ಆದ್ಯತ್‌ರ ಪುಸ್ತಕ 41:42 - ಕೊಡವ ಬೈಬಲ್

⁴² ಫರೋಹನ ತಾಂಡ ಕೈಯಿಲ್‌ ಇಟ್ಟಂಡಿಂಜ ಮುದ್ರೆ ಮೋಯಿರತ್‌ನ ಎಡ್‌ತಿತ್‌ ಯೋಸೇಫಂಡ ಕೈ ಬೆರಕ್‌ ಇಟ್ಟಿತ್, ಅಂವೊಂಗ್‌ ನಾರ್‌ ಬಟ್ಟೆನ ಇಟ್ಟಿತ್, ಅಂವೊಂಡ ಬೋಳೆಕ್‌ ಪೊನ್ನ್‌ರ ಮಾಲೆನ ಇಟ್ಟತ್.

ಆದ್ಯತ್‌ರ ಪುಸ್ತಕ 41:42 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 38:18

ಅದ್‌ಂಗ್‌ ಅಂವೊ: ನಾನ್‌ ಎಂತನ ಅಡೆ ಬೆಕ್ಕಂಡೂಂದ್‌ ಕ್‍ೕಟತ್. ಅದ್‌ಂಗ್‌ ಅವ: ನೀಡ ಮುದ್ರೆರ ಮೋಯಿರ, ನೀಡ ಮಾಲೆ ಪಿಂಞ ನೀಡ ಕೈಯಿಲ್‌ ಉಳ್ಳ ಕೋಲ್‌ನ ತಾಂದ್‌ ಎಣ್ಣ್‌ಚಿ. ಯೆಹೂದ ಇದನೆಲ್ಲ ಅವಕ್‌ ಕೊಡ್‌ತಿತ್, ಅವಡ ಕೂಡೆ ಕೂಡ್‌ಚಿ. ಆನಗುಂಡ್‌ ಅವ ಕೆಲಕಾರ್ತಿಯಾಚಿ.

ಆದ್ಯತ್‌ರ ಪುಸ್ತಕ 41:43

ಅಂವೊನ ತಾಂಡ ದಂಡನೆ ತೇರ್‌ರ ಮೇಲೆ ಪತ್ತ್‌ಚಿಟ್ಟಿತ್, ಪಿಂಞ ತಾಂಡ ಅದಿಕಾರಿಯಂಗಕ್‌ ಹುಕುಮ್‌ ಅಂವೊನ ಮರ್ಯಾತೆ ಮಾಡಂಡುಂದ್‌ ಜೋರಾಯಿತ್‌ ಎಣ್ಣುವಕ್‌ ಕೊಡ್‌ತ್ತತ್. ಅನ್ನನೆ ಇಗುಪ್ತ ರಾಜ್ಯಕ್‌ ಅಲ್ಲಾ ಪ್ರದಾನಿಯಾಯಿತ್‌ ಮಾಡ್‌ಚಿ.

ಎಸ್ತೆರ್‌ 10:3

ಯೆಹೂದ್ಯನಾನ ಮೊರ್ದೆಕೈ, ರಾಜನಾನ ಅಹಷ್ವೇರೋಷಂಗಿಂಜ ದಂಡನೆ ಸ್ತಾನತು, ಯೆಹೂದ್ಯ ಜನಡ ಮದ್ಯತ್‌ ದುಂಬ ಮರ್ಯಾದಸ್ತನಾಯಿತು, ತಾಂಡ ಬಲ್ಯ ಬೆಂದ್‌ಕಡ ಗುಂಪ್ ಅಂವೊನ ಪ್ರೀತಿಚಡುವಂವೊನಾಯಿತು ಇಪ್ಪದ್‌ ಅಲ್ಲತೆ, ತಾಂಡ ಜನಕ್‌ ನಲ್ಲದ್‌ನ ಬಯಂದಿತ್, ತಾಂಡ ಕುಲತ್‌ರ ಜನಕ್‌ ಸಮಾದಾನ ಕ್‌ಟ್ಟ್‌ವನೆಕೆ ತಕ್ಕ್‌ ಪರಿಯುವಂವೊನಾಯಿತು ಇಂಜತ್.

