ ಜನ ಆ ವಿಶೇಷವಾನ ಪೂರ್ತಿ ಬೊಳೆ ಇಂಜ ಕಾಲತ್‌ನ ಮರ್‌ಂದ್‌ರ್‌ವ. ಬರಗಾಲ ಇಡೀ ದೇಶತ್‌ನ ನಾಶ ಮಾಡಿರುವ.

ಆದ್ಯತ್‌ರ ಪುಸ್ತಕ 41:35

ಈ ನಲ್ಲ ಕಾಲತ್‌ಲ್‌ ಕೂಟಿ ಬೆಚ್ಚ ಆಹಾರ ದಾನ್ಯ ಪಿಂಞ ಕಾಳ್‌ಕಡ್ಡಿನೆಲ್ಲ ಫರೋಹನಂಡ ಅದಿಕಾರತ್‌ರ ಅಡಿಲ್‌ ಕೂಟಿಬೆಕ್ಕಂಡು ಅಕ್ಕ ಪಟ್ಟಣತ್‌ಲೆಲ್ಲಾ ಆಹಾರ ಇಪ್ಪ.

ಆದ್ಯತ್‌ರ ಪುಸ್ತಕ 41:55

ಐಗುಪ್ತ ದೇಶತ್‌ರ ಜನಕ್‌ ಬರಗಾಲತ್‌ರ ಬಿಸಿ ಪಡ್‌ವಕ, ಜನ ಫರೋಹನಂಗ್‌ ಮೊರೆ ಇಟ್ಟತ್. ಅಂವೊ ಅಯಿಂಗಕ್: ಯೋಸೇಫಂಡ ಪಕ್ಕ ಪೋಯಿತ್‌ ಅಂವೊ ಎಂತ ಎಣ್ಣ್‌ವ ಅನ್ನನೆ ಮಾಡೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 41:57

ಇಡೀ ಲೋಕತ್‌ ಬರಕಾಲ ದುಂಬ ಕಠಿಣವಾಯಿತ್‌ ಇಂಜಂಗ್‌ ಸುತ್ತ್‌ಮುತ್ತ್‌ ದೇಶತ್‌ಂಜೆಲ್ಲಾ ಜನ ಐಗುಪ್ತ ದೇಶಕ್‌ ಬಂದಿತ್‌ ಯೋಸೇಫಂಡ ಪಕ್ಕ ಆಹಾರ ದಾನ್ಯತ್‌ನ ಕ್ರಯಕ್‌ ಎಡ್‍ತತ್.

ಆದ್ಯತ್‌ರ ಪುಸ್ತಕ 42:6

ಯೋಸೇಫ ಐಗುಪ್ತ ದೇಶಕ್‌ ಅದಿಪತಿಯಾಯಿತ್‌ಂಜತ್. ಅಂವೊನೇ ಆ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರಿಯಂಡಿಂಜತ್. ಯೋಸೇಫಂಡ ಅಣ್ಣತಮ್ಮಣಂಗ ಅಂವೊಂಡ ಪಕ್ಕ ಬಂತಿತ್, ಅಂವೊಂಡ ಮಿಂಞ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 43:1

ಕಾನಾನ್‌ ದೇಶತ್‌ಲ್‌ ಬರಗಾಲ ಕಠಿಣವಾಯಿತ್‌ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:35

ಬೂಲೋಕತ್‍ಲ್ ಉಳ್ಳ ಎಲ್ಲಾ ಜನಡಮೇಲೆ ಇನ್ನನೆ ಬಪ್ಪ.

ಅಪೊಸ್ತಲ 17:26

ದೇವ, ಒರ್ ಮನುಷ್ಯಂಡ ಮೂಲಕ ಎಲ್ಲಾ ಜನಳ ಪುಟ್ಟ್‌ಚಿಟ್ಟಿತ್ ಅಯಿಂಗಳೆಲ್ಲ ಈ ಲೋಕತ್‍ಲ್ ಬೋರೆ ಬೋರೆ ಜಾಗತ್‍ಲ್ ಬಪ್ಪ್‌ಚಿಟ್ಟತ್. ಅಯಿಂಗಡ ಕಾಲತ್‍ನ ಪಿಂಞ ವಾಸ ಮಾಡ್‌ವಂತ ಜಾಗತ್‍ನ ಮಿಂಞಲೇ ತೀರ್ಮಾನ ಮಾಡಿ ಬೆಚ್ಚತ್.