ಆದ್ಯತ್‌ರ ಪುಸ್ತಕ 41:52 - ಕೊಡವ ಬೈಬಲ್

⁵² ನಾನ್‌ ಕಷ್ಟ ಪಟ್ಟ ದೇಶತ್‌ಲ್‌ ದೇವ ನನ್ನ ಅಬಿವೃದ್ದಿ ಮಾಡಿತ್‌ಂದ್‌ ಎಣ್ಣಿತ್‌ ಎಳೆಯ ಮೋಂವೊಂಗ್‌ ಎಫ್ರಾಯಿಮ್‌ ಎಣ್ಣಿಯಂಡ್‌ ಪೆದಬೆಚ್ಚತ್.

ಆದ್ಯತ್‌ರ ಪುಸ್ತಕ 41:52 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:6

ನೀಕ್‌ ದುಂಬ ಸಂತಾನತ್‌ನ ತಪ್ಪಿ. ನೀಡಗುಂಡ್‌ ದುಂಬ ಜನಾಂಗಳ ಪುಟ್ಟ್‌ಚಿಡುವಿ. ನೀಡಗುಂಡ್‌ ಅನೇಕ ರಾಜಂಗ ಪುಟ್ಟ್‌ವ.

ಆದ್ಯತ್‌ರ ಪುಸ್ತಕ 28:3

ಸರ್ವಶಕ್ತತನಾನ ದೇವ ನಿನ್ನ ಆಶೀರ್ವಾದ ಮಾಡಿತ್, ನೀಕ್‌ ದುಂಬ ಸಂತಾನ ಕೊಡ್‌ತಿತ್, ನೀಡಗೊಂಡ್‌ ದುಂಬ ಜನಾಂಗ ಪುಟ್ಟಚ್.

ಆದ್ಯತ್‌ರ ಪುಸ್ತಕ 41:51

ಯೋಸೇಫ: ದೇವ ನಾಡ ಎಲ್ಲಾ ಕಷ್ಟತ್‌ನ ಪಿಂಞ ನಾಡ ಅಪ್ಪಂಡ ಕುಟುಂಬತ್‌ನ ಮರ್ಪನೆಕೆ ಮಾಡ್‌ಚೀಂದ್‌ ಎಣ್ಣಿತ್‌ ಅಂವೊಂಗ್‌ ಮನಸ್ಸೆ ಎಣ್ಣಿಯಂಡ್‌ ಪೆದ ಬೆಚ್ಚತ್.

ಆದ್ಯತ್‌ರ ಪುಸ್ತಕ 41:53

ಐಗುಪ್ತ ದೇಶತ್‍ಕ್ ಬಂದ ಏಳ್‌ ಪೂರ್ತಿ ಬೊಳೆರ ಕಾಲ ತ್‍ೕಂದತ್.

ಆದ್ಯತ್‌ರ ಪುಸ್ತಕ 48:1

ಇದಾಯಿತ್‌ ಚೆನ್ನ ಸಮಯ ಆನ ಪಿಂಞ, ಅಂವೊಂಡ ಅಪ್ಪ ದುಂಬ ತಳಂದ್‌ ಪೋಯಂಡುಂಡ್‌ ಎಣ್ಣಿಯಂಡ್‌ ಯೋಸೇಫಂಗ್‌ ಸುದ್ದಿ ಬಾತ್. ಅಕ್ಕ ಯೋಸೇಫ ತಾಂಡ ದಂಡ್‌ ಕ್‌ಣ್ಣ ಮಕ್ಕಳಾನ ಮನಸ್ಸೆ ಪಿಂಞ ಎಫ್ರಾಯಿಮನ ಕಾಕಿಯಂಡ್‌ ಪೊರ್‌ಟತ್.

ಆದ್ಯತ್‌ರ ಪುಸ್ತಕ 48:14

ಆಚೇಂಗಿಯು ಇಸ್ರಾಯೇಲ್‌ ತಾಂಡ ಕೈಯಿನ ಅಡ್ಡ ನ್‍ೕಟಿತ್‌ ಚೆರಿಯಂವೊನಾನ ಎಫ್ರಾಯಿಮಂಡ ಮಂಡರೆ ಮೇಲೆ ಬಲತೆ ಕೈಯಿನ ಪಿಂಞ ಪೆರಿಯಂವೊನಾನ ಮನಸ್ಸೆರ ಮಂಡರೆ ಮೇಲೆ ಎಡತ ಕೈಯಿನ ಬೆಚ್ಚತ್.

ಆದ್ಯತ್‌ರ ಪುಸ್ತಕ 48:5

ನಾನ್‌ ಐಗುಪ್ತ ದೇಶಕ್‌ ಬಪ್ಪಕಿಂಜ ಮಿಂಞ ನೀಕ್‌ ಪುಟ್ಟ್‌ನ ಈ ದಂಡ್‌ ಕ್‌ಣ್ಣ ಮಕ್ಕಳು ನಾಡ ಮಕ್ಕ. ರೂಬೇನ, ಸಿಮೆಯೋನಂಡನೆಕೆ, ಎಫ್ರಾಯಿಮನು ಮನಸ್ಸೆಯು ನಾಡ ಮಕ್ಕಳಾಯಿತ್‌ಪ್ಪ.

ಆದ್ಯತ್‌ರ ಪುಸ್ತಕ 49:22

ಯೋಸೇಫ ಫಲ ತಪ್ಪ ಒರ್‌ ಗಿಡತ್‌ರನೆಕೆ. ಅಂವೊ ಬುಗ್ಗೆರ ಪಕ್ಕ ಉಳ್ಳ ನಲ್ಲ ಫಲ ತಪ್ಪ ಗಿಡ. ಅದ್‌ಂಡ ಕೊಂಬ್ ಗೋಡೆರ ಮೇಲೆ ಪಬ್ಬುವ.

ಆದ್ಯತ್‌ರ ಪುಸ್ತಕ 50:23

ಅಂವೊ ಎಫ್ರಾಯಿಮಂಡ ಮಕ್ಕಳ ಪಿಂಞ ಅಂವೊಂಡ ಮೊಮ್ಮಕ್ಕಳ ಕಂಡತ್. ಪಿಂಞ ಮನಸ್ಸೆರ ಮೋಂವೊನಾನ ಮಾಕೀರಂಡ ಮಕ್ಕಳ ಸಹ ಅಂವೊಂಡ ಮಡ್‌ಲ್‌ ಬೊಳ್‌ಂದತ್. ಅಯಿಂಗಳ ತಾಂಡ ಮೊಣಕಾಲ್‌ರ ಮೇಲೆ ಬುದ್ದೊಕ್‌ ಮಾಡ್‌ಚಿ.

ಅಪೊಸ್ತಲ 7:10

ಅಂವೊಂಗ್ ಬಂದ ಕಷ್ಟತ್ಂಜ ಬುಡ್‌ತಿತ್ ಐಗುಪ್ತ ದೇಶತ್‍ರ ರಾಜನಾನ ಫರೋಹನಂಡ ಮಿಂಞ ಅಂವೊಂಗ್ ನಲ್ಲರೆಕೆಯು ಜ್ಞಾನವು ಕೊಡ್‌ತಿತ್ ಆಶೀರ್ವಾದ ಮಾಡ್‍ಚಿ. ಫರೋಹನ ಅಂವೊನ ಐಗುಪ್ತ ದೇಶಕ್ ಪಿಂಞ ತಾಂಡ ಅರಮನೆಕ್ ಅದಿಕಾರಿಯಾಯಿತ್ ನೇಮಿಚಿಟ್ಟತ್.