ಎಸ್ತೆರ್‌ 3:10

ಅಕ್ಕ ರಾಜ ತಾಂಡ ಕೈಯಿಲ್‌ ಇಂಜ ಮೊಯಿರತ್‌ನ ಎಡ್‌ತಿತ್‌ ಅಗಾಗ್‌ ಕುಲಕ್‌ ಕೂಡ್‌ನ ಹಮ್ಮೆದಾತಂಡ ಮೋಂವೊನು, ಯೆಹೂದ್ಯಂಗಡ ವಿರೋದಿಯು ಆನ ಹಾಮಾನಂಡ ಕೈಕ್‌ ಕೊಡ್‌ತತ್.

ಎಸ್ತೆರ್‌ 3:12

ಒಂದನೆ ತಿಂಗತ್‌ರ ಪದಿಮೂಂದನೆ ದಿವಸತ್‌ಲ್‌ ರಾಜಂಡ ಒಳ್‌ತ್‌ಕಾರಂಗ ಕೂಡಿತ್‌ ಬರಂಡೂಂದ್‌ ಅಪ್ಪಣೆಯಾಚಿ; ಹಾಮಾನ ಅಯಿಂಗಕ್‌ ಆಜ್ಞೆ ಕೊಡ್‌ತನೆಕೆ ಅಯಿಂಗ ಉಪರಾಜಂಗಕು, ಓರೋರ್‌ ಪ್ರಾಂತ್ಯತ್‌ಲ್‌ ನೇಮಿಚಿಟ್ಟ ಅದಿಪತಿಯಂಗಕು, ಓರೋರ್‌ ಜನಾಂಗತ್‌ರ ಪ್ರಬುವಯಿಂಗಕು, ಪ್ರತಿಯೊರ್‌ ಪ್ರಾಂತ್ಯತ್‌ಲ್‌ ಉಳ್ಳ ತಕ್ಕ್‌ರ ಒಳ್‌ತ್‌ಲ್ ಪಿಂಞ ಅಯಿಂಗಯಿಂಗ ಪರಿಯುವ ತಕ್ಕ್‌ಲ್‌ ಒಳ್‌ದ್‌ಚಿ. ರಾಜನಾನ ಅಹಷ್ವೇರೋಷಂಡ ಪೆದತ್‌ಲ್‌ ಒಳ್‌ದಿತ್, ಅಂವೊಂಡ ಮೋಯಿರತ್‌ಂಜ ಮುದ್ರೆ ಇಟ್ಟತ್.

ಎಸ್ತೆರ್‌ 8:10

ಮೊರ್ದೆಕೈ ರಾಜನಾನ ಅಹಷ್ವೇರೋಷಂಡ ಪೆದತ್‌ಲ್‌ ಒಳ್‌ದ್‌ನ ಆಜ್ಞೆನ ರಾಜಂಡ ಮೋಯಿರತ್‌ಂಜ ಮುದ್ರೆ ಇಟ್ಟತ್. ಅಲ್ಲಿಂಜ ಅಂವೊ ಅರಮನೆಲ್‌ ಚಾಕ್‌ನ ಸವಾರಿ ಕುದ್ರೇರ ಮೇಲೆ ಪತ್ತಿಯಂಡ್‌ ಸುದ್ದಿನ ಬೆರಿಯ ಕೊಂಡ ಪೋಪ ಸೇವಕಂಗಡ ಕೈಲ್‌ ಕೊಡ್‌ತಿತ್‌ ಅಯಿಚತ್.

ಎಸ್ತೆರ್‌ 8:15

ಅಲ್ಲಿಂಜ ಮೊರ್ದೆಕೈ ನೀಲಿ ಪಿಂಞ ಚೋಂದ ರಾಜ ಉಡ್‌ಪ್‌ನ ಇಟ್ಟಂಡ್, ಬಲ್ಯ ಪೊನ್ನ್‌ರ ಕಿರೀಟತ್‌ನ ಇಟ್ಟಂಡ್, ರೇಶ್ಮೆಯು, ನೈಸಾನ ನೂಲ್‌ಲ್‌ ಮಾಡ್‌ನ ನೀಲಿ ಅಂಗಿನ ಪೊತ್ತಂಡ್‌ ರಾಜಂಡ ಸನ್ನಿದಿಯಿಂಜ ಪೊರ್‌ಟ್ ಪೋಚಿ. ಶೂಷನ್‌ ಪಟ್ಟಣ ಕುಶೀಲ್‌ ಕಳಿಚತ್.

ಎಸ್ತೆರ್‌ 8:2

ರಾಜ ಹಾಮಾನಂಡ ಕೈಯಿಂಜ ಎಡ್‌ತ ತಾಂಡ ಮೊಯಿರತ್‌ನ ಮೊರ್ದೆಕೈಕ್‌ ಕೊಡ್‌ತತ್. ಎಸ್ತೇರ್‌ ಮೊರ್ದೆಕೈನ ಹಾಮಾನಂಡ ಅರಮನೇರ ಎಲ್ಲಾ ಆಸ್ತಿಕ್‌ ಅದಿಕಾರಿಯಾಯಿತ್‌ ನೇಮಿಚಿಟ್ಟತ್.

ಎಸ್ತೆರ್‌ 8:8

ಒರ್‌ ಕಾಗದತ್‌ನ ರಾಜಂಡ ಪೆದತ್‌ಲ್‌ ಒಳ್‌ದಿತ್‌ ರಾಜಂಡ ಮೋಯಿರತ್‌ಂಜ ಮುದ್ರೆ ಇಟ್ಟಪಿಂಞ ಅದ್‌ನ ದಾರೂ ವಾಪಸ್ ಎಡ್‌ಪಕಯ್ಯುಲೆ. ಆನಗುಂಡ್‌ ಇಕ್ಕ ನಿಂಗ ಯೆಹೂದ್ಯಂಗಡ ವಿಷಯತ್‌ ನಿಂಗಕ್‌ ಸೆರಿ ಕಾಂಬನೆಕೆ ಬೋರೆ ಒರ್‌ ಆಜ್ಞೆನ ರಾಜಂಡ ಪೆದತ್‌ ಒಳ್‌ದಿತ್‌ ಅದ್‌ಂಗ್‌ ರಾಜಂಡ ಮೋಯಿರತ್‌ಂಜ ಮುದ್ರೆ ಇಡೀಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 1:9

ಅದ್‌ ನೀಡ ಮಂಡೆಕ್‌ ಅಲಂಗಾರವಾನ ಕಿರೀಟವಾಯಿತು, ಬೋಳೆಕ್‌ ಪದಕನೆಕೆಯ ಇಪ್ಪ.

ಜ್ಞಾನತ್‌ರ ಪಡಿಮ 31:22

ಅವ ತಾಂಗ್‌ ತಾನೆ ಮೆತ್ತೆ ಬಟ್ಟೆನ ತಯಾರ್‌ ಮಾಡುವ. ನಯವಾನ ನೂಲ್‌ಲ್‌ ಮಾಡ್‌ನ ನೀಲಿ ಅಂಗಿಯೇ ಅವಡ ಉಡ್‌ಪ್ ಆಯಿತ್‌ಂಜತ್.

ಜ್ಞಾನತ್‌ರ ಪಡಿಮ 31:24

ಅವ ನಯವಾನ ನೂಲ್‌ಲ್‌ ಮಾಡ್‌ನ ಉಡ್‌ಪ್‌ನ ಮಾರ್ವ. ನಡುಪಟ್ಟಿನ ತಯಾರ್‌ ಮಾಡುವ ವ್ಯಾಪಾರಿಯಡ ಪಕ್ಕ ಕೊಡ್‌ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:22

ಆಚೇಂಗಿ ಅಪ್ಪ ಅಂವೊಂಡ ಆಳ್‍ವಳ ಕಾಕುವಂಜಿ: ಬೆರಿಯ ಅಂವೊಂಗ್ ನಲ್ಲ ಬಟ್ಟೆ ಎಡ್‌ತ ಬಾರಿ, ಕೈ ಬೆರಕೆಲ್ಲ ಮೊಯಿರ ಇಡಿ, ಅಂವೊಂಡ ಕಾಲ್‌ಕ್ ಎಕ್ಕಡ ಇಡಿ